Þjóðviljinn - 18.12.1984, Blaðsíða 4

LEIÐARI
Stjómarandstaöa Sjálfstæöisflokksins
Sjálfstæöisflokkurinn, höfuöflokkur hinna
ríku, hefursjaldan áttjafn litlu gengi aö fagnaog
um þessar mundir. Þegar betur er aö gáð er
nánast ekki hægt að finna þann hóg í þjóðfé-
laginu sem ekki á Sjálfstæðisflokknum grátt aö
gjalda vegna stjórnarstefnu núverandi ríkis-
stjórnar, - fyrir utan stóru fyrirtækin og fjár-
magnseigendurna.
Auk þessa er Sjálfstæðisflokkurinn forystu-
laus og enginn veit hverjir ráöa feröinni í flokkn-
um, - aö ööru leyti en því að grimmúöleg frjáls-
hyggja hefur oröiö ofan á sem pólitísk stefna
flokksins í ríkisstjórn.
Þetta ástand í Sjáfstæðisflokknum og meöal
fylgis hans er fariö aö endurspeglast á alþingi
íslendinga, þannig aö engu er líkara en fjöldi
þingmanna Sjálfstæðisflokksins sé í raun kom-
inn í harða stjórnarandstöðu. Reyndar á þaö
einnig við um þingflokk Framsóknarflokksins -
og fer þá að styttast í ævidaga ríkisstjórnarinnar
sem margir efast um að tóri lengur en fram á
næsta vor.
Þingmenn Sjálfstæðisflokksins hafa með
margvíslegum hætti látið ríkisstjórnina fá það
óþvegiö og gefið í skyn aö þeir vildu stjórnina
feiga og væru óánægöir meö forystu flokks
síns.
Aö undanförnu hefur hver þingmaöur Sjálf-
stæðisflokksins á fætur öörum lýst yfir and-
stööu sinni við stjórnarstefnuna á alþingi. Eyj-
ólfur Konráð Jónsson hefur hvað eftir annaö
á þinginu gefið í skyn að hann væri búinn að fá
nóg af því aö styöja kolvitlausa peningamálapó-
litík stjórnarinnar og ráðherra Sjálfstæðisflokks-
ins sérstaklega.
Þorvaldur Garðar Kristjánsson virðulegur
forseti Sameinaös þings hefur lýst yfir andstöðu
sinni viö kvótafrumvarp ríkisstjórnarinnar og
hvaö eftir annað gefið í skyn, aö landsbyggðar-
sjónarmiða sé ekki gætt af hálfu ríkisstjórnar-
innar.
Friðjón Þórðarson hefur haldiö eldmessu
yfir frjálshyggjunni í Sjálfstæðisflokknum í þing-
ræðu. Friðrik Sophusson varaformaður Sjálf-
stæðisflokksins skrifar undir nefndarálit um
söluskattshækkunina með fyrirvara. Þessi sölu-
skattshækkun er að mati fjármálaráðherra
Sjálfstæðisflokksins ein af forsendum fjárlaga-
frumvarpsins og hefur verið samþykkt í þing-
flokki Sjálfstæðisflokksins. Meira að segja for-
maður Sjálfstæðisflokksins, Þorsteinn Páls-
son, tiplar eins og óþekkur kjördæmisstrákur
við fjárlagaafgreiðslu á alþingi - og greiðir at-
kvæði á móti tillögu, sem fjármálaráðherra hans
eigin flokks leggur til. Slík fádæmi segja sína
sögu um ástandið í Sjálfstæðisflokknum.
Egill Jónsson eini þingmaður Sjálfstæðis-
flokksins sem ber eitthvert skyn á gróður jarðar
lætur hvað eftir annað í Ijós óánægju sína með
fjandskap Sjálfstæðisflokksins við landsbyggð-
ina. Egill hefur kvartað undan því á alþingi í
síðustu viku að flokksbróðir hans Sverrir Her-
mannsson iðnaðarráðherra hlustaði meira á
aðra menn heldur hann sjálfan og Þorvald
Garðar Kristjánsson þegar orkuverðið væri
annars vegar. Reyndar lýsti þingmaðurinn sig
andvígan stjórnarstefnunni og stefnu iðnaðar-
ráðherra Sjálfstæðisflokksins í orkuverðsmál-
um, enda stendur þar fátt eftir annað en svikin
kosningaloforð.
