Dagblaðið Vísir - DV - 02.01.1991, Qupperneq 4

4
MIÐVIKUDAGUR 2. JANÚAR 1991.
Fréttir
Kasparov sigurvegari í heimsmeistaraeinvíginu við Karpov eftir jafntefli í síðustu skákinni:
Tveir vinningar skilja
þá eftir 144 skákir
Löngu og ströngu einvígi um heimsmeistaratitilinn í skák er lokið með sigri Kasparovs. Að síðustu skákinni lok-
inni sátu þeir Karpov á sviðinu og skeggræddu möguleikana í um 40 mínútur. Eftir svipnuni að dæma hefur
Kasparov sitthvað við ábendingu Karpovsf að athuga.
„Ég er óánægður með úrslit ein-
vígisins. Ég bauð jafntefli í gjörunn-
inni stöðu vegna þess að ég var ein-
faldlega búinn að fá nóg,“ sagði
heimsmeistarinn Garrí Kasparov
eftir 24. skákina í Lyon á gamlárs-
dag. Með jafntetlinu tryggði Ka-
sparov sér sigur í einvíginu, hlaut
12,5 vinninga gegn 11,5 vinningum
Karpovs. Að launum hlýtur hann 1,7
milljónir Bandaríkjadala, eða um 95
milljónir íslenskra króna og aö auki
glæsilegan demantsskreyttan verð-
launagrip úr gulli og bronsi, sem
metinn er á um milljón Bandaríkja-
dala.
Skák
Jón L. Árnason
Kasparov kvaðst fyrirfram hafa
verið sigurviss og hafa talið aö
Karpov væri að tefla í síðasta sinn
um krúnuna. Nú væri hann á báðum
áttum - taldi Karpov líklegasta
áskoranda sinn að þremur árum
Uðnum.
Einvígið í New York og Lyon var
fimmta einvígi þeirra en samtals
hafa þeir teflt 144 einvígisskákir.
Aðeins munar tveimur vinningum,
Kasparov hefur unnið 21 skák,
Karpov 19 en 104 skákum hefur lykt-
að með jafntefli.
Er tveimur skákum var ólokið
hafði Kasparov náð tilskildum 12
vinningum sem nægði honum til aö
halda heimsmeistaratitlinum. En ef
Karpov hefði jafnað hefði verðlauna-
fénu, samtals 3 milljónum Banda-
ríkjadala, verið skipt jafnt. Litlu
munaði að Karpov tækist þetta.
Hann vann 23. skákina auðveldlega,
sem er lakasta skák heimsmeistar-
ans í einvíginu. í 24. skákinni - dýr-
ustu skák sögunnar - fékk hann góða
stöðu en missti hana niður með
ótímabærum aðgerðum.
Aö skákinni lokinni sátu meistar-
arnir í um 40 mínútur á sviðinu og
skeggræddu möguleikana.
23. einvígisskákin.
Hvítt: Anatoly Karpov
Svart: Garrí Kasparov
Kóngsindversk vörn
1. d4 Rf6 2. c4 g6 3. Rc3 Bg7 4. e4 d6
5. f3 0-0 6. Be3 e5 7. d5 Rh5 8. Dd2
Dh4+ 9. g3 De7
Drottningarfómin 9. - Rxg3 10. Df2
Rxfl 11. Dxh4 Rxe3 o.s.frv. freistar
Kasparovs ekki.
10. 0-0-0 f5 11. exf5 gxf5 12. Rh3 Ra6
13. Hgl Rf6 14. Rf2 Kh8 15. Be2 Bd7
16. Bg5 Rc5 17. g4 e4?!
Vafasöm framrás eins og Karpov
tekst að sýna fram á með snjöllum
19. leik sínum.
18. fxe4 fxe4 19. Be3! Ra4 20. g5 Rxc3
21. bxc3 Rg8 22. Rg4 c5 23. dxc6 (fram-
hjáhlaup) Bxc6 24. h4!
