Þjóðviljinn - 17.08.1990, Blaðsíða 10

Skákin er líf mitt
Hannes Hlífar Stefánsson: Málið er að verða stórmeistari, þá
eru allir vegir færir
Hannes Hlífar Stefánsson náði á dögunum fyrsta áfanga að stór-
meistaratitli með því að sigra á alþjóðlegu skákmóti í Gausdal í Noregi.
Hann gæti orðið yngsti íslenski stórmeistarinn enda einungis 18 ára
gamali. Um tveggja ára skeið hefur hann helgað sig skákinni eingöngu.
Er þetta ekki einhœft og ein-
manalegt líf?
Nei, þetta er líf mitt og ef ég get
lifað af þessu er ég mjög ánægð-
ur. Stundum fær maður andann
yfir sig og stundum nennir maður
þessu ekki, en ef mér gengur vel
er þetta bara skemmtilegt.
Ætlarðu að halda áfram að
helga þig skákinni?
Já, það er ómögulegt að vera í
skóla með þessu, ég fer til út-
landa 7-8 sinnum á ári til þess að
tefla þannig að það er enginn tími
í skóla. Málið er að verða stór-
meistari, þá eru allir vegir færir
og mögulegt að lifa af skákinni.
Ef ég næ öðrum áfanga að stór-
meistaratitli fljótlega verður ljóst
að þessi áfangi var ekkert grís og
meiri möguleikar fyrir mig að
keppa á mótum og fá styrk. Þá
eykst sjálfstraustið og vonandi
verður þá stutt í lokaáfangann.
Og þú stefnir ekki á frekara
nám?
Tíminn er nægur, ég vildi helst
læra tungumál því þegar maður
er úti að tefla er nauðsynlegt að
kunna tungumál.
Þér finnst þú ekki einangraður
frá jafnöldrum þínum?
Nei, en ég þarf að sleppa ýmsu
og það þarf mikla sjálfsstjórn til
að stunda æfingar. Annars er ég
bara ósköp venjulegur strákur.
Hvað finnst þér skemmtilegast
við skákina?
Sigra, sérstaklega ef ég er
kannski búinn að tefla í fimm
tíma og svo kemur upp nákvæm-
lega sú staða sem ég er búinn að
vera að vinna við að leysa úr
heima og ég rústa andstæðinginn.
Hver er þín sterksta hlið?
Endatöflin og að ég get náð
mér upp aftur þótt mér hafi
gengið illa svo sem í Gausdal þar
sem ég tapaði fyrstu skákinni en
sigraði svo í næstu sjö. Ég reyni
líka að undirbúa mig vel, er með
ferðatölvu sem ég tek með mér á
öll mót en í henni geymi ég 27
þúsund skákir.
Hver er sterkasti skákmaður
sem þú hefur teflt við?
Enginn einn sérstakur. Rús-
sarnir eru alltaf erfiðir, þeir hafa
svo rosalega tækni, sérstaklega
þegar þeir þurfa að vinna úr að-
eins betri stöðu. Af íslenskum
skákmönnum virðist Helgi Ólafs-
son vera í bestri æfingu um þessar
mundir en annars vil ég ekkert
segja um það hver er bestur því
þá gæti ég móðgað einhvern.
Hvernig er með yngri menn-
ina?
Það eru margir mjög efnilegir
en ómögulegt að spá hvað verður
úr þeim. Helgi Ass og Héðinn
Steingrímsson fá að spreyta sig á
íslandsmótinu á Höfn í lok mán-
aðarins, það verður erfið raun
fyrir þá og maður sér hvað þeir
geta.
Hvernig stendur heimsmeistari
unglinga frá 1987 miðað við jafn-
aldra sína í dag?
Nokkuð vel bara, en þeir hafa
miklu fleiri tækifæri en ég og
menn sem ég hef verið að vinna
eins og Michael Adams og Frakk-
inn Lautier eru orðnir stórmeist-
arar, þeir hafa einfaldlega miklu
fleiri tækifæri til að taka þátt í
sterkum mótum og ná stigum.
el
n 11 irr
:d

Hafnarborg
14 ára fiðluleikari
Stuðlum að
náttúruverndun:
Vandaðar, óbleiktar
bamableyjurfyrirO-5kílóa
og 5-10 kílóa börn.
