Dagblaðið Vísir - DV - 30.09.1996, Blaðsíða 10
10
MÁNUDAGUR 30. SEPTEMBER 1996
Spurningin
Hver er uppáhaldsíþrótta-
maöur þinn?
Páll Magnússon vélstjóri: Ég
þekki enga íþróttamenn.
Theódór Kristjánsson lífíræðing-
ur: Það er nú það, ég hef ekki hugs-
að um íþróttir svo lengi.
Steinunn Jónsdóttir nemi: Senni-
lega Jón Arnar Magnússon.
Óskar Gíslason nemi: Eric Can-
tona.
Lifja Þorsteinsdóttir sölumaður:
Ég fylgist ekkert með íþróttum.
Lesendur_______________________
Endurnýjun Reykja-
víkurflugvallar
- feigðarflan til fárra ára
Jóhannes Sigurðsson skrifar:
Ekkert er líklegra en að senn hefj-
ist undirbúningur fyrir endurnýjun
Reykjavikurflugvallar ef marka má
fréttaflutning þar að lútandi. Ég hef
hins vegar ekki lesið eða heyrt álit
skipulagsnefndar eða almanna-
varnanefndar varðandi þær fyrir-
ætlanir að í miðborg Reykjavíkur
verði starfræktur innanlandsflug-
völlur um fyrirsjáanlega framtíð.
Mér finnst það vera hlutverk fjöl-
miðla að afla sér allra hugsanlegra
gagna um þessa framkvæmd sem
mun kosta á annan milljarð króna
tekinn af skattborgurunum í einu
eða öðru formi.
Nokkuð hefur verið ijallað um
þessa fyrirhuguðu framkvæmd af
einstaklingum, t.d. í greinaskrifum,
svo og af sveitarstjórn Reykjanes-
bæjar, sem hefur lagt til formlega
að allt innanlandsflug flytjist tii
Keflavíkurflugvallar. Fullyrða má
að sú ákvörðun væri viturlegri og
meira traustvekjandi en að taka til
við jarðvegsskipti, undirbyggingu
og malbikun eða steypingu þeirra
tveggja flugbrauta sem notaðar eru
nú í algjöru örygisleysi.
Það er staðfest skriflega af opin-
berum aðilum að flugbrautir á
Reykjavíkurflugvefli uppfylia ekki
alþjóðlegar öryggiskröfur. Það verð-
ur líka að draga í efa að endurbygg-
ing flugbrauta á þessum stað nái
því að uppfylla nefndar kröfur. Ótal-
in eru lika óþægindin og öryggis-
leysi borgarbúa sjálfra sem sífefld
Framtíðarhorfur fyrir innanlandsflug í Vatnsmýrinni eru bágbornar og feigö-
arflan aö huga aö endurbyggingu fiugvallarins.
flugumferð yfir miðborgina skapar.
Meiri líkur eru á því en ekki að
flugvél verði fyrir óhappi á síðustu
sekúndum aðflugsins og þá stund
myndi enginn opinber aðili vilja ljá
ábyrgð. - Yrði slíkt óhapp með
skelfilegum afleiðingum myndi inn-
anlandsflug verða flutt samstimdis
til Keflavíkur. Enginn tæki annað í
mál. - Eða myndu einhverjir ein-
hverjir streitast á móti?
Að öllu samanlögðu eru framtíð-
arhorfur fyrir innanlandsflug í
Vatnsmýrinni bágbomar og dýrar
framkvæmdir við enduruppbygg-
ingu feigðarflan til fárra ára. Því að
því kemur fyrr en varir að innan-
landsflugið flyst til Keflavíkur, þar
sem allt flug frá þessum landshluta
á heima. Þar er eina fullkomna ör-
yggiskerfið fyrir flugið og þar er
rándýr flugstöð sem þarf að nýta. í
Reykjavík þarf hins vegar góða um-
ferðarmiðstöð til framtíðar. Henni
má auðveldlega koma fyrir í
Perlunni og bílastæðum í sunnan-
verðum slakkanum. Þá er líka Perl-
an orðin arðbær svo um munar.
