Dagblaðið Vísir - DV - 07.02.1997, Blaðsíða 8

8
FÖSTUDAGUR 7. FEBRÚAR 1997
Utlönd
Forseti Ekvadors neyddur frá eftir mótmæli og allsherjarverkföll:
Neitaði að láta af embætti
þegar þingið setti hann af
Eflir nokkurra daga allsherjar-
verkföll og mótmælaaðgerðir millj-
óna íbúa Ekvadors samþykkti þing
landsins í gærkvöld að leysa
Abdala Bucaram forseta frá störf-
um vegna andlegrar vanhæfni. í
nótt leit út fyrir að herinn mundi
taka til sinna ráða en Bucaram
sagðist ekki ætla að hætta í starfi
sem hann hafði verið kosinn til fyr-
ir hálfu ári. Kallaði hann niður-
stöðu þingsins, sem fengin var með
eins atkvæðis mun, lagalega villi-
mennsku. Sagðist Bucaram ætla að
starfa út kjörtímabilið.
„Fjármála- og bankamenn verða
aldrei jafn sterkir og stjómarskrá-
in. Ég er eini forsetinn sem kjörinn
hefur verið af fátækri alþýðu
Ekvadors," sagði Bucaram og full-
yrti að sterkir fjármálamenn stæðu
á bak við andstöðuna gegn honum.
Eftir að þingið hafði sett
Bucaram af samþykkti það að gera
forseta sinn, Fabian Alarcon, að
forseta landsins til bráðabirgða
fram á næsta ár. En löggjöfm í
Ekvador er afar ófullkomin þegar
kemur að arftaka forseta og því gaf
Rosalia Arteaga, varaforseti lands-
ins, út tilskipun þess efnis að hún
væri tekin við sem forseti.
Bucaram þykir mikill lýðskrum-
ari og var kjörinn sem forseti hinna
fátæku. Hann hefur verið kallaður
„E1 Loco“ eða Brjálæðingurinn. En
róttækar efnahagsaðgerðir frá í jan-
úar, þar sem geysimiklar hækkanir
urðu á vörum og þjónustu og hast-
arlegur niðurskurður var fram-
kvæmdur, var meira en alþýða
manna í Ekvador þoldi og alda mót-
mæla hófst. Var þess krafist að
Bucaram yrði settur af . Mótmælin
náðu síðan hámarki í vikunni.
Bucaram hafði reyndar fallist á að
taka aftur eitthvað af umdeildum
efnahagsákvörðunum sínum, sem
þýddu 200% hækkun orkuverðs, en
þingið og alþýða manna hafði gefist
upp á Brjálæðingnum.
Reuter

Hermenn halda æstum múgnum frá þinghúsinu í Quito, höfuðborg Ekvadors, í gærkvöld. Krafðist mannfjöldinn þess aö forseti landsins, Abdala Bucaram,
kallaður Brjálæðingurinn, yröi settur af. Bucaram kallaði eftir stuöningi hersins eftir aö þingið hafði setti hann af en þaðan komu engin viðbrögö. Komu yf-
irmenn hersins til forsetahallarinnar í nótt og var búist við samkomulagi um lyktir stjórnarkreppunnar. Símamynd Reuter
Mótmælum hætt
verði lögin samþykkt
Stjórnarandstaðan í Serbíu hef-
ur lofað að hætta mótmælum á
götum úti samþykki þingið kosn-
ingasigur hennar á þriðjudaginn.
„Við munum hætta mótmælun-
um og gefa tækifæri á viðræðum
ef þingið samþykkir lagafrum-
varpið,“ sagði stjórnarandstöðu-
leiðtoginn Vuk Draskovic í París
að loknum fundi með Herve de
Charette, utanríkisráðherra
Frakklands.
Yfirvöld í Frakklandi höfðu
boðið serbneskum stjórnarand-
stæðingum til viðræðna við
franska utanríkisráðherrann.
Stjórnarandstöðuleiðtogarnir
sögðu franska utanríkisráðherr-
ann hafa lofað stuðningi Frakka
við stjómun í þeim sveitarfélög-
um sem stjómarandstaðan sigr-
aði.
Franski utanríkisráðherrann
sagði að leysa ætti vandamálin í
Serbíu með viðurkenningu á
kosningaúrslitunum, viðræðum
milli stjórnar og stjórnarand-
stöðu, frjálsum aögangi að fjöl-
miðlum og lýðræðislegum kosn-
ingum Reuter
Stjórnarandstööuleiötogarnir Zoran Djindjic, Vesna Pesic og Vuk Dra-
skovic ásamt utanríkisráðherra Frakklands, Herve de Charette, í Parfs í
gær. Símamynd Reuter
Sotheby’s uppboðsfyrirtækið í vanda:
Staðið að smygli á
gömlum listaverkum
Sotheby’s uppboðsfyrirtækið í
London hefur sagt upp háttsettum
starfsmönnum sínum eftir að ásak-
anir komu fram um að fyrirtækið
stundaði ólögleg viðskipti með göm-
ul listaverk. George Baoley, for-
stjóri Sotheby’s í Evrópu, sagðist
vera mjög dapur yflr þessum ásök-
unum en viðurkenndi að lög hefðu
verið brotin í einu tilfelli. Hefði ver-
ið gripið til viðeigandi ráðstafana
vegna þess.
