Dagblaðið Vísir - DV - 05.03.1994, Blaðsíða 8

8
LAUGARDAGUR 5. MARS 1994
Vísnaþáttur
Æskan líður
okkurfrá
„Stæði slíkt til boöa vildi ég lifa
aftur sama æviskeið frá upphafi til
enda. Það eina sem ég færi fram á
eru þau sérréttindi rithöfundar að
leiðrétta í annarri útgáfu villur
hinnar fyrri.“ Það var bandaríski
eðlisfræðingurinn og stjómmála-
maðurinn Benjamin Franklin sem
komst þannig aö orði og víst munu
margir þeirra sem hafa villst af
vegi á lífsleiðinni taka undir með
honum. Hjá langflestum yrðu leið-
réttingarnar fólgnar í því aö gera
ný mistök í stað hinn gömlu því að
þaö er ekki fyrr en eftir á sem
mönnum verður villan ljós, eins og
glöggt má sjá af ljóði Steingríms
Thorsteinssonar:
„Hefði, hefði"
„Hefði ég bara varkár verið!
af varaleysi slysið hlaust".
„Já, hefðiröu ekki hleypt á
skerið,
heilt væri skipið efalaust".
„Skynsemin sagði að skerið
tefði
og skipið þyldi ei slíka raun,
en skeö er skeð og „hefði",
„hefði“,
héðan af stoðar ekki baun“.
„Þegar einar dyr lokast opnast
aðrar í staðinn - það er eitt af lög-
málum lífsins. En því miður er það
oftast svo, að við horfum með svo
miklum söknuði á lokuðu dymar
að við komum ekki auga á þær sem
opnast hafa“. Ekki veit ég hver er
höfundur þessara orða, „ en þó
hann syngi aðeins dírrindí, finnst
mér vera þó nokkurt vit í því“. En
reynslan hefur kennt bæöi mér og
öðmm það eitt að við lærum ekk-
ert af reynslunni. Ráðleggingin:
„Lærðu af reynslunni - helst
reynslu annarra (því þaö er ódýr-
ara) kemur okkur því að litlu haldi.
Þá er aðeins ein útgönguleið eftir:
að halda á vit minninganna. En þar
sem tilefni þess ferðalags er jafn-
margbreytilegt og mennirnir sjálfir
em það einvörðungu höfundamir
sjálfir sem geta gert grein fyrir til-
urð þess kveðskapar sem fer hér á
eftir:
Sveinn Helgi Jónsson „framtíðar-
skáld" frá Blöndubakka í A-Hún.
virðist hóifa verið á þeirri bylgju-
lengd þegar hann kvaö:
Sá sem hinsta brotið blað
við bemskuþrána hefur,
verður í draumi að vitja um það
sem vakan ekki gefur.
Guðmundur Gunnarsson, bóndi
á Tindum á Skarðsströnd:
Stundatöflu tímans greitt
töldu árin skrifa.
Fær til baka enginn eitt
augnablik að lifa.
Rósberg G. Snædal, skáld á Akur-
eyri, síðast kennari á Hólum í
Hjaltadal, minntist bemskudag-
anna heima í dalnum sínum með
þessum orðum:
Yfir fjöllin flýgur þrá,
flytur yl í hjarta.
Fellur skuggi aldrei á
æskuminning bjarta.
Allt er vafið vori og sól:
víðigrónar brekkur,
lágur bær á litlum hól,
lækjargil og stekkur.
Þar á æskan ótal spor
- ótal spor, sem geyma
minningar um vorsins vor,
vorin okkar heima.
Lífi ungu ljúfan óð
lindir sungu fjallsins,
æskuþrungin lög og ljóð
léku á tungu dalsins.
Meðan gullin geislatjöld
glóðu um tún og haga,
þekkti æskan ekkert kvöld
- aðeins langa daga.
Þó að týnist frægð og fé
og frami á Jífsins brautum,
hugurinn á heilög vé
heima í grænum lautum.
Æskan líður okkur frá,
elfur tímans streyma.
Bak við fjöllin blikar á
bæjarþilin heima.
Vísnaþáttur
Torfi Jónsson
Einar E. Sæmundsen skógarvörð-
ur:
Áhyggjum og allri þröng
eg vil gleyma og týna,
hér við fugla- og fossasöng
finn ég æsku mína. •
Jón M. Pétursson, bæjarfull-
trúi á ísafirði:
Þó ævin líði undurhratt
aldrei skal ég gleyma
ýmsu sem fékk okkur glatt
á æskudögum heima.
