Þjóðviljinn - 30.03.1990, Side 23

Kanadamaður
kemur á óvart
Daniel Lanois er tónlistarmað-
ur sem ég veit lítið um annað en
það að maðurinn er frá Kanada
og hefur „pródúserað" nokkrar af
gæðaplötum undanfarinna ára.
Síðasta stórvirki hans á þessu
sviði var „Oh Mercy“ Bob Dy-
lans, sem einmitt vakti sérstaka
athygli fyrir einstakan hljóm sem
byggði á einfaldleika og tærleika
þar sem hárfínir gítartónar og
munnhörpuleikur Dylans fengu
að njóta sín til fulls. Dylan og La-
nois unnu plötuna á
jafnréttisgrundvelli en Dylan hef-
ur verið þekkturfyrir margt annað
en þolinmæðina þegar kemur að
því að vinna með öðrum. Aðrar
frægar plötur sem Lanois sá um
að „pródúsera" eru „Johusa
Three" U2, þar sem sumir segja
að hann hafi náð að þroska U2
hljóminn í nýjar áttir og „So“ Pet-
er Gabriels sem olli straumhvörf-
um hvað vinsældir varðar hjá
erkienglinum.
Daniel Lanois.
Það má vel vera að Daniel La-
nois hafi gefið út fleiri plötur en
„Acadie“ sem kom út í fyrra og
ég hnaut um ekki alls fyrir löngu.
En hvað sem fyrri afrekum La-
nois líður þá er „Acadie“ rúm-
lega allrar athygli verð. Hér er
langt í frá nokkur æsingaplata á
ferðinni heldur yfirveguð tónlist
sem töluvert mikið er spunnið í
og greinilega hefur verið legið
yfir hvernig skyldi útfærð. Maður
kannast að nokkru við vinnu-
brögð Lanois frá „Oh Mercy“
Dylans á „Acadie“, sérstaklega í
viðkvæmari köflum þar sem
meira er leikið á þagnirnar en
hljóðin.
„ Acadie“ er plata sem fer ákaf-
lega vel með því ástandi sem
margir kannast við og upplifa
gjarnan um og eftir hádegi á
sunnudögum og fylgir því þegar
hrossastóð Bakkusar ríður úr
hlaði með látum eftir mis-
skemmtilegar helgarheimsóknir.
Lögin eru flest í rólegri kantinum
en þau sem einhver æsingur er í
eru í einhvers konar kántrý-rokk
stíl, þó sú Iýsing sé alls ekki
fullkomin.
Það er annars furðulegt að
hlusta á „Acadie'* að því leytinu
að hún minnir oft sterklega á „Oh
Afmælistónleikar Júpíters í kvöld
Stórsveitin Júpíters heldur upp
á það í dag að eitt ár er liðið frá því
sveitin var stofnuð. Á þessu eina
ári hafa að vísu nokkur manna-
skipti orðið hjá Júpíters en að
meginhluta er sama fólk á ferð-
inni og var um það leyti sem
sveitin tilkynnti ótímabært andlát
sitt í haust. Það er þó varla hægt
að tala um afföll hjá sveitinni þar
sem hún hefur verið að bæta við
sig meðlimum frá því hún var
stofnuð og telur nú 13 manns.
Halldór Lárusson trymbill er aftur
genginn til liðs við sveitina en
hann tók sér frí um nokkurt skeið
og Pétur Grétarsson settist í
hans sæti á meðan og Abdul sem
sá um slagverk um tíma, er horf-
inn úr liðinu.
Annars er varla vinnandi vegur
að fara rekja nákvæmlega hverjir
skipa Júpíters og hverjir hafa
Júpíters á eins árs afmæli í dag
og heldur upp á það
með tónleikum í
Klúbbnum. Mynd: Kristinn.
skipað hana. Það skal því látið
ógert.
í tilefni afmælisins heldur
hljómsveitin tónleika á efstu hæð
Klúbbsins í kvöld og leikur eng-
inn vafi á að hljómsveitin verður í
hátíðarskapi. Það er hún raunar
alltaf þegar hún kemur fram.
Skemmst er að minnast tónleika
á Hótel Borg fyrir skömmu, þar
sem áheyrendur slóu öll met í
þeirri séríslensku íþrótt að dansa
sitjandi í stólum sínum. Vinir
Dóra höfðu leikið á undan Júpít-
ers og þegar stórsveitin var
klöppuð upp í lokin kallaði hún
Vini Dóra á svið, þannig að pall-
urinn var bókstaflega troðfullur
af hljóðfæraleikurum og sveiflan
komst í hámark.
Vináttufélag Júpíters hefur
farið stækkandi frá einum tón-
leikum til annarra og væntanlega
láta fáir sig vanta á afmælistón-
leikana. Tónleikarnir hefjast
stundvíslega klukkan 23 sam-
kvæmt tilkynningu sem Júpíters
hefur sent frá sér. Lítt þekkt
hljómsveit, Afrodíta, mun troða
upp á undan stórsveitinni og á
tilkynningunni er það að skilja að
allt geti gerst en í henni er að
finna eftirfarandi spurningar fyrir
tónleikagesti að fltuga: Dansar
Heiðar rúmbu? Af hverju minn-
irðu mig á garðslöngu? Hvað
kostar smokkfiskur? Verpa ein-
hyrningar fúleggjum? Er ástin
segulstál? Er kalt á heimsenda?
Mætir Afródíta í kyndiklefann?