Hvítur hótar að þoka h-peðinu
lengra áfram. Þetta getur svartur
hindrað með 24. - Be8 ér hann hefur
ákveðin gagnfæri. Heimsmeistarinn
gerir aðra tilraun sem mistekst al-
gjörlega.
24. - d5? 25. cxd5 Bxd5? 26. Dxd5 Hac8
27. Dd6 Hxc3+ 28. Kbl Df7 29. Bd4
Kasparov hefur engar bætur fyrir
manninn og gafst þvi upp.
24. einvígisskákin.
Hvítt: Garrí Kasparov
Svart: Anatoly Karpov
Enskur leikur
1. Rf3
í fyrsta sinn í einvíginu leikur Ka-
sparov ekki kóngspeðinu fram í
fyrsta leik. Nú á að tefla traust!
1. - Rf6 2. c4 e6 3. Rc3 Bb4 4. Dc2 0-0
5. a3 Bxc3 6. Dxc3 b6 7. b4 d6 8. Bb2
Bb7 9. g3 c5 10. Bg2 Rbd7 11. 0-0 Hc8
12. d3 He8 13. e4 a6 14. Db3 b5 15. Rd2
Hb816. Hfcl Ba817. Ddl De718. cxb5?!
Þennan og næsta leik sinn gagnrýndi
Kasparov eftir skákina. Karpov hef-
ur fengið frambærilega stöðu og nær
nú yfirhöndinni.
18. - axb5 19. Rb3 e5! 20. f3 h5 21. bxc5
dxc5 22. a4 h4 23. g4 c4?
Ljóst er að nú er 24. bxc4 bxa4 25.
Hxa4 Rc5 hagstætt svörtum sem nær
rífandi frumkvæði. Takið eftir að
ekki má drepa á c5 vegna þess að
svartur drepur aftur með skák og
síðan fellur biskupinn á b2. Kasparov
á hins vegar einfalt svar við þessu
og tekst að rétta hlut sinn aftur.
24. bxc4 bxa4 25. Ba3! Dd8?
Að sögn heimsmeistarans er 25. -
De6 betra.
26. Rc5 Bc6 27. Rxa4 Rh7 28. Rc5 Rg5
29. Rxd7 Bxd7 30. Hc3 Da5 31. Hd3 Ba4
32. Del Da6 33. Bcl Re6 34. Hda3 Rc5
35. Be3 Dd6 36. Hxa4
Kasparov á vinningsstöðu eftir 36.
- Rxa4 37. Hxa4 - með biskupa tvo
og peð gegn hróki. En honum fannst
nóg komið. Bauð jafntefli, sem
Karpov þáði.
-JLÁ
í dag mælir Dagfari
Kuldaboli
Fyrir hátíðarnar og meðan á þeim
stóð tók fólk að kvarta undan litl-
um hita í húsum sínum. Bar eink-
um á þessum kvörtunum í Hafnar-
firði en einnig úr ýmsum hverfum
Reykjavíkur og var þá ekki lengur
"'talað um kulda heldur líka um
vatnsleysi, óhreinindi úr krönum
og vandræði með stillingar á ofn-
um.
í fyrstu bar Hitaveita Reykjavík-
ur af sér alla ábyrgð á þessum
vandræðum fólks en viðurkenndi
um síðir að hér gæti verið um
minni háttar vandamál að ræða í
tengslum við tenginguna frá Nesja-
völlum. Hafa starfsmenn Hitavei-
tunnar unnið aö því hörðum hönd-
um að koma fólki til hjálpar og
ekki talið það eftir sér að leggja
nótt við dag.
Margir viðskiptavinir Hitavei-
tunnar hafa tekið kuldanum og
vatnsleysinu með karlmennsku.
En aðrir hafa ónáðað hitaveitu-
stjóra og starfshð hans með óverð-
skulduðu kvabbi og dr. Benjamín
Eiríksson hefur skrifað fleiri en
eina grein þar sem hann bókstaf-
lega ræðst að borgarstjóranum í
Reykjavík og krefst afsagnar hans.