Barnaþurrkur (biautþurrkur) án
lanolínsog alkóhóls.
Endurunninn
handþurrkupappír.
Hreinsiefni.semeru
vingjarnleg náttúrunni, fyrir
verkstæðisgólf og bíla.
HEILDVERSLUNIN
EFFCO
Smiðjuvegi 14,200 Kópavogi
Símar: 91-73233 og 77152
Halli Cauthery leikur á síðdeg-
istónleikum í Hafnarborg á sunn-
udaginn kl. 16.30. Nína Margrét
Grímsdóttir leikur með honum á
píanó.
Halli heitir fullu nafni David
Harald Cauthery og er 14 ára
gamall. Hann er sonur hjónanna
Bjargeyjar Árnadóttur Björns-
sonar tónskálds og Andrews
Cautherys óbóleikara við bresku
Þjóðaróperuna í Lundúnum.
Halli hóf nám í fiðluleik aðeins 5
ára gamall og hefur síðastliðin
tvö ár stundað nám við Yehdui
Menuhin skólann, sem Menuhin
stofnaði sjálfur á 7. áratugnum.
Halli er einn af 48 nemendum
víðs vegar úr heiminum sem
stunda nám við skólann.
Á efnisskrá tónleikanna eru
Halli Cauthery fiðluleikari.
verk eftir J. Massenet, Árna
Björnsson, Max Bruch og Manu-
el de Falla.
í Hafnarborg stendur nú yfir
sumarsýning á verkum í eigu
safnsins, m.a. í nýopnuðum
Sverrissal sem hlaut nafngiftina í
virðingarskyni við dr. Sverrir
Magnússon. í salnum eru til sýnis
um þrjátíu verk er Sverrir afhenti
stofnuninni til eignar í nóvember
á síðasta ári. Verk í öðrum sölum
safnsins eru hluti þess safns sem
dr. Sverrir og kona hans Ingi-
björg Sigurjónsdóttir gáfu Hafn-
arborg árið 1983. Sýningarsalirn-
ir eru opnir alla daga nema
þriðjudaga frá kl. 14-19.
Mengar þú móður jörð
þegar þú þværð þvottinn
þinn, vaskar upp eða
þværðþérumhárið?
Þú þarft þess ekki lengur.
Ecoversérhæfirsigí
framleiðslu á lífrænum
hreinlætisvörum sem
skaða ekki náttúruna.
Ecover-þvottaefni, upp-
þvottalögur, klórlaust
bleikiefni, klósetthreinsir.
Einnig úrval af
náttúrulegum sápum og
sjampói.
Kornmarkaðurinn
Skólavörðustíg21A
Páll Sólnes við eitt þeirra verka sem verða til sýnis í Slúnkaríki á ísafirði
næstu vikurnar.
Slúnkaríki
Páll Sólnes sýnir
Páll Sólnes listamaður opnar
málverkasýningu í Slúnkaríki á
ísafirði á morgun, 18. ágúst.
Páll stundaði myndlistarnám í
Kaupmannahöfn á árunum
1978-1982. Hann hefur haldið
einkasýningar og tekið þátt í
samsýningum bæði hér á landi
og í Danmörku.
Á sýningunni fyrir vestan
verða myndir unnar í olíu og
teikningar. Allar myndirnar eru
unnar á nýliðnum vormánuðum.
Sýningin er opin fimmtudaga
til sunnudaga milli kl. 16 og 18,
en sýningunni lýkur 2. september
næstkomandi.
Veður laugardag 18. ágúst
Horfur á laugardag: Nokkuð hvöss norðanátt með rigningu eða súld um allt
norðanvert landið, en þurrt og allvíöa bjart veður sunnan heiða. Fremur kalt
verður I veðri.
Veður sunnudag 19. ágúst
Horfur á sunnudag: Minnkandi norövestanátt norðanlands og dálítil súld
eða rigning, einkum við ströndina. Sunnanlands má búast við hægri austanátt,
að mestu skýjuðu veðri og sums staðar skúrum allra syðst. Lltið eitt hlýnandi
vestanlands.
Holtaskóli
l|P Keflavík
Kennara vantar næsta skólaár. Kennslugrein-
ar: líffræði, stærðfræði og sérkennsla.
Upplýsingar gefur skólastjóri í síma 92-15597.
Skólastjóri
10 SÍÐA - NÝTT HELGARBLAÐ