Þjóðviljinn - 06.07.1990, Blaðsíða 18

Margeir og Jóhann fara rólega
af stað á millisvæðamótinu
Ein stærsti skákviðburður ársins
hófst í Manila á Filippseyjum sl.
föstudag. Par tefla 64 skákmenn 13
umferðir eftir Monrad-kerfi og er
barist um 11 sæti í áskorendakeppn-
inni. Jóhann Hjartarson og Margeir
Pétursson eru meðal þátttakenda en
skákunnendum er enn í fersku minni
glæsilegur sigur Jóhanns á milli-
svæðamótinu í Szirak í Ungverjalandi
fyrir þremur árum. Þeir félagar hafa
farið rólega af stað, eru heldur að
sækja sig en aðeins góður endasp-
rettur tryggir eitt af ellefu efstu sæt-
unum.
Nokkuð er um óvænt úrslit og sér-
staka athygli vekur fremur slök
frammistaða tveggja af stigahæstu
skákmönnunum þeim Nigel Short og
Salov. Þegar tefldar höfðu verið fimm
umferðir stóðu leikar þannig:
1.-4. með 4 vinninga: Ivantsjúk,
Gelfand, Sax og Portisch.
5.-13. með vinning: Agdestein,
Kiril Georgiev, Lautier, M. Gurevic,
Lputian, Kortsnoj, Dolmatov,
Damljanovic, Judasin.
14.-25. með 3 vinninga:NikoIic,
Ehlvest, Seirawan, Kalifman, De
Firmian, Popovic, Miles, Shirov,
Ljubojevic, JÍubner, Dreev og Spas-
ov.
26.-41. með 2Vi vinning: Margeir
Pétursson, Vaganian, Kamsky,
Gulko, Sokolov, Adams, Anand,
Dzindzihasvili, Chandler, Short, 111-
escas, Rachels, Rechils, Cabrilo,
Stohl, Mascarinas.
42.-54. með 2 vinninga: Jóhann
Hjartarson, Salov, Zapata, Spragg-
ett, Torre, Tal, Marin, Ivanovic, De
Rongguang, Lobron, Van Riems-
dijk, Ftacnik, Rodgers.
55.-58. með IV2 vinning: Arencbia,
E1 Taber Fouad, Carlos, De Rongu-
ang.
59.-62. með 1 vinning: Smyslov,
Thipsay, Sunye Neto, Afifi, Lin Ta.
63. með Vi vinning og biðskák: Pi-
asetski.
64. með engan vinning og biðskák:
Hmadi.
Sovétmennirnir ungu Gelfand og
Ivantsjúk ætla greinilega ekki að láta
söguna frá Moskvu endurtaka sig en
þar misstu þeir af sæti í heimsbikar-
keppninni á síðustu stundu. Gelfand
hefur verið spáð jafnvel enn meiri
velgengni en Ivantsjúk sem er talinn
of taugastrekktur til að ná
heimsmeistaratitli en ef eitthvað mun
hamla framgöngu hins nýja Borisar
þá er það viss einbeitingarskortur.
Lítum á eina af sigurskákum hans á
mótinu í Moskvu í júní sl.:
2. umferð:
B. Gelfand - E. Vladimirov
Enskur leikur
1. c4 e5
2. Rc3 d6
3. g3 Rc6
4. Bg2 g6
5. Hbl Be6
6. b4 Dd7
(Ekki 6. ... Bxc4 7. b5 Ra5 8. Da4
og svartur verður að láta skiptamun
af hendi.)
7. d3 Bg7
8. b5 Rd8
9. a4 Re7
10. Rd5 0-0
11. e3 Rc8
(Svartur teflir byrjunina alltof ró-
lega og áður en varir nær hvítur mikl-
um þrýstingi á drottningarvænginn.
Betra var 11. ... f5 strax.)
12. Ba3 f5
13. a5 c6
14. Rc3!
(Til að eiga inni sprengjuna a5-a6.)
14. ... f4
15. Rf3 fxe3
16. fxe3 Bh6
17. De2 a6
18. bxc6 Rxc6
19. 0-0 Rxa5
(Peðið á a5 hefur litla þýðingu mið-
að við stöðuyfirburði hvíts. 20. leikur
svarts er vitaskuld slakur en staða
hans er strategískt töpuð.)
20. Re4 Bf5?
a b c d e f g h
21. Rxe5!
(Eða 21. ... dxe5 22. Bxf8Kxf823.
g4 o.s.frv. 22. ... Bxf8 er svarað með
23. Rf6 og drottningin fellur.)
21. ... De8
22. Rxd6! Dxe5
23. Rxf5
(- og Vladimirov gafst upp því 23.
... Hxf5 er svarað með 24. Bd5 í
Kg7 25. Bb2 og drottningin feliur.
