Dagblaðið Vísir - DV - 13.06.1990, Blaðsíða 3

MIÐVIKUDAGUR 13. JÚNÍ 1990.
17
Akureyri
„ Ysan er vinsælust"
- segir Gunnar Skjóldal sem rekur einu fiskbúðina á Akureyri ásamt syni sínum
Gylfi Kristjánsson, DV, Akureyri:
„Það er gamla góða ýsan sem er
alltaf vinsælust hér. Einnig koma
alltaf góðir kippir í lúðuna, rauö-
sprettuna og signa fiskinn", segir
Gunnar Skjóldal, en hann á og rekur
einu fiskbúðina á Akureyri ásamt
syni sínum Viðari.
Gunnar Skjóldal og Viöar Gunnarsson i fiskbúðinni.
DV-mynd gk
Gunnar sem hefur starfað við
verslun síðan 1972 keypti fiskbúðina
síðla árs 1987 ásamt öðrum syni sín-
um sem síðar seldi Viðari sinn hlut
í búðinni. Fiskbúðin er á Strandgötu
11 og þeir keyptu húsnæðið s.l. haust.
„Jú, þetta er eina fiskbúðin í bæn-
um. Þær voru þrjár þegar við byrjuð-
um, en hinum tveimur hefur verið
lokað. Það er ekkert pláss hér fyrir
þrjár fiskbúðir í bænum. KEA og
fleiri aðilar eru einnig með fisk í sín-
um verslunum, en þeir eru ekki með
neitt úrval miðað viö okkur. Við er-
um með um 30 tegundir á boðstólum
fyrir fólk þegar allt er talið með eins
og hakk, kinnar og gellur.
Það má segja að við leitum nokkuð
víða eftir fiski. Mest fáum við frá sjó-
mönnum hér í Eyjafirði frá Ar-
skógssandi, Hauganesi og Grenivík,
en við fáum einnig fisk frá Vestfjörð-
um eins og siginn fisk, harðfisk og
hákarl. Oftast sækjum viö fiskinn
snemma á morgnana og vinnudagur-
inn er því oft langur.“
- Eruð þið með fastan hóp viðskipta-
vina?
„Það koma margir hingað reglu-
lega, en annars má segja að viö séum
með allan bæinn undir og fólk kemur
jafnvel hingað í leigubílum til að
versla og kaupir þá mikið í einu. Það
hefur verið minnst á það við okkur
að koma upp útibúum t.d. uppi á
Brekku eða úti í Þorpi, en það myndi
einfaldlega ekki bera sig að fara út í
það.“
- Er gott upp úr þessu að hafa?
„Við lifum vel af þessu, enda kostar
það mikla vinnu að halda úti góðri
fiskbúð með góðri þjónustu“, sagði
Gunnar Skjóldal.
iæsileiur
istisfaSnr
Hótel Norðurland er notalegt hótel á
besta stað í bænum.
Öll herbergin eru búin nútíma þægindum
t.d. síma, sjónvarpi (Stöð 2, Sky)
og smábar.
Hvort sem þú ert í viðskipta- eða
skemmtiferð verður dvölin ánægjulegri á
Hótel Norðurlandi.
HÓTEL NORÐURLAND
Geislagötu 7, 600 Akureyri.
Sími (96)22600.
Telefax (96)27833. Telex 3099 fatour is.
Nýr glæsilegur Volvo
Volvo 460 er glæsileg viðbót við framhjóladrifnu 400 línuna sem
markaði tímamót hjá Volvo. Volvo 460 er bíll sem sameinar öryggi,
frábæra aksturseiginleika og fágað útlit.
Volvo 460 er ríkulega búinn:
Öflug 106 hestafla vél með beinni innspýtingu, 5 gíra beinskipting eða
4 gíra sjálfskipting, framhjóladrif, álfelgur, vökvastýri/veltistýri,
lúxusinnrétting, upphituð framsæti, rafstýrðar rúður og speglar,
samlæsing á hurðum/skottloki, litað gler o.fl.
Volvo á einstöku verði
Verðið á Volvo 460 er einstaklega gott, eða frá 1.344.000 kr. stgr.
kominn á götuna.
Brimborg hf.
FAXAFENI 8 • S. 68 58 70
t) Þórshamar hf.
Akureyri, sími 96 22700