Þjóðviljinn - 17.08.1990, Blaðsíða 16

1
Reykjavíkur
Maraþon
Sprækar löggur
Lögreglumenn hafa löngum
verið þekktir fyrir gott líkamlegt
atgervi. Umferðardeild lögregl-
unnar í Reykjavík virðist einna
fremst meðal jafningja ef marka
má úrslit á knattspyrnumóti lög-
reglumanna í Reykjavík sem lauk
á þriðjudaginn var.
Leikið var í sjö manna liðum og
tóku sex lið þátt í mótinu og léku
allir við alla. Umferðardeildar-
menn sigruðu með nokkrum yfir-
burðum, unnu alla leiki sína og
markatalan býsna góð: 35-7. I
úrslitaleik lék Umferðardeildin
við Rannsóknardeildina og sigr-
aði 3-2 og vegna þess hve mikla
yfirburði Umferðardeildin hafði
á mótinu hafa liðsmenn hennar
ákveðið að skora á afganginn af
liðsafla lögreglunflar í „alvöru-
leik“ með ellefu jiianna liðum.
Lögreglumenn stunda fleiri
íþróttir eins og alkunna er, á vet-
urna reyna, þeir með sér í hand-
bolta, körfubolta, innanhússfót-
bolta og/skotfimi og af sumar-
íþróttum má nefna Heiðmerkur-
hlaupið, björgunarsund og þrí-
þraut en þá er keppt í sundi, skot-
fimi og spjótkasti úr kyrrstöðu.
Handknattleikslið lögreglunar er
að fara á Norðurlandamót lög-
reglumanna í september, og í lok
mánaðarins sendir löggan menn á
frjálsíþróttamót. Landsþekktir
/ kappar reyna sig þar fyrir hönd
lögreglunnar og má nefna þá Að-
alstein Bernharðsson og Pétur
Guðn^undsson.
Re.ykjavíkurmaraþonið
Stefnir í metþátttöku
Maraþonið einn stærsti íþróttaviðburður ársins, þátttakendur allt að
1500 og á öllum aldri; yngstu ársgamlir og elstu um nírætt
Búast má við gríðarlegri þátt-
töku í Reykjavíkurmarþoninu á
sunnudaginn, eða allt að 1500
manns. Væntanlegir eru um 300
erlendir gestir í tenglslum við
maraþonið sem er nú háð í sjö-
unda sinn. I fyrsta hlaupinu 1984
voru 250 þátttakendur og síðan
hefur leiðin stöðugt legið uppá
við og er maraþonið nú með stær-
stu íþróttaviðburðum ársins.
Segja má að Reykjavíkur-
maraþonið sé fyrir alla íþrótta-
menn og íþróttaáhugamenn,
hvort sem þeir stunda hlaup sem
keppnisgrein eða bara sem
heilsubót. Hægt er að velja um
þrjár mismunandi vegalengdir,
maraþonhlaupið, sem er 42,195
km, hálf-maraþon og
skemmtiskokk sem er 7 km langt
og er einkum ætlað byrjendum og
þeim sem kjósa styttri vegalengd-
ir. Þeir sem vilja vera með ættu
að hafa hraðan á, en skráning fer
fram hjá Úrvali-Útsýn og skrif-
stofu Frjálsíþróttasambandsins.
Maraþonið hefst í Lækjargötu
á sunnudaginn kl. 12:00 á hádegi
og verður mikið um dýrðir fram
eftir degi í tengslum við hlaupið.
Keppt er í sex flokkum kvenna og
sjö flokkum karla og auk þess er
sveitakeppni í skemmtiskokki og
hálf-maraþoni.
í sjálfu maraþonhlaupinu
verða margir sterkir keppendur.
