Þjóðviljinn - 04.03.1979, Blaðsíða 15
Sunnudagur 4. mars 1979 ÞJÓÐVILJINN — SÍÐA 15
■
Stórmerkileg hlj ómsveit
Sænska hljómsveitin
Zamla Mammaz
Manna sem leikið hefur
fyrir menntaskóla-
nema sl. viku, er meðal
merkilegri fyrirbrigða
á gamla skerinu um
þessar mundir.
Hljómsveitina skipa þrir Svi-
ar og einn Finni. Þeir heita:
Lars Holmer hljómborð, Eino
Haapale gitar, Hans Brumins-
son trommur og Lars Krantz
bassi. Með þeim er svo hljóð-
blöndungurinn Olle Holmer.
Mér leist nú rétt si-svona á
Zamalana þegar ég heyrði
fyrstu tónana frá þeim i leik-
fimisal M.S. á miðvikudags-
kvöldið. Hávaðinn var ofmikill
og samhljómunin hörmuleg. En
eftir nokkra setu og skoplegar
kynningar Zamalanna, kom i
ljós að þeir kunna sitthvað fyrir
sér. Þegar á leið, lagaðist sam-
hljómunin lika til muna (eða
voru það bara gömlu góðu eyrun
sem vöndust hljóðblönduninni
af gömlum vana?). Lék sveitin
allt frá hörðum rokkurum (og
jafnvel útfærðri þjóðlagatón-
list) til frjálsra spunaverka.
Var fimi þeirra mjög góð, og
naut hún sin best i tveimur löng-
um spunaverkum. Eru þetta
hinir merkilegustu tónlistar-
menn.
FINGRARÍM
Umsjón: Jónatan Garðarsson
í smá spjalli við þá félaga
kom i ljós, að þeir tilheyra
sænskum vinstrisamtökum sem
heita „Musikrörelsai!!. Spruttu
þau samtök upp i kringum and-
róðurinn gegn hernaöarihlutun
Bandarikjanna i Vietnam, en
urðu fljótlega viðtækari. Eru
reknir klúbbará vegum þessara
samtaka, en þróttur þeirra fer
þó minnkandi núna seinni ár.
Ýmsar hljómsveitir, listamenn
og einstaklingar reka þessi
samtök fyrir eigið fé. Zamlan
Mammaz Manna eru trúðarnir i
samtökunum, einsog þeir segja
sjálfir. Leyfist þeim að bregða
ýmsum uppátækjum fyrir sig,
svosem að syngja „naiva”
texta, bregða á leik með
áhorfendur i miðjum lögum og
brjóta upp hefðbundin upp-
troðsluform, ef þeim sýnist svo.
Hljómsveitin var stofnuð 1970
og hefur starfað óbreytt siðan,
nema hvað Eino Haapale
gitaristi leysti fyrrverandi
gitarista sveitarinnar af hólmi
fyrir 2 árum.
Sveitin hefur sent frá sér 7
breiðskifur, sem fengið hafa
þokkalegar viðtökur. Astæðuna
fyrir frekar takmarkaðri sölu
platnanna telja þeir vera þá, að
þar sem útgáfufyrirtækið sem
þeir eru á samningi hjá, er li'tið
og óháð hefur ekki verið lögö
nein áhersla á plöturnar og
hljómsveitin litið auglýst. Ann-
að er, að vegna skoðana sinna
og stöðu, hafa þeir álit smá-
borgaranna alls ekki með sér og
eru þvi engir aufúsugestir á fón-
um „finni fjölskyldnanna”.
Zamala Mammaz Manna
verða i Klúbbnum i kvöld, en
þeir fara af landi brott á mið-
vikudaginn. Það verður vænt-
anlega fjallað nánar um þá fé-
laga i næsta Fingrarimi.
—jg
IMY HLJOMSVEIT
Sturlungar
bijótast fram
Fimgrarím frétti um
daginn af nokkrum ung-
um og efnilegum piltum
sem voru að æra íbúa í
Njörvasundi úr hávaða.
Var því ákveðið að renna
á hljóðið. Kom í Ijós að
þar voru meðlimir
Mezzoforte að verki
ásamt tveimur liðhlaup-
um úr hl jómsveitinni
Mónakó.
Friðrik Karlsson gitarleikari
og höfuðpaur Mezzoforte hleypti
blaðamanni og ljósmyndara inn
i æfingagrenið og náðust njósnir
af iðju þeirra þar.
