Dagur - 15.06.1988, Side 15

15. júní 1988 - DAGUR - 15
Hvað fer í taugamar
á karlmönnum?
- 10 gullvægar reglur þar að lútandi
Hvaða spurningar eða athuga-
semdir eru það sem fara mest í
taugarnar á karlmönnum? Þetta
hefur sálfræðingurinn Ken
Druck, prófessor við Simon Fras-
er Háskólann í Vancouver í Kan-
ada, athugað. Niðurstöðurnar
kynnir hann í athyglisverðri bók
er hann nefnir: „Leyndarmál
karlmanna-ótti, öryggi og efa-
semdir" En hvaða setningar eða
athugasemdir eru það sem karl-
mönnum er verst við. Lítum á
nokkur dæmi:
Hvernig fínnst þér
þetta í rauninni?
„Mönnum finnst þessi spurning
lýsa vantrausti á þá. Þetta er inn-
rás í innstu hugsanir mannsins og
þeim finnst vont að kastljósi sé
varpað á tilfinningar þeirra," seg-
ir Druck og bætir við að flestum
finnist þessi spurning mjög
óþægileg.
Við verðum að tala saman
Þetta fær menn ósjálfrátt til að
fara í varnarstöðu. Þeir gera ráð
fyrir því að konan ætli að kvarta
yfir framferði þeirra og líta á
þessa athugasemd sem kvörtun.
Ef aðeins þú myndir . . .
Þessi setning gæti endað þannig -
hlusta oftar á mig, - eyða meiri
tíma með mér - ekki vera svona
eigingjarn. Allarþessar setningar
varpa sökinni á annan aðilann
þ.e. karlmanninn. Honum finnst
ómaklega að sér vegið og bregst
því illa við þessari setningu.
Þú ert svo hræddur
við að skuldbinda þig
„Menn gnísta tönnum yfir þessari
yfirlýsingu því þeir vita að það er
mikið til í henni,“ segir prófessor
Druck. „Ástæðan er sú að menn
eru hræddir um að geta ekki upp-
fyllt allar óskir konunnar, bæði
líkamlegar og andlegar."
Þessi maður er mjög
vel vaxinn
„Karlmenn velta því fyrir sér af
hverju konan er að tjá sig um
annan karlmann að þessu leyti
við sig - þetta gerir þá hreinlega
afbrýðisama," segir prófessorinn.
„Þetta er eins og hefnd konunnar
fyrir að fá ekki að líta á karl-
manninn sem kynveru í gegnum
aldirnar.“
Ef einhver maður myndi
gera mér þetta, skyldi
hann fá að kenna á því
Um þessa setningu segir
Druck: „Flestir menn forðast þær
konur sem alhæfa um karlmenn.
Þessi setning er full að rauð-
sokkureiði og almennum við-
bjóði á karlkyns hiuta
mannkyns.“
Finnst þér ég vera feit
Mönnum líkar ekki við konur
sem sífellt þurfa að vera minntar
á það að þær séu aðlaðandi.
Af tóni þínum má ráða að
þú sért fullur af heift
Sálfræðilegur tónn þessarar setn-
ingar er nóg til þess að koma
ælunni upp í kok á hverjum
manni. Tilfinningin er eins og að
vera í tíma hjá sálfræðingi.
Þú veldur mér
vonbrigðum
Gamla kennslukonu eða mömmu
tilfinningin kemur upp í mönnum
ef þeir heyra þetta. Það er eins og
konan sé að reyna að stjórna til-
finningum mannsins og rækta í
honum sektarkennd.
Þú hugsar bara um eitt
Þetta er sú setning sem ergir
menn allra mest. Það fer óstjórn-
lega í taugarnar á mönnum að
vera núið um nasir að kynlíf sé
það eina sem þeir sjái í konunni.
Prófessor Druck segir um þetta:
„Menn hafa kvartað yfir því að
konurnar séu annaðhvort að saka
þá um að hafa bara eitt á heilan-
um - eða þá að hafa engan áhuga
á því.“
Stelpur, þá hafið þið það á
hreinu hvað þessar elskur, karl-
mennirnir, eru raunverulega við-
kvæmar sálir. Verið því blíðar og
góðar við þá og sýnið þá um-
hyggju sem þeir eiga skilið.
Kaup eða bygging kaupleiguíbúða
á þessu ári:
Umsóknarfrestur
vegna lána er
tíl 22. júní nk.
- umsóknir vegna
fyrir 1.
Þann 9. maí síðastliöinn var
samþykkt á Alþingi breyting á
húsnæðislöggjöfínni sem opn-
ar nýjan valkost í húsnæðis-
málum landsmanna. Húsnæðis-
málastjórn hefur ákveðið að
umsóknarfrestur vegna ián-
veitinga til kaupa eða bygginga
kaupleiguíbúða á þessu ári
verði til 22. júní næstkomandi.