Af íslenskum keppendum mun
íslandsmeistarinn undanfarin
fjögur ár, Sighvatur Dýri Guð-
mundsson, eflaust verða framar-
lega í flokki. Fjórum gestum hef-
ur verið boðið í hlaupið, Eng-
lendingnum Jerry Hall sem er
mjög góður brautarhlaupari og
hefur tekið þátt í Lundúnamara-
þoninu, Danmerkurmeistaran-
um Peter Noadsmark, Susan Shi-
eld frá Norður-írlandi og ensku
hlaupakonunni Carolyn Boyd.
Fyrir utan þessa keppendur er
búist við 200-300 erlendum þátt-
takendum og aldrei að vita nema
að þar slæðist með afburða
hlauparar.
Hálf-maraþonhlaupið er jafn-
framt íslandsmeistaramót. Búast
má við spennandi keppni þar sem
allir okkar helstu langhlauparar
munu taka þátt. Má nefna ís-
landsmethafann Sigurð Pétur
Sigmundsson, Gunnlaug Skúla-
son, Jón Stefánsson, Jóhann
Ingibergsson og sigurvegarann
ÍÞRÓTTIR
frá því í fyrra Kristján Skúla Ingi-
bergsson. Þá er Martha Ernsts-
dóttir í hörkuformi og setur stefn-
una á nýtt íslandsmet kvenna og
að slá brautartímann sem franska
stúlkan Sylvie Bornet á, 1:17.43.
Metið í karlaflokki á Þjóðverjinn
Herbert Steffny 1:06.10.
Brautarmet karla í fullu mara-
þoni á Jim Doig og er það
2:19.46. Svo einkennilega vill til
að íslandsmetið í maraþonhlaupi
sem Sigurður Pétur Sigmundsson
á er upp á nákvæmlega sama
tíma, sett í Berlín 1985.
Högni Óskarsson hefur oftast
íslendinga hlaupið maraþon eða
13 sinnum. Sighvatur Dýri Guð-
mundsson og Sigurður Pétur Sig-
mundsson hafa báðir hlaupið
vegalengdina 12 sinnum.
Fólk á öllum aldri tekur þátt í
maraþoninu, Mae Ann Garly frá
Bandaríkjunum vann fullt mara-
þon kvenna 1987, þá sextug að
aldri. Þjóðverjinn Ernst Hallerw-
edl er elsti karlmaður sem hefur
lokið fullu maraþoni. Hann tók
þátt í hlaupinu 1985 þá 71 árs
gamall. Ungir jafnt sem gamlir
taka þátt í skemmtiskokkinu,
blómafræflamaðurinn kunni
Noel Johnson var 89 ára gamall
þegar hann tók þátt árið 1988.
Elsti karl í fyrra var 69 ára og elsta
kona 55 ára. Yngsti strákur var 1
árs og yngsta stelpa nokkurra
mánaða gömul og fór hún vega-
lengdina í barnavagni.
Fleiri fróðleiksmolar í lokin:
Margir eru hræddir við að hlaupa
langar vegalengdir í keppni og
óttast mjög að gefast upp á miðri
leið. Eins er það talinn ósigur og
talið bera vott um lélega æfingu
og veika lund, að ganga í miðju
hlaupi til að hvíla sig. Orlando
Pizzolati, sem vann New York
maraþonið 1984, lét slíkar hug-
sanir þó ekki hafa áhrif á sig og
gekk ekki sjaldnar en fjórum
sinnum á lokaáfanga hlaupsins.
Talið er að maraþonhlaup eigi
rætur sínar að rekja til ársins 490
fyrir Krist en þá hljóp aþenski
hermaðurinn Feidippi frá bænum
Maraþon til Aþenu með þau
skilaboð að Afjeningar hefðu
sigrað í orrustu við Persa.
Hlaupið reyndi svo mjög á
Feidippi að hann hné dauður nið-
ur er hann hafði stunið skilaboð-
unum upp.
