Þjóðviljinn - 20.01.1989, Qupperneq 21

HTTT C * , ■ \r
nrLi ^tix ivirLi^n^iii^n-riiTi
Borgarieikhús
í
sumar?
Viðtal við Hallmar Sigurðsson, leikhússtjóra
Viö stefnum að því að flytja í
Borgarleikhúsið nýja í ágúst í
sumar og frumsýna á báðum
sviðum undir lok október,
segir Hallmar Sigurðsson
leikhússstjóri hjá Leikfélagi
Reykjavíkur.
Alíslenskt ár
framundan
Samþykkt var á fundi bygging-
arnefndar sem í eru aðilar bæði
frá borginni og leikfélaginu að
leggja allt kapp á að Ijúka við
húsið þó svo það þýði að skera
verði niður eða fresta vissum
verkþáttum. Það sem snýr að
áhorfendum og öðrum gestum
verður þó fullbúið. Komið hefur í
ljós að kostnaðurinn við að full-
gera húsið er hærri en reiknað var
með, einkum vegna þess að fjár-
hagsáætlunin var gömul og hafði
ekki verið endurskoðuð fyrr en
núna. Þess vegna er reynt að
spara í öllum frágangi og forðast
allt sem kallast getur bruðl. „En
húsið á ekkert að verða síðra við
það. Þetta breytir á engan hátt
skilyrðum fyrir því að fremja
góða list,“ sagði Hallmar.
En hvað á að leika í nýju húsi?
„Við stefnum að alíslensku ári,
og til þess að svo gæti orðið efnd-
um við til samkeppni um leikrit
sem við erum að vinna úr núna.
Þátttakan varð framar björtustu
vonum, það bárust á 6. tug verka,
sem veldur því að við verðum að
fresta úrslitum. Við ætluðum að
tilkynna þau fyrir miðjan janúar
en það verður ekki fyrr en upp úr
mánaðamótum.“
Fjárhagurinn
óráðinn
Nýtt hús í sumar og frumsýn-
ingar á tveim sviðum í haust -
eigið þið nóga peninga?
„Nú stendur fyrir dyrum um-
ræða um styrk frá borg og ríki, en
það má hverjum vera ljóst að
húsið kallar á miklu umsvifameiri
starfsemi en hefur verið í Iðnó.
Og þá verður um leið eðlilegt að
rekstrarfé frá opinberum aðilum
verði aukið. Mér finnst ekki ó-
eðlilegt að aukningin verði hlut-
fallslega meiri frá ríkinu. Ég er
alls ekki óánægður með sam-
skiptin við borgina en það er
óheppilegt og óeðlilegt að rekst-
urinn hvíli svona mikið á einum
aðila.
Það hefur aldrei verið mörkuð
opinber stefna um fjárveitingar
önnur en sú sem lesa má út úr
leikhúslögum. Þar segir á þann
veg um áhugaleikhús að stuðn-
ingur bæjar- og sveitarfélaga
skuli ekki vera minni en stuðn-
ingur ríkisins. Þegar Ingvar
Gíslason fyrrverandi mennta-
málaráðherra stórjók framlag
ríkisins til Leikfélags Akureyrar
gerði hann að skilyrði að Akur-
eyrarbær kæmi til jafns við ríkið,
en hjá okkur stendur ríkið fyrir
fjórðungi af því sem borgin
leggur til.
Nú hillir undir að húsinu verði
lokið, þessu myndarlega fram-
taki borgarinnar sem hefur staðið
undir því að langmestu leyti
ásamt Leikfélaginu. Ríkið hefur
ekkert lagt fram til þess. Nú geri
Hallmar Sigurðsson, leikhússtjóri.
ég mér vonir um að ríkið sjái
sóma sinn í að koma myndarlega
til móts við borgina. Þetta verður
auðvitað alltaf kallað Borgar-
leikhús, en stór hluti af áhorfend-
um okkar kemur alls staðar að af
landinu."
Ferðin á heimsenda
Hvað er næst á verkefna-
skránni?
„Næsta frumsýning verður um
miðjan febrúar á nýju barna-
leikriti sem heitir Ferðin á
heimsenda. Olga Guðrún Árna-
dóttir skrifaði það í samvinnu við
starfshóp sem var myndaður í
fyrravetur hjá Leikfélaginu.
