Dagblaðið Vísir - DV - 11.02.1997, Blaðsíða 10
10
ÞRIÐJUDAGUR 11. FEBRÚAR 1997
Spurningin
Ert þú ánægö/ur meö bíla-
umferö í göngugötunni
(Spurt á Akureyri):
Smári Ólafsson verslunarmaður:
„Já, ég er það. Mér finnst vera
meira líf í bænum og er ekki frá því
að verslun hafi aukist.“
Erla Hrund Friðfinnsdóttir gjald-
keri: „Ég er mjög ósátt við þessa
breytingu og hefði viljað hafa
göngugötuna eins og hún var.“
Sigurður Steingrímsson fram-
kvæmdastjóri: „Ég tel bílaumferð í
götunni spor í rétta átt. Hins vegar
er göngugatan sem slík hrikalega
ljót og kuldaleg."
Hallgrímur Gíslason vélstjóri:
„Ég er utanbæjarmaður en mér
finnst þetta algjör óþarfi og t.d. alls
ekki passa í sumar.“
Valdís Jónsdóttir talkennari:
„Þetta er alveg ömurlegt og það er
furðulegt að ekki sé hægt að hafa
göngugötur á íslandi eins og víða
erlendis."
Matthías Einarsson eftirlauna-
þegi: „Gatan er skelfileg eftir þessa
breytingu og ég hitti engan sem
ekki hneykslast á þessu.“
Lesendur
Verktakar og
vinnuskilti þeirra
Vinnuskiltin í umferöinni ávalit í rétti - sérstaklega ef enginn vill eiga það!
segir Guörún í bréfi sínu.
Guðrún Jóhannsdóttir skrifar:
Kvöld eitt síðla síðasta árs (nánar
tiltekið 22. október) var leiðindaveð-
ur, rok, rigning og mikið mistur.
Faðir minn ók bíl sínum af Nissan
Micra gerð austur Miklubraut og
Vesturlandsveg að frárein að
Reykjanesbraut. Við þessa hliðar-
akrein er lítil eyja og höfðu fram-
kvæmdir átt sér stað þar af allmörg-
um verktökum á vegum borgarinn-
ar.
Þar sem bíllinn kemur akandi í
áttina að fráreininni og ætlar inn á
Reykjanesbraut lendir „felga“ undir
bilnum, lyftir honum upp að framan
og framdrifinn bíllinn lendir stjóm-
laus upp á áðurnefndri eyju. Þegar
að er gáð kemur i ljós að á felguna
er festur rörbútur með áfestu skilti
neðarlega á rörinu: „Þrenging til
vinstri".
Þá lá þetta skilti á götunni með
merkið niður þannig að engin leið
var að koma auga á það á blautri
götunni í þessu skyggni. Það skal
tekið fram að bíllinn ók á fullkom-
lega löglegum hraða. Undirvagn
bílsins skemmdist töluvert og varð
af þessu allmikið tjón.
Samkvæmt upplýsingum frá
skrifstofu gatnamálastjóra var um
nokkuð marga verktaka að ræða á
þessu sviði. En viti menn! Enginn
vildi eiga skiltið. Og ekki heldur
borgin. En einhver tók það samt til
handargagns.
Tvö vitni voru að þessum atburði
sem staðfestu skriflega frambm-ð
ökumannsins um aðstæður og sáu
hvað gerðist en sáu engin skilti
heldur fyrr en allt var um garð
gengið. Þar sem enginn veit eða get-
ur sannað skiltið á eiganda sinn eða
hvar það er niður komið núna lend-
ir tjónið á ökumanni samkvæmt úr-
skurði tryggingafélagsins sem
reyndar er sama tryggingafélag og
Reykjavíkurborg notar. Borgin er
ekki heldur ábyrg fyrir verktökum
sínum og athöfnum þeirra að þessu
leyti.
Sem sé: alveg sama hvemig um-
ferðarskiltunum er valinn staður
úti í umferðinni, á götvmni, hvort
hægt sé að koma auga á þau yfirleitt
eða ekki. Þá er skiltið alltaf í rétti,
sérstaklega ef enginn vill eiga það!
Klúðursleg kristnihátíðarnefnd
Jóhann Kristjánsson skrifar:
Að þessu sinni getur maður nú
verið sammála þeim konum sem
gagnrýnt hafa þau mistök við skip-
un svokallaðrar kristnihátíðar-
nefndar að þar skuli ekki vera ein
kona. Stundum hefur verið haft á
orði að nefndaskipanir hér á landi
væm með þeim hætti að setja inn
eina konu svona til „skrauts". Þetta
hefði auðvitað ekki átt við um þessa
nefndarskipun heldur hefði það
sjónarmið átt að ríkja að bæði kyn-
in ættu þar sæti jafnt.