Frá árinu 1896 hefur verið keppt
reglulega í maraþonhlaupi á ól-
ympíuleikunum og á fyrstu
leikum nútímans var hlaupin
sama leið og talið er að Feidippi
hafi hlaupið, eða frá þorpinu
Maraþon og að Panaþenaik vell-
inum í Aþenu. Gríski geitahirðir-
inn Spiridon Lois sigraði og hljóp
á tæpum þremur klukkutímum.
el
Rannsóknardeildinni tókst ekki frekar en öörum að stöðva liðsmenn Umferðardeildarinnar sem sigruðu
með yfirburðum á knattspyrnumóti lögreglumanna. Leikmaður Umferðardeildarinnar, í bol merktum
UMFD, er hér fyrri tii knattarins og ef vel er að gáð má á bolnum sjá glitta í áletrunina „simply the best“.
Mynd: Kristinn.
Knattspyrna
Ameríski fótboltinn
Bræðumir bolabítar
Stóri bróðir kallaður ísskápurinn en litli kæli-
boxið
Fyrir utan japanska glímu-
kappa og ofvaxin lyftingatröll er
stærstu og þyngstu íþróttamenn
heims jafnan að flnna í ameríska
fótboltanum. Þar leika þeir yflr-
leitt varnarhlutverk enda aðals-
merki varnarjaxla að þvælast
fyrir og skella mönnum í jörðina
og því gott að vera sem mestur að
rúmmáli.
Það vakti því mikla athygli
þegar Chicago Bears liðið flagg-
aði einum alþyngsta leikmanni
deildarinnar, William Perry í
sóknarleik sínum. Birnirnir
beittu því bragði að láta Perry,
sem hefur viðurnefnið „ísskápur-
inn“, hreinlega leggjast ofan á
varnarmenn andstæðinganna en
Perry er ein 150 kíló á þyngd.
Þetta skilaði Chicago liðinu góð-
um árangri, hjálpaði m.a. til við
að krækja í meistaratitil 1985.
Síðan hefur heldur tekið að halla
undan fæti fyrir Björnunum og
Perry sem hefur bætt á sig auka-
kflóum og þykir orðið heldur
svifaseinn.
Yngri bróðir „ísskápsins",
Michael Dean Perry, hefur hins-
vegar haldið heiðri fjölskyldunn-
ar á lofti. Hann er réttum 10 kfló-
um léttari en stóri bróðir en þykir
miklu fljótari. Michael Dean hef-
ur enda tvö undanfarin ár verið
valinn í úrvalslið deildarinnar og
þykir einn albesti varnarmaður-
inn í ameríska boltanum. Eins og
eldri bróðirinn hefur hann viður-
nefni og er kallaður „kæliboxið“
til aðgreiningar frá stóra bróður.
„Það fer nú enginn með mig í úti-
legu undir hendinni“ segir þó
„kæliboxið" Michael Dean.
Iþróttafréttamenn hafa furðað
sig á ógurlegu rúmmáli Perry
bræðranna og spurðu Michael
Dean hvað þeir hefðu eiginlega
fengið að éta í æsku. - Ég er yngs-
tur af 12 systkinum, segir Perry, -
og fékk nú eiginlega alltaf leifarn-
ar! Við lærðum það hinsvegar
fljótt að fyrir svarta krakka í fá-
tækrahverfunum er um að gera
að berjast og reyna að nýta sér öll
tækifæri sem gefast. Okkur
bræðrum var gefinn íturvaxinn
skrokkur og við höfum svo sann-
arlega nýtt okkur það til
fullnustu.
Þess má geta að Michael Dean
hefur beitt sér mjög fyrir harðari
lyfjaprófum í NFL deildinni og
segir þá bræður vera eina af ör-
fáum ekta kjötflykkjum í NFL.
Flestir þungavigtarkapparnir þar
séu útblásnar hormónablöðrur
sem geti sprungið hvenær sem er,
því notkun hormóna geti haft
geigvænlegar afleiðingar. el
16 SÍÐA - NÝTT HELGARBLAÐ Föstudagur 17. ágúst 1990