Leikfélagið stóð þá fyrir
leiksmiðju með börnum og upp-
færslan núna er í beinu framhaldi
af því starfi og að vissu leyti ár-
angur af því.
Staðreyndin er sú að leikhús-
fólk hefur sinnt börnum og ung-
lingum allt of lítið undanfarin ár.
Leikfélag Reykjavíkur hefur haft
þá afsökun að húsnæðið byði
ekki upp á barnasýningar. Þá
þarf að lækka miðaverð og við
erum með svo fá sæti að við höf-
um illa efni á því.
Þrem systrum
frestað
Þannig er búið að rekstri okkar
að eigið aflafé af miðasölu er
helmingur af rekstrarfé. Það er
hærra hlutfall en ég þekki til hjá
sambærilegum leikhúsum annars
staðar. Víðast í nágrannalöndun-
um er hlutfallið 10 prósent hjá
leikhúsum með reglulega styrki.“
Hvaða sýning tekur svo við?
„Trúlega verður engin frum-
sýning á okkar vegum í Iðnó eftir
það. Við ætluðum að setja upp
Þrjár systur eftir Tsjekov í vor en
úr því getur ekki orðið. Fyrir
þessu eru margar ástæður. í
fyrsta lagi er aðsóknin að verkun-
um sem eru á fjölunum núna svo
mikil að horfur eru á að þrjár sýn-
ingar yrðu í fullum gangi þegar
Þrjár systur kæmu upp. Húsið
býður ekki upp á að þrjár leik-
myndir séu í notkun í einu, hvað
þá fjórar.
Síðan kemur það til að fjár-
hagsstaðan leyfir ekki uppsetn-
ingu á leikriti sem ekki yrði kost-
ur á að leika nema fá kvöld. Við
fengjum ekki nema lítið brot upp
í stofnkostnað.
Og í þriðja lagi er ástæðan sú
að við stefnum að frumsýningum
í nýja húsinu í haust, og til þess að
það megi verða þarf margt af
okkar starfsfólki að leggja sitt af
mörkum í húsinu síðustu vikurn-
ar og mánuðina við framkvæmd-
ir, eftirlit og frágang á tæknibún-
aði og fleira í þeim dúr. Starfslið-
ið er fámennt og ekki til skipt-
anna. Til dæmis eru líkur á að við
þurfum að flytja til sumarfrí og
stytta leikárið núna til að næsta
leikár geti byrjað fyrr.“
Fáum við að sjá Þrjár systur?
„Eflaust. Og vonandi verður
þess ekki alltof langt að bíða. Þá
verður vonandi líka hægt að gera
ennþá meira spennandi sýningu
en við getum hérna í Iðnó.“
Margar spennandi sýningar
höfum við þó séð þar og þarf ekki
alltaf flott húsnæði til að gera
góðar sýningar. Þetta leiðir beint
að næstu spurningu:
Hvað verður um Iðnó?
„Von mín er sú að Iðnó geti
orðið eins konar félagsheimili þar
sem leikhópar ættu möguleika á
að komast inn með sýningar. Að
það yrði jafnvel þannig að hópar
kepptust um að fylla húsið af
spennandi sýningum. Ég held að
það ætti ekki að láta einn hóp, til
dæmis Alþýðuleikhúsið, hafa
húsið fyrir sig eingöngu, það væri
eins og að búa til nýja stofnun.
Margir leikhópar hafa á undan-
förnum árum blásið nýju lífi í
leiklistina, þeir hafa sýnt frum-
kvæði og boðið upp á leiklist þar
sem síst var von á henni. Þetta var
ákveðin nýbreytni - til dæmis
Skemman hjá Leikfélaginu,
Hlaðvarpinn, ýmis háaloft og
kjallarar. Það þarf að opna
möguleika fyrir fleiri en einn
leikhóp, en umfram allt á að
halda áfram að leika í Iðnó.“
SA

Starfsfólk L. R. skoðar Borgarleikhúsið á byggingarstigi.
Föstudagur 20. janúv 1989 NÝTT HELGARBLAÐ - SÍÐA 21