Borgarfulltrúi Framóknarflokks-
ins, Sigrún Magnúsdóttir, hefur
sömuleiðis leyft sér þann dónaskap
að gagnrýna borgarstjóra og kenna
honum um hitaskort í húsum og
bilanir í heimæðum.
Fyrir nú utan þann misskilning
að Hitaveitan eða borgarstjóri geti
eitthvað að því gert hvort nægilega
heitt vatn komi úr iðrum jarðar,
er það auðvitað hámark ósvífninn-
ar og vanþakklætisins að saka
Hitaveituna um mistök af einu eða
öðru tagi. Hitaveitan er búin að
þjóna Reykvíkingum og öðrum ís-
lendingum um áratugi og það er
ekki henni að kenna þótt fólk þoli
ekki kuldaköstin. Ekki stjómar
Hitaveitan frostinu!
Menn mega ekki heldur gleyma
þeirri staðreynd að Hitaveitan hef-
ur verið með mörg járn í eldinum.
Auk þess sem hún hefur þurft að
tengja Nesjavelh við kerfið og af-
tengja vesturbæinn til að hleypa
vatninu á Hafnarfjörð hefur Hita-
veitan og Reykjavíkurborg staðið
fyrir nýmælum í byggingariðnað-
inum sem felast í sérhönnuðu veit-
ingahúsi ofan á hitaveitutönkun-
um í Öskjuhhð. Það verk hefur
krafist bæði fjármagns og tíma frá
öðrum störfum.
Það er eins og almenningur hafi
ekki áttað sig á þessum önnum
Hitaveitunnar og haldi að hægt sé
að hafa heita vatnið í lagi á sama
tíma. Halda menn virkilega að það
kosti ekki neitt að byggja sérhann-
að veitingahús sem býr auk þess
yfir þeim eiginleika að snúast um
sjálft sig?
Reykvíkingar mega vera stoltir
af þessu glæsilega veitingahúsi,
sem er sannkölluð perla og var
raunar höfuðtromp íhaldsins í síð-
ustu borgarstjómarkosningum.
Þetta veitingahús hefur verið al-
gjörlega byggt á kostnaö Hitaveitu
Reykjavíkur og mun láta nærri aö
frágengið kosti húsið eitthvað á
annan mhljarð króna. Sjá allir
sanngjarnir menn að ekki er hægt
að gera þá kröfu til Hitaveitunnar
að hún viðhaldi fullum þrýstingi á
veitukerfinu og tryggi öllum nægi-
lega heitt vatn á sama tíma og Hita-
veitan byggir veitingahúsið í
Öskjuhlíð. Slík krafa er heimtuf-
rekja og það lýsir vel eigingirni al-
mennings þegar ætlast er til að
húsum sé haldið heitum í borginni
á sama tíma og veitingahúsið fer
að snúast um sjálft sig.
Það hefur verið staðfóst stefna
borgarstjórans og meirihlutans i
borginni að láta veitingahúsið ofan
á tönkunum hafa forgang og koma
snúningnum af stað á þessu kjör-
tímabili. Til að það megi takast
verða borgarbúar að sætta sig við
minna vatn og minni hita á meðan.
Hitaveitan getur ekki gert allt í
einu.
Auk þess hefur borgarstjóri gefið
það sterklega til kynna, aö hann
muni hugsanlega bæta upp tjón
sem verða kann á leiðslum og hei-
mæðum, enda þótt hér sé ekki við
borgina aða sakast. Sem sagt:
Reykjavíkurborg ætlar af góðsemi
sinni að sjá aumur á þeim sem sitja
þurfa í úlpum heima í stofu þegar
kuldaköstin ganga yfir. Slíka nær-
gætni bera að meta og ekki er það
verra að svo skemmtilega vill til
að þeir sem helst verða fyrir barð-
inu á hitaleysinu eru einmitt þeir
sem helst njóta útsýnis til Öskju-
hlíðar og veitingahússins sem
snýst í þeirra þágu. Það mun ör-
ugglega halda á þeim hita næst
þegar heita vatniö dettur út.
Dagfari