Dagblaðið Vísir - DV - 16.05.1990, Blaðsíða 2

2
MIÐVIKUDAGUR 16. MAÍ 1990.
Fréttir
Aðalfundur Skáksambands íslands um næstu helgi:
Öruggt að skipt
verður um forseta
- talið víst að Jón Rögnvaldsson verkfræðingur verði kjörinn næsti forseti
Aöalfundur Skáksambands ís-
lands verður haldinn um næstu
helgi. Einar S. Einarsson hefur til-
kynnt aö hann gefi ekki kost á sér
áfram sem forseti þess. Samkvæmt
áreiðanlegum heimildum DV hefur
Jón Rögnvaldsson verkfræðingur
fallist á að taka starfið að sér. Jón
á sæti í núverandi stjórn Skáksam-
bandsins.
„Ég vil ekkert um málið segja,
aðalfundurinn er um næstu helgi
og það verður bara aö koma í ljós
hver verður næsti forseti," sagði
Jón Rögnvaldsson, þegar DV
spurði hann að því í gær hvort
hann gæfi kost á sér, sem næsti
forseti sambandsins.
• Fjárhagsstaða Skáksambands ís-
lands er mjög slæm um þessar
mundir. Skuldirnar eru taldar
nema yfir 10 milljónum króna. Það
er einkum tvennt sem orsakað hef-
ur þessa slæmu fjárhagsstöðu. í
fyrsta lagi tapaði sambandið stórfé
á skafmiðahappdrætti sem það var
aðili að og í öðru lagi hefur hús-
bygging þess í Faxafeni orðið dýr.
Þar ofan á bætist að Skáksamband-
ið hefur ekki fengið styrk úr félags-
heimilasjóði til byggingarinnar og
styrkir þess opinbera hafa verið
skomir niður.
Til þess aö skuldastaöan dragi
ekki úr hinu félagslega starfi er
búist við aö samþykkt verði á aðal-
fundinum að kjósa ákveöna menn
í nefndir sem annist verkefni er
tengjast því að bjarga fjárhag sam-
bandsins og að afla fjár til að halda
skáklífinu í landinu gangandi með
með aðalstjóm þess.
-S.dór
DV
Selfoss:
Fólk harmi
slegið
Regina Thorarensen, DV, Selfossi:
Á Selfossi ríkir mikil sorg. Fólk er
harmi slegið eftir hin átakanlegu slys
sem átt hafa sér stað síðustu vikurn-
ar. Það er alltof mikill hraði í um-
ferðinni, menn þeysa um vegi á alltof
miklum hraða eins og hinn ágæti
yfirlögregluþjónn okkar, Jón I. Guð-
mundsson, hefur bent á. Fylgst verð-
ur betur með hraðakstri og að menn
fari að lögum í umferðinni.
Fólk hér ræðir þess mál nú mjög
sín á milli. En það er alltaf verið að
spara í sambandi við störf lögreglu-
manna. Nú sér maður lögregluþjóna
ekki á götu nema í bílum en fyrst
eftir að ég fluttist hingað til Selfoss
fyrir 8-9 árum þá vom lögregluþjón-
ar oft á götunum. Aðhaldið meira og
aksturinn eftir því. Nú er hraðinn
miklu meiri, sérstaklega á vélhjólun-
um, svo að mann óar við.
Rafskautaverksmiðja fyrir álver:
Hugsanlegt að
slík verksmiðja
verði byggð hér
Að sögn Jóns Sigurðssonar iönað-
arráðherra hefur komið til tals að
sérstök rafskautaverksmiðja verði
reist viö hið nýja álver sem nú er
rætt um að reisa hér á landi.
Slík verksmiðja myndi veita um 65
mönnum starf en þá er miðað við að
hún anni um 200.000 tonna álveri.
í ferð ráðherra um Bandaríkin fyr-
ir stuttu skoðaöi hann álver í eigu
Alumax í S-Karólínu fylki. Það álver
er 10 ára gamalt og þar er einmitt
slík rafskautaverksmiðja. Mun þetta
fyrirkomulag vera algengt við álver.
- Telur þú ávinning því samfara
að fá slíka verksmiðju?
„Það fylgja því margir kostir. i
fyrsta lagi má nefna aö verksmiðjan
sjálf ber þá meiri ábyrgð á gæðum
þeirra skauta sem hún notar í sínum
rekstri. Eins og menn muna þá var
stundum kennt um að rafskautin
væru ekki nægilega góð þegar meng-
unarhætta varð meiri í Straumsvík.
Verksmiðjan ætti þá að hafa meira
vald á því. Þetta er náttúrlega líka
viðbótarverkefni og eykur vinnslu-
virðið," sagði iðnaðarráðherra.
