Dagblaðið Vísir - DV - 17.09.1996, Blaðsíða 6

ÞRIÐJUDAGUR 17. SEPTEMBER 1996
6
Fréttir
Erfiðleikar við að manna læknastöður á Vestfjörðum:
Eina gulrótin er
staðarsamningar
- segir Ágúst Oddsson héraðslæknir
„Ástandið hefur ekki verið svona
slæmt áður þó við og við hafi skap-
ast erfiðleikar við að manna ein-
stakar læknastöður. Það er óvana-
legt að nánast öll héruðin í flórð-
ungnum séu að tæmast," sagði
Ágúst Oddsson héraðslæknir i sam-
tali við DV í gær vegna þess ástands
sem er framundan í heilsugæslu á
Vestfjöröum. Eins og DV skýrði frá
fyrir nokkru eru heilsugæslulækn-
ar í flestum héruðum á fórum og
enn hefur ekki tekist að manna
stöður þeirra á ný.
Hólmavík ein örugg um lækni
Tveir læknar hafa verið á Pat-
reksfirði en fara í desember. Þing-
eyri og Flateyri hafa haft hvor sinn
lækninn. Þær stöður er lausar. Á
ísafirði eru fimm'stöður en útlit er
fyrir að aðeins þrjár verði mannað-
ar 1. október þó von sé til að eitt-
hvað rofi þar til. Ágúst, sem verið
hefur héraðslæknir í Bolungarvík,
hættir störfum um mánaðamótin.
Af þessu virðist því sem Hólmavík
sé eini staðurinn sem sé öruggur
með lækni.
„Það sem vekur ugg er að þetta
komi upp allt á sama tímanum,“
sagði Ágúst og bætti við að Patreks-
fjörður væri sérstaklega viðkvæm-
ur því Hrafnseyrarheiði, á milli
Dýrafjarðar og Arnarfjarðar, væri
lokuð í 6-7 mánuði á ári og einu
samgöngumar við bæjarfélagið því
loft- eða sjóleiðis.
Þarf að lokka lækna vestur
Ágúst segir að eftir tilkomu stað-
arsamninga á Flateyri og Þingeyri,
með hærra kaupi og lengri fríum,
fyrir nokkrum árum hefði gengið
betur að laða lækna vestur. „Félags-
leg og fagleg einangrun er sá þáttur
sem helst fælir lækna frá störfum
hér. Það eina sem hægt er að gera
til að vega á móti því er að gera
fleiri staðarsamninga," sagði Ágúst
sem telur að nýgerður kjarasamn-
ingur heilsugæslulækna hafi engin
áhrif á vanda Vestfirðinga.
Ráðherra lofar lausn
Ingibjörg Pálmadóttir átti fund
með landlækni um málið á fóstudag-
inn. Hún segir landlækni vera dug-
legan að manna stöður en gat ekki
bent á neinar sérstakar lausnir.
„Það var erfitt að vinna að þessu
meðan á deilunni stóð en nú verður
allt kapp lagt á að leysa þetta. Menn
verða líka að hafa i huga að nýbætt-
ar samgöngur breyta miklu í þessu
samhengi," sagði Ingibjörg Pálma-
dóttir heilbrigðisráðherra.
-saa
Geit-
unga-
faraldur
á Lauga-
veginum
„Ég varð var við fjóra eða
flmm stóra geitunga inni i búð-
inni. Það er frekar óhugnanlegt
fyrir viðskiptavini að ganga
þama um með þennan ófógnuð
sveimandi," sagði viðskiptavin-
ur sem var á ferð í verslun á
Laugaveginum um helgina.