Nýi
Elo-listinn
Um síðustu mánaðamót sendi
FIDE, alþjóða skáksambandið frá
sér nýja ED, 1.0 lista og kennir þar
margra grasa. Samkvæmt honum eru
lOstigahæstu skákmenn heims þessir:
1. Garrí Kasparov, 2800.
2. Anatoly Karpov, 2730.
3. -4. Vasily Ivantsjúk, 2680.
3.-4. Boris Gelfand, 2680.
5. Jan Timman, 2660.
6. -7. Valeri Salov, 2655.
6.-7. Jan Ehlvest, 2655.
8. Gata Kamsky, 2650.
9. Mikhael Gurevic, 2640.
10. Yasser Seirawan, 2635.
Uppsveifla Gata Kamsky kemur
mest á óvart og þó staða hans á listan-
um hljóti að breytast fljótlega verður
það ekki frá honum tekið að hann
hefur náð frábærum árangri við skák-
borðið þrátt fyrir ungan aldur.
Af íslensku skákmönnunum er sá
sem þessar línur ritar efstur með 2595
Elo-stig og er í 33.-35. sæti ásamt
Larry Christiansen og Tony Miles.
Margeir Pétursson kemur næstur
með 2550 Elo-stig og er í 79.-88. sæti
og Jón L. Árnason er með 2540 Elo-
stig og er í 96.-109. sæti. Jóhann
Hjartarson er með 2520 Elo-stig.
Stigatala annarra íslenskra skák-
manna liggur ekki fyrir.
Helgi
Ólafsson
Tíðindi frá Færeyjum
Þegar þessar línur eru ritaðar
(á miðvikudagskvöldi) er lokið
við að spila 5 umferðir á Norður-
landamótinu, sem fram fer þessa
dagana í Þórshöfn í Færeyjum.
Fréttir hafa aðeins borist af úrslit-
um leikja eftir 4 umferðir. f
kvennaflokki leiddu dömurnar
okkar ásamt dönsku kvenna-
sveitinni, með 76 stig. Úrslit í ein-
stökum leikjum þeirra eru:
Ísland-Noregur: 13-17. fsland-
Svíþjóð: 24-6. Ísland-Finnland:
21-9. Ísland-Danmörk: 18-12.
í opna flokknum var heldur ró-
legra „tempó“ hjá okkar
mönnum. Eftir 4 umferðir voru
þeir í 3. sæti með 62 stig. Úrslit
Ieikja hjá þeim til þessa eru:
Ísland-Noregur: 15-15. ísland-
Svíþjóð: 17-13. Ísland-Finnland:
17-13. Ísland-Danmörk: 13-17.
í 5. umferð mættu liðin okkar
svo heimamönnum og var aðeins
sá leikur á dagskrá á miðvikudeg-
inum. Ef að líkum lætur, þá sigra
bæði liðin okkar í þeim viður-
eignum og trúlega ná konurnar
afgerandi forystu eftir þá umferð
og mótið hálfnað. Það þarf ekki
að fara mörgum orðum um þá
glæsilegu frammistöðu þeirra
Estherar Jakobsdóttur, Valgerð-
ar Kristjónsdóttur, Önnu Þóru
Jónsdóttur og Hjördísar Eyþórs-
dóttur.
f opna flokknum rétta okkar
menn líklega sinn hlut talsvert
eftir spilamennskuna á miðviku-
deginum og eru með í toppbarátt-
unni fram undir síðasta leik. Ef
þeir ná 20 stigum eða meir, hafa
þeir skorað milli 80-90 stig eftir 5
leiki, sem útaf fyrir sig er vinn-
ingsskor ef liðið nær sama árangri
í síðari lotunni. Lið Svía og Dana
virðast keppa um sigurlaunin,
ásamt okkar liði.
í kvennaflokki er hins vegar
vert að vekja athygli á því, að
liðið okkar er aðeins skipað 4
spilurum (engir varamenn) þann-
ig að viðkvæm staða undir lokin,
er þreytan fer að segja til sín gæti
haft áhrif á úrslit í einstökum
leikjum. Engin vítakeppni þar á
ferð.
Glæsileg staða hjá kvenfólkinu
og hver veit? Hjá körlunum er
erfiðara að spá í spilin. Með sama
áframhaldi gæti liðið okkar hæg-
lega varið Norðurlandatitilinn,
sem vannst hér heima á síðasta
móti, 1988. Ef svo fer, verður
frammistaða þeirra félaga að telj-
ast aldeilis frábær og framar von-
um flestra. Fylgjumst með frétt-
um.
Sveit Grettis Frímannssonar
Akureyri sigraði sveit Flemmings
Jessen frá Hvammstanga í 1. um-
ferð Bikarkeppni BSÍ. Sveit
Grettis mætir sveit Samvinnu-
ferða/Landsýnar í 2. umferð, en
sveit ferðalanganna úr Reykjavík
sigraði sveit Stefáns Sveinbjörns-
sonar úr Eyjafirði í 1. umferð,
nokkuð örugglega.