Ógætilegur akstur SVR-vagna
G.í. skrifar:
Þriðjudaginn 24. sept. sl. um kl.
19.20 ók ég austur Miklubraut. Er ég
kom að ljósunum við Grensásveg
minnkaði ég hraðann vegna um-
ferðarinnar fram undan sem var að
aka af stað á móti grænu ljósi. í bak-
sýnisspeglinum sá ég hvar strætis-
vagn nálgaðist mig og náði mér rétt
áður en ég fór yfir gatnamótin.
Næstu 200-300 metrana ók ég á 60
km hraða með strætisvagninn svo
að segja í skottinu. Á þessum hraða
hélt strætisvagnastjórinn um eins
metra bili á milli okkar.
Þetta var ákaflega óþægilegt fyrir
mig og hefði eitthvað óvænt gerst
fyrir framan minn bíl og ég þurft að
stöðva bílinn skyndilega hefði vagn-
inn einfaldlega ekið aftan á mig. í
stað þess að auka hraðann (ég var á
hægri akrein) steig ég á bremsuna
til að kveikja bremsuljósin og reyna
að vekja athygli vagnstjórans á
hættunni. En í stað þess að breikka
bilið á milli okkar gaf vagnstjórinn
í og snarbeygði yfir á vinstri akrein
til að taka fram úr mér. Og það rétt
áður en við komum að næstu ljós-
um.
Það er óviðunandi ef strætis-
vagnastjórar eru óhæfir til að axla
ábyrgð þá sem á herðum þeirra
hvílir og heldur ekki ásættanlegt ef
stjórn SVR lætur þessa reynslu
mína sem vind um eyru þjóta.
Burt úr borginni með hundana
Kristinn Snæland skrifar:
Fyrir allmörgum árum var kann-
að hvort Reykvíkingar vildu leyfa
hundahald í borgini. Meirihiutinn
reyndist andvígur því. Til þess að
komast hjá vilja borgarbúa bönn-
uðu borgaryflrvöld hundahald en
leyfðu það þó. Það var sem sé bann-
að að halda hunda í borginni í sam-
ræmi við vilja meirihluta borgar-
búa - en leyft ef sótt var um undan-
þágu, í samræmi við vilja minni-
hlutans.
Þessi lausn var augljóslega póli-
tísk ákvörðun og sem slík ein þeirra
pólitísku ákvarðana sem styrkja þá
sannfæringu sumra að stjómmála-
fólk sé loddarar sem hiklaust um-
snúi sannleikanum eftir hentugleik-
um. Rétt er að ítreka þá staðreynd
að hundavinir vilja ekki hundahald
Rétt er aö ítreka þá staðreynd aö hundavinir - meirihluti borgarbúa - vilja
ekki hundahald í borginni.
þjónusta
allan sólarhrineinn
- eða hringið í síma
ILiÆSO 5000
híilli kl. 14 og 16
í borginni. Þessir hundavinir eru
mikill meirihluti borgarbúa.
R-listinn - ekki aðeins Ámi Þór
Sigurðsson borgarfulltrúi - ætti að
virða þennan vilja meirihluta borg-
arbúa og hætta algjörlega að veita
undanþágur frá hundahaldsbanni,
nema þá fyrir björgunar, hjálpar- og
lögregluhunda. Aðrir hundahaldar-
ar, sem lítt eöa ekki fara eftir
hundahaldsreglum, ættu að hætta
hundahaldi í borginni og gerast þar
með sannir hundavinir.
Auðvitað er svo rétt að þeir (svo
lengi sem þeir halda hunda í borg-
inni) leyfi þeim að ganga sem mest
lausum (mér og fleiri til gremju),
svo sem flestir gera í ríkum mæli
hvort eð er. Það er þó vissulega vin-
áttumerki við þessa vesælu borgar-
hunda. Best væri auðvitað að hætta
pólitískum loddaraleik og leggja af
hundahald með öllu í borginni.