Guðmundur H. Garðarsson varaþingmað-
ur Sjálfstæðisflokksins hefur hvað eftir annað
bent á vitleysurnar í sjávarútvegsstefnu stjórn-
arinnar og lýst yfir hálfgerðri stjórnarandstöðu í
veigamiklum málaflokkum.
Þannig mætti halda áfram að tína upp and-
stöðuna, óánægjuna og sundurlyndið í þing-
flokki Sjálfstæðisflokksins að ekki sé talað um
óánægjuna meðal almennra flokksfélaga. Slík-
ur þingflokkur er ekki líklegur til að standa að
baki þessarar ríkisstjórnar né nokkurrar annarr-
ar. Feigðarmerki stjórnarinnareru ótvíræð. Það
er sama hvert litið er á vettvangi Sjálfstæðis-
flokksins í þessari ríkisstjórn: svikin loforð, svið-
in jörð og sundurtættur flokkur.
KLIPPT OG SKORIÐ
Jólagleðin I
litla þorpinu
Einsog menn muna var eitt
helsta formannsheit Jóns Bald-
vins Hannibalssonar eftir þing
Alþýðuflokksins að leggja niður
eigið málgagn, Alþýðublaðið, og
gefa í þess stað út myndbönd úr
flokksstarfinu og af heimilis-
bragnum. Myndböndin hafa enn
ekki komist í vídeóleigurnar og
Alþýðublaðið kemur út enda var
ritstjóri þess ekkert mjög glaður
þegar Jón tilkynnti alþjóð áform
sín um blaðið.
Aftur hafa þau tíðindi gerst í
útgáfustarfi Alþýðuflokks að hin
nýja forusta hefur gefið út jóla-
blað handa flokksmönnum. Það
heitir Á aðventunni, og útgefandi
er Félagsmiðstöð jafnaðar-
manna. Það forlag hafði enginn
heyrt um áður. Efni aðventu-
blaðsins er að vonum fjölbreytt
enda er ritstjórinn ekki af verra
tæi: sjálf Bryndís Schram. Að
öðru efni ólöstuðu ber af lyk-
ilsmásagan Jólagleðin í litla þorp-
inu þarsem auðvitað er átt við Al-
þýðuflokkinn.
Langi Jón
með leynda þrá
í blaði litla þorpsins er ekkert
verið að fara út fyrir bæjarmörk-
in. Á forsíðunni er stór mynd af
Jóni Baldvin Hannibalssyni
ásamt frétt um afrek formannsins
síðan á þinginu, síðan er grein um
kvenfólk eftir Jón Baldvin Hann-
ibalsson, síðan úrklippur úr dag-
blöðum um kosningar þarsem
Jón Baldvin Hannibalsson var
kosinn, síðan kemur hjartnæm
grein eftir Bryndísi Schram: Þeg-
ar ég var lítil, síðan kafli úr bók
sem Bryndís Schram skrifaði nú
fyrir jólin. Loks er löng drápa
eftir höfund, sem því miður vill
ekki láta nafns síns getið, en yrkir
um ákveðinn flokksformann og
konu hans:
Langi Jón með leynda þrá
litla flokkinn veðjar á
Hún kyssir kalla
hann kyssir alla
sem kosningarétt hafa
og á kjörskránni lafa
Og að lokum er þessi mikla lýs-
ing á þeim sem „sjarmerar með
sætum róm“:
málskrafsvélin malt og salt
malar skjótt og getur allt
hermannlegt er höfuðlag
hár og skegg með glœsibrag
kempan unga kann sitt fag
og klæðist samkvœmt tísku
enginn nefnir nísku
Skáldið slær hér gamalkunna
íslenska hörpu sem fyrst var höfð
til dýrðar konungum í Noregi,
síðan hetjum kristinnar kirkju,
síðast Jósef Stalín, og nú Jóni for-
manni.
Rúsínan í pulsuenda aðventu-
blaðsins er svo kafli úr nýrri bók
sem heitir Pólitískur farsi.
Trúarbragða-
styrjöld í
Alþýðu-
flokknum?
