Dagblaðið Vísir - DV - 08.04.1988, Page 9

FÖSTUDAGUR 8. APRÍL 1988.
9
Utlönd
Flein dauðaslys
í kjölfar aukins
ökuhraða
Anna Bjamasan, DV, Denver
Nú er liðið eitt ár frá því að Banda-
ríkjaþing heimilaði fylkisstjómum
að ákveða 65 mílna (105 kílómetra)
hámarkshraða á klukkustund á þjóð-
vegum í dreifbýli. Hámarkshraði var
áður 55 mílur (88,5 kílómetrar) á
klukkustund. Fjörutíu fylki not-
færðu sér heimildina.
Nú í vikunni er von á skýrslu um
reynsluna af hraðari umferð en
starfsmenn þess ráðs, er fjallar um
öryggi á þjóðvegum, hafa til þessa
verið þögulir sem gröfin. Víst er þó
talið að dauðaslysum á þessum veg-
um hafi fjölgað en þau voru um 46
þúsund árið 1986. „Allt bendir til að
dauðaslysum hafi íjölgað um fimm
hundruð á þessu fyrsta ári aukins
ökuhraöa“, segir talsmaður ráðsins.
„Ómögulegt yrði að lækka hámarks-
hraðann aftur þó reynslan af
auknum ökuhraða myndi mæla með
slíkri ákvörðun."
Stuðningsmenn aukins ökuhraða
telja að of snemmt sé að fella dóm
reynslunnar varðandi 65 mílna öku-
hraðann. Þeir segja að dauðaslys á
þjóðvegum hafi aldrei verið færri en
1987 miðað við umferð eða 2,4 dauða-
slys á hverjar 100 milljónir milna
sem eknar voru. Spáð hafði verið að
alvarlegum slysum í umferðinni
myndi fjölga. Svo varð ekki.
Bandaríkjaþing heimilaði nýlega
65 mílna hámarkshraða á tilteknum
afskekktari þjóðvegaköflum í tutt-
ugu fylkjum. Sú ákvörðun vakti upp
deilur og blaðaskrif um ökuhraða.
Andstæðingar aukins ökuhraða telja
að þeir sem áður óku hraðar en
heimilt var muni einnig gera það
þótt hámarkshraði hafi verið hækk-
aður í 65 mílur.
Öryggisráð tryggingafélaga geröi
könnun á þessu atriði á vegum í
Nýju Mexíkó. Stuttu eftir hækkun
hámarkshraðans brutu 5 prósent
ökumanna hámarkshraðaákvæðin
en átta mánuðum seinna óku 23 pró-
sent ökumanna hraðar en heimiit
var.
Hollenski kaupsýslumaðurinn Gerrit-Jan Heijn, sem rænt var í fyrrahaust,
hetur nú fundist myrtur. Simamynd Reuter
Fjölskylda handtek-
in vegna mannráns
Þórhildur Sveinsdóttir, DV, Amsterdam;
Fimm manna fjölskylda frá
Landsmeer í Hollandi var handtekin
á miðvikudaginn og ákærð fyrir rán
og morð á hinum 65 ára gamla kaup-
sýslumanni og verslunareiganda,
Gerrit-Jan Heijn. Honum var rænt
fyrir sjö mánuðum.
Fjölskyldufaðirinn, 45 ára atvinnu-
laus arkitekt, hefur játað aö hafa
þann 9. september síðastliðinn rænt
Heijn, skotið hann, skorið af honum
litla putta og síðan grafið líkið. Lík-
amsleifamar ásamt morðvopninu
hafa nú verið grafnar upp og stað-
festa þessa frásögn.
Ekki er vitað að hve miklu leyti
aðrir úr fjölskyldunni era þátttak-
endur í skipulagi og framkvæmd
mannránsins.
Lögreglumennimir, sem að rann-
sókn málsins stóðu, tóku að beina
athygli sinni að Landsmeer þegar
símahringingar til lögreglunnar, þar
sem krafist var lausnargjalds, var
hægt að rekja úr símaklefa sem
stendur við veg sem liggur til bæjar-
ins.
Rannsóknarlögreglan hefur ekki
skýrt frá því opinberlega hvað varð
til þess að grunur féll á fjölskylduna.
Talið er að fyrsta vísbendingin hafi
verið þegar ávísanir, sem rekja má
til lausnargjaldsins, fóru að koma í
umferð í bönkum í nágrenni Amst-
erdam. Lausnargjaldið, 450 þúsund
gyllini í reiðufé og demantar að verð-
mæti nokkur þúsund gyllina, var
afhent mannræningjunum í nóv-
ember síöastliðnum. Rannsóknar-
lögreglan hefur alltaf álitið fólkið,
sem aö ráninu stóð, vera fátt, ekki
fleirl en fimm, og líklega fólk sem
áður hafði komist í kast við lögin.
Þá var álitið að kona væri með í sam-
særinu þar sem flest bréf um kröfu
lausnargjaldsins voru skrifuð af
konu.
Handtaka Qölskyldunnar hefur
vakið mikla athygli. Fljótlega munu
allar staðreyndir liggja fyrir í málinu
og þær verða birtar opinberlega.
Gorbatsjov Sovétleiðtogi og Najibullah, leiðtogi Afganistan, fyrir fund sinn í Tashkent i gær. Símamynd Reuter
Bjartsýni á frið
í Afganistan
Leiðtogi Sovétríkjanna, Mikhail
Gorbatsjov, kveðst eftir fund sinn
með Naijubullah, leiðtoga Afganist-
ans í gær, vera sannfærður um að
komist verði að samkomulagi mn
frið í Afganistan og að brottflutning-
ur sovéska hersins frá Afganistan
hefjist þann 15. maí næstkomandi ef
menn flýta sér að sefjast að samn-
ingaborðum.
I Genf sögðu stjómarerindrekar og
opinberir embættismenn að flestum
hindrumun fyrir samkomulagi hefði
verið rutt úr vegi en tæknivinna
væri eftir.
Leiðtogar Afganistans, Pakistans
og Bandaríkjanna hafa einnig lýst
yfir bjartsýni á horfurnar á sam-
komulagi sem fæli í sér brottflutning
sovésku hermannanna sem eru 115
þúsund talsins. í Amman sagði
Shultz, utanríkisráðherra Banda-
ríkjanna, í gær að samkomulag væri
skammt undan.
Yfirlýsing sú er Gorbatsjov og Naji-
bullah, leiðtogi Afganistans, gáfu út
í gær var ekkert minnst á hemaðar-
aðstoð. í Washington töldu embættis-
menn að möguleiki væri á að
Bandaríkjamenn gætu haldið áfram
að senda skæruliðum vopn og Sovét-
ríkin stjórninxú í Kabul eftir að
sovésku hermennimir hefðu verið
fluttir á brott.
Skæruliðar segjast ekki munu gef-
ast upp fyrr en stjórn múhameðstrú-
armanna hefur tekið við af
núverandi stjóm.