Dagblaðið Vísir - DV - 17.07.1993, Blaðsíða 33

LAUGARDAGUR 17. .JÚLÍ 1993
41
Fræðimannsíbúð á Skriðuklaustri:
Afdrep til að efla andann
Sigrún Björgvinsdóttir, DV, Egilsstööum;
Á Skriðuklaustri í Fljótsdal hefur
nú á fimmta sumar verið til ráðstöf-
unar íbúð þar sem lista- og fræði-
menn hafa getað búið stuttan tíma í
senn. Fyrri hluta júlímánaðar dvaldi
þar Vésteinn Ólason prófessor og
kona hans, Unnur A. Jónsdóttir
framhaldsskólakennari. Unnur nýtti
tímann til að vinna við spjaldvefnað.
Vésteinn kennir íslenskar bók-
menntir við Háskóla íslands og hefur
m.a. lagt stund á rannsóknir er
snerta danskvæði og vikivaka. Hann
var spurður um ástæðu þess að hann
kom til dvalar í Skriðuklaustur.
„Mig langaði til að rifja upp verk
Gunnars Gunnarssonar í réttu um-
hverfi og jöfnum höndum er ég að
lesa prófarkir að öðru bindi íslenskr-
ar bókmenntasögu. Ég hef reyndar
mest verið að fást við kafla um kat-
ólsk helgikvæði frá lokum miðalda
og það á einmitt ágætlega við á þess-
um stað þar sem eitt sinn stóð klaust-
ur.“
Er Vésteinn var spurður hvernig
staðurinn heföi orkað á hann, sagði
hann.
„Ég er Austfirðingur að ætt og
reyndar voru ættmenn mínir búandi
hér frá 1880 og allt þar til Gunnar fór
héðan. Hér er dásamlegt umhverfi
og þó stundum hafi blásið nokkuð
strítt þessa daga hér höfum við getað
notið gönguferða í Hallormsstaðar-
skógi og Ranaskógi, þar sem alltaf
er skjól. Viö höfum líka notað tæki-
færið og farið á söguslóðir bóka
Gunnars, bæði hér og í Vopna-
firði.
Húsið hér er alveg einstætt og ég
vona sannarlega að Austfirðingar
muni eignast hér lifandi fræðasetur.
Auðvitað er ég mjög ánægður með
að við að sunnan skulum eiga þess
kost að dvelja hér um stundarsakir,
en mikilvægast er að staðurinn verði
til að efla menningarlíf og fræði á
Austurlandi. En til þess að það geti
orðið þarf íslenska ríkið að sýna að
það hafi verðskuldað þessa höfð-
inglegu gjöf Gunnars Gunnars-
sonar.“
Opin allt árið
Það var 20. ágúst 1989 sem fræði-
mannaíbúðin á Skriðuklaustri var
opnuð er þar var hátíð haldin til að
minnast þess að 100 ár voru liðin frá
fæðingu Gunnars Gunnarssonar
skálds er þar bjó á fjórða ártugnum.
Skyldu listamenn ög fræðimenn eiga
þess kost að dvelja þar til að iðka þar
sína iðju og efla andann.
Fyrstur til að nýta þetta var Sveinn
Skorri Höskuldsson prófessor, en
alls hafa dvahð þar flmmtán skáld
og fræðimenn, sumir oftar en einu
sinni. íbúðin er opin allt árið en
reyndin h'efur orðið sú að einungis
hefur verið sótt um dvöl þar að sum-
arlagi.
Svíakóngur
og sveitafólk
Þessi íbúð var raunar það fyrsta
sem nefnd á vegum þriggja ráðu-
neyta varð sammála um að gera til
að halda á lofti minningu skáldsins
á Skriðuklaustri og til að viðhalda'
reisn staðarins. Nú hafa í tvö ár ver-
ið haldin námskeið í húsinu á vegum
Bændaskólanna en í umsjá Búnaðar-
sambands Austurlands. Hafa þau
farið mjög vel af stað og líklegt að
þar verði framhald á. Tignasti gest-
ur, sem hefur gist Skriðuklaustur i
seinni tíð, er eflaust Karl Gústaf,
konungur Svíþjóðar, er hann kom
hér haustið 1989 til að fara á hrein-
dýraveiðar, en þá voru veiðilendur í
Svíþjóö lokaðar eftir Tsjernobyl-
slysið.
Unnur A. Jónsdóttir kennari og Vésteinn Ólason prófessor fyrir utan fræðimannabústaöinn á Skriðuklaustri.
DV-mynd Sígrún
Subaru Legacy 2.0 station, árg. 1992, ekinn 17 þús.
km, 5 gíra, litur silfur, skipti á ódýrari Subaru st.
’88-’89 koma til greina. Verð 1.790 þús.
Bifreiðin er til sýnis hjá Borgarbílasölunni.
BOBfíABBTT.ASAT.AW
GRENSÁSVEGI 11, SÍMAR 813085 OG 813150
Tvær bestu bækurnar!
Bústólpi 7,00%
Stjörnubók 6,95%
BÚSTÓLPI
HÚSNÆÐiSREIKNINGUR

Hæsta raunávöxtun húsnæðissparnaðarreikninga kom í hlut BÚSTÓLPA,
húsnæðisreiknings Búnaðarbankans, sem skilaði 7,00% raunávöxtun fyrstu 6 mánuði ársins.
Hæsta raunávöxtun almennra innlánsreikninga var á STJÖRNUBÓK
Búnaðarbankans, 6,95% raunávöxtun fyrstu 6 mánuði ársins.
STJÖRNUBÓKIN er verðtryggð með 30 mánaða binditíma en hægt er að losa bundna innstæðu gegn innlausnargjaldi. Ef
safnað er í spariáskrift á STJÖRNUBÓK eru allar innborganir lausar á sama tíma. Auk þess eiga eigendur STÖRNUBÓKAR
kost á húsnæðisláni frá bankanum, að hámarki 2,5 milljónir króna til allt að 10 ára.
STJÖHNUBOK
BÚNAÐARBANKANS
(8) BÚNAÐARBANKINN
Traustur banki