Þjóðviljinn - 15.12.1982, Blaðsíða 3

Miðvikudagur 15. descmber 1982 ÞJÓÐVILJINN — SÍÐA 3
Fjöldi útibúa
Landsbankans
Níu
útibú
í smíðu
M.a. opnar ný
afgreiðsla
á Ártúnshöfða
á næsta ári
Landsbanki íslands opnar á
næsta ári enn eitt útibúið í
Reykjavík. Hyggst bankinn starf-
rækja hið nýja útibú á neðstuhæð
stórhýsis Isíenskra aðalverktaka
við Höfðabakka á Ártúnshöfða,
og vænta forráðamenn bankans
þess að útibúið geti hafið starf-
semi sína þegar á næsta vori.
V-þýsku innréttingarnar í Landsbankanum:
Voru teknar með
ýmsum skilyrðum
segir Karl B. Guðmundsson í Landsbanka íslands
Hinu nýja Höfðabakkaútibúi
er ætlað að Jrjónusta iðnaðar-
svæðið á Artúnshöfða, auk
íbúðabyggðarinnar sem er að rísa
í nærliggjandi hverfum. Ekki
mun Landsbankinn ætla að
kaupa húsnæðið, heldur leigja
það af íslenskum aðalverk-
tökum.
Nú eru í smíðum útibú Lands-
banka íslands víðs vegar um
land. Alllangt er komin bygging
útibús á Hellissandi, skemur á
veg komin er útibúsbygging í Ól-
afsvík, á teikniborðinu er hönnun
byggingar á Raufarhöfn, og í
smíðum eru útibú á Vopnafirði,
Seyðisfirði, Eyrarbakka, og
Stokkseyri. Þá mun bankinn
opna innan skamms afgreiðslu á
Breiðdalsvík. Ekki eru í undir-
búningi fleiri útibúa á Stor-
Reykjavíkursvæðinu en það sem
fyrst var nefnt.
„Jú það er rétt að við ákváðum
að kaupa allar innréttingarnar á
neðri hæð húss okkar í Mjóddinni
frá fyrirtæki í Vestur-Þýskalandi,
en það var gert með þeim skil-
yrðum að íslenskt fyrirtæki fengi
jafnframt framleiðsluleyfi á þess-
um húsgögnum," sagði Karl B.
Guðmundsson hjá Skipulagsdeild
Landsbanka íslands í samtali við
Þjóðviljann.
„Þessi mál voru vandlega
ígrunduð og komist að þessari
niðurstöðu af sérstökum ástæð-
um. Hér er um að ræða háþróuð
húsgögn og innréttingar í af-
greiðslusali, t.d. banka, sem falla
vel að þeim tæknibreytingum
sem við erum nú að taka upp.
Þessar innréttingar geta tekið við
öllum þekktum gerðum af svo-
kölluðum - beinlínuvinnslutækj-
um, en við erum að taka upp þá
tækni, sem flýtir mjög afgreiðsl-
unni í bankanum og stuðlar að
betri nýtingu starfskrafta að
auki.“
En hefðu ekki íslensk fyrirtæki
getað framleitt þessar innrétting-
ar í útibú Landsbankans í
Mjódd?
„Eins og ég sagði er hér um
háþróaða tækni að ræða sem
hefði tekið tíma fyrir íslensk
fyrirtæki að tiieikna sér. Hins
vegar fylgdi það skilyrði af okkar
hálfu, eins og ég sagði, að íslenskt
fyrirtæki fengi framleiðsluleyfið
og þar með tökin á að framleiða
þessi sérhönnuðu skrifstofuhús-
gögn og innréttingar framvegis.
Eru nú að takast samningar á
milli Kristjáns Siggeirssonar hf.
og v-þýska fyrirtækisins um það
rnál.“
Framleiðum trúleea
þessar innréttingar
segir Hjalti G. Kristjánsson hjá Kristjáni Siggeirssyni hf.
„Samningar við þetta fyrirtæki
í Þýskalandi eru í burðarliðnum,
og við munum, ef samningar tak-
ast, framleiða verulegan hluta
þessara innréttinga, sem nú er
búið að setja upp í Landsbank-
aútibúinu í Mjóddinni,“ sagði
Hjalti Geir Kristjánsson hjá
Kristjáni Siggeirssyni h.f.
„Hvað þarna verður um stórt
verkefni að ræða fer eftir mark-
aðnum og í dag er mjög erfitt að
sjá hversu stór hann kann að
verðá. En við munum, ef að lík-
um lætur, fara af stað með þetta
verkefni á nýju ári“.
En hvað með ykkar fram-
leiðslu að öðru leyti? Hvernig er
ykkar staða á markaðnum í dag?