íslensk stórsveit hefur ekki
tekið upp plötu svo árum ef ekki
áratugum skiptir. Júpíters hyggst
bæta úr þessu með hækkandi sól
og fer í hljóðver með vorinu til að
taka upp efni sem hlaðist hefur
upp í gráum sellum meðlima. Út-
gefandi plötunnar er fyrirtæki
sem aldrei er að vita nema fari að
ógna Smekkleysuveldinu, Ax
publishing á Kópaskeri. En Ax
gaf út í fyrra sumar fyrstu heims-
tónlistina á íslandi, þegar það gaf
út „Africa On Ice“ með Ghana
manninum Cab Kay á kasettu,
sem nú er löngu uppseld og orð-
inn safngripur. Útgáfutónleikar
Júpíters verða væntanlega hald-
nir í sláturhúsinu á Kópaskeri og
ekki ólíklegt að sætaferðir verði á
staðinn.
í millitíðinni geta áhangendur
Júpíters ornað sér á sveiflunni í
Klúbbnum í kvöld. Miðaverð á
tónleikana er 900 krónur sléttar.
-hmp
Mercy“ hvað hljóm varðar en gít-
arleikur og söngur er á köflum
litaður áhrifum frá U2 og reyndar
Brian Eno líka. Lanois hefur því
greinilega ekki aðeins gefið þess-
um aðilum eitthvað af sínum hug-
myndum, heldur einnig fengið
nokkrar að láni frá þeim á móti
og fer vel með.
Þó „Acadie“ hljómi voða líkt
öll í gegn við fyrstu hlustanir
kemur fljótlega í ljós töluverð
tónlistarleg breidd í lögunum.
Þetta held ég að megi skrifa
meira á reikning þeirra vinnu-
bragða sem Lanois viðhafði við
gerð plötunnar, en einhvers ann-
ars. Á plötuumslaginu fylgja
nokkuð ítarlegar upplýsingar um
hvar einstök lög voru tekin upp,
hvernig þau urðu til og hvaða ein-
stakir tónlistarmenn spila með
honum í þeim. Þar sést að Lanois
hefur þvælst á milli New Orleans,
London og New York með ein-
stök lög mismikið unnin og bætt í
þau ólíkum köflum hér og þar
með hjálp hóps af fólki.
Þegar talað er um hljóm má
ekki gleyma Brian Eno, þeim
gamla hljómtilraunamanni, en
hann kemur töluvert við sögu á
„Acadie". Annað hvort hafa
þessir tveir menn svipaðar hug-
myndir um hvernig hlutimir eiga
að hljóma eða Eno hefur haft
svona mikil áhrif á Lanois. Alla
vega er tómleikahljómurinn sem
Eno er svo mikill snillingur í að
skapa, mjög áberandi í mörgum
lögum. Brian Eno leggur til stær-
stan hluta hljómborðsleiksins
ásamt því að radda með Lanois,
sem sjálfur spilar á gítara, bassa
og fleira. Maður að nafni Roger
Eno leikur síðan á píanó en mér
er ekki kunnugt um hvort hann er
á einhvern hátt tengdur Brian
Eno.
„Acadie“ er ein þeirra platna
sem komið hefur mér einna þægi-
legast á óvart að undanfömu.
Hún stendur algerlega sér á báti
og þeir sem hafa áhuga á að kynn-
ast hæglátri en vandaðri tónlist
ættu ekki að láta „Acadie“ fram-
hjá sér fara.
-hmp
D/EGURMÁL
Músíktilraunir aftur af stað
Músíktilraunir 90 fara af stað
þann 5. apríl í áttunda skipti en
Músíktilraunir hafa leitt margar
ágætar hljómsveitir fram í sviðs-
Ijósið á þessum átta árum sem
margar hverjar hafa plumað sig
ágætlega síðan. Frestur til að
skrá sig rennur út klukkan þrjú á
morgun og ber að tilkynna þátt-
töku í síma 35935 í Tónabæ.
Samkvæmt upplýsingum dæg-
urmálasíðunnar hafa nú þegar
tutugu hljómsveitir skráð sig héð-
an og þaðan af landinu og sýnir
þessi fjöldi að hugur er í ungum
tónlistarmönnum.
Fyrsta keppniskvöldið verður
eins og áður segir þann 5. apríl í
Tónabæ. Þá munu fyrstu 5-7
hljómsveitirnar flytja fjögur
fmmsamin lög, sem er skilyrði
fyrir þátttöku, og áheyrendur í
sal gefa hljómsveitunum at-
kvæði. Næstu keppniskvöld
verða síðan 12. aprfl og 19. apríl
með sama sniði. Tvær stigahæstu
hljómsveitirnar á hverju keppnis-
kvöldi komast svo í úrslit og besta
hljómsveitin verður valin á sjálfu
úrslitakvöldinu þann 19. apríl.
Frægð og frami getur blasað við þeim sem vinna í Músíktilraunum að
ógleymdum faðmlögum ungra blómarósa, eins og þessi ungi tónlistar-
maður fékk að kynnast á Músíktilraunum 1986. Mynd:S.mar
HEIMIR MÁR
PÉTURSSON
Á úrslitakvöldinu velja
áheyrendur einnig bestu hljóm-
sveitirnar með atkvæðum sínum
en sérstök dómnefnd dæmir einn-
ig í keppninni og hefur álit nefnd-
arinnar þungt vægi. Bestu hljóm-
sveitirnar fá síðan tækifæri til að
spreyta sig í hljóðveri og aldrei að
vita nema úr verði áheyrileg
plata.
Eins og venjulega munu þekkt-
ar hljómsveitir troða upp á Mús-
íktilraunum. Alls munu fjórar
þekktar hljómsveitir koma fram
en dægurmálasíðan hefur ekki
upplýsingar um hvaða hljóm-
sveitir þetta verða.
-hmp
Föstudagur 30. mars 1990 NÝTT HELGARBLAÐ - SÍÐA 23