í þætti, sem sýndur var í gær-
kvöld á BBC-sjónvarpsstöðinni,
kemur fram hvernig fulltrúar
Sotheby’s sáu um að málverki eins
gömlu meistaranna á Ítalíu var
smyglað frá landinu og boðið upp í
London. Þáttagerðarmenn notuðu
falda myndavél og tóku upp þar sem
starfsmenn Sotheby’s buðust til að
smygla fágætu málverki frá Ítalíu
til Englands. Þátturinn var byggður
á bók eftir menningarblaðamann-
inn Peter Watson sem fullyrðir að
Sotheby’s fyrirtækið sjái um smygl
á dýrmætum ítölskum og indversk-
um listaverkum til Englands og
falsi skjöl til að hylja uppruna
þeirra. Watson segist hafa undir
höndum sönnunargögn sem sýni að
þess konar viðskipti séu og hafl ver-
ið stunduð í ríkum mæli. Hann
sagði rannsóknir sinar og uppljóstr-
anir vera mjög nákvæmar og sýndu
svo ekki yrði um villst að hreinsa
þyrfti til í listaverka- og fornmuna-
viðskiptum. Reuter
Anan lofar viðleitni
Kofi Anan, framkvæmdastjóri
Sameinuðu þjóðanna, sagðist sáttur
við og lofa þá viðleitni sem Bill
Clinton sýnir til að greiða himin-
háar skuldir Bandaríkjanna við
samtökin. Clinton hefur lofað að
greiða tæpan milljarð Bandaríkja-
dala af vanskilaskuld við samtökin.
Enn er þó langt í land þar til 1,5
milljarða dala skuld, sem SÞ full-
yrða að Bandaríkjamenn skuldi sér,
verður að fullu greidd. Af þeirri
upphæð eru 926 milljónir vegna
friðargæslu og 264 milljónir lög-
bundnar greiðslur til ýmissa stofn-
ana SÞ.
Clinton mun væntanlega lenda i
andstöðu á Bandaríkjaþingi vegna
þessara loforða sinna. Nánar tiltekið
hyggst Clinton greiða SÞ100 milljón-
ir dala á þessu ári en bíða með af-
ganginn til 1999. Greiðsla hans er
háð því hvort umbætur hafa verið
gerðar á starfsemi SÞ. Reuter
Stuttar fréttir e»v
Hræðilegur her
Varnarmálaráðherra Rúss-
lands, Igor Rodionov, segir fjár-
skort hafa leitt til siðferðisbrests,
viljaleysis og stjómleysis innan
rússneska hersins.
Skæruliðar sækja
Skæruliðar hafa sótt hart fram
í austurhluta Saír og hafa tekið
borgina Shabunda. Halda skæru-
liðar nú í vesturátt.
Með Evrópu i huga
Borís Jeltsín
Rússlandsfor-
seti er nú að
skoða mögu-
leikana á að
flytja fyrirhug-
aðan leiðtoga-
fund sinn og
Bills Clintons
Bandaríkjafor-
seta, sem halda átti í Washington,
til Evrópu.
Uppreisn bæld niður
Heryfirvöld í Kongó segjast
hafa bælt niður uppreisn fyrrum
pólitískra varðliða í hemum sem
söguðu i sundur jámbrautarteina
og tóku rafmagn af höfuðborg-
inni.
Sjö ára skotinn
Sjö ára drengur var sagður
skotinn til bana í götuóeirðum í
Jóhannesarborg í S-Afríku þegar
lögregla barðist við borgara sem
mótmæltu háum vatns- og raf-
magnsreikningum.
Lögregla fyrir rétti
Saksóknarar í Ankara krefjast
3 til 15 ára fangelsisdóma yfir 48
lögreglumönnum sem sakaðir eru
um að hafa barið vinstrisinnaðan
blaðamann til dauða.
Assad ánægður
Hafez al-
Assad, forseti
Sýrlands, hefur
lýst yfir ánægju
sinni með
stuðning araba
við skilyrðin
sem hann setti
fyrir að taka
upp á ný við-
ræður við ísraela.
Handtökur í Belfast
Breskir hermenn fundu
sprengjuvörpu og handtóku 11
manns í skyndileit í Belfast og
Lurgan á írlandi í gær.
Gíslum sleppt
Yfirmanni Rauða krossins í
Tadjikistan var tilkynnt í morgun
að verið væri að sleppa tveimur
af fjóram hjálparstarfsmönnum
sem var rænt.
Amman fundin sek
63 ára gömul amma í Cin-
cinnati í Bandaríkjunum var í
gær fundin sek um að hindra op-
inber störf með því að stinga pen-
ingum í stöðumæla þar sem tím-
inn var runninn út.
Kohl bjartsýnn
Helmut Kohl,
kanslari Þýska-
lands, er bjart-
sýnn á að at-
vinnuleysi í
Þýskalandi
minnki á þessu
ári. Rúmlega
4,6 milljónir
Þjóðverja voru
án atvinnu í janúar.
Tekinn af lífi
39 ára Bandaríkjamaður, sem
hafði rænt 15 ára pilti, pyntað
hann og myrt fyrir sex árum, var
tekinn af lífi í Virginíu í morg-
un.
Verkföll í Frakklandi
Verkfóll starfsmanna hjá al-
menn ingssamgöngufyr irtækj um
röskuðu umferð með strætisvögn-
um, sporvögnum og neðanjarðar-
brautum í nokkrum borgum
Frakklands i morgun. Reuter