„Hún er allgóð og við höfum
aukið okkar framleiðslu í ár. Hitt
er svo annað mál að það er mjög
erfitt að reka fyrirtæki í þessari
miklu verðbólgu eins og dæmin
sanna úr húsgagnaiðnaðinum í
dag. En við höfum reynt að snúa
vörn í sókn og tókum m.a. fullan
þátt í sérstöku markaðsátaki sem
nýlega er lokið með fullum ár-
angri. Nú erum við að vinna að
markaðssókn áfram og þetta
þýska verkefni er auðvitað einn
liðurinn í því að markaðsfæra
betur okkar framleiðslu."
Hafið þið framleitt áður hús-
gögn eftir útlendum framleiðslu-
leyfum?
„Nei, þetta er í fyrsta skipti
sem við framleiðum húsgögn og
innréttingar með þessurn hætti.
Hingað til höfum við eingöngu
framleitt eftir íslenskri hönnun,“
sagði Hjalti Geir Kristjánsson
hjá Kristjáni Siggeirssyni að
lokum.
- v.
En hvað með aðra innan-
stokksmuni í ykkar hús í Mjódd-
inni?
„Við kappkostuðum að hafa
allt annað innanstokks í húsinu.
íslenska framleiðslu. Allar inn-
réttingar á efri hæð hússins eru
framleiddar af íslenskum aðilum,
gólfteppin eru frá Álafossi, enda
þótt á þeim væru vissir annmark-
ar varðandi það að þau leiða ekki
rafmagn, en framleiðendurnir
eru nú að bæta þar úr, skilst
mér,“ sagði Karl B. Guðmunds-
son hjá Landsbanka íslands að
lokum.
- v.
Tónskóli Sigursveins
D. Kristinssonar
Jólatón-
Leikar
100 flytja jólalög
Tónskóli Sigursveins D. Krist-
inssonar heldur tvenna tónleika í
þessari viku. Hinir fyrri eru kamm-
ertónleikar framhaldsnemenda og
verða í hátíðarsal Menntaskólans í
Reykjavík í kvöld kl. 20.30. Á
þessum tónleikum verða flutt verk
eftir m.a. J. S. Bach, Tarrega,
Schubert, Mendelssohn og
Chopin.
Seinni tónleikarnir eru svo ár-
legir jólatónleikar og verða í sal
Hamrahlíðarskólans sunnudaginn
19. desember kl. 14. Þar koma að-
allega frarn yngri nemendur
skólans bæði í einleik og samspils-
hópum. Blokkflautuflokkur skip-
aður forskólanemendum kemur
fram og flytur ásamt hljómsveit tvö
íslensk jólalög í útsetningu stjórn-
andans, Sigursveins D. Kristins-
sonar. Flytjendur þessara laga
verða um eitt hundrað talsins. Allir
eru velkomnir og aðgangur
ókeypis.
- ekh

LANDSSAMTÖKIN
’roskahjálp
Almanaks-
happdrætti
Þroska-
hjálpar
1983
Landssamtök Þroskahjálpar
efna á komandi ári sem fyrri ár til
almanakshappdrættis. Sérstakt
happdrættisnúmer fylgir hverjum
mámiði ársins og er dregið mán-
aðarlega -nllt árið um kring um
glæsilega ferðavinninga.
Almanakshappdrætti Þroska-
hjálpar hefur verið helsta tekjulind
samtakanna undanfarin ár, en þau
hafa lokið því þrekvirki að fullreisa
gistiheimili í Kópavogi fyrir þrosk-
ahefta utan af landsbyggðinni og
aðstandendur þeirra, þegar leita
þarf læknishjálpar í höfuðborginni.
Næsta stórverkefni samtakanna
er að reisa sumardvalarheimili fyrir
fatlaða að Botni í Eyjafirði.
-lg
Félagi (M)
MATTMASAR JOHANNESSEN
í þessari bók, Félagi orð, eru greinar, samtöl og Ijóð frá ymsum
tímum sem höfundur hefur nú safnað saman í eina Imk. Sumt af
þessu efni hefur áður birst á prenti, en annað ekki. í bókinni eru
greinar um bókmenntir og stjórnmál, og m.a. áður óbirtar frásagnir
af sovésku andófsmönnunum Brodský, Búkovský og Kostropovits,
sem allir hafa komið hingað til lands, en eru heiinsþekktir hver á sínu
sviði. Fjölmargir íslenskir og erlendir menningar- og stjórnmálamenn
koma við sögu í bókinni. Kaflaheitin gefa nokkra huginynd um
verkið: Af mönnuin og málefnum, l'ndir „smásjá hugans“ (af
Buckminster Fuller), Rispur, Bréf til Gils (Guðmundssonar fyrrum
alþingismanns sem vöktu mikla athygli á sínum tíma), Andól' og
öryggi og Yetur á næstu grösum, en þar eru áður óbirt Ijóð Matthías-
ar sem tengjast efni bókarinnar með sérstökum hætti.
ÞJÓÐSAGA
ÞINGHOLTSSTRÆTI 27 — SÍMI 13510