Dagblaðið Vísir - DV - 19.02.1991, Blaðsíða 23

Dagblaðið Vísir - DV - 19.02.1991, Blaðsíða 23
ÞRIDJUDAGUR 19. FEBRÚAR 1991. 23 Fréttir Akranes: Haf örn kaupir togara Sigurður Sverrisson, DV, Akranesi: Samningar hafa tekist á milli Haf- arnarins og eigenda togarans Þrastar HU 48 á Bíldudal um kaup á skipinu. Að sögn Guðmundar Pálmasonar, framkvæmdastjóra Hafarnarins, verður aö líkindum gengið formlega frá kaupunum bráðlega. Þröstur HU 48 er 230 lesta togari og hefur verið gerður út frá Blöndu- ósi, aðallega á rækju. Hann hét áður Jökull SH. Togarinn er með 1300 þorskígilda kvóta. Hann verður af- hentur fljótlega. Þar með er farsæll endi bundinn á margra mánaða leit Hafarnarmanna að togara. Guðmundur sagði í samtali við DV að koma togarans kæmi til með að breyta miklu fyrir Haförninn. Hinn togari fyrirtækisins, Höfðavíkin, er með 2150 þorskígilda kvóta þannig að nærri lætur að um 60% kvóta- aukningu sé að ræða með kaupunum á Þresti. Skortur á afla til vinnslu hefur háð Haferninum mjög undanfarin miss- eri. Fyrirtækið hefur yfir að ráða mjög fullkomnu fiskvinnslukerfi og getur afkastað mun meiru en það gerir í dag. Akranes: m Þnr árekstrar ásama horninu Sigurður Sverrisson, DV, Akranesd: Þrír harðir árekstrar hafa orðið á gatnamótum StiUholts og Kirkjubrautar/Kalmansbrautar á skömmum tíma, þar af tveir eftir að umferðarljosin - þau einu sem eru í bænum - fóru úr sam- bandi í óveðrinu á dögunum. Mikið eignatjón varð í þessum þremur árekstrum og meiðsl urðu á fóBö í tveimur tilvikum. Svanur Geirdal yfirlögreglu- þjónn sagði í samtaíi vlð DV að leiða mætti líkur að því að tveir síðari árekstrarnir hefðu ekki orðið ef umferðarljósin hefði ver- ið virk. Sagði hann ákafiega brýnt að fá þau í gagnið á ný eða í það mmnsta gul blikkandí hós sem vektu athygli ökumanna. Áður en h'ósin voru sett upp voru árekstrar tíðir áþessuhorni enmjög dró úr þeim eftir það. Dómhús í Reykjavík er nú orðið að veruleika eftir að ríkið keypti Útvegsbankahúsiö við Lækjartorg. Kaupverð hússins var tæpar 200 milljónir og fermetrinn kostar því 47.200 krónur. Með kaupum þessa húss hefur verið tryggt húsnæði undirréttar í Reykjavík en í því koma til með að verða Borgardómur, Sakadómur Reykjavíkur, Sakadómur í ávana- og fíkniefnamálum og að hluta til embætti borgarfógeta. Á myndinni sést Brynjólfur Bjarnason, formað- ur bankaráðs íslandsbanka, taka í hönd Óla Þ. Guðbjartssonar dómsmálaráðherra eftir að kaupsamningurinn var undirritaður. Á milli þeirra stendur Ólafur Ragnar Grímsson fjármálaráðherra. DV-mynd S Meiuung Bara venjulegur, lítill strákur Bækurnar um Einar Áskel eru vel þekktar og vinsælar meðal yngstu kynslóða íslendinga og þess vegna er eins og börnin hitti fyrir gamlan kunningja þessa dagana þegar þeim gefst kostur á að sjá litla leiksýningu sem byggð er á þremur sögum um strákinn þann. Frásagnaraðferð bókanna er yfirfærð á leik- sviðið og einkennist af hógværri lýsingu á óskóp venjulegum Utlum snáða og hversdagsævintýr- um hans sem virðast kannske ekki stórvægileg í augum hinna fullorðnu en hitta beint í mark hjá Utlu leikhúsgestunum. „Hvað er hann eiginlega gamall, þessi strák- Leiklist Auður Eydal ur?" spurði einn lítill patti stundarhátt á sýning- unni, sem ég sá, þegar pabbi Einars Áskels kom með koppinn og fannst víst Stefán Jónsson ekk- ert of góður til þess að skreppa fram á klósett. Og gagnrýnar raddir heyrðust líka: „Á hann svo kannski að spýta á