Bjami Jónsson, frá Gröf í Víði-
dal, úrsmiður á Akureyri, yrkir svo
um elliglöpin:
Æsku minnar fyrnist fjör,
finn ég stóru töpin,
þegar á mig fingrafór
festa elhglöpin.
Lít ég stór í lífiö skörð,
lengist milli vina.
Græningjamir grafa í jörð
gömlu kynslóðina.
En það er gamla sagan:
Æsku sinni eldri menn
ekki vilja gleyma.
Litlu sporin eru enn
endurtekin heima.
Gísli Ólafsson frá Eiríksstöðum í
Svartárdal:
Óðum fækka ævistig,
engu mun þó gleyma.
Bestu drauma dreymdi mig
í dölunum mínum heima.
Steingrímur Arason, sem var
kennari minn endur fyrir löngu, á
lokaorðin aö þessu sinni. Fyrirsögn
stökunnar er: ókvíðinn
Þó aö bátinn beri í strand
og bijóti í þúsund mola,
örlögin mér upp á land
einhvers staðar skola.
Torfi Jónsson
Matgæðingur vikunnar
Fiskisúpa
frá Madeira
„Ég ferðast mikið og hef gaman
af að prófa nýja rétti. Þegar ég var
á Madeira um áramótin fékk ég
fiskisúpu sem í var espadafiskur
en hann er ekki ólíkur lúðunni
okkar. Þessi súpa var sérstakiega
ljúffeng. Espada er fiskur sem get-
ur orðið 170 sm langur og veiðist á
miðum fyrir utan Madeira. Þegar
ég kom heim fór ég að reyna að
laga súpu sem væri eitthvað í lík-
ingu við espadasúpuna. Ég nota
heilagfiski eða rauðsprettu í mína
súpu og get fullyrt að hún er mjög
góð,“ segir Erna Hansen, húsmóðir
og matgæðingur vikunnar.
Ema prófar oft nýstárlega rétti
og segist hafa mun meiri tíma til
þess nú eftir að börnin fóra að
heiman. Uppskriftin að fiskisúp-
unni er fyrir átta manns og hljóöar
svo:
Fiskisoð
Hausar (t.d. laxahausar, bein og
roð)
1 /i 1 vatn
2 tsk. salt
1 tsk. season all
1 tsk. svartur pipar
1 teningur fiskikraftur (ef þarf)
Þetta er soðið saman í íjörutíu
mínútur og síðan er soöið síaö.
Það sem þarf
500 g heilagfiski
300 g rauðspretta
200 g rækjur
2 stk. gulrætur, skornar í þunnar
sneiðar
100 g blaðlaukur, skorinn í þunnar
Erna Hansen, matgæðingur vik-
unnar. DV-mynd Brynjar Gauti
sneiöar
1 lítil dós sveppir
'A laukur
1 hvítlauksrif
2 'h dl rjómi
3 di hvítvín
60 g hveiti
60 g smjör
Fiskurinn er soðinn og skorinn í
bita. Gulrætur snöggsoðnar. Blað-
laukur, laukur og hvítlauksrif
kraumað í smjöri. Súpan er bökuö
upp, smjör brætt í potti og hveiti
sett saman við og löguð bolla. Soö-
inu bætt út í smátt og smátt. Þegar
súpan er hæfilega þykk er fiskinum
og öllu sem í á að fara bætt út í.
Hitað í sirka fimm mínútur. Að síð-
ustu er rjóminn og hvítvínið sett
í. Borið fram með heitum smá-
brauðum og hvítvíni.