„Það hefur verið mikið um
geitunga á Laugaveginum nú
undanfarið og þeir virðast leita
inn í hús. Við höfum séð nokkra
geitunga hér í búðinni en það er
alveg öruggt að það er ekkert bú
hér inni. Ég hef ekki heyrt að
neinn hafi verið stunginn en
þetta er vissulega hvimleitt
ástand,“ sagði verslunarstjóri
búðarinnar við DV vegna máls-
ins. RR
Góð upp-
skera korns
í Skagafirði
DV, Sauðárkróki:
Undanfarið hefur staðið yfir korn-
skurður í Skagafirði. Uppskeran hef-
ur verið góð i sumar, frá tveimur
tonnum af þurrkefni af hektaranum
upp í 3,5 tonn. Tilraunir með kom-
rækt hafa staðið yfir í Skagafírði í
nokkur ár eri þetta er fyrsta sumarið
sem bændur þar rækta kom í ein-
hverju mæli. í vor var sáð i um 50
hektara lands í héraðinu af um 20 að-
ilum, sem eiga í sameiningu þreski-
og kornskurðarvél. Langstærsti aðil-
inn í ræktuninni er Pétur Sigmunds-
son bóndi á Vindheimamelum. Hann
sáði í 16 hektara land og fékk af því
160 sekki af korni, sem hver um sig
vegur rúm 400 kíló.
Kornrækt hefur gengið betur Norð-
anlands í sumar en syðra. Ólafur
bóndi á Þorvaldseyri undir Eyjafjöll-
um, sem er frumkvöðull að kornrækt
hér á landi, kom norður í síðustu
viku til að skoða kornræktina hjá
bændum. Honum leist vel á ræktun-
ina í Skagafirði og segir ræktunar-
land á Vindheimum með því besta
sem gerist hér á landi, enda hafa til-
raunir sýnt fram á það. Þá eru fleiri
svæði í Skagafirði talin hentug til
ræktunar. Eiríkur Lofstsson jarð-
ræktarráðunautur Búnaðarsambands
Skagafjaröar segist álíta að korn-
bændur í Skagafirði séu nú þegar
farnir að bera talsverðan hag af rækt-
un sinni, þrátt fyrir að verð á korni
hafi lækkað um 30 prósent á liðnu
vori er kjarnfóðurgjald var afnumið.
Blaðamaður DV fylgdist með korn-
skurði í landi Vallholts í Vallhólmi.
Þar tóku fjórir bændur land á leigu í
vor, plægðu og sáðu byggi í 19 hekt-
ara. Þeir Sigurður Sigfússon í Vík,
Árni Halldórsson í Útvík, Ómar Jens-
son á Gili og Símon Traustason í
Ketu. Þeir félagar þurftu að fram-
kvæma mikið á stuttum tíma í vor,
girða landið, plægja það og síðan fin-
vinna og urðu því hálfum mánuði á
eftir í sáningunni. Ekki tókst þeim
heldur að áætla rétt áburðarmagn, en
mjög mikilvægt er talið að það sé
nokkuð nákvæmt, hvorki of lítið né
mikið. Áburðargjöfin var heldur lítil
miðið við gæði landsins og því var
uppskeran fyrir neðan meðallag, tvö
tonn af þurrefni af hektaranum. Þeir
félagar segjast þó vera býsna ánægðir
og nú komi þeir betur undirbúnir til
leiks næsta vor. Landið verði gróf-
unnið núna í haust og fínunnið fyrir
sáningu næsta vor. Þá verði auðveld-
ara að áætla áburðargjöfina en i
fyrsta skiptið.
Landið sem þeir fjórmenningar
hafa á leigu i Vallhólminum er næsti
akur við land Péturs á Vindheimum
og ljóst að ræktun á þessu svæði hef-
ur ýmsa kosti. Veðursæld er yfirleitt
talsverð íram í Skagafirðinum. Þarna
i Hólminum nýtur landið sólar með-
an hún er á lofti og er það ekki svo
lítill kostur i komræktinni. -ÞÁ
Heimdallur:
Kona í fyrsta sinn formaður
er að eiga sér stað,“ segir Elsa.
Elsa B. Valsdóttir var kjörin
formaður Heimdallar á aðalfundi
félagsins síðastliðið fóstudags-
kvöld. Formaður síðasta árs,
Glúmur Jón Björnsson, gaf ekki
kost á sér til endurkjörs. Elsa er
27 ára læknanemi og var varafor-
maður félagsins síðasta ár. Þetta
er í fyrsta sinn sem kona gegnir
þessu embætti. „Það helgast nú að
hluta til af því að engin kona hef-
ur áður boðið sig fram til þessa en
einnig endurspeglar þetta íslenska
stjórnmálasögu og þá þróun sem
Um það hvort verið sé að friða
konumar í flokknum segir hún að
Heimdallur hafi alltaf verið mjög
sjálfstætt félag og kjör í embætti
þess komi ekki til kasta yfirstjórn-
ar flokksins. „Félagsmenn í
Heimdalli velja úr sínum hópi for-
ystumenn sem þeir treysta og ég
þakka það traust sem mér er nú
sýnt.“
Heimdallur er stærsta stjórn-
málafélag á landinu með um 4300
félagsmenn. -saa
Bjarni á Ljósalandi og tveir starfsmenn hans bóna af krafti.
DV-mynd ÆK
Málning úðaðist yfir 140 bíla á Fáskrúðsfirði:
Unnið að hreinsun
bifreiðanna í tvígang
DV, Fáskrúðsfirði:
Að undanfórnu hefur verið unnið
á Bílaverkstæði Bjarna á Ljósalandi
að hreinsun á bifreiðum þeim sem
málningarúði lenti á þegar verið
var að mála mjöltanka Loðnuvinnsl-
unnar. Að sögn Bjama fengu um 140
bílar málningarúða yfir sig og er
hreinsuninni að ljúka. Verktakarn-
ir, sem unnu að málningarvinn-
unni, hættu að sprauta málning-
unni eftir að fólk tók eftir að hún
lenti á bílunum og notuðu rúllur
um tíma. Bjarni sagði að bílar, sem
fýrst hefðu verið hreinsaðar, hefði
þurft að hreinsa aftur vegna þess að
verktakinn hefði farið að sprauta
málningunni að nýju en nokkrir bí-
leigendur, sem höfðu verið nokkuð
sparir á að bóna bíla sína, svo að
ekki sé meira sagt, aka nú á stífbón-
uðum bílum, sjálfum sér til ánægju.
-ÆK
Fjár- og hrossagöngur
sameinaðar
DV, Sauðárkróki.'
„Fénu hefur fækkað svo mikið að
það var um tvennt að ræða, stór-
hækka fjallskilagjöldin eða hagræða
í göngunum. Eins og sauðfjárræktin
er stödd má hún ekki við kostnaðar-
auka þannig að við fóram út í að
sameina f]ár- og hrossagöngur og
gera fjallskilin þar með ódýrari,"
sagði Bjarni Egilsson, oddviti á
Hvalnesi í Skefilsstaðahreppi, en
Skagamenn smöluðu bæði fé og
hrossum þegar réttað var í Sel-
nesrétt.
Bjami á Hvalnesi segir að það sé
lítið fyrirhafnarmeira að smala
hrossunum með fénu, þau hafi
hvort sem er yfirleitt komið niður í
fyrri göngum, og þá sé bara að
beina stóðinu til réttar. Gangna-
menn í Skefilsstaðahreppi ganga
Skagann endilangan að austana-
verðu, utan frá landamerkjum
Hrauns að vestan inn á miðja Lax-
árdalsheiði og norðurhluta Tinda-
stóls að vestanverðu.
Bjami segir að eftir sem áður
verði farið í eftirleitir í haust og síð-
an viðhaft venjubundið leitarflug til
að grennslast fyrir um fé þegar lið-
ur á haustið.
„Svo eru rjúpnaskyttur famar að
fara um öll fjöll og þær láta yfirleitt
vita ef fé verður á vegi þeirra, þann-
ig að það á ekki að vera mikil hætta
á því að fjárleitir séu ekki nægar,“
segir Bjarni á Hvalnesi.
Á afrétti eru rúmlega 2000 fjár og
líklega um 100 hross. Þess má geta
að Skagabændur höfðu fyrirmynd
að göngunum frá nágrönnum sínum
á Skagaströnd. Þar hefur það
tíðkast til nokkurra ára að félagar í
hestamannafélaginu þar smali sum-
arhaga í Höfðahreppi, bæði hross-
um og fé í sömu göngunum.