gólfið?" sagði annar ungur áhorfandi þegar Einar Áskell hefur gleymt að bursta tennurnar og pabbi kemur með tannburstann og vatnsglas inn að rúmi. En þeir feðgar sáu við þessu og Einar Áskell spýtti bara í glasiö öllum til nokkurs léttis. Já, Utlu leikhúsgestirnir láta óspart til sín heyra og það er fátt sem fer fram hjá þeim. Umbúnaður sýningarinnar er einfaldur, bak- grunnur er málaður á laus tjöld og sviðsmunir, búningar og gervi eru litrík og í stíl við myndirn- ar í bókunum sem krakkarnir þekkja vel. Stefán Jónsson leikur Einar Askel og freistar þess að ná barnalegum tilburðum og hreyfing- um án þess að ýkja um of. Harpa Arnardóttir B^^H^BHMfc** ¦"".'.. ' ¦ • B J^>->y' * ............:. .. Atriði úr leikritinu „Halló, Einar Askell" sem sýnt er á Litla sviði Borgarleikhússins. leikur Viktor og þarf á sama hátt að ná til barn- anna með því að „þykjast" vera lítill strákur. Ekki bar á öðru en börnin vorkenndu henni af heilum hug þegar Viktor uppgötvar skrámu á hnénu á sér og Einar Áskell kemur til hjálpar. Kjartan Bjargmundsson leikur pabba Einars og einlægt samband feðganna kemur vel fram í túlkun þeirra Stefáns. Helga Þ. Stephensen er sögumaðurinn sem leiðir áhorfendur inn í sög- una og fylgir þeim allt til enda. Upphafstextinn, þegar hún býður börnin velkomin, var að vísu ekki nógu vel undirbúinn og þess vegna fór þarna forgörðum ágætt tækifæri til að kynna börnunum starfið í leikhúsinu í örstuttu máh eins og þó var ætlunin. Jóhann G. Jóhannsson lífgaði upp á sýninguna með léttum undirleik og börnin tóku sýning- unni ósköp vel og þakksamlega. Leikfélag Reykjavikur og Skólamálaráo Reykjavikur sýna á Litla sviöi Borgarleikhússlns: Halló, Einar Áskell Höfundur: Gunilla Bergström Lelkgerð: Hans Kumlien Tónlist: Goerg Ricdcl Þýoing: Slgrún Árnadóttir Þýoing söngtexta: Þórarinn Hjartarson Leikmynd og búningar: Guðrún Sigriður Haraldsdóttir Lýsing: Egill Örn Árnason Leikstjóri: Soffia Jakobsdóttir Akureyri: Slökkvistöðin kostartæpar 60milijónir Gylfi Kristjánsstjn, DV, Akureyri: Samningar varðandi kaup Ak- ureyrarbæjar á fasteigninni Ár- stíg 2 eru nú á lokastigi, en þang- að mun slökkvilið bæjarins verða flutt. Kaupverð Árstígs 2 verður 57,6 möh'ónir króna, en inn í samn- inginn kemur einnig ákvæði um sölu bæjarsjóös á H-hluta í Kaup- angi við Mýrarveg en söluverð þeirrar eignar nemur 6,8 milljón- um. Líkamsárás Maður var fiuttur á slysadeDd í fyrrinótt eftir að hafa orðið fyrir líkamsárás við Glæsibæ. Árásar- mennirnir fiúðu í bifreið og hafa ekki fundist. Ekki er vitað hversu alvarlega maðurinn er slasaður. -ns Hesti misþyrmt Brotist var inn í hesthús í Faxa- bóh aðfaranótt laugardags og hesti þar misþyrmt. Tahð er aö hestinum hafi verið riðið út alla nóttina og honum siðan skilað í húsið. -ns Akureyri: Hækkarí „strætó" Gyffi Kiistjáiissan, DV, Akureyri: : Bæjarráð Akureyrar hefur samþykkt hækkun á fargjöldum strætisvagna bæjarins, og á hækkunin að koma til fram- kvæmda um næstu mánaðamót. Einstök fargjöld fullorðinna hækka úr 60 krónum í 65 krónur og barnafargjöld úr 22 í 24 krón- ur. Þá hækka 20 miða kort full- arðinna úr 900 krónum í 1.000 krónur. Samskonar kort aldraöra og öryrkja standa hinsvegar í stað og kosta áfram 450 krónur m 25 miða kort með skólaafslætti hækka úr 840 krónum í 930 krón- ur. vandaðar vörur Súluborvélar Tvser stærdir, hagstætt verö Síðumúla 33 sími 603878 og 38125

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.