Annað sjónarmið hefúr greini-
lega orðið ofan á við skipun kristni-
hátíðarnefndarinnar. Þeir sem þar
era hafa kannski haft þörf fyrir setu
í henni. Hún er varla ólaunuð, ef
marka má fyrri nefndarskipanir hjá
hinu opinbera. Og mér finnst þessir
menn ekki vera neitt sérstaklega
vel að setunni komnir. Óttalegir
sperrileggir sýnist mér og góðir
með sig, af myndinni að dæma.
Og svo er bara spumingin hvort
nokkur þörf er fyrir þessa kristni-
hátíðamefnd yfirleitt. Aðalverkefn-
ið sýndist mér vera, af fréttinni að
dæma, að ræða samkeppni um
merki hátíðarinnar. - Jú, og svo að
auglýsa eftir hugmyndum og grein-
argerðum, eins og segir í fréttatil-
kynningu. Geta þessir menn ekki
sjálfir komið með hugmyndir, svo
ofarlega í samfélagsstiganum sem
þeir em? Þeir hljóta að hafa heyrt
um svonefnt „brain- storming". í
það heila tekið finnst mér nefndar-
skipunin með því klaufalegasta sem
lengi hefur sést hér, ekki síst þar
sem nokkrir þessara nefndarmanna
hafa verið og em enn mjög umdeild-
ir af ýmsum orsökum. Ég skora á
fólk að krefjast endurskoðunar á
þessari nefndarskipun, einkum með
tilliti til þess að fá nokkrar konur í
nefndina. Auðvitað án þess að fjölga
í nefndinni. Það væri enn meira
klúður.
Tryggingarfélögin í áramótalægð?
Setti FÍB allt á annan endann hjá stóru tryggingarfélögunum varðandi önn-
ur iögjöld?
Bjöm Sigurðsson skrifar:
Svo brá við um síðustu áramót að
ég fékk enga tilkynningu frá mínu
tryggingarfélagi eins og alltaf áður
með yfirliti um hvað greiða ætti á
þessu ári og aðra útlistun yfir trygg-
ingar mínar. Ég hef talað við marga
sem hafa sömu sögu að segja. Ég er
þess fullviss að undirboð FÍB á bif-
reiðatryggingum hefur hér eitthvað
meö málin að gera. Allar götur lækk-
uðu stóru tryggingarfélögin bifreiða-
tryggingar sínar strax og buðu lægri
iðgjöld - gott mál og þarft.
Það er hins vegar ekki eðlilegt ef
stóra tryggingarfélögin senda ekki
yfirlit sín fyrir þetta ár fyrr en nú í
byrjun febrúar og þaðan af seinna.
Manni dettur t.d. í hug hvort félög-
in séu að koma öðrum iðgjöldum
„heim og saman“ vegna lækkunar á
bifreiðatryggingunum. En í það
heila tekið hlýtur að vera mikið að
þegar ekki hefur heyrst frá stóru
tryggingarfélögunum um iðgjöldin
allan þennan tíma frá áramótum.
Fólk hefur kannski ekki áttað sig
á að láta ávallt bjóða í tryggingar
sínar einu sinni á ári, og í tæka tið,
til að geta flutt sig á milli félaga, sé
það með umtalsverðar tryggingar.
Frjálst val á
sumarleyfum
Kristinn Sigurðsson skrifar:
Mér finnst ekki eðlilegt að
maður sé skyldugur til að taka 6
vikna sumarleyfi. Margir starfs-
menn sem vinna hjá ríki eða
sveitarfélögum eiga rétt á 6
vikna sumarleyfi, sem er gott
mál að vissu leyti, og því miður
eiga aðrir aðeins 4 vikna leyfi.
Oft era þó aðstæður þannig að
fólk er að fjárfesta, t.d. í íbúðum
o.þ.h. Sumt af þessu fólki er alls
ekkert hrifið af að vera skikkað
til að taka 6 vikna frí. Það vildi
t.d. taka 2 eða 3 vikur, en vinna
hinar vikurnar. Margt hefur
ekki efni á þessu langa fríi, og
vill gjaman vinna og fá frekar
launin greidd.
Áfengis-
námskeið
borgarinnar
Sigurbjörg hringdi:
Það er út í hött, að mínu mati,
að Reykjavíkurborg skuli setja á
laggimar eitthvert áfengisvam-
arnámskeið fyrir starfsmenn
sína. í fyrsta lagi er borgin sem
slík ekki forvamaraðili í heilsu-
gæslu fyrir einn eða annan, og í
öðra lagi er þetta fremur niður-
lægjandi. Að kaUa á starfsfólkið
til að afeitra það gegn alkóhóli er
vægast sagt kynleg aðferð til að
halda starfsfólki gangandi. - Og
reka það svo ef ekki tekst sæmi-
lega til með árangur eins og
raunin er í þessum undarlega
farsa!
Ríkisstjórnar-
fundi aflýst
- vegna afmælis Alla ríka!