Það er greinilegt aö þessir
strákar eiga eftir að skipa sér i
röö þeirra bestu hérlendis innan
tiðar. Sýnishorn sem fékkst af
leik þeirra gefur til kynna mikla
hæfileika hljóöfæraleikaranna
og líflegan anda sem rikir innan
hópsins.
Þeir Eyþór Gunnarsson
hljómborösleikari og Friörik
Karlsson gitarleikari eru reynd-
astir þeirra félaga sem skipa
þessa nýju hljómsveit. Voru
þeir áður i hljómsveitinni Tivoli
og stofnuðu Mezzoforte, enda
höfðu þeir svotil algerlega orð
fyrir hópnum.
„Við erum að æfa upp nýja
hljómsveit núna og ætlum við
aö fara úti almenna spila-
mennsku á næstunni. Pró-
grammið er tviskipt. Annars-
vegar eru „instrumental” lög
frumsamin og hinsvegar eru
danslög. Það má segja að pró-
grammið sé byggt á „soul-funk-
diskó-jazzi, með klassisku rokk-
ivafi”.
— Nú voruð þið Eyþór búnir
að lýsa þvi nokkrum sinnum
yfir, að þið væruð hettir i Tivoii,
en hélduð samt alltaf áfram.
Ber svo að skilja að þið séuð
endanlega hættir i þeirri hljóm-
sveit nú?
Eyþór: Já, við erum hættir.
Þaö dróst á langinn að hætta,
aðallega vegna þess að Tivoli
hafði mikið að gera og gaf mikiö
i aöra hönd. Við erum báöir i
skóla og þurfum á peningum að
halda.
— En af hverju hættið þið
endilega núna, voru tekjurnar
eitthvað farnar að minnka?
Friörik: Okkur þótti einfald-
lega vera réttur timi til þess að
hætta núna, enda var þessi
hljómsveit svotil komin af stað.
Eyþór: Þessi hljómsveit
stofnaði sig eiginlega sjálf. Viö
erum allir góðir vinir og höfum
umgengist og spilaö saman I
heilt ár. Þetta þróaöist alltaf
sjálfu sér. Það er rétt aö taka
það fram aö við erum engir
hljómsveitarstjórar. Hljóm-
sveitin stjórnar sér sjálf.
— Hver er svo stefnan hjá
ykkur?
Friðrik: Með tiikomu breyt-
inganna á Mezzoforte breytum
viö um nafn og heitum héöan i
frá Sturlungar. Það er ætlunin
að ná til stærra hóps en áður, og
þess vegna förum við útá mark-
aðinn.
Bandarikjaför er hinsvegar
ekki fyrirhuguð strax. Viö ætl-
um aö leggja islenska markaö-
inn undir okkur fyrst (Friörik
hlær hressilega og hinir taka
undir).
A hvaða tónlist hlustið þið
mest?
Eyþór: Við hlustum mest á
jazzrokk og dálitið á gamlan
jazz. Chick Corea er I miklu
uppáhaldi hjá mér. Svo eru það
fleiri.
Friðrik: Þaö er jazzrokkið.
Larry Charlton er uppáhalds-
gitarleikarinn minn i dag.
Hvað finnst ykkur um ný-
byigjuna?
Það heyrast stunur og and-
vörp úr öllum hornum. Menn
eru greinilega ekkert uppveðr-
aöir útaf nýbylgjunni.
Eyþór: Við erum lltið fyrir
hana.
Friðrik: Reyndar er Elvis
Costello ágætur og mjög margt
gott sem hann er aö gera. Hann
er heldur ekki neinn pönkari.
Eyþór: Mér finnst alger hálf-
vitaskapur aö vera að stinga
sikkrisnælum I gegnum kinn-
arnar á sér.
— En hvað þá um siða hárið á
timum bitlanna. Þaö þótti jafn
mikill hálfvitaskapur?
Eyþór: Hárið er þó eölilegur
hlutur á likamanum.
Svo mörg voru þau orð.
Auk Eyþórs og Friðriks eru i
Sturlungum þeir Jóhann As-
mundsson — bassi, Gunnlaugur
Briem — trommur, Guðmundur
Torfason — söngur, og Björn
Thorarensen — hljómborð.
Þó meðlimir Sturlunga séu
ekki gamlir, eiga þeir margt i
pokahorninu og aldrei að vita
hverju þeir taka uppá. Eitt er
vlst, að Sturlungar er einhver
efnilegasta hljómsveit sem
fram hefur komið hérlendis i
langan tima. Ekki veitti af nýju
blóöi.
—jg