Dagur - 10.07.1987, Blaðsíða 5

10. júlí 1987 - DAGUR - 5
„Mjög erfitt að vinna Capes
Jón Páll Sigmarsson á línunni
Dags hringdi í Jón
Pál Sigmarsson, sterkasta mann
heims á þriðjudagskvöld og
hann tók því íjúfmannlega að
vera á línunni í dag.
- Hvernig líst þér á þá
umgjörð sem verið er að setja
umhverfis landsmótið núna?
- Þetta er ein besta umgjörð
sem verið hefur í kringum þetta
mót. Ég held að það hafi ekki
verið nein slík umgjörð í kring-
um þessi mót áður og íslending-
ar hafi ekki vitað af landsmóti
hætti og þeir gera
núna. En það eru skiptar
skoðanir um umgjörðina, sumir
vilja ekki hafa hana.
- Hvað finnst þér um undir-
búning mótsins, heldurðu að allt
sé tilbúið hérna?
- Ég hef reyndar aldrei kom-
ið til Húsavíkur en það er ekki
til betri maður en Guðni Hall-
dórsson við að undirbúa mót.
Þarna er réttur maður á réttum
stað.
- / hvaða greinum verður
keppt í á Víkingaleikunum?
- Það verður keppt í að
henda 56 punda lóði yfir rá,
þetta er grein sem keppt er í á
skosku Hálandaleikunum. Lóð-
ið fer býsna hátt, ég geri ráð fyr-
ir að það fari vel yfir 17 fet
núna. Það er skemmtilegt að
horfa á þessa grein og gaman að
keppa í henni. Trjástofnum, 40-
50 kg verður kastað eins langt
og menn geta og svo er ný grein
sem menn kalla Þórshamars-
kast, það er búið að gera stóran
hamar fyrir norðan og honum á
að kasta úr kúluvarpshring.
Þetta eru kastgreinarnar á mót-
inu. Svo verður hlaupið með
fólksbíl í togi 50 inetra vega-
lengd, þetta er sígild grein en
yfirleitt eru notaðir stærri og
þyngri bílar. Nú er bíllinn lcttari
en lengri vegalengd.
Það verður einnig keppt í því
að draga bát eftir höfninni og í
því að lyfta síldartunnum á pall
og svo munu keppendur sitja og
togast á um kefli.
- Hver þessara greina finnst
þér mest spennandi?
- Mér finnst líklega mest
spennandi að henda lóðinu y'fir
rána, þetta er mjög gömul grein
og skemmtileg. Annars finnst
mér líka gaman að toga skip að
mér, ég hef ekki gert það áður
en það þarf krafta í kögglum til
að ná góðum tíma í drættinum
þeim arna.
- Er þetta ekki í fyrsta skipti
sem leikarafþessu tagi hafa ver-
ið haldnir á íslandi með svona
sterkum þátttakendum?
- Við kepptum um titilinn
Sterkasti maður íslands 1985,
það mót var með svipuðu sniði
og Víkingaleikarnir eru líkir
mótinu sem haldið var á Akur-
eyri um helgina en þetta er að
vísu fyrsta mótið með erlendum
þátttakendum. Stórt mót, Capes
er besti kúluvarpari fyrr og
síðar.
- Viltu spá um úrslit?
- Það er dálítið erfitt að spá
um úrslit. Það er mjög erfitt að
vinna Capes, hann sækir sig með
aldrinum og hefur aldrei verið
betri en í dag. Hann talar um
þetta sem síðasta árið sitt í
kraftaíþróttum sem keppandi en
ætlar að snúa sér að því að halda
mótin sjálfur og sjá um þá hlið
mála sem framkvæmdaaðili. En
hann ætlar að hætta með stæl og
verður erfiður. Bretinn sem er
með honum, Mark Higgins er
mjög skæður, maður númer tvö
á eftir Capes en þó hafa Bretar
margar milljónirnar til að velja
úr.“
- Nú ert þú meiddur, mun
það ekki há þér í keppninni?
- Það kemur ekki í ljós fyrr
en ég kem á staðinn hvort ég get
yfir höfuð tekið á svo við verð-
um bara að bíða og sjá. Ég fer í
meðferð á hverjum degi og ísa
hófinn yfir nóttina.
- Væru það ekki mikil von-
brígði að þurfa að hætta við að
taka þátt í svona keppni sem
búið er að undirbúa í marga
mánuði?
