Þjóðviljinn - 03.11.1989, Blaðsíða 2

SKAÐI SKRIFAR
Ég svamla
um í svaðinu
éiv©
Ég, Skaði, lenti í einhverju sem kalla mætti
rifrildi við hann Jónas frænda minn, sem er
Framsóknarmaður og var náttúrlega skírður í
hausinn á Jónasi frá Hriflu þegar allt lék í
lyndi á þeim bæ. Það er að segja áður en
Hermann, pabbi hans Steingríms forsætis-
ráðherra, henti karlinum út í ystu myrkur af
því ekki mega vera tveireða þrír tígulkóngar í
sömu Framsóknarvistinni.
Jónas frændi er löngu búinn að fyrirgefa
Steingrími það sem pabbi hans gerði sjálfum
Jónasi. Hann meira að segja trúir á
Steingrím. Hann var semsagt að ota að mér
viðtali úr Tímanum, þar sem Steingrímur er
eitthvað að væla yfir því að heiðarlegir og
óháðir fjölmiðlar hafa verið að gagnrýna
hann og aðra ráðherra.
Ég er alveg sammála Steingrími, sagði
Nasi frændi, í því að það er ekki nokkur
hemja hvernig veriö er að draga stjórnmálin
niður í svaðið og drulluna. Það er ríður til
dæmis ekki við einteyming hvernig þessir
íhaldsfjölmiðlar ykkar, Stöð tvö og það jukk,
hafið reynt að gera hann Jón Baldvin að þjófi
og alka.
Þið byrjuðuð, sagði ég. Þið gátuð ekki leyft
góðum embættismanni af bestu ættum að
kaupa sitt forsetabrennivín eftir þumalputta-
reglu. Lestu bara Björn Bjarnason í Moggan-
um, þar hefurðu það allt.
Æ Skaði, minnstu ekki á þá moggaþvælu
ógrátandi, sagði Jónas Framsóknarmaður.
Maður gæti haldið að sá sem lyfti fingri og
benti á átján hundruð flöskur hefði svo gott
sem sjálfur þambað allt það brennivín en ekki
sá sem keypti. Ég gæti gubbað.
Gubba þú þína lyst lagsi, sagði ég. Sama
er mér.
Sjáðu bara hvað hann Steingrímur minn
segir hér í Tímanum. Hann segir að það sé
fáránlegt að halda því fram að ráðherrar
kaupi áfengi í auðgunarskyni.
Það var þá viskan, sagði ég. Flestir kaupa
áfengi til að verða hífaðir og kannski taka vini
sína með á það flug. Hefurðu aldrei heyrt
þess getið, þinn Framsóknarsviðakjammi?
Og þótt þeir séu ekki að kaupa þennan
fjanda í auðgunarskyni, þá gera þeir það líka
til að koma í veg fyrir að þeir verði fátækari en
ella hefði orðið.
Þú ert svoleiðis andskotans röflari Skaði,
sagði Jónas. Þú sérð ekki kjarna málsins. Þú
sérð ekki reisn stjórnmálanna vegna þess að
þið íhaldsmenn haldið að þjóöin sé að halda
framhjá ykkur ef hún lýtur öðrum ráðherrum
en ykkar. Þá göslist þið bara áfram og gerið
alla ráðherra lygara og ómerkinga og kallið
hann Steingrím minn Gróu á Leiti. Ólíkt
höfumst við að, segi ég nú bara: Steingrímur
segist aldrei hafa kynnst neinum manni í ráð-
herraembætti sem er skúrkur. Taktu etir
þessu: hann undanskilur ekki ykkur íhalds-
menn einu sinni, svona er hann göfugur.
Göfugur þetta rægsni og gægsni! Svo fjas-
ar hann fláráður næsta dag um einhverja
reikninga frá Steina mínum Páls sem hann
segir að séu nú svona og svona og hinseginn
og allavega og þó muni hann aldrei sýna
almenningi slíka svívirðu.
Af því, sagði Nasi, að hann vill ekki draga
stjórnmálin niður í svaðið!
