Dagur - 09.12.1989, Blaðsíða 22

o r>
n

22 - DAGUR - Laugardagur 9. desember 1989
bœkur
Jakinn í blíðu
og stríðu
Vaka-Helgafell hefur gefið út
bókina Jakinn í blíðu og stríðu
eftir Ómar Valdimarsson. Hér er
um að ræða þætti af æviferli
verkalýðsforingjans Guðmundar
J. Guðmundssonar, en um fáa
íslenska menn hefur staðið jafn
mikill styrr síðustu áratugi.
Bókin um Jakann er á þriðja
hundrað síður og skiptist efni
hennar í 24 kafla en auk frásagna
Guðmundar er . þar að finna
kafla þar sem Elín Torfadóttir,
eiginkona Guðmundar, rifjar
upp ýmislegt úr endingargóðu
hjónabandi þeirra.
í bókinni Jakinn í blíðu og
stríðu fjallar Guðmundur um
opinber afskipti sín og lesandinn
fær að gægjast á bak við tjöldin
og gerir Guðmundur upp málin
við ýmsa pólitíska andstæðinga
og samherja sína. En jafnframt
segir hann sögu sína og margra
annarra.
Undir
hamrinum
- Reynslusögur gjald-
þrota einstaklinga
Bókaútgáfan Skuggsjá, Hafnar-
firði, hefur sent frá sér bókina
Undir hamrinum - Reynslusögur
gjaldþrota einstaklinga.
Á bókarkápu segir höfundur:
Að stofni til fjallar þessi bók um
reynslu nokkurra íslendinga, sem
á síðari árum hafa lent í greiðslu-
erfiðleikum og gjaldþroti.
Ekki er reynt að draga fjöður
yfir mistök viðkomandi fólks,
enda gerir það ekki tilraun til
þess sjálft. Hér er víða tekið
sterkt til orða og finna má þján-
inguna og reiðina, sem er inn-
brennd í sálarlíf viðmælendanna
og finnst nánast á hverri síðu.
Hér kemur fram, að ástæður
fyrir ógöngum fólks eru eins mis-
jafnar og þær eru margar. Ýmsir
fá kaldar kveðjur í þessari bók.
Undir hamrinum er 240 bls. að
stærð.
Krakkar
í klípu
Iðunn hefur gefið út bókina
Krakkar í klípu, spennandi sögu
fyrir börn og unglinga eftir
Zilphu Keatley Snyder. í fyrra
kom út bókin Draugahúsið eftir
sama höfund og varð vinsæl með-
al ungra lesenda, og þessi bók er
jafnvel enn meira spennandi, því
hér lenda þau Davíð, Amanda,
Júlía og tvíburarnir Palli og Ester
í klóm mannræningja.
Þau fara til dvalar á Ítalíu
ásamt foreldrum sínum. Þar er
margt öðruvísi en þau eiga að
venjast, en samt órar ekkert
þeirra fyrir þeim æsilegu atburð-
um sem þau eiga eftir að verða
fyrir. Engan grunaði að mann-
ræningjar væru á ferli kvöldið
sem Amanda fór út að hitta vin
sinn. Og áður en varir eru krakk-
arnir komnir í slæma klípu, inni-
lokaðir á ókunnum stað, ofur-
seldir grímuklæddum ruddum
sem einskis svífast.
Og hvað er þá til ráða?
Álfheiður Kjartansdóttir þýddi
bókina.
Dulmál
dódófuglsins
Vaka-Helgafell hefur gefið út
bókina Dulmál dódófuglsins eftir
Jóhönnu Kristjónsdóttur. Bókin
ber undirtitilinn: Á ferð með
augnablikinu um framandi lönd.
I kynningu Vöku-Helgafells á
þessari nýjustu bók Jóhönnu
Kristjónsdóttur segir meðal
annars:
„í Dulmáli dódófuglsins lýsir
Jóhanna ferðum sínum til tíu
fjarlægra landa. Hún kemur
meðal annars við í Rúanda, á
Máritíus og Malawi, í írak, ísrael
og Túnis og ræðir þar jafnt við
höfðingja, hirðingja og hjákonur
og nálgast fólkið af varfærni en
jafnframt glettni þannig að frá-
sögnin verður í senn lifandi og
sönn.“
Dulmál dódófuglsins skiptist í
ellefu meginkafla og er í bókinni
fjöldi mynda frá þeim löndum
sem leið Jóhönnu hefur legið til.
Aftast í bókinni eru kort sem
Gunnar H. Ingimundarson hefur
gert og fróðlegar upplýsingar um
löndin sem koma fyrir í bökinni
sem geta nýst þeim sem eiga eftir
að fara á þessar slóðir.
BjörnTh.
Björnsson
SANDGREIFARNIR eftir Björn Th. Björnsson. Meillandi og
skemmtileg bók um uppvaxtarár höfundar í Vestmannaeyjum. Lesendur þekkja
bragðmikinn stíl Björns Th. Björnssonar af verkum hans um listfræðileg efni og
sögulegar skáldsögur. í þessari bók nýtur orðsnilld Björns sín frá nýrri og óvæntri
hlið, aðdáendum hans til ósvikinnar ánægju.
LANDHELGISMÁLID - það sem gerðist bak við tjöldin.
Lúðvík Jósepsson var manna lengst í eldlínu landhelgisbaráttunnar. í þessari bók
rekur hann sögu landhelgismálsins í 40 ár og segir frá þeim átökum sem þar urðu
á bak við tjöldin heimafyrir og erlendis. Stórfróðleg bók um lífshagsmunamál
þjóðarinnar skrifuð af einum baráttuglaðasta stjórnmálamanni hennar.
MaiiMiog menning
1 1 í ÞJÓÐBRAUT HEIMSBÓKMENNTA
Síðumúla 7-9. Sími 688577. Laugavegi 18. Sími 15199-24240.