Þættinum er ekki kunnugt um
úrslit í fleiri leikjum úr 1. umferð
sem á að vera lokið fyrir næstu
mánaðamót.
Til þessa hafa 7 sveitir tryggt
sér sæti í 16 sveita úrslitunum.
Til þessa hafa íslendingar
ávallt verið þiggjendur í er-
lendum samskiptum, utan
Bridgehátíðar ár hvert, og Norð-
urlandamóta. Sá möguleiki að
Bridgesamband íslands bjóðist
til að halda Evrópumót landsliða
eða jafnvel heimsmeistaramót
(Bermuda Bowl) hefur verið
ræddur lítillega síðustu árin, en
þó aldrei í fullri alvöru. Frændur
okkar og vinir, Finnar, stóðu
fyrir síðasta Evrópumóti í
sveitakeppni í Turku og að sögn
tókst skipulagning og fram-
kvæmd mótsins með afbrigðum
vel. Þó er Bridgesambandið
þeirra mun skemmra á veg komið
en okkar, og spilarar þaðan ekki
notið árangurs á opnum mótum.
Umsjónarmanni sýnist full
ástæða til að gera meir en að
skoða þessi mál. Við ættum að
hefja undirbúning nú þegar að
Evrópumóti landsliða í Opnum
flokki og kvennaflokki, sem
haldið yrði hér á landi innan 2-3
ára. í framhaldinu ættum við svo
að bjóða Alþjóðabridgesam-
bandinu að halda heimsmeistara-
mótið (Bermuda Bowl) innan 5-6
ára. Með þessu endurgreiðum
við þeim þjóðum sem staðið hafa
fyrir þessum mótum frá upphafi
og um leið setjum við okkur á
landakort bridgespilara um víðan
heim.
Hér er ein létt varnarþraut;
Norður
S: D852
H: 9654
T: K10
L: G107
Vestur: S: G1093
H: D102
T: ÁD8
L: ÁD8
Þú situr í Vestur. Sagnir hafa
gengið:
Suður Vestur Norður Austur
1 Hjarta 1 grand 2 hjörtu Pass
4 hjörtu Pass Pass Pass
Og spilar út spaðagosa.
Blindur (Norður) leggur upp, fé-
lagi fylgir lit með fjarka og sagn-
hafi tekur á ás. Þá hjartaás, hjart-
akóngur og þriðja hjartað, sem
þú færð á drottninguna. Félagi
þinn á ekkert hjarta og lætur 2
tígla og lauf (ekkert hvetjandi
eða letjandi í stöðunni, enda
næsta víst að félagi á ekki marga
„málaða“ menn á hendinni).
Hvað nú?
Hvað ber að varast í stöðum
sem þessum? Rétt, kastþröng
sagnhafa. Hvað ætlum við að
gera ef sagnhafi „dælir“ niður
trompunum (sem eru 3 eftir á
hendinni hjá Suður)? Og hvernig
leysum við vandamálið? Með því
að taka ekki slag í vörninni. Ef
við tökum slag á td. tígulás og
spilum meiri tígli, tímasetjum við
spilið fyrir sagnhafa og sjálfkrafa
kastþröng (strípiþvingun) kemur
til sögunnar. Við afstýrum þessu
vandamáli einfaldlega með því að
spila tíguldrottningu. Með því
vinnst: a) ef félagi á tígulgosann,
fylgjum við þessu eftir og látum
lágan tígul ef sagnhafi spilar að
tíunni síðar í spilinu. Inni á tígul-
gosa spilar félagi laufi. b) ef sagn-
hafi á tígulgosann, skiptir engu
máli hvað við gerum í rauninni.
Hvort hann fær 10 slagi eða 11
slagi er aukaatriði, miðað við
glæsileika varnarinnar ef félagi á
tígulgosann. c) ef sagnhafi spilar
samt trompunum í botn, eftir að
við höfum spilað tíguldrottningu,
fylgjum við sannfæringu okkar og
látum tígulásinn fjúka í trompið
og höldum fast í áttuna í tígli.
Og að lokum. Auðvitað átti fé-
lagi okkar tígulgosann og spilið
fer einn niður, ef vörnin hefur
spilast eins og hér hefur verið
greint frá. Fyrir lengra komna?
Alls ekki. Sama hugsunin gildir
hér eins og annars staðar í spil-
inu. Að staldra við og setja sig í
spor sagnhafa. Með þeirri aðferð
leysum við auðveldlega þrautir á
borð við þessar. Reyndu næst.
Ólafur
Lárusson
18 SÍÐA - ÞJÓÐVILJINN Föstudagur 6. júlí 1990