Af því, æpti ég á móti, að hann Steingrímur
þinn ER svaðið'
Nú gátum við ekki komið upp orði meirfyrir
sakir hugaræsings en stóðum hvor gegn öðr-
um eins og hundar á roði.
Sá vægir sem vitið hefur meira og eftir
drykklanga stund sagði ég við Nasa:
Nasi minn, eigum við ekki að taka það að
okkur sjálfir að þoka umræðunni upp á hærra
og fallegra plan?
Jú Skaði minn, sagði Nasi með tár í hægra
auga. Það skulum við gera. Við skulum tala
um stefnunefndina okkar Framsóknar-
manna sem var að skila svo yndislegu starfi
og skýrslu.
Jæja? sagði ég.
Já, þar er svo margt nýtt og merkilegt að
finna um það hvernig stjórnkerfi ríkisstofn-
ana verði gert virkara í tengslum við skilvirk-
ari innheimtu réttlátra ríkistekna svo að pen-
ingar verði til þess að framfylgja rétti Byggð-
astofnunar til ótvíræðrar áætlanagerðar um
eflingu byggðar sem stangist ekki á við að-
lögun að sameiginlegum markaði í Evrópu
nema síður sé, enda sé búið að leita dyrum
og dyngjum að leiðum til að tryggja
hagsmuni allra í einu í fiskveiðum og endur-
skoða sölu og markaðskerfi og veiðileyfi og
kvóta og gáma og lifrarkast fyrir borð...
Jónas minn, sagði ég.
Hvað þá frændi? spurði Nasi.
Eigum við ekki heldur að skreppa ofan í
svaðið aftur?
I RÓSA-
í GARÐINUM
VARASOM ER
LOÐDÝRARÆKTIN
í stuttu máli má segja að við
höfum látið gamlan ref plata okk-
ur til Póllands á vitlausum for-
sendum.
DV
ÓSMEKKLEG
AFSKIPTASEMI
Það hefur nýlega komið í ljós
að mikill hluti íslendinga vill að
við göngum í Evrópubandalagið.
Þeir sem framkvæmdu könnu-
nina gerðu síðan illt verra með
því að spyrja fólkið hvað Evrópu-
bandalagið væri.
DV
ÁSTERFÆDDOG
ALIN BLIND
Ég hefi aldrei kynnst neinum
manni í ráðherraembætti sem er
skúrkur.
StBÍngrímur
Hermannsson
NÝMÆLI í KYNLÍFI
HROSSA
í hestamannablaðinu Eiðfaxa
segir frá Höfðagusti þar sem
hann var leiddur undir 23 merar í
Dalasýslu.
DV
FLASSARAR Á
FLEYGIFERÐ
Ráðherrar labba út úr ráðu-
neytum með buxurnar á hælun-
um og inn í annað og gerast þar
hálfu kokhraustari en í hinu
fyrra.
DV
FJÖLLYNDI
í hinni öru þróun fjölmiðlunar
á Islandi er farið að bera nokkuð
á umræðu í fjölmiðlunum um
fjölmiðlana.
Morgunblaðið
ÁSTKÆRA
YLHÝRA MÁLIÐ
Við vorum í svo svakalegu
stuði og manstu þegar hann
sveiflaði hendinni og ryþminn
átti að stoppa og hann blés
breikin?
Morgunblaðið
HIN ÞVERSTÆÐU-
FULLA
ANGAN
LÍFRÍKISINS
Garri undrast það að nokkur
manneskja, svo ekki sé talað um
unga fallega konu sem angar af
ilmvatni, skuli vera tilbúin til að
leggja það á sig að ganga um með
hund í bandi og hirða upp eftir
hann angandi hundaskít.
Tíminn
BÍLLINN ER
STÆRRI!
Svo virðist sem íhaldið í
Reykjavík telji sig nú hafa fundið
lausn á vanda aldraðra og
skammta einstaklingum sem
samsvarar einu bílastæði í ellinni.
T§ Smm mm
2 SIÐA - NÝTT HELGARBLAÐ Föstudagur 3. nóvember 1989