- Þetta er nokkuð sem maður
verður alltaf að vera með í
huga, þetta skeður allt í einu og
gerir ekki boð á undan sér. Síð-
ustu ár hefur yfirleitt eitthvað
verið að einhvers staðar í
kroppnum rétt fyrir mót. Þegar
ég keppti um titilinn Sterkasti
maður í heimi þá var ég meidd-
ur í baki og meiddur í brjóst-
vöðva, mér fannst eins og bakið
væri að slitna í sundur og brjóst-
vöðvinn væri að gefa sig en ég
komst í gegnum mótið. Þetta er
tilkomið vegna þess að ég er
alltaf að taka á og alltaf að
keppa erlendis við þessa stóru
karla og fæ ekki nógu mikinn
tíma til að hvíla mig á milli.
- Er gaman að vera svona
sterkur?
- Þú getur nú rétt ímyndað
þér, það er ákaflega skemmti-
legt og ákaflega þægilegt. Mað-
ur þarf ekki að kalla á nágrann-
ana til að hjálpa sér við að færa
þvottavélina ef hún bilar, á ekki
í erfiðleikum með að ýta bílnum
í gang og hoppa svo uppí eða að
kasta bílnum til í snjó ef bíllinn
er af viðráðanlegri stærð.
- Hvað er framundan hjá þér
eftir landsmótið?
- Ég fer út 18. júlí og tek þátt
í Hálandaleikunum, síðan tek
ég þátt í þriggja manna móti um
titilinn Sterkasti maður sem
uppi hefur verið, þar keppum
við Capes og Bandaríkjamaður
sem heitir Bill Kazmaier, hann
er sterkasti kraftlyftingamaður
sem uppi hefur verið, hann hef-
ur tekið 1100 kg í þremur lyftum
að samanlögðu, bekkpressu,
hnébeygju og réttstöðulyftu.
Hann hefur unnið titilinn Sterk-
asti maður í heimi þrisvar sinn-
um og er ungur að aldri, 32 ára.
- Ætlar þú að dvelja lengi á
landsmótinu og gera eitthvað
fleira en að keppa í Víkinga-
leikunum?
- Ég ætla bara að spóka mig
um með bros á vör. Ég kem á
fimmtudaginn og fer aftur heim
á föstudagskvöld, hef ekki tíma
til að vera á öllu mótinu. Ég þarf
að halda áfram í meðferðinni
vegna meiðslanna og að æfa mig
eins mikið og ég get. Síðan ég
byrjaði að æfa á fullu hef ég til
dæmis aldrei farið í sumarfrí,
einu fríin sem ég fæ er tíminn
sem það tekur að komast á mót
erlendis og síðan aftur heim að
keppni lokinni, það er afslöpp-
unartíminn.
Mér skilst að það séu mjög
miklar líkur fyrir sól á mótinu
en mjög litlar líkur á rigningu.
Ég vil hvetja fólk til að koma og
sjá vel skipulagða leika,
skemmtilega keppni og góða
sýningu.
- Pakka þér fyrir spjallið Jón
Páll, gangi þér vel og vertu
blessaður.
- Sömuleiðis, blessuð. IM
Útvegsmenn
Norðurlandi
Útvegsmannafélag Norðurlands boðar til fundar
að Hótel KEA þriðjudaginn 14. júlí kl. 15.30.
Fundarefni:
Málefni útgerðar.
Fiskveiðistefnan.
Sjávarútvegsráðherra Halldór Ásgrímsson og for-
maður LÍÚ Kristján Ragnarsson koma á fundinn.
Stjórnin.
Til söhi húseignin
Hafinarbraut 23, I>alvík
180 fm, einbýlishús á tveimur hæðum. Stór lóð.
Tilboð óskast fyrir 15./8. ‘87 merkt „SÓLGARÐ-
AR“ box 1045 121 Reykjavík.
Nýtt tímabil hefst hjá 1. verðlauna stóðhestinum Vin
953 frá Kotlaugum sunnudaginn 12. júlí.
Hesturinn verður sem fyrr í hólfi í Hvassafelli í Eyja-
firði og Sigmundur Sigurjónsson tekur við skráning-
um og veitir allar upplýsingar, sími 31258.
Hrossaræktarsamband Eyfirðinga og Þingeyinga.
Hrossaræktarfélag Akureyrar og nágrennis.
Súlnaberg
opið frá kl. 8.00-22.00.
Heitur matur allan daginn.
Höfðaberg
veitingasalur annarri hæð.
Opið frá kl. 7.30-23.30.
Ath. kvöldverður afgreiddur
frá kl. 18.00-22.00.
*
KRISTJÁN GUÐMUNDSSON
leikur fyrir matargesti
föstudags- og laugardagskvöld.
★
Laugardaginn 11. júlí
Dansleikur
hinir frábæru
MIÐALDAMENN
frá Siglufirði
leika fyrir dansi til kl. 3.00.
Borðapantanir hjá veitingastjóra
í síma 22200.