Þjóðviljinn - 02.06.1985, Síða 11
Meira að segja út á rúmsævi lesa þeir Þjóðviljann. Lói lopa til
vinstri gýtur augunum upp úr leiðaranum en Elli hænsnasmali
er svo niðursokkinn í bíósíðuna að hann tekur ekki einu sinni
eftir gagginu í myndavélinni.
„Rótfiskinn andskoti", sagði
gamall Seyðfirðingur og hristi
sinn úfna haus, þegar Jón
Pálsson, skipstjóra á Gullveri
NS-12, barst í tal. „Hann
dreymir ábyggilega fyrir þeim
gula. Það er ekki mennskt
hvernig hann hittir alltaf á réttu
slóðina “.
Hvort sem Jón Pálsson hæst-
ráðandi á Gullverinu, flaggskipi
Seyðfirðinga, á sér leiðsagnar-
anda sem teymir hann á hjarðir
þroska á botni sjávar sem bíða
þess eins að villast niðrí trollpoka
og þaðan oní lest Gullvers eður
ei, þá er það samt staðreynd að
undir stjórn Jóns er Gullver búið
að hasla sér völl sem eitt helsta
aflaskip okkar. f fyrra bar það að
landi fimmta hæsta aflaverð-
mætið yfir allt landið og nú er
Gullverið hæst togaranna fyrir
austan, búið að róta á land milli
16 og 17 hundruð tonnum frá ára-
mótum.
Sonur Jóns, Jónas, er á góðri
leið með að feta svipaða slóð og
sá gamli. Hann er búinn að taka
Gullverið nokkra túra og fiska
einsog einungis fæddir skip-
stjórar gera.
Þann 20. maí kom Gullverið úr
veiðiferð með 140 tonn sem
veiddist suður af Fæli og var
landað á Seyðisfirði. í þeirri för
tók brasarinn um borð, Óttar
Magni Jóhannsson, nokkrar
myndir sem við fengum leyfi til
að birta hér í tilefni sjómanna-
dagsins.
„Ég stríðel þá“, sagði Óttar
Magni þegar við leituðum frétta
af viðurværinu um boð. „Þeir éta
líka einsog veðhlaupahestar, en
maður gefur þeim hollustu inn á
milli, svo þeir hlaupi ekki alveg í
spik. Þeir fá allt milli himins og
jarðar, stríðsárastöppu og nagla-
súpu, og einstaka sinnum gömul
gúmmístígvél. Þess á milli tros“.
Allir komu þeir samt aftur og
enginn þeirra dó, svo kokkurinn
kann sitt fag. Eða þannig...
-ÖS
Þórir Dan Friðriksson - eða Tóti Dan - fær sér kríu í borðsalnum milli hola.
Þegar verkjar í fingurna eftir aðgerðina og búið að standa tímunum saman er
ekki mikill vandi að detta útaf einsog sleginn.
Tóti Dan, Grétar Vigfússon (Billi
bátsmaður) og Drelli horfa á eina
dökkbláa í vídeóinu. Einar Hilm-
arsson vélstjóri horfir í gaupnir
sér, enda blóðþrýstingurinn far-
inn að hækka...
Sunnudagur 2. júní 1985 ÞJÓÐVILJINN - SlÐA 11