Eplaterta meö
marengshjúp
- góð sem eftirréttur
250 g smjör
250 g sykur
4 egg
hjartarsalt á hnífsoddi
250 g hveiti
'A kg eph
100 g smjör
1 tsk. vanillusykur
150 g hindberjasulta
5 stífþeyttar eggjahvítur
150 g sykur
rifinn börkur af einni sítrónu
Hrærið smjör og sykur vel sam-
an. Eggin sett í eitt í einu. Hveiti
og hjartarsalti bætt í. Bakaðir tveir
botnar í 7-9 mínútur við 250 gráða
hita. Skræhð eplin og takið kjarn-
ana úr, bræðið smjörið í potti og
setjið vanillusykurinn í ásamt epl-
unum. Hitið þar til eplin eru orðin
meyr. Nú er annar botninn settur
á vel smurðan eldfastan disk, epla-
maukið á og síðan sultan og síðan
hinn botninn yfir. Hrærið mar-
engsinn og látið sítrónubörkinn út
í hann. Marengsinn smurður yfir
tertuna og bakaður við 170 gráður
þar til hann er ljósbrúnn. Blandið
saman % 1 vanihuís og % 1 þeyttum
rjóma og berið fram með tertunni.
Erna ætlar að skora á vinkonu
sína, Áslaugu Björnsdóttur hús-
móður, að vera næsti matgæðing-
ur. „Hún er fyrirmyndarkokkur."
Hinhliðin
Áleiðtil Japans
-Bryndís Halla Gylfadóttir sellóleikari í hinni hliðinni
„Það er mikið að gera hjá mér
núna. Þessa dagana er ég á alls
konar æfingum og svo er ég að
koma músikinni minni á disk,“ seg-
ir Bryndís Halla Gylfadóttir selló-
leikari. Hún segist vera á leið th
útlanda, ásamt nokkrum öðram
tónhstarmönnum, th að spha. Þau
munu halda tónleika í Japan, Hol-
landi, Belgíu og Svíþjóð. Bryndís
Halla sýnir á sér hina hhðina í dag.
Fullt nafn: Bryndís Halla Gylfa-
dóttir.
Fæðingardagur og ár: 19.11. ’64.
Maki: Kærastinn heitir Þórður
Magnússon.
Börn 3ja ára dóttir, Gunnhildur
Haha.
Bifreið: Mitsubishi Colt ’87.
Starf: Sellóieikari.
Laun: Misjöfn.
Áhugamál: Tónhst.
Hvað hefur þú fengið margar réttar
tölur í lottóinu? Ég hef aldrei keypt
lottómiða.
Hvað finnst þér skemmtilegast að
gera? Slappa af.
Hvað finnst þér leiðinlegast að
gera? Vera á löngum og leiðinlegum
æfingum.
Uppáhaldsmatur: Allt fitandi með
ijóma.
Uppáhaldsdrykkur: Rauðvín.
Hvaða íþróttamaður finnst þér
standa fremstur í dag? Ég fylgist
Bryndís Halla Gylfadóttir.
ekki það mikið með íþróttum aö ég
myndi treysta mér th að velja.
Uppáhaldstímarit: Mér finnast þau
yirleitt ekki mjög skemmtheg.
Hver er fahegasti karl sem þú hefur
séð fyrir utan maka? Bróðir minn.
Ertu hlynnt eða andvig ríkisstjórn-
inni? Bæði og.
Hvaða persónu langar þig mest til
að hitta? Steve Martin.
Uppáhaldsleikari: Jack Nicholson
lék vel í Gaukshreiðrinu.
Uppáhaldsleikkona: Glenn Close.
Uppáhaldssöngvari: Aretha
Franklin.
Uppáhaldsstjórnmálamaður: Jón
Baldvin.
Uppáhaldsteiknimyndapersóna:
Hómer.
Uppáhaldssjónvarpsefni: Ekkert,
því ég horfi að meðaltali einn
klukkutíma á mánuði á sjónvarp.
Ertu hlynnt eða andvíg veru varn-
arliðsins hér á landi? Andvíg.
Hver útvarpsrásanna finnst þér
best? Ég hlusta aðallega á rás 1.
Uppáhaldsútvarpsmaður: Bergljót
Haraldsdóttir, frænka mín.
Hvort horfir þú meira á Sjónvarpið
eða Stöð 2? Er ekki með Stöð 2.
Uppáhaldssjónvarpsmaður?Þor-
finnur Ómarsson.
Uppáhaldsskemmtistaður: Ég fer
aðahega á Sólon íslandus.
Uppáhaldsfélag í íþróttum: Stjam-
an.
Stefnir þú að einhveiju sérstöku í
framtiðinni? Ég stefni að því að
verða stórkostlega þroskuð mann-
eskja.
Hvað ætlar þú að gera í sumarfrí-
inu? Ég ætla aö vinna.