Dagblaðið Vísir - DV - 19.02.1991, Qupperneq 2
2
ÞRffiJUDAGUR 19, FEBRÚAR 1991.
Fréttir
Olafur Ragnar Grímsson flármálaráðherra:
Óráð að kosningabaráttan
snúist um búvörusamning
- vill að nýr samningur komi fyrir yfirstandandi þing
„Áfangaálit sjömannanefndarinn-
ar er tímamótaplagg. Þaö eru stórtíð-
indi að samtök launafólks og at-
vinnulífsins, ásamt fulltrúum
bænda, skuli hafa náð slíkri sam-
stöðu um úrbætur, hagræðingu og
kostnaðarminnkun í sauðfjárrækt-
inni. Og fyrir landbúnaðarráðherra
er þetta stórsigur," segir Ólafur
Ragnar Grímsson fjármálaráðherra.
Olafur segist ekki óttast aukin út-
gjöld ríkissjóðs upp á tvo til þrjá
milljarða á næsta ári eins og áfanga-
álitið gerir ráð fyrir. Hann segist
sannfærður um að á næstu sjö árum
muni heildarútgjöldin dragast sam-
an um allt að 7 milljarði og í því ljósi
sé útgjaldaaukningin lítil.
„Útgjöldin til landbúnaðarmála er
það vandamál sem hvað mest hefur
verið deilt um innan ríkisstjómar-
innar. Sú samstaða sem náðist í
nefndinni gefur hins vegar fyrirheit
um að hægt sé að leysa málið. Það
verður mikil ábyrgð þvi fylgjandi hjá
þeim stjórnmálamönnum sem
ákveða að leggjast gegn því stóra
skrefi sem myndi verða stigið ef farið
verður eftir þessum tillögum."
Aðspurður segist Ólafur Ragnar
ætla að leggja sitt af mörkum til að
tryggja framgang þessara tillagna.
Hann segir það þó verða erfitt því
stór hópur bænda sé uggandi um
sinn hag og muni leggjast gegn þess-
um tillögum.
„Það verður hlutverk þeirra sem
þora og geta að koma þessu í gegn.
Ég mun tvímælalaust leggja þessum
tillögum það lið sem ég get. Ef tekst
að ljúka búvörusamningi á næstu
vikum þá tel ég sjálfsagt að frá hon-
um verði gengið og hann lagður fyrir
þingið til staðfestingar. Ég tel væn-
legra að ljúka því af áður en kosn-
ingabaráttan hefst og frambjóðendur
í landbúnaðarhéruðum fara að lofa
upp í ermarnar á sér. Annað væri
óráðlegt og gæti haft í fór með sér
stóraukin útgjöld fyrir ríkissjóð,"
sagði Ólafur Ragnar Grímsson fjár-
málaráðherra.
-kaa
Sveit Zia Mahmood sem vann frækinn sigur á sveitakeppni bridgehátíðarinnar í gærkvöldi. Hún er skipuð, auk
Zia, Lev Shmuel, Omar Sharif og Paul Chemla. DV-mynd S
Flugleiðamótið 1 bridge:
Omar Sharif og félagar hrósuðu sigri
Flugleiðamótinu í sveitakeppni
lauk laust fyrir miðnætti í gær-
kvöldi. Sveit Zia Mahmood hrósaði
sigri í lokin eftir að hafa leitt mótið
frá byriun. í öðru sæti varð sveit frá
Austurríki en í þriðja sæti sveit
Landsbréfa.
í sveit Pakistanans Zia Mahmoods
eru auk hans leikarinn Omar Sharif
frá Egyptalandi, Lev Schmuel frá
ísrael og Paul Chemla frá Frakk-
landi. Þeir fengu 205 stig. í sveit spil-
aranna frá Austurríki voru Kadlec,
Terraneo, Meinl og Berger. í sveit
Landsbréfa voru Jón Baldursson,
Aöalsteinn Jörgensen, Magnús Ól-
afsson, Jón Þorvarðarson, Sigurður
Vilhjálmsson og Rúnar Magnússon.
Lokastaða efstu sveita varð þannig.
1. Zia Mahmood 205
2. AUSTRIA 192
3. Landsbréf 178
4. Mike Polowan 177
5.-6. Sameind 174
5.-6. Björgvin Þorsteinsson 174
7. Hótel Esja 170
8. Mads Kröjgaard 168
9. S. Ármann Magnússon 167
10. -11. Tryggingamiðstöðin 163
10.-11. Bifreiðabyggingar 163
12. Ib Lundby 162
Sveitakeppnin hófst á sunnudag og
voru þá spilaðar 6 umferðir. Spilað
var eftir Monradkerfi þannig að
sveitir með svipaðan stigafjölda átt-
ust jafnan við. Sveit Zia Mahmood
gjörsigraði alla andstæðinga sína á
sunnudaginn og þegar spilamennsku
lauk á sunnudag var sveit Zia með
137 stig og sú næsta með 112 stig.
Það var sveit Sameindar en hún lék
gegn Zia í fyrsta leik mánudagsins.
Sveit Sameindar gerði sér lítið fyrir
og vann stóran sigur, 24-6. Var þá
allt í einu hlaupin spenna í mótið.
Sveit Zia reyndist hins vegar vand-
anum vaxin og hélt forystunni út
mótið.
í lok verðlaunaafhendingcninnar
ávarpaði Zia Mahmood gesti bridge-
hátíðarinnar og sagði að bridge væri
eina íþróttin í heiminum þar sem
Pakistani, Egypti, ísraelsmaður og
Frakki gætu verið saman í liði. ísland
væri þar að auki eina landið þar sem
slík sveit gæti spilað í móti. Vöktu
orð hans að vonum mikla kátínu
meðal spilaranna og fjölmargra
áhorfenda sem lögðu leið sína á mót-
iö.