DV
Olía í stað fisk-
veiða?
Höskuldur skrifar:
Ég las grein Guðmundar Hall-
varðssonar alþingismanns í DV
sl. miðvikudag þar sem hann
greinir frá fyrirspurn sinni á Al-
þingi varöandi olíuleit við ísland
og svör ráðamanna við henni.
Þessari fyrirspurn þarf að fylgja
eftir til að fá svar við því hvað
líði niðurstöðum fyrri kannana
sem voru jákvæðar. Úti fyrir
Norðurlandi fengust vísbending-
ar um setlög sem kanna þyrfti
frekar. Við erum á svipuðum
jarðvegsgrunni og Færeyjar en
þar er I bígerð olíuvinnsla af
hafsbotni. Engin spurning er um
að hér á að leita olíu. Olíuvinnsla
væri líkleg til að koma í stað fisk-
vinnslu. Því fram eru komnar
staðreyndir sem sýna að við get-
um ekki byggt afkomu okkar til
frambúðar alfarið á fiskveiðum.
í nýrnaaðgerð -
aðstoðar óskað
E.S. hringdi:
í sumar birti DV frétt um ung-
an mann, Reyni Lýðsson, sem var
með nýrnaskemmd og reyndist
ókleift að nota nýra systur sinn-
ar. Nú er þessi ungi maður nýfar-
inn til Svíþjóðar þar sem nýrna-
skipti eiga að fara fram með nýra
foður hans. Stofnuð hefur verið
sparisjóðsbók við Sparisjóð Ár-
neshrepps (nr. 162) og bendi ég
þeim sem kunna að vilja aðstoða
unga manninn með framlögum
sínum á þennan kost. Öll aðstoð
yrði sannarlega vel þegin.
Andúð á íslandi
gegn ESB?
Vilhjálmur Sigurðss. hringdi:
Sagt er að Emma Bonino, ESB-
ráðherrann hafi viljað freista þess
að fá íslendinga til að láta af
andúð sinni á Evrópubandalag-
inu. En spyrja má: Hverjir hafa
andúð á ESB? Ég held að það séu
engir aðrir en þeh sem ráða
flestu hér á landi. Þeh geta ekki
til þess hugsað að við göngum í
ESB því að þá þarf að fara að
greiða mannsæmandi laun, láta af
sérhagsmunapoti einstakra
þrýstihópa, svo sem sægreifanna
og forkólfanna á vinnumarkaðin-
um og hætt að kúga almenning í
það heila tekið. Almenningur ger-
ir sér hins vegar grein fyrir því
að með aðild að ESB væri lands-
mönnum borgið að flestu leyti.
Hefur forseti
ekki málfrelsi?
I.K. skrifar:
Mér þykir ómaklega vegið að
forseta landsins vegna ummæla
hans um vegakerfið og úrbætur á
því í ferðalagi sínu í Barðastrand-
arsýslu nýlega. Það sæmir ekki
þingmönnum að láta frá sér fara
einhverja þykjustugagnrýni í
kersksnisstil vegna orða forset-
ans. Forseti hefur þó líklega mál-
frelsi eins og aðrir. Auðvitað eru
þingmenn hörundssárir að æðsti
maður þjóðarinnar skuli vera far-
inn að hafa skoðanir á högum
landsmanna. Ég held að aflh séu
fegnir að sú breyting er á orðin í
forsetaembætti, að heyra þaðan
skoðanir um landsmál. Það var
sannarlega löngu tími til kominn.
Veiðileyfagjald
til bóta
Kristján S. Kjartanss. skrifar:
Þensluna í þjóðfélaginu má
m.a. rekja til kvótaviöskipta og
oöjárfestinga ævintýramanna í
atvinnurekstri á kostnað skatt-
borgaranna. Bót væri að veiði-
leyfagjaldi. Það myndi laga stöðu
okkar með skilvhkum og varan-
legum hætti.