Dagblaðið Vísir - DV - 17.07.1993, Blaðsíða 18

18
LAUGARDAGUR 17. JÚLÍ 1993
Dagur í lífl Mörtu Bjarnadóttur, kaupmanns í Evu, Galleríi og Centrum:
Útsala undirbúin
„Ég vaknaöi klukkan átta þennan
mánudagsmorgun enda var anna-
samur dagur framundan. Mér þótti
heldur leiöinlegt aö hafa ekki tíma
fyrir nauðsynlega hluti eins og lík-
amsræktartímann sem ég fer venju-
lega í klukkan 10.10. Reyndar þótti
mér enn miður hugsunin um að
sleppa tímunum alla vikuna en þar
sem útsölur voru aö byija hja mér
sá ég ekki fram á lausa stund næstu
daga.
Eg flýtti mér á fætur og tók til fótin
á sjö ára dóttur mína, Evu Guðnýju.
Morgunverður minn samanstóð af
einni mandarínu, tebolla og Geri-
komplextöflu. Síðan tók ég á móti sjö
mánaða dótturdóttur minni, Mörtu
Karenu, sem ég var búin að lofa að
taka með mér upp í búð og passa
fyrir hádegi, samtímis sem ég ætlaði
að taka til útsöluna í Galleríi með
starfsfólkinu. Mamma hennar, sem
býr í kjallaranum hjá okkur ásamt
eiginmanni og dóttur, sér um versl-
unina Centrum í Kringlunni og það
var mjög mikið að gera hjá henni líka
við undirbúning útsölunnar þar.
Ég var komin á staðinn um klukk-
an 9.30. í fyrstunni þurfti að sinna
skyldustörfum, eins og líta yfir sím-
bréf sem borist höfðu. Ég svaraði
tveimur bréfanna strax, hringdi
símtöl vegna vörusendinga og lét inn
auglýsingu í Ríkisútvarpið. Þá átti
ég eftir að bera útsölufatnað upp í
búð af iager og var að þvi til hádegis.
Pylsa í hádeginu
Hádegisverðurinn var ein pylsa
sem ég sporðrenndi í selskap með
eiginmanninum og litlu dótturinni
sem var að koma úr skólasundi. Mér
var ekki til setunnar boðið og rauk
því aftur til vinnu enda mikill undir-
búningur í gangi fyrir útsöluna.
Eins og alla aðra daga þurfti ég að
svara um það bil tuttugu símtölum
bæöi nauðsynlegum og óþörfum.
Hugurinn var þó bundinn við útsöl-
una í Evu sem átti að byija á fimmtu-
deginum. Aðallega velti ég fyrir mér
hvað ég ætti að taka frá sem ekki
ætti að fara á útsöluna og einnig
hvaða vörum ætti aö bæta viö þær
sem fyrir voru og loks að athuga
hvort ég ætti nóg af sumarvörum.
Mér fannst þaö svolítið skrýtið að
vera að undirbúa útsölu því mér
fmnst sumrinu vera lokið þegar út-
sölur hefjast enda er ég þá fyrir löngu
búin að panta vetrarvörurnar. Það
sem eftir var þessa dags fór í að
skipuleggja, verðmerkja og ákveða
eitt og annað í samvinnu við starfs-
fólkið. Þetta var langur og strangur
vinnudagur. Það var ekki fyrr en
klukkan hálfátta um kvöldið sem ég
gat loksins andað léttar.
Þá komu maðurinn minn og dóttir
aö sækja mig. Þau gerðu mér stóran
greiða meö því að bjóða mér á Pasta
Basta í kvöldmat og cappuccino kaffi
á eftir. Það var einmitt það sem ég
gat hugsaö mér þá stundina. Mér
fannst mjög gott að sleppa við að elda
þetta kvöldið. Égborðaði Pasta Gorg-
an Zola með valhnetum og það
smakkaðist ljúft.
Beðið fyrir betra veðri
Við komum heim um hálfníuleytið
og þá settist ég fyrir framan sjón-
varpið svolitla stund og slappaði af.
Svo var kominn háttatími fyrir dótt-
urina og ég fór upp með hana í hátt-
inn. Áður kíkti ég þó niður til Mörtu
Karenar og knúsaði hana fyrir svefn-
inn. Ég var orðin of þreytt til að lesa
fyrir Evu Guðnýju þetta kvöld. Við
slepptum þó ekki bæninni frekar en
venjulega.
Loks stillti ég vekjaraklukkuna
mína á átta enda annar annasamur
dagur framundan. Síðasta ósk þessa
dags var að veðrið yrði nú sæmilegt
á þriðjudeginum.
-ELA
Marta Bjarnadóttir kaupmaður var önnum kafin síðastliðinn mánudag að undirbúa útsölu. DV-mynd ÞÖK
Finnur þú fimm breytingai? 214
„Allt í lagi, allt í lagi, farðu þá að reykja aftur.“
Nafn:
Heimilisfang:
Myndimar tvær virðast við
fyrstu sýn eins en þegar betur
er að gáð kemur í ljós að á
myndinni til hægri hefur
fimm atriðum verið breytt.
Finnir þú þessi fimm atriði
skaltu merkja við þau með
krossi á myndinni til hægri
og senda okkur hana ásamt
nafni þínu og heimilisfangi.
Að tveimur vikum liðnum
birtum við nöfn sigurvegara.
1. verðlaun: Aiwa vasadiskó
að verðmæti 4.480 krónur frá
Radíóbæ, Ármúla 38.
2. verðlaun: Fimm Úr-
valsbækur að verðmæti kr.
3.950. Bækumar, sem eru í verð-
laun, heita: 58 mínútur, Sonur Ott-
ós, Kolstakkur, Leikmaðurinn og
Víghöfði. Bækumar em gefnar út
af Frjálsri fjölmiðlun.
Merkið umslagið með lausninni:
Finnur þú fimm breytingar? 214
c/o DV, pósthólf 5380
125 Reykjavík
Vinningshafar fyrir tvö.
hundruðustu og tólftu get-
raun reyndust vera:
1. Stefanía Árnadóttir,
Hátúni 7, 735 Eskifirði.
2. Steinar Benediktsson,
Reykjavíkurvegi 68,222 Hafn-
arfiröi.
Vinningarnir verða sendir
heim.