Dagblaðið Vísir - DV - 04.01.1996, Blaðsíða 11

FIMMTUDAGUR 4. JANÚAR 1996
Fréttir
11
Seltjarnarnes:
Framkvæmdaféð
fer í leikskóla
Bæjarstjórn Seltjamarness hefur
lagt fram fjárhagsáætlun fyrir árið
1996 til fyrri umræðu. Samkvæmt
áætluninni nema heildartekjur bæj-
arsjóðs 501 milljón króna, þar af er
stærstur hlutinn útsvar, eða 415
milljónir. Útsvar er 8,4 prósent.
Fasteignaskattur færir bæjarsjóði
66,5 milljónir i tekjur og bæjarsjóð-
ur fær alls 19 milljónir króna í arð
af hitaveitu og vatnsveitu.
Útgjöld bæjarins árið 1996 nema
einnig 501 milljón króna. Stærsti
liðurinn er vegna fræðslumála eða
131,1 milljón króna. Rúmar 88 millj-
ónir fara til eignabreytinga, afborg-
anir af langtímalánum fyrir 31 millj-
ón króna og byggingu leikskóla fyr-
ir 40 milljónir króna. Þá fara tæpar
47 milljónir króna i götur og hol-
ræsi, 42 milljónir í félagshjálp, 34
milljónir í yfirstjóm bæjarins og 32
milljónir í opin svæði í bænum.
Sigurgeir Sigurðsson, bæjarstjóri
á Seltjarnarnesi, segir að fjárhagsá-
ætlun bæjarins fyrir þetta ár sé
svipuð og á síðasta ári þó að tekjur
hafi aukist nokkuð með auknum
íbúafjölda. Framkvæmdum við
skóla sé lokið og því fari fram-
kvæmdafé bæjarins nú í leikskóla.
-GHS
Frá fundinum á Egilsstöðum. Frá vinstri Jón Böðvarsson, Smári Geirsson, Sigurður Líndal og Ásgeir Ásgeirsson.
DV-mynd Sigrún
Iðnsaga Austurlands:
Fra skipasmiði
til skógerðar
DV, Egilsstöðum:
„Það er ástæða til að óska Hinu
íslenska bókmenntafélagi, Smára
Geirssyni og Austfirðingum til ham-
ingju með þessa bók“, sagði Jón
Böðvarsson, ritstjóri Iðnsögu Islend-
inga, á fundi á Egilsstöðum í tilefni
útkomu síðara bindis Iðnsögu Aust-
urlands. Heitir bókin „Frá skipa-
smíði til skógerðar". Höfundur er
Smári Geirsson í Neskaupstað og
skrifaði hann einnig fyrra bindið,
„Frá eldsmíði til eleksírs", sem út
kom 1989.
I bókinni er rakin saga ljósmynd-
unar, brauðgerðar, tré- og stálskipa-
smíði, skógerðar og plast- og
gúmmíiðnaðar. Smári Geirsson
skýrði frá að upphaflega hefði verið
ætlunin að saga iðnaðar á Austur-
landi yrði á einni bók. Efnið reynd-
ist svo yfirgripsmikið að það fyllir 2
bækur sem eru yfir 400 bls. hvor. Þó
á eftir að gera mörgum þáttum skil.
Efni bindanna er að miklu leyti
byggt á munnlegum upplýsingum
og eru heimildarmenn 264 úr öllum
fjórðungum. Myndir í þessari seinni
bók eru 354.
Ritun Iðnsögu Austurlands er
samstarfsverkefni Iðnsögu Islend-
inga og Sambands sveitarfélaga í
Austurlandskjördæmi og greiddu
sveitarstjórnir götu höfundar við
efnisöflun. í bókarkynningu segir
að Iðnsaga Austurlands sé einstætt
verk í íslenskri byggða- og atvinnu-
sögu og enginn annar landsfjórð-
ungur geti státað af svo yfirgrips-
miklu heildarverki um það efni.
Ekki er útilokað að fleiri bækur
verði gerðar um atvinnuþróun á
Austurlandi og fer það m.a. eftir því
hversu vel þessum tveim bókum
verður tekiö.
Það er Hið ísl. bókmenntafélag
undir forsæti Sigurðar Líndal sem
gefur út Iðnsögu íslendinga og er
þessi nýja bók sú 12. í röðinni. Til
að ljúka iðnsögunni þarf í það
minnsta 8-10 bækur til viðbótar.