í síðustu viku birti Alþýðu-
blaðið nokkrar gagnrýnisgreinar
um orgelsöfnun þá hina miklu
sem vinir Hallgrímskirkju hafa
hrundið af stað í miðju Eþíópíu-
hungrinu, og hafa menn lagt eyru
við þeirri gagnrýni: hingaðtil hef-
ur þjóðkirkjan verið heilög kýr
og fengið að rása átölulaust hvert
sem vill.
En aðventublaðið hefur slegið
dygga lesendur Alþýðublaðsins
rækilega útaf laginu í þessu máli.
Ekki nóg með að þar auglýsi vel-
unnari: Orgelsjóður Hallgríms-
kirkju kemst upp (hvert upp?),
heldur er vegleg auglýsing um
aðra orgelsöfnun: Styðjið Orgel-
sjóð Fríkirkjunnar.
Innanflokksmálin hjá krötum
eru sýnilega flóknari en við héld-
um. En þessi kirkjutónlistardeila
í flokki formannsins skýrist kann-
ski eitthvað með Matteusi 24.31:
Og hann mun senda út engla sína
með hljómsterkum lúðri, og þeir
munu safna saman hans útvöldu
frá áttunum fjórum, himinsend-
anna á milli.
Bingó, ekki
jólabónus
Meðan hljóðfæraslátturinn
ómar úr litla þorpinu heyrist grát-
ur og gnístran tanna úr öðrum
stað: þær fréttir berast að eftir
verkfall og prentvélarkaup er Ár-
vakur orðinn peningalítill og get-
ur ekki gefið starfsmönnum sín-
um á Morgunblaðinu jólabónus
sem tíðkast hefur í áravís og verið
góð búbót fyrir kollega á Mogga.
Við samhryggjumst innilega.
Hitt er annað að Morgunblað-
ið hefur nú tekið upp einkenni-
legan leik í sunnudagsútgáfunni
og er farinn að merkja síðurnar
dularfullum táknum á borð við:
B7, C3 o.s.frv. Sú skýring hefur
komið upp á þessum furðum að á
Morgunblaðinu hafi starfsmönn-
um verið bættur jólabónusinn
með heljarmiklu bingói, og séu
þetta tölurnar á bingóreitunum.
Við teljum að Birni Bjarna veiti
ekki af að vinna eftir síðustu
hrakfarir í hernaðarmálunum...
- m
DJÚÐVIUINN
Málgagn sósíalisma, þjóðfrelsis
og verkalýðshreyfingar
Út0«fandl: Útgáfufólag Þjóðviljans.
Rftst/órar: Ámi Berqmann, össur Skarphéðinsson.
Rftatjómarfulltrúi: öskar Guðmundsson.
Fréttaatjóri: Valþór Hlóðversson.
Blaðamann: Ájfheiður Ingadóttir, Ásdís Þórtiallsdóttir, Guðjón Friðriksson,
Jóna Pálsdóttir, Lúðvík Geirsson, Magnús H. Gíslason, Mörður Árnason,
ólafur Gíslason, Sigurdór Sigurdórsson, Víðir Sigurðsson (íþróttir).
yósmyndir: Atli Arason, Einar Karlsson.
Ottlt og hónnun: Filip Franksson, Þröstur Haraldsson.
Handrtta- og prófarkatoctur: Andrea Jónsdóttir, Elías Mar.
Framkvæmdastjórl: Guðrún Guðmundsdóttir.
Skrffstofustjóri: Jóhannes Harðarson.
Auglýsingastjórl: Ragnheiður Óladóttir.
Augiýsingar: Anna Guðjónsdóttir, Margrót Guðmundsdóttir.
Afgreiðslustjórl: Baldur Jónasson.
Afgreiðsla: Bára Sigurðardóttir, Kristín Pótursdóttir.
Símavarsla: Ásdís Kristinsdóttir, Sigrfður Kristjánsdóttir.
Húsmæður: Bergljót Guðjónsdóttir, ólöf Húnflörð.
Innhsimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, auglýsingar, ritstjórn:
Síðumúla 6, Reykjavík, sími 81333.
Umbrot og setnlng: Prentsmiðja Þjóðviljans hf.
Prentun: Blaðaprent hf.
Verð í lausasölu: 30 kr.
Sunnudagsverð: 35 kr.
Áskriftarverð á mánuði: 300 kr.
4 SÍÐA - ÞJÓÐVIUINN Þriðjudagur 18. desember 1984