Dagblaðið Vísir - DV - 04.04.1991, Blaðsíða 4
4
FIMMTUDAGyit 4., ,APRÍL.1?.91.
Fréttir
Hafnahreppur:
Fyrrum sveitarstjóri
í mál við hreppinn
- telur sig eiga rétt á 500 þúsund kronum 1 biðlaun
Þórarinn St. Sigurðsson, fyrrum
sveitarstjóri Hafnahrepps, hefur
stefnt sveitarstjóminni fyrir van-
efndir á greiðslu launa sér til handa.
Alls nemur launakrafa hans um 500
þúsund krónum. Að stærstum hluta
byggir hann kröfuna á rétti sínum
til biðlauna eftir starfslok.
Ráðningarsamningur Þórarins
rann út í lok síðasta kjörtímabils og
var hann ekki endurnýjaður er nýr
meirihluti tók við. Hann lét því af
störfum í júní siðastliðnum. Sam-
kvæmt heimildum DV lágu ýmsar
ástæður fynr þessari ákvörðun nýja
meirihlutans, meðal annars var
fundið að ýmsu við fjárhagslegan
viðskilnað gamla meirihlutans. Enn
hefur ekki verið ráðið í starf sveitar-
stjóra í Hafnahreppi og óvíst hvort
það verður gert á næstunni.
Þess má geta í þessu sambandi að
nýveriö féll dómur á Hafnahrepp fyr-
ir að hafa ekki staðið í skilum vegna
kaupa á íbúöarhúsi eins sveitar-
stjórnarfulltrúans. Þeim dómi hefur
hins vegar verið skotið til Hæstarétt-
ar.
Þórarinn vildi í samtali við DV sem
minnst um þetta mál fjalla. „Út af
fyrir sig fannst mér allt í lagi með
að hætta þótt ég hefði kosið aö það
bæri að með öðrum hætti. En að öðru
leyti er mér ekkert um þaö að tjá
mig um þetta mál þar sem ég hef
sjálfur skotið þessum ágreiningi til
úrlausnar hjá dómstólum."
Björgvin Lúthersson, odviti Hafna-
hrepps, vildi heldur ekki tjá sig um
þetta mál þegar DV hafði samband
við hann í gær. Hann sagði málið
viðkvæmt, enda snerti það æru og
reisn einstaklinga, og því ekki rétt
að fjalla um það á opinberum vett-
vangi fyrr en dómur liggi fyrir.
-kaa
Fiskverkafólki
hefurekki
veriðsagt upp
Gylfi Kristjánsson, DV, Akureyri:
„Það er ekkert farið aö ræöa
við fiskverkafólkið og því hefur
ekki verið sagt upp,“ segir Gunn-
ar Lórensson, yfirverkstjóri í
frrystihúsi Útgerðarfélags Akur-
eyringa, en tahð er að vinnslu á
aíla togaranna Hrímbaks og
Kaldbaks, sem liafa landað nú í
vikunni, muni Ijúka á föstudag.
í frystihúsi ÚA starfa tæplega
200 manns og sá hluti þess fólks,
sem hefur fastráðningu, er með
viku uppsagnarfrest. Þ\n hefur
ekki verið sagt upp, sem fyrr
sagði, og hefur því kvisast að ÚA
muni fá fisk annars staðar frá til
vinnslu. Gunnar Lórensson vildi
ekkert um það segja í gær, sagði
það ekki tímabærl að tjá sig um
málið.
- segir Gunnar Ragnars, framkvæmdastjóri ÚA, um fiskmarkað á Akureyri
Gylfi Kristjánsson, DV, Akureyri:
„Það er ekki hægt að koma upp
fiskmörkuðum á hveijum einasta
firði, flóa og nesi á landinu. Hvað
varðar það að koma upp fiskmarkaði
á Akureyri er ljóst að það eru nógir
til að kaupa á markaðnum en það eru
fáir til að selja á honum," segir
Gunnar Ragnars, framkvæmdastjóri
Útgerðarfélags Akureyringa.
Þeirri hugmynd hefur verið slegið
fram, m.a. af Kristjáni Ragnarssyni,
framkvæmdastjóra LÍU, að skyn-
samlegast væri að koma á fiskmörk-
uðum sem víðast um landið til þess
að útgerðirnar þyrftu ekki að vera
að kljást við sjómenn um fiskverð
um allt land. Fiskmarkaður var sett-
ur á fót á Akureyri fyrir nokkrum
árum en hann lognaðist fljótlega út
af, ekki síst vegna þess að Útgerðar-
félag Akureyringa var ekki tilbúið
að selja á þeim markaði.
„Átti ÚA að vera eini aðihnn sem
seldi í gegnum þann markað?“ segir
Gunnar Ragnars. „Ég vil vekja at- Harðbakur, einn af togurum Útgerðarfélags Akureyringa sem nú liggja bundnir við bryggju.
hygli á því að þetta hefur í för með
sér mikla kostnaðaraukningu en allt-
af er verið að tala um að það þurfi
að hagræða í sjávarútvegi. Mér er
sagt að markaðirnir taki 6% og svo
megi reikna með 2% í annan kostn-
að. Við erum með hráefni upp á 800
milljónir á ári og það myndi því kosta
okkur 40-50 milljónir á ári að fara
með okkar fisk í gegnum þennan
markað.
Ég sé ekki heila brú í því að kosta
þessu til, bara til þess að finna út
hvernig á að reikna laun sjómanna.
Þetta er samhangandi keðja: veiðar,
vinnsla og markaðir erlendis, og það
á að reyna að gera þetta eins hag-
kvæmt og hægt er. ÚA er eitt af fáum
fyrirtækjum í fiskveiðum og vinnslu
sem er ekki í gjörgæslu og það hefur
sýnt sig.að vera farsælt þetta jafna
hráefnisstreymni frá auðlindinni og
i gegnum vinnslu hjá okkur. Það er
því grátlegt ef þarf að draga okkur
niður í skítinn líka,“ sagði Gunnar
Ragnars.
Grátlegt ef þarf að draga okkur niður í skítinn líka
í dag mælir Dagfari
Á milli þess sem Ólafur Ragnar
Grímsson iamdi á læknunum og
efndi til ófriðar á heilbrigðisheimil-
inu, mátti lesa fallega auglýsingu í
fjölmiðlum fyrir hátíðina frá þess-
um sama vígamánni, þar sem hann
bauð til friðarstundar með sér á
fóstudaginn langa. „Mér er það
sönn ánægja að bjóða þér á Friðar-
stund sem haldin veröur á fostu-
daginn langa í hátíöarsal Digranes-
skóla kl. 17.00“ stóð í þessari hug-
ljúfu friöarbæn, undirritaö með
eigin hendi friðarhöfðingjans Ólafs
Ragnars.
Meðal efnis á dagskrá ráðherrans
voru verk eftir Bach, Schubert,
Gluck, Hallgrim Pétursson og fleiri
öndvegisskáld íslendinga. Ekki
vissu menn að Schubert eða Gluck
væru í tölu íslendinga, hvað þá
öndvegisskálda, en ráðherrann
veit betur og allt eru þetta banda-
menn hans í friöarviðleitninni og
kosningaslagnum.
Ráðherrann og flokksformaður-
inn hef'ur sjálfsagt samið þessa
auglýsingu sjálfur eftir að hann var
kominn í stuð við að semja ákæru-
bréfið á hendur læknunum, enda
vanur maður, Ólafur, þegar friður-
inn er annars vegar. Hann hefur
getið sér sérstakt orð um gervalla
Friðarstund með Ólafi
heimsbyggðina tfyrir framlag sitt í
þágu friðarins og fékk á sínum tíma
sérstök verðlaun og viðurkenningu
á alþjóöavettvangi fyrir framgöngu
sína á fundum með þeim mönnum
sem höfðu mesta ást á friönum.
Allir þeir samherjar Ólafs Ragn-
ars í útlöndunum hafa ýmist fallið
frá eða fallið í kosningum eftir að
hafa mistekist að stilla til friðar í
kringum sig. Ólafur Ragnar er hins
vegar þannig gerðar í pólitíkinni
að hann hefur aldrei þurfti að njóta
stuðnings kjósenda til frama síns í
þágu heimsfriðarins. Að vísu hefur
Ólafur Ragnar boðið sig fram í öll-
um kosningum síðustu tvo áratug-
ina en aldrei hlotið kosningu svo
vitað sé. Völd hans og áhrif hafa
hins vegar aukist í öfugu hlutfalli
við kjörfylgið og er hann nú bæði
formaður í Alþýðubandalaginu og
íjármálaráðherra í ríkisstjórn án
þess að sitja á þingi.
Enn er samt Ólafur Ragnar aö
bjóða sig fram og er nú orðinn efsti
maður allaballa á Reykjanesi. Not-
aöi hann páskahátíðina til að boða
frið í kjördæminu og veitti ekki af
þeim friðarboðskap í miðjum bar-
daganum við læknastéttina. Fara
nú að verða áhöld um það hvor sé
meiri friðarhöfðingi, Ólafur Ragn-
ar eða Jesús Kristur, því hingað til
hafa kristnir menn látið sér nægja
-að minnast píslargöngu Krists og
hefur þar föstudagurinn langi verið
sérstaklega heilagur. Jafnvel svo
heilagur að sett hafa verið lög um
bann við hvers kyns samkomu-
haldi á þeim degi.
Ólaf Ragnar munar ekki um að
brjóta slík lög og hafa krossfestingu
Jesú að engu þegar hans eigin frið-
ur er í húfi og kosningabarátta
framundan. Honum veitist sérstök
ánægja að bjóða fólki og fótgang-
andi til sérstakrar friðarstundar
með sér í blóra viö aldagamla siði
og lög um friöhelgi þessa dags. Ef
Ólafur Ragnar neitar aö biöja
læknana afsökunar á meintum
aðdróttunum sínum og ærumeið-
ingum, munar hann sjálfsagt ekki
heldur um aö senda kirkjunnar
mönnum langt nef þegar hans eigin
frami er í húfi.
Friðarstundir Ólafs Ragnars fara
sem sagt fram með þeim hætti að
hann segir bæði heilbrigðisstéttum
og kirkjunnar mönnum stríð á
hendur. Ilann er greinilega að
koma sér upp sínum eigin friöi á
kostnað þess ófriðar sem óhjá-
kvæmilega hlýtur að skella á þegar
lög eru brotin og helgispjöll framin.
Honum er það meira að segja sér-
stök ánægja, eftir því sem segir í
boðsþréfmu.
Nú kann þessum íslenska friðar-
postula að leyfast að efla friðinn
með því að efna til ófriðar við
lækna og klerka. Það er mér að
mæta segir sá almáttugi fjármála-
ráðherra og sker við nögl gagnvart
hverjum þeim sem dirfist að egna
hann til reiði. Hitt er verra ef þessi
friðarboðskapur Ólafs Ragnars
endar með því að hann egnir alla
þjóðina upp á móti sér með sam-
komuhaldi á föstudaginn langa
þegar öðrum er bannað að hafast
að. Það er ekki fullreynt hvort kjós-
endur eru tilbúnir í hvaöa ófrið
sem er til að koma á þeim friði sem
Ólafur Ragnar boðar. Það kemur í
ljós á kjördag.
Dagfari