Jón Böðvarsson var aðalhvatamað-
ur að Iðnsögu íslendinga og ritstjóri
verksins frá upphafi. Jón sagði að
Sverrir Hermannsson hefði, á með-
an hann var iðnaðarráðherra, átt
drjúgan þátt í því að þessi ritröð fór
af stað. Það var m.a. vegna ákveð-
inna óska Sverris að Austurland
varð fyrir valinu þegar ákveðið var
að skrifa iðnsögu eins landsfjórð-
ungs til að sýna framvindu iðnaðar
í einum landsfjórðungi til saman-
burðar við iðnaðarstarfsemi á suð-
vesturhorninu.
Jón Böðvarsson lætur nú af rit-
stjórn Iðnsögu íslendinga fyrir ald-
urs sakir en við hefur tekið Ásgeir
Ásgeirsson sagnfræðingur.
-SB
Þýskir fjölmiðlamenn á
Norðausturlandi um áramót
- gæti verið upphafið að skipulögðum ferðum almennings í framtíðinni
DV, Akureyri:
„Það er þegar orðið ljóst að ferð
svipuð og þessi sem fjölmiðlafólkið er
í núna verður sett upp í lok ársins
fýrir almenning og við munum þá
nýta okkur þann grunn sem er feng-
inn,“ segir Þórður Höskuldsson,
ferðamálafúlltrúi Atvinnuþróunarfé-
lags Þingeyinga, en hann hefur und-
anfarna daga ferðast um norðaustur-
horn landsins meö þýskt fjölmiðla-
fólk sem verið er að kynna hvað
þessi landshluti býður upp á fyrir
ferðamenn. Auk heimamanna á
hverjum stað, samtakanna Miönæt-
ursólarhringsins, sem eru áhuga-
mannasamtök um ferðamannaþjón-
ustu á norðausturhorni landsins, og
Atvinnuþróunarfélagsins komu-Flug-
leiðir og samgönguráðuneytið einnig
að undirbúningi og framkvæmd ferð-
arinnar.
Þýska fjölmiðlafólkiö er m.a. frá
Norður-þýska útvarpinu, dagblaðinu
Diezeit, tímaritinu Nordis og í hópn-
um er einnig kunnur ljósmyndari
auk starfsmanns sendiráðsins í
Reykjavik. Ferðin hófst 30. desember
í Mývatnssveit en síðan hefur leiðin
legið um Vopnafjörö, Þórshöfn, Þist-
ilfjörð, Raufarhöfn, Melrakkasléttu,
Öxarfjörð, Jökulsárgljúfur, Dettifoss
var skoðaður í klakaböndum og frá
Húsavík liggur leið hópsins til
Reykjavíkur.
Hugmyndasmiðm- ferðarinnar var
athafnakonan Sigríður Dóra Sverris-
dóttir á Vopnafirði en Þórður Hö-
skuldsson ferðamálafulltrúi tók siðan
við framkvæmdinni. Hann segir ferð-
ina hafa verið einstaklega vel heppn-
aða, gestirnir áttu eftirminnileg ára-
mót á Vopnafirði, þeir hafa skoðað
fyrirtæki og stofnanir, rætt við
heimamenn, komið við á bóndabæj-
um og setið lambakjötsveislur svo
eitthvað sé nefnt.
„Ég ætla ekki í kjölfar þessarar
ferðar að lofa ferðamannastraumi
um þennan landshluta, sem er utan
hringvegarins, en ég geri mér vonir
um að umfjöllun fjölmiölafólksins í
Þýskalandi muni skila árangri, að
það sem það hefur fram að færa
muni höfða til ákveðins hóps fólks.
Fólkið hefur verið mjög ánægt með
ferðina og hún verður einnig heima-
mönnum mikil hvatning og sýnir
þeim að það er ýmislegt hægt að
gera,“ segir Þórður Höskuldsson.
-gk
HVOLSVÖLLUR
7//////////////////
Nýr umboðsmaður DV
ARNDÍS KRISTLEIFSDÓTTIR
Hvolsvegi 20 - S'ími 487 8767
BLÖNDUÓS
7//////////////////
Nýr umboðsmaður DV
GERÐUR HALLGRÍMSDÓTTIR
Melabraut 3 - Sími 452 4355
STÆRÐIR
44-60
ÚTSALAN
ER HAFIN
30-50%
AFSLÁTTUR
LANGAN LAUGARDAG
OPIÐ 10-16
STÓRI-LISTINN
Baldursgötu 32
sími 562-2335
Stakkholti 4 (inng. frá Brautarholti). S. 5631631