Dagur - 09.12.1989, Page 18

18 - DAGUR - Laugardagur 9. desember 1989
bílor
íl-
Volvo 440 GLT
Alllangt er nú liöið síðan Volvo
AB eignaðist Daf-verksmiðjurn-
ar í Hollandi. Á þeim tíma
(1975) framleiddu Daf-verk-
smiðjurnar bíl sem hét Daf 66, en
síðar Volvo 66. Þessi bíll varð
heimsfrægur í Svíþjóð undir
nafninu Reim-Jóhann, sem var
tilkomið af stiglausri sjálfskipt-
ingu í bílnum sem byggðist á
notkun kílreima. Pessi skipting
átti ekki upp á pailborðið hjá
Svíum, enda var þessi búnaður
ekki sérlega skemmtilegur. Ári
eftir að Volvo eignaðist Daf kom
Volvo 343 á markaðinn, í fyrstu
með samskonar stiglausri reima-
skiptingu og Daf/Volvo 66, en
síðar varð hann einnig fáanlegur
með venjulegum gírkassa. Volvo
343, sem var nánast fullhannaður
sem Daf þegar Volvo kom til
sögunnar, var að ýmsu leyti
merkilegur bíll, og nægir þar að
nefna De-Dion afturásinn, sem
ljáði þessum bílum ágæta
aksturseiginleika. Á síðustu
árum voru svo settar stærri vélar
og aukinn búnaður í þennan hol-
lenska Volvo og nafninu breytt í
Volvo 360.
í vor kom svo á markaðinn
hérlendis nýr bíll frá Volvo í
Hollandi, sem bar nafnið Volvo
440. Fyrirrennari hans Volvo 480
hefur verið fáanlegur í nokkur
ár, en reyndar ekki selst ýkja vel,
enda nokkuð dýr bíll. Báðir þess-
ir bílar eru teiknaðir og smíðaðir
í Hollandi en bera þess nokkur
merki að Volvo hefur haft tögl og
hagldir á meðan þeir voru á
teikniborðinu.
Volvo 440 er auðþekkjanlegur
í útliti eins og Volvo hefur oftast
verið. Bíllinn er svolítið meira
kantaður en straumlínulagaðir
bílar nútímans eru flestir. Hurðir
eru 5 og tiltöluiega gott er að
ganga um bílinn. Mælaborðið er
ágætt stjórntækin liggja vel við
hendi. Framsætin eru mjög góð,
veita góðan hliðarstuðning og eru
stillanleg á alla lund, en stilling-
arnar eru e.t.v. ekki sérlega þjál-
ar í notkun. Aftursætið er hins
vegar ekki eins gott, setan of
stutt og sætið óþarflega lágt fyrir
minn smekk. Hér er e.t.v. á ferð-
inni gamla japanska aðferðin til
að láta líta út eins og yfirdrifið
rými sé fyrir farþega í aftursæti
með því að hafa aftursætið nógu
lítið.
Áklæði og klæðningin eru
vönduð og það sama má segja um
yfirbygginguna í heild. Hún virð-
ist stíf og sterk og vel „skrúfuð
saman“ og frágangur er góður
eins og sjálfsagt er í Volvo. Far-
hér & þar

angursrýmið er ekki ýkja stórt en
þó er auðvelt að stækka það með
því að fella niður báða eða annan
helming aftursætisins. Aftur-
hurðin opnast niður að gólfi en
hurðin mætti lyftast hærra í
opinni stöðu svo hávaxnir menn
reki ekki hausinn í (undirritaður
var nú reyndar ekki í mikilli
hættu). Útbúnaður er góður og
ríkulegur einkum í Turbo-útgáf-
unni.
Volvo 440 fæst í tveim útgáfum
hér á landi, 440 GLT INJECT-
ION og 440 TURBO. Vélin í
þeim fyrrnefnda er 109 hö en 120
í Turbo bílnum. Reyndar er vélin
í þeim báðum að upplagi sú sama
og kemur frá Renault í Frakk-
landi. Hún er 1,7 lítra með beinni
innspýtingu (Turbo einnig með
útblástursdrifna forþjöppu). Vél-
in er nægilega kraftmikil, einkum
þó í Turbo-útgáfunni, sem hefur
talsvert meira snúningsvægi
(tog), en hún er nokkuð hávaða-
söm á miklum snúningshraða.
Gírkassinn, sem er 5 gíra, hef-
ur þægileg hlutföll og er ágætur í
notkun, skiptingar liprar og gír-
stöngin vel staðsett eins og önnur
stjórntæki. Bíllinn hefur vökva-
stýri og það er nákvæmt og gott.