Keppnisstjórar á mótinu voru Agn-
ar Jörgensen og Kristján Hauksson
sem jafnframt sá um útreikning á
tölvu. Á mótinu var kynnt sú nýjung
aö lýsa leikjum beint í sýningarsal
með hjálp tölvuforrits. Hingað til
hefur verið notast við myndvarpa en
áhorfendur voru greinilega ánægðir
með þessa nýjung.
Sérsveit fj ármálaráðherra kannar skil á virðisaukaskatti:
Hótar að loka 113 fyrirtækjum
- skoðaði bókhald og sjóðsvélar hjá 241 fyrirtæki með áhlaupi
Fjármálaráðherra hefur í sam-
vinnu við skattrannsóknarstjóra
komið sér upp þremur sérsveitum
sem á næstu sex mánuðum munu
kanna ástand sjóðsvéla og reiknings-
skil hjá alls sex þúsund fyrirtækjum
víðsvegar um landiö. Tilgangur
sveitanna er að koma í veg fyrir að
virðisaukaskatti sé stungið undan.
í síðustu viku könnuðu sveitirnar
sjóðsvélar og bókhald hjá 241 fyrir-
tæki á höfuðborgarsvæðinu og í ljós
kom að í 47 prósent tilvika var um
vanrækslu að ræða. Hefur þeim aðil-
um nú verið gefmn 45 daga frestur
til að bæta úr þeim vanköntum sem
sveitimar komust að.
Ólafur Ragnar Grímsson fjármála-
ráðherra kynnti starfsemi og tilgang
sveitanna á blaðamannafundi í gær.
Hann sagðist vænta þess aö skil á
virðisaukaskatti myndu batna veru-
lega í kjölfar þessa áhlaupsverkefnis,
eins og hann orðaði það, en vildi
ekki nefna neinar tölur í því sam-
bandi. Þá sagði hann mikiivægt að
komið yrði í veg fyrir að einstök fyr-
irtæki stælu þessum fjármunum
þjóðarinnar sem þeim væri treyst til
að innheimta. Það væri ekki einasta
hagur ríkissjóðs heldur einnig neyt-
enda og annarra fyrirtækja.
„FuU skattaskil samkvæmt settum
reglum er forsenda heilbrigös við-
skiptalífs með eölilegri samkeppni á
jafnréttisgrundvelli," sagði hann.
Ólafur kvaðst hafa sent forsvars-
mönnum allra þeirra fyrirtækja sem
kunna að verða heimsótt bréf þess
efnis. í því eru forráðamenn fyrir-
tækjanna hvattir til að taka vel á
móti þessum nýju sérsveitarmönn-
um.
-kaa
Snjóleysi í Bláíjöllum:
Gætum tekið á
móti 300 manns á
dag en ekki 3000
- segir Þorsteinn Hjaltason
„Það er ekki allt snjólaust hér en
fátæklegt á köflum. Það væri hægt
að hafa opiö skíðasvæðið hér ef það
væri öruggt að það kæmu ekki fleiri
en 300 manns á skíði hér á dag í stað
3000. Það er mjög erfitt að takmarka
aðgang að svæðinu en mér hefur
dottið í hug að auglýsa að það sé
opið fyrir þá sem keypt hafa sér árs-
kort. En óhjákvæmilega myndu
fylgja því mörg vandamál," segir
Þorsteinn Hjaltason, forstöðumaður
skíðasvæðisins í Bláfjöllum.
„Snjóleysið í vetur hefur orsakað
mikið tekjutap bæði fyrir okkur og
skíðafélögin hér sem byggja afkomu
sína að miklu leyti á því að leigja út
skálana. Auk þess urðu hér veruleg-
ar skemmdir í óveðrinu þann 3. fe-
brúar og ég áætla að þær komi til
með að kosta á aðra milljón króna.
Við höfum enn ekki getað gert við
allar lyfturnar sem skemmdust. Enn
er eftir að gera viö topplyftu Ár-
manns, Pumalyftuna og stólalyftu í
Suðurgili en viðgerðir hafa dregist á
langinn vegna veðurs.
Það hefur verið fátt um fólk hér
það sem af er vetri. í síðustu viku
komu nemendur úr Hagaskóla hing-
að til að renna sér á skíðum og við
gátum opnað eina lyftu og leyft þeim
að renna sér í neðsta hluta einnar
brekkunnar.
Keppnisfólk skíðafélaganna hefur
og verið hér við æfingar síðan á
fimmtudag en það eru rennur í fjall-
inu sem það getur notaö. Það er auð-
vitað alltaf meiri slysahætta þegar
svona litill snjór er en enn sem kom-
ið er hafa ekki orið nein slys á fólki
hér.“ -J.Mar
Það má segja að vorverk starfsmanna borgarinnar við Tjörnina hefjist
snemma í ár. Veðurblíðan varð til þess að róið var út í hólmann og hann
hreinsaður og lagaður. Það er því vonandi að ekki geri aftakaveður sem
eyðileggi tiltektina. DV-mynd S
83 þúsund tonn af loðnu
komin á land á árinu
Alls hafa veiðst 83 þúsund tonn af
loðnu það sem af er árinu, þar af 21
þúsund vegna tilraunaveiða.
í loðnuflotanum eru 44 skip og hafa
27 þeirra fengiö afla síðan um ára-
mót.
Loönunni hefur verið landað á
Vestfjörðum, Austfjörðum, Norður-
landi og í verstöðvum sunnan og
vestanlands.
Bræla var á miðunum í gær og til-
kynnti enginn bátur um afla. í nótt
var hins vegar góð loðnuveiði. -J.Mar