Þjóðviljinn - 10.11.1989, Blaðsíða 8

Þjóðviljinn - 10.11.1989, Blaðsíða 8
Helgárblad Þióovuiihh mw Málgagn sossalisma, þjó6frelsis og verkalýöshreyf ingar Síðumúla 6, 108 Reykjavík Útgefandi: Útgáfufélag Þjóöviljans Framkvæmdastjóri: Hallur Páll Jónsson Ritstjórar: Árni Bergmann, Ólafur H. Torfason Umsjónarmaður Helgarblaðs: Ólafur Gíslason Fréttastjóri: SigurðurÁ. Friðþjófsson Útlit: Þröstur Haraldsson Auglýsingastjóri: Olga Clausen Afgreiðsla:S'68 13 33 Auglýsingadeild:©68 13 10-68 13 31 Símfax:68 19 35 Verð: í lausasölu 140 krónur Setning og umbrot: Prentsmiðja Þjóðviljans hf. Prentun: Blaðaprent hf. Hverá fiskimiðin? Eins og lög gera ráð tyrir er margt skrifað og skrafað þessa dagana um stjórn fiskveiða. Og eins og allir vita fer því fjarri, að eitthvað sem líkist þjóðarsamstöðu um þau mál hafi náðst - nema hvað allir telja sig eiga það mark- mið að gera fiskveiðar hagkvæmari og koma í veg fyrir að íslendingar ofveiði sig út á gaddinn. Við erum einmitt þessa daga minnt á það með herfilegum dæmum af hruni fiskveiða við Norður-Noreg, hve háskalegt það geturver- ið að umgangast ráðleggingar fiskifræðinga með léttúð og svo að svindla á kvótum með ýmislegu sukki um borð. Jóhann J. Ólafsson, formaður Verslunarráðs, leggur orð í belg um þessi mál í opnugrein í Morgunblaðinu í gær - þar sem því er slegið föstu í fyrirsögn að „Útvegsmenn eiga fiskimið íslands." Hann telur þann vanda stærstan í stjórn fiskveiða, að fiskimiðin hér við land séu „ekki háð neinum eignarrétti í hefðbundnum skilningi þessa orðs". Að vísu sé það viðurkennt, að fiskimiðin séu eign íslensku þjóðarinnar, en það sé markleysa, vegna þess að það sem allir eiga það eigi enginn. Af því stafi rányrkjan. Lausn greinarhöfundar á svo að vera sú, að stofnað sé hlutafélag (eitt eða fleiri) um íslandsmið, sem eigi fiskinn í sjónum og gæti hans af búskaparhyggindum eins og bændur sinna afgirtu túna. Ekki á þetta að vera almenn- ingshlutafélag eins og sumum hefur dottið í hug, heldur eiga útgerðarmenn að fá hlutabréfum úthlutað. Vegna þess, segir greinarhöfundur að „útgerðarmenn hafa stundað fiskveiðar við fsland frá alda öðli og haft frjálsan aðgang að fiskimiðunum. Það er því sanngjarnt að þeir eignist fyrstir hlutabréfin í hinu nýja fyrirtæki". Þetta eru meira en hæpin sjónarmið. Hér er enn á ferð sama lénsveldishugsjónin og sigraði við mótun kvóta - kerfis: þeir sem af tilviljun eru að fást við útgerð á tilteknu árabili, þeir eru í reynd látnir "eiga sjóinn". Það er meira en vafasamt að slík ráðstöfun sé skynsamleg og hún er vitanlega alls ekki réttlát. Nær væri að segja, að fólkið í þeim plássum sem ekki væru til ef ekki væru fiskveiðar, það hefði vissan forgangsrétt til fiskveiða. Eða á það fólk sem hefur stundað sjó kynslóð fram af kynslóð að vera háð duttlungum hlutabréfamarkaðarins? Á að gera ráð fyrir því sem sjálfsögðum hlut, að pláss hrynji með bryggj- um sínum og