Dagblaðið Vísir - DV - 18.01.1995, Síða 9
MIÐVIKUDAGUR 18. JANÚAR 1995
9
Fréttir
Anna Sigurðardóttir, Nesvegi 1, Súðavík, sem bjargaðist úr snjóflóðinu:
Stjórnleysi að fá ekki
að vita af hættunni
- hafði enga vitneskju um að fólk hefði verið flutt úr öðrum húsum
„Ég hafði ekki hugmynd um það
fyrr en í gær (mánudag) að það hefði
yfir höfuð verið snjóflóöahætta. Mér
fmnst þetta stjórnleysi. Ég heyrði
fyrst í gær að sumir hefðu veriö vak-
andi alla nóttina og verið væri að
flytja fólk úr húsum. Það er ekki nóg
að svona komi eftir á. Mér finnst
skrýtið að ég hafði enga vitneskju
um fundahöld hjá almannavörnum,"
sagði Anna Sigurðardóttir, íbúi að
Nesvegi 1 í Súðavík, sem slapp úr
snjóflóðinu með þrjá unglinga þegar
flóðið fór inn í hús hennar. Éigin-
maður hennar var ekki heima.
Anna sagðist hafa stillt vekjara-
klukku sína á sex um morguninn en
flóðið féll skömmu eftir að hún
hringdi og Anna vaknaði. Þá hafði
snjór brotið svefnherbergishurð
hennar, síðan hefði komið ógnvekj-
andi dauðaþögn - hún hefði í örvænt-
ingu rifið leifar hurðarinnar upp, tal-
ið að börnin væru innilokuð en síðan
séð unglingana þrjá koma skríðandi
og skelfingu lostna í snjónum á gang-
inum með heimilishundinn.
Ekki var hægt að komast út um dyr
en björgunarmenn aðstoðuðu fólkið
við að komast út um glugga nokkru
eftir að flóðið féll. Anna sagði að hún
hefði yfirgefið hús sitt ef hún hefði
haft vitneskju um að verið væri að
flytja aðra íbúa Súðavíkur fyrr um
nóttina - úr þeim húsum kauptúns-
ins sem þeir sem stjórnuðu flutn-
ingnum töldu aö væru á hættusvæði.
„Ef ég hefði vitað um hættuna hefði
ég farið út úr húsinu. Þetta ástand
var miklu verra en þegar flóðið féll
úr Traðargili í desember. Þegar flóð-
ið féll sást ekkert og hvassviðrið var
miklu meira. Ég veit bara að þegar
við áttum heima á Túngötu 4 var
hringt í okkur og sagt að snjóflóða-
hætta væri yfirvofandi og við beðin
um að sofa neðan til í húsinu. Það
hús sópaðist í burtu núna, aðeins
steinveggirnir standa eftir,“ sagði
Anna.
Anna sagði að aðfaranótt mánu-
dagsins hefði fjölskylda hennar ekki
fengiðneinarslíkaraðvaranir. -Ótt
Þorgils Óttar Mathiesen, annar frá vinstri, á bæjarstjórnarfundum í
gær. Hann tekur sæti Jóhanns G. Bergþórssonar næstu mánuðina.
DV-mynd GVA
Bæjarstjóm HafnarQarðar:
Jóhann víkur úr
sætitil l.maí
„í ljósi umfjöllunar um viðskipti
Hagvirkis-Kletts við bæjarsjóð
Hafnarfjarðar og takt við það sem
ég hef alltaf gert hef ég nú ákveðið
aö víkja úr bæjarstjórn. Ráðuneyt-
isúrskurð þarf til að það komist á
hreint hvort eitthvað varði við lög
sem ég hef gert fyrir hönd Hagvirk-
is-Kletts. Ég tel það ekki vera. Ég
tel bara eðlilegt að ég viðhafi sömu
aðferðir í þessu eins og áður. Ég
er ekkert á þeim buxunum að draga
mig í hlé og hef ekkert fengið fyrir
minn snúð,“ segir Jóhann G. Berg-
þórsson, bæjarfulltrúi Sjálfstæðis-
flokks í bæjarstjóm Hafnarfjarðar.
Á bæjarstjórnarfundi í Hafnar-
firði í gær var lagt fram bréf þar
sem Jóhann G. Bergþórsson, bæj-
arfulltrúi Sjálfstæðisflokks, óskaði
eftir því að fá að víkja úr bæjar-
stjórn fram til 1. maí eða meðan
verið væri að fara yfir viðskipti
bæjarsjóðs og Hagvirkis-Kletts í
félagsmálaráðuneytinu. Jóhann
segist ætla að taka aftur sæti í
bæjarstjórn þegar úrskurður fé-
lagsmálaráðuneytisins liggur fyrir.
„Frá mínum bæjardyrum séð er
þetta gálgafrestur. Ég veit ekki
hvort Jóhann hefur verið þvingað-
ur til aö senda þetta bréf en ég held
að Jóhann Bergþórsson láti ekki
þvinga sig til neins. Ég er ekki bú-
inn að sjá að þessi meirihluti sé
starfhæfur nema fram á vorið,"
segir Ingvar Viktorsson, fyrrver-
andi bæjarstjóri.
„Þegar vanda ber að höndum hlýt
ég aö bera málin undir Davíð og
kynna honum stöðuna en ég get
staöfest að við handsöluðum þetta
samkomulag hjá Davíð Oddssyni.
Við leggjum áherslu á aö starfa
áfram í meirihluta Alþýðubanda-
lags og Sjálfstæðisflokks. Ég tel að
við hljótum að vinna að þvi að geta
starfað áfram. Jóhann var ekki
þvingaður til að senda þetta bréf á
neinn hátt. Við erum ekki að leita
að starfi handa honum," segir
Magnús Gunnarsson, oddviti Sjálf-
stæðisflokksins.
Fjöldi manns leitaði fólks í Súöavík eftir að snjóflóð lagði stóran hluta byggðarinnar í rúst. Á myndinni eru þreytt-
ir björgunarmenn að koma inn til hvildar og aðrir að taka við. Öll björgunarstörf voru mjög erfið vegna stórviðris
og fannfergis sem var á þessum slóðum. DV-símamynd Brynjar Gauti Sveinsson
Launagreiðendur!
Launamiðum
ber að skila
í síðasta lagi
21. janúar
tglgjtjl
Allir sem greitt hafa laun á árinu
1994 eiga að skila launamiðum
ásamt launaframtali á þartil gerðum
eyðublöðum til skattstjóra.
RSK
RÍKISSKATTSTJÓRI
Skilafrestur
rennur út
21. janúar