-SMJ
Orkuverö til stóriðju:
Keppinautarnir
miða við álverðið
- segir iðnaðarráöherra
„Á þessu stigi málsins er ekkert
annað hægt að segja um orkuverð
annað en það að það er verið að reyna
að ná samningum um það. Það er
hins vegar ljóst að það verður ekki
samið um orkuverð sem ekki endur-
heimtir útlagðan kostnað við virkj-
anir vegna þessarar framleiðslu og
gott betur. Hvemig þetta verður ná-
kvæmlega skilgreint fer eftir samn-
ingsaðstæðum en þetta er auðvitað
grundvallar viömiðun okkar samn-
ingamanna," sagði Jón Sigurðsson
iðnaðarráðherra þegar hann var
spurður um samningaviöræður um
orkuverð til nýrrar stóriðju.
- Því hefur verið haldið fram að
það sé mikil áhætta því samfara að
tengja orkuverð og álverð saman. Er
rétt að gera það?
„Það hafa verið ræddar ýmsar
formúlur í þessu máli og auðvitað
skiptir máli hvernig þessi tenging er.
Um málið vil ég ekki segja annað en
að þetta er sú leið sem að keppinaut-
ar okkar á þessum orkumarkaði hafa
farið. Ég get ekki ímyndað mér annað
en að við þurfum að hafa hliðsjón
af því,“ sagði iðnaðarráðherra.
-SMJ
Álver við Eyjafjörð:
Barátta upp á
líf eða dauða
- segir Sigfús Jónsson, bæjarstjóri á Akureyri
Gylfi Kiistjánsson, DV, Akureyii:
„Það má segja að það sé barátta upp
á líf eða dauða fyrir okkur Eyfirðinga
að fá álverið hingað norður, en viö
fómum ekki hverju sem er til þess.
Ríkisvaldiö getur auðvitað haft veru-
leg áhrif á staðsetningu álversins,"
sagði Sigfús Jónsson, bæjarstjóri á
Akureyri, á almennum fundi um ál-
versmál sem haldinn var í Sjallanum
í gærkvöldi.
Um 400 manns- sóttu fundinn sem
stóö fram á nótt og komu menn víða
við. í máh Sigfúsar Jónssonar bæjar-
stjóra kom m.a. fram að nýtt álver
staösett fyrir sunnan myndi draga til
sín vinnuafl af landsbyggöinni og
þess vegna væri nýtt álver þar verri
kostur fyrir Eyfirðinga en ekkert
nýtt álver hér á landi.

mm
Nýr vinnudagur og fólkið streymir til vinnu. Myndin var tekin við frystihús Granda í Reykjavik árla morguns,
DV-mynd GVA
Staöarval vegna álvers dregst á langinn:
Tekur lengri tíma en
við gerðum ráð fyrir
- segir Jón Sigurðsson iðnaðarráðherra
Upplýsingaöflun og vinna vegna
staðarvals í tengslum við nýtt álver
er nokkuð á eftir áætlun og er nú
gert ráö fyrir að því starfi verði ekki
lokiö fyrr en í fyrsta lagi í lok júní.
Það er því óvíst hvenær staðarval
vegna nýs álvers veröur tilkynnt.
Iðnaðarráðlierra sagðist þó vonast til
að eftir nokkrar vikur væri hægt að
þrengja valið enn frekar.
„Því miður tók þetta lengri tíma
en við höfðum búist við. Eg lagði
mikla áherslu á að fá staðarvalið
fram sem fyrst því það rekur á eftir
samningunum í heild. Þaö knýr þá
menn til að taka afstöðu til stóru-
málsþáttanna þriggja; umhverfis-
mála, skattamála og orkuverðs,“
sagði Jón Sigurðsson iðnaöarráð-
herra. Hann sagði aö það væri fyrst
og fremst umhverfisliðurinn á mál-
inu sem tefði fyrir en menn vildu
kanna sem nákvæmast þá þætti.
Sem kunnugt er voru spurninga-
og upplýsingaseðlar sendir út til 42
sveitarfélaga þar sem þau voru beðin
að gera grein fyrir viðhorfum sínum
til nýs álvers. Einnig voru sveitarfé-
lögin beðin um að gera grein fyrir
hvaða hugmyndir þau heíðu um
skattamál, umhverfismál og að-
stöðugjöld.
Iðnaðarráðherra átti von á að svör-
in yrðu færri því mörg sveitarfélag-
anna hefðu komið sér saman um
samstöðu í málinu, sérstaklega á
Suðurlandi og í Eyjafirði.
-SMJ
Málmleitartæki hentar best
Gunnar Einarsson, formaður
Björgunarsveitarinnar á Selfossi, vill
láta koma fram vegna fréttar blaðs-
ins í fyrradag, þar sem fjallað er um
leit í Ölfusá, að málmleitartæki
Landhelgisgæslunnar var ekki feng-
ið aö láni, eins og stóð í fréttinni,
heldur komu tveir starfsmenn gæsl-
unnar á Selfoss að beiðni lögreglunn-
ar og leituðu með tækinu seinni part
sunnudagsins.
Kannaður var ákveðinn staður í
ánni sem skilaði betri svörun hjá
málmleitartækinu en aðrir og í fram-
haldi af því fundust tvö gömul bílhræ
en ekki bíllinn sem leitað var að.
Staðan í dag virðist vera sú að
málmleitartæki Landhelgisgæslunn-
ar sé heppilegasta leitartækið sem
völ er á við þessar aðstæður.