bátum, skólum og fjölskylduhúsum - ef lénsherranum, það er að segja stærsta útgerðaraðilan- um, þóknast að hætta rekstri? (Þeir sem vilja hætta veiðum halda þó tekjum af sölu fisks í sjónum, segir greinarhöfundur- það á svo sem aðtryggja hag lénsherr- anna í bak og fyrir.) Þær lausnir á vanda fiskveiðistjórnar sem láta mál sem þessi lönd og leið skapa ný vandamál sem eru ekki smærri en þær áttu að leysa. Svo er annað: formaður Verslunarráðs er að vona, að ofangreind hlutafélags • stofnun um þorskinn í sjonum muni vernda okkur fyrir Evrópubandalaginu. „Ríkisstjórnin gæti ekki samið við aðrar þjóðir um kvóta á íslandsmiðum því þau væru í einkaeign" segir hann. Hætt er við að slík ráðstöfun yrði skammgóður vermir enda þótt gert sé ráð fyrir því að „takmarka þyrfti eignarrétt að hlutabréfum við íslenska ríkisborgara að mestu leyti". Ekki nema von reyndar að gert sé ráð fyrir því að erlendir aðilar smeygi sór „að nokkru leyti" inn í væntanleg íslandsmið hf. - eða hvernig ætla menn að gangast undir hið fræga frelsi í fjármagns- streymi í samningum við Evrópubandalagið og undan- skilja kaup á hlutabréfurh í þeim fyrirtækjum einum sem minnsta slorlykt er af? ÁB 8 SÍÐA - NÝTT HELGARBLAÐ Föstudagur 10. nóvember 1989 Ljóðaf ónleikar í Óperunni Sigríður Ella Magnúsdóttir og Geoffrey Parsons flytja íslensk og erlend ljóð í Óperunni á sunnudaginn Sigriöur Ella Magnúsdóttir messósópran og Geoffrey Pars- ons píanóleikari halda Ijóðatón- leika í (slensku ópemnni á sunn- udaginn. Tónleikarnir hefjast kl. 15 og á efnisskránni eru íslensk og erlend Ijóö, meöal annars eftir Haýdn, Schubert, Delius, Sibe- lius, Sigvalda Kaldalóns og Árna Thorsteinsson. Sigríður Ella hefur tekið virk- an þátt í íslensku tónlistarlífi á undanförnum árum í óperum, ór- atoríum og Ijóðasöng. Hún er bú- sett í London og hefur sungið mikið bæði á Bretlandi og á meginlandi Evrópu á síðustu missemm. Geoffrey Parsons er heims- þekktur undirleikari, fæddur í Ástralíu og heldur þar reglulega tónleika auk þess sem hann er fastur gestur í ástralska Ríkisút- varpinu. Hann hefur á tónlistar- ferli sínum unnið með ýmsum stórsöngvurum, svo sem Victoriu de los Angeles, Elisabeth Schwarzkopf, Birgit Nilsson og Hans Hotter. Sigríður Ella í hlutverki Carmen. Á sunnudaginn syngur hún íslensk og erlend Ijóð við undirleik Geoffrey Parsons. Parsons verður með „Master Class" fyrir nokkra söngvara og undirleikara þeirra á mánudags- kvöldið kl. 20:30 í sal Tónlistar- skólans í Reykjavík, Skipholti 33. Öllum er frjáls aðgangur til áheyrnar gegn vægum aðgangs- eyn- LG Helgarveðrið Horffur á laugardag: N og NA-átt um land allt. Éljagangur Norðanlands, en úrkomu- laust og víða léttskýjað syðra. Frost 1 til 6 stig. Horfur á sunnudag: Fremur hæg brevtileg átt. Sums staðar él við A- og NA-ströndina, en annars þurrt og víða léttskýjað. Frost á bilinu 2 til 8 stig.

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.