Dagblaðið Vísir - DV - 01.04.1989, Blaðsíða 11
LAUGARDAGUR 1. APRÍL 1989.
11
Breiðsíðan
DV-myndbrot
vikunnar
DV-mynd
Kristján Ari Einarsson
Herra ísland:
Sigurvegarinn fær silfursleginn pípuhatt
„Við fengum á milli þrjátíu og íjöru-
tíu ábendingar auk þess sem við
töluðum við marga aðra karlmenn.
Allflestir reyndust hafa mikinn
áhuga á keppninni,“ sagði Sveinn
Rafnsson, einn aðstandenda keppni
um herra ísland, sem fram fer á
Hótel íslandi 6. apríl nk.
Skipuð var nefnd til að vinna úr
ábendingum sem bárust og var rætt
við alla sem bent var á. Ellefu voru
valdir úr þeim hópi sem keppa til
úrshta. Herramennirnir eru á aldr-
inum átján til tuttugu og fjögurra
ára.
„Miðað við þau viðbrögð, sem við
fengum, er mikill áhugi á keppni sem
þessari og hún á tvímælalaust rétt á
sér,“ sagði Sveinn. Þau skilyrði eru
sett aö herramir séu 176 -190 sm
háir. Sérstök fimm manna dóm-
nefnd, sem skipuð verður þremur
konum og tveimur karlmönnum,
munu velja fegursta herrann.
„Þetta er mjög svipað og í fegurð-
arsamkeppni kvenna. Sigurvegarinn
þarf að hafa góða líkamsbyggingu,
góða framkomu, sterkan persónu-
leika og auðvitað skiptir útlitið miklu
máh,“ sagði Sveinn.
Keppendur eru frá Keflavík, Sauð-
árkróki, Vestmannaeyjum og af höf-
uðborgarsvæðinu. í fyrra kepptu sex
herrar til úrslita og Arnór Diego var
kosinn herra ísland. Arnór mun
krýna arftaka sinn og setja á höfuð
hans silfursleginn pípuhatt. „Það var
Flosi Jónsson, gullsmiður á Akur-
eyri, sem bjó til hattinn sem er mjög
glæsilegur en sigurvegarinn fær
hann áletraðan til eignar. Auk þess
fær hann utanlandsferð fyrir tvo,
fataúttekt frá Valentínó fyrir fimm-
tíu þúsund, úttekt frá Adidas fyrir
þrjátíu og fimm þúsund og fleiri góða
vinninga.“
Aðstandendur keppninnar fyrir
utan Svein eru Kristján Kristjánsson
og tímaritið Samúel. Þeir Sveinn og
Kristján eru báðir Akureyringar
Strangt æfingaprógramm fer fram á hverjum degi þar til úrslit ráðast. Hér
er það Gunnar Austmann sem æfir sig í göngu. Aðrir keppendur fylgjast
grannt meö. Myndir Gunnlaugur Rögnvaldsson
enda var keppnin haldin á Akureyri
í fyrra.
Herramir koma fjórum sinnum
fram á sviðinu á Hótel íslandi, fyrst
í íþróttabúningum, þá í sundskýlum,
samkvæmisfötum og loks við krýn-
inguna. Tekið verður á móti gestum
með lúðrablæstri og boðið verður
upp á ýmis skemmtiatriði. Sveinn
sagði að kvöldið yrði nánast eins og
þegar Fegurðarsamkeppni íslands
færi fram. Herrarnir munu sjálfir
velja vinsælasta keppandann úr
hópnum en dómnefnd velur bestu
ljósmyndafyrirsætuna. -ELA
Hver þeirra verður valinn fegursti karlmaður landsins? Hér eru níu keppendur af ellefu. Þeir eru: Lengst til vinstri
Eli Þórsson, fyrir ofan hann er Haukur Magnússon, þá Gunnar Austmann og Eiður Eysteinsson. í neðri röð frá
vinstri eru: Kristján Svanberg, í miðið er Sölvi F. Viðarsson og Guðni Sigurðsson við hliðina á honum og fremstir
á myndinni eru Hafsteinn Viðar og Þorsteinn Broddason. Á myndina vantar Sigurbjörn Hallgrímsson og Gunnar
Hilmarsson.