Það veitir svo sem ekki af þar
sem öflugar vélar og framhjóla-
drif hafa í för með sér talsvert
álag á stýrisbúnað. Volvoinn
stendur hins vegar föstum fótum,
eða öllu heldur hjólum að framan
svo aflið skilar sér vel. GLT IN-
JECTION-bíllinn sem ég ók var
búinn ABS-hemlakerfi sem eyk-
ur til muna öryggi þegar hemlað
er við vafasöm skilyrði, t.d. í
hálku eða lausamöl. Kerfið vinn-
ur nokkuð vel í Volvo 440, en þó
þótti mér það óþarflega stjórn-
samt ef svo má að orði komast,
þar sem því hætti til að draga of
mikið af bremsuvirkninni við viss
skilyrði og þar með varð bremsu-
vegalengdin lengri en ella. Þetta
var einkum á holóttum malarveg-
um, en á inalbiki vann kerfið
ágætlega.
Aksturseiginleikarnir eru góðir
og dæmigerðir fyrir framdrifsbíl.
Bíllinn er örlítið undirstýrður,
einkum Turbo-bíllinn. Reyndar
ber afar lítið á því á malbiki. Þar
er bíllinn einnig rásfastur með
afbrigðum og liggur vel. Malar-
vegir valda honum ekki neinum
vandræðum heldur, en þar ber þó
frekar á því að afturendinn sé
svolítið laus. Ennfremur virðist
afturfjöðrunin dálítið hörð eink-
um þegar um skarpar holur eða
hryggi er að ræða, en ræður þess
í stað auðveldlega við stærri og
ávalari ójöfnur. Fremur lágt virð-
ist undir Volvóinn en ég varð þó
ekki var við að það kæmi að sök
á venjulegum vegi.
Bíllinn fer vel með farþega og
ökumann einkum þó þá sem sitja
í þægilegum framsætunum og
Volvo 440 er ábyggilega þægileg-
ur ferðabíll. E.t.v. er hann þó
skemmtilegastur til að skjótast á
honum bæjarleið í snarheitum.
Ekki skemmir að verðið hér á
landi virðist hlutfallslega lægra en
í mörgum öðrum löndum, eink-
um á Turbo-bílnum.
5-dyra fólksbíll, vél að framan, drif
Gerð:
Volvo 440 GLT INJECTION,
á framhjólum.
Vél og undirvagn:
4-strokka, fjórgengis bensínvél, vatnskæld, slagrými 1721 cm, bor-
vídd 81,0 mm, slaglengd 85,5 mm, þjöppun 10,5:1, 109 hö við 5800
sn/mfn, 140 Nm við 4100 sn/mín, bein eldsneytisinnspýting, yfir-
liggjandi knastás.
Drif á framhjólum, 5 gíra gírkassi. Sjálfstæð fjöðrun að framan með
þríhyrndum örmum að neðan, gormleggur, jafnvægisstöng og
demparar. Stífur afturás, festur með langsörmum og Panhardstöng,
gormar og demparar. Vökvastýri, aflhemlar, diskar að framan og
aftan. Hjólbarðar 175/65 TR 14, cldsneytisgeymir 50 lítra.
Mál og þyngd:
Lengd 431,0 cm; breidd 168,0 cm; hæð 138,0 cm; hjólahaf 250,5 cm;
sporvídd 142,0/142,5 cm; eigin þyngd ca. 1030 kg; hámarksþyngd
1.520 kg.
Framleiðandi: Volvo AB.
Innflytjandi: Brimborg hf., Reykjavík.
Uinboð: Þórshamar hf., Akureyri.
Verð: Ca. kr. 1.195 þús.
Akureyri í augum Kínverja:
Grein um Fei, KA og Akureyri í
útbreiddasta íþróttablaði Kína
í nýjasta hefti útbreiddasta
íþróttablaðs Kína, birtist grein
uni Hou Xiao Fei blakþjálfara
og veru hans á Islandi. Þar seg-
ir frá tildrögum þess að Fei fór
til íslands að þjálfa hjá KA og
Akureyri og síðan er viðtal við
Fei sjálfan.
í greininni fer Fei lofsamlegum
orðum um veru sína á Akureyri
og hrósar bæjarbúum fyrir hlý-
hug og gestrisni í sinn garð.
Einnig fer Fei nokkrum orðum
um árangur KA-liðins og að sjálf-
sögðu er sagt frá því að liðið hafi
orðið íslandsmeistari undir hans
stjórn, í fyrsta sinn í sögu félags-
ins.
Nokkrar myndir birtust með
greininni og ef opnan í kínverska
íþróttablaðinu prentast vel sést
Fei ásamt Sigfúsi Jónssyni bæjar-
stjóra, önnur mynd er af þeim
Jóni Vídalín blak- og
matreiðslumanni og Fei í veislu
sem KA-liðið hélt en þar sá Fei
um að búa til kínverska rétti en
Jón sá um þá íslensku. En látuin
myndirnar tala sínu máli og hver
veit nema að greinin í íþrótta-
blaðinu veki áhuga Kínverja á
Akureyri.
Hér sést umrædd opna og cf myndin prcntast vel sjást Ijósmyndirnar frá
Akureyri
Hou Xiao Fei sýnir hér þetta kínverska íþróttablað