Umsóknir um lán vegna kaupa
eða bygginga kaupleiguíbúða á
næsta ári þurfa að berast
Húsnæðisstofnun ríkisins fyrir
1. ágúst næstkomandi.
Þeir sem geta staðið að bygg-
ingu eða kaupum á félagslegum
kaupleiguíbúðum eru annars
vegar sveitarfélög og hins vegar
félagasamtök eða þessir aðilar í
sameiningu. Með félagasamtök-
um er hér átt við almannasamtök
sem starfa að húsnæðismálum
með það að markmiði að koma á
fót húsnæði og sjá um rekstur
þess í þágu félagsmanna sinna.
Félagasamtök sem hyggjast koma
á fót félagslegum kaupleigu-
íbúðum þurfa að hafa hlotið stað-
festingu félagsmálaráðuneytisins.
Þeir sem geta staðið að bygg-
ingu eða kaupum á almennum
íbúða á næsta ári
ágúst
kaupleiguíbúðum eru sveitarfé-
lög, félagasamtök eða fyrirtæki
eða þessir aðilar í sameiningu.
Félagasamtökin þurfa að hafa
hlotið staðfestingu félagsmála-
ráðherra en nánar verður kveðið
á í reglugerð um skilyrði fyrir
lánum til fyrirtækja og félaga-
samtaka.
Með umsókn til Húsnæðis-
stofnunar ríkisins um lán til
kaupleiguíbúða þurfa að fylgja
upplýsingar um fjölda, gerð og
stærð fyrirhugaðra íbúða, fram-
kvæmdatíma og áætlaðan bygg-
ingarkostnað. Jafnframt þarf að
fylgja greinargerð um stöðu og
horfur í byggingarmálum í við-
komandi sveitarfélagi. í greinar-
gerð skal liggja fyrir áætlun um
byggingarþörf næstu þrjú árin og
helstu ástæður fyrir þörf á auknu
framboði íbúðarhúsnæðis í sveit-
arfélaginu.
Húsnæðisstofnun ríkisins hefur
sent tilkynningu um umsóknar-
frest og kynningarblað um kaup-
leiguíbúðir til sveitarstjórna og
félagasamtaka, er starfa að hús-
næðismálum með það að mark-
miði að koma á fót húsnæði og
sjá um rekstur þess í þágu
félagsmanna sinna.
Hluti vcislugesta.
Mynd: IM
Kísiliðjan
tuttugu ára
Aðalfundur Kísiliðjunnar hf.
var haldinn í Mývatnssveit sl.
mánudag. í tengslum við aðal-
fund félagsins var þess minnst
að 20 ár eru liðin frá upphafí
kísilgúrframleiðslu verksmiðj-
unnar. Gestir Kísiliðjunnar hf.
voru m.a. Friðrik Sophusson,
iðnaðarráðherra og æðstu yfír-
menn Manville Corporation í
Evrópu. Um 50 erlendir gestir
komu til landsins af þessu
tilefni.
Á árinu 1987 skilaði Kísiliðjan
hf. 12,2 milljón króna rekstrar-
hagnaði. Það verður að teljast
viðunandi miðað við erfið ytri
skilyrði. Mikil samkeppni ríkti á
kísilgúrmörkuðum og gengis-
þróun var óhagstæð. Efnahags-
staða félagsins 31. desember 1987
var góð. Hjá verksmiðjunni
störfuðu að meðaltali 63 menn.
Framkvæmdastjóri er Róbert B.
Agnarsson.
Kísiliðjan hf. framleiðir kísil-
gúr, sem notaður er til síunar á
ýmsum vökvum. Dæmi um slíka
vökva eru vatn, bjór, olía og vín.
Kísilgúrinn notast einnig sem
fylliefni t.a.m. í tannkrem og
málningu. Hráefni verksmiðj-
unnar eru skeljaleifar kísilþör-
ungsins, sem lifir í Mývatni. Jarð-
gufa úr Bjarnarflagi er notuð til
þurrkunar á kísilgúrnum.
Kísiliðjan hf. er sameignar-
félag íslenska ríkisins, fjölmargra
sveitar- og bæjarfélaga á
Norðurlandi og bandaríska fyrir-
tækisins Manville Corporation.
Sölufélagið Manville hf. á
Húsavík sér um sölu á fram-
leiðsluvöru Kísiliðjunnar hf. Nær
öll framleiðslan er seld á markað
í Evrópu. Sölufélagið er í eign
Manville Corporation. Fram-
kvæmdastjóri er Höskuldur A.
Sigurgeirsson.