Þjóðviljinn - 15.12.1982, Blaðsíða 20
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt að ná í blaðamenn og aðra starfsmenn blaðsins í þessum sínum: Ritstjórn 81382, 81482og 81527. umbrot 81285. Ijósmyndir 81257. Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. Aðalsími 81333 Kvöldsími 81348 Helgarsími afgreiðslu 81663
Miðvikudagur 15. desember 1982
Geir Gunnarsson formaður fjárveitinganefndar
Þyrfti að starfa allt
Virkt starf fjárveitinganefndar til eftirlits og aðhalds krefst meiri tíma
„Til að fjárveitinganefnd gæti
orðið virkari þátttakandi í á-
kvarðanatöku vegna fjárlaga, þá
yrði að taka upp þá starfshætti sem
tíðkast sums staðar með öðrum
þjóðum, að nefndarmenn starfí að
undirbúningi fjárlagafrumvarps-
ins allan þann tíma sem undirbún-
ingur stendur." Á þessa leið mælt-
ist Geir Gunnarssyni formanni
fjárvcitinganefndar er hann mælti
fyrir breytingatillögum nefndar-
innar í upphafí annarrar umræðu
fjárlaga á alþingi í gær.
Geir sagði að mikið vantaði á að
nefndin hefði kannað einstök at-
riði. En að slíkum vinnubrögðum
þyrfti að hverfa, ef vel ætti að vera,
með því að nefndin starfaði mestan
hluta ársins.
Geir Gunnarsson sagði m.a. í
ræðu sinni að það væri afar óheppi-
legt þegar ráðherrar ákveða upp á
sitt eindæmi að raska ákvörðunum
alþingis að lokinni fjárlagaaf-
greiðslu. f fyrsta skipti a.m.k. síð-
ustu tuttugu árin fengu fjárveiting-
anefndarmenn í hendur skrá um
árið
aukafjárveitingar að þessu sinni.
Geir sagði að samdráttur í
þjóðartekjum á þessu ári, og sem
er einnig fyrirsjáanlegur á því
næsta, setti mjög mark sitt á af-
greiðslu fjárlaga að þessu sinni.
Margir alþingismenn tóku til
máls á Alþingi í gær í annarri um-
ræðu fjárlaga.
Svavar Gestsson
um ummæli Ólafs
Jóhannessonar
Undarleg
yfirlýsing
Heldur hefur þokast
í áttina í
kjördæmamálinu
- Það er undarleg yfirlýsing a-
tarna, sagði Svavar Gestsson for-
maður Alþýðubandalagsins um
þau ummæli Ólafs Jóhannessonar
utanríkisráðherra, að vegna á-
greinings í kjördæmamálinu væri
komið tilefni stjórnarslita. Fulltrúi
Framsóknarflokksins hefur
hlaupist undan merkjum úr ál-
viðræðunefndinni, og það h'tur út
fyrir að viðkvæmnin sé farin að
leggja fíeiri undir sig. Ummæli
Ólafs benda til þess að víðtæk ó-
kyrrð sé í Framsóknarflokknum.
- Staðan í kjördæmamálinu er nú
þannig, að ég er ívið bjartsýnni en
áður um að samkomulag náist um
einhverja þá tillögu ineðal margra
hugmynda sem skoðaðar hafa ver-
ið að undanförnu, sagði Svavar.
Formenn flokkanna komu
saman til fundar s.l. mánudag og í
dag halda þeir með sér fund aftur
um kjördæmamálið. - óg
Magn og verðmæti
útflutnings:
Hrikalegur
samdráttur
Heildarmagn útfluttrar sjávarvöru
dróst saman um 56 þúsund
tonn á fyrstu 10 mánuðum ársins
miðað við sama tíma í fyrra. Nú
nam útflutningurinn 296.249 tonn-
um, en í fyrra 352.981 tonnum. Og
verðmæti útflutningsins í ár nemur
4.846.665 kr., en á sama tíma í
fyrra 3.838.957 kr. en frá 31. októ-
ber 1981 til 31. október 1982 hefur
dollarinn hækkað um 105,5%
þannig að um hrikalega verðmæta-
minnkun er að ræða í krónum
talið.
Miðað við heildarmagn alls út-
flutnings landsmanna fyrstu 10
mánuði ársins er hlutfall sjávar-
afurða 66,8% á móti 70,5% fyrstu
10 mánuði ársins 1981. Og hvað
verðmæti alls útflutnings snertir
hefur hlutur sjávarafurða minnkað
úr 79,2% í fyrra í 76,7% í ár.
Helstu viðskiptalönd okkar hvað
varðar útfluttar sjávarafurðir
fyrstu 10 mánuði eru:
þús. kr.
Bandaríkin 1.614.244
Portúgal 774.336
Bretland 660.539
Sovétríkin 450.862
V-Pýskaland 265.251
Loks má geta þess að 31. okt.
1981 var gengi dollarans skráð
7.690 en 31. okt. 1982 15.800.
- S.dór
Ekkert þessu líkt í 20 ár
segir Benedikt Ágústsson skipstjóri á Ágústi RE
— Um 50 bátar á veiðum þegar mest var í síðustu viku
Segja má að verið hafi land-
burður af ýsu hér í Reykjavík síð-
ustu 3 vikurnar, en þó hvað mest í
síðustu viku. Eg hef ekki vitað
neitt þessu líkt í að minnsta kosti
20 ár, sagði Bencdikt Ágústsson
skipstjóri á 11 tonna bát, Ágústi
RE, þegar við ræddum við hann í
gær, þar sem hann var að landa
þremur tonnum af ýsu.
Benedikt sagðist vera með 30
net og þeir væru þrír á. Hann
sagði að þeir legðu netin hér rétt
fyrir utan, svona þriggja kortéra
siglingu úr höfninni. Við erum
búnir að vera við þetta í tvær vik-
ur og erum komnir með 30 lestir,
það er afspyrnu gott í aðeins 30
net. Þetta er stór og falleg ýsa, en
full af sandsíli, sagði Benedikt.
Hann sagði ennfremur að mikið
hefði gengið á í vikunni sem leið;
þá voru ekki færri en 50 bátar að
veiðum í Flóanum.
í gær þegar tíðindamaður
Þjóðviljans var niður við höfn,
voru bátar frá Grindavík, Þor-
lákshöfn og fleiri stöðum fyrir
Suðurlandi að landa ýsu í
Reykjavík. Megnið af ýsunni fer í
frystihús, þar sem fiskbúðamark-
aðurinn mettast strax í svona
landburði. Sjómenn fá nú 4.50
kr. fyrir kílóið, sem er töluvert
lægra verð en fæst fyrir þorsk.
Benedikt sagði að þorskur sæist
varla í aflanum, bara ýsa, bæði
stór og falleg. Undir síðustu helgi
dró nokkuð úr veiðinni, en Bene-
dikt sagði að nú væri vax-
andi straumur og um leið færi
aflinn aftur að glæðast.
- S.dór.
Ýsugengdin í Faxaflóa:
Annar hver fiskur úr 76 árgangnum
segir Einar Jónsson fiskifræðingur
Þessi mikla ýsugcngd nú kemur
mér ekki svo mjög á óvart, þótt
segja megi að árstíminn sé ekki
heföbundinn, sagði Einar Jóns-
son fiskifræðingur, sem mikið
hefur rannsakað ýsustofninn hér í
Faxaflóa undanfarið, cr Þjóðvilj-
inn ræddi við hann í gær.
Einar sagði að mjög mikið væri
af sandsíli í Flóanum nú og því
eðlilegt að mikið væri af ýsu, og
væri hún enda troðfull af sandsíli
þegar hún veiðist, svo úttroðin að
líkast væri því að hún væri komin
að goti. Hann sagði að samsetn-
ing aflans nú kæmi heldur ekki á
óvart, en hún hefur verið rann-
sökuð undanfarið; annar hver
fiskur sem veiðist er úr 1976-
árgangnum. Sá árgangur, sagði
Einar, er sá sterkasti sem vitað er
um af ýsunni.
Sem stendur er mikið af ýsu og
því ekkert við því að segja þótt
henni sé mokað upp í Faxaflóa,
en horfurnar fyrir komandi ár eru
annað en glæsilegar, sagði Einar,
þegar 1976 árgangurinn er upp-
veiddur. Samkvæmt seiðarann-
sóknum var 1977-árgangurinn lé-
legur, og því ekki við miklu að
búast.af honum. Aftur á móti
sýndu seiðarannsóknir að 1978-
árgangurinn væri efnilegur, en
hann er horfinn. Nú ætti hann að
koma mikið fram í veiðinni, en
hann sést varla að heitið getur,
aðeins um 2% í veiðinni, en eins
og fyrr segir er 1976-árgangurinn
50% af veiðinni.
Einar benti á að ef 1979-
árgangurinn skilaði sér ekki,
væru allir árgangar eftir 1976 lé-
legir, samkvæmt seiðarannsókn-
um. Því væri það ljóst að draga
yrði verulega úr ýsuveiðum, þeg-
ar 1976-árgangurinn er allur
- S.dór
Þeir Ingvi og Trausti vinna hér að löndun á 3 tonnum af fallegri ýsu úr Ágústi RE, sem fengust úr 30 netum, sem Iögð eru eftir aðeins þriggja kortéra
stím úr Reykjavíkurhöfn. (Ljósm. - eik - )
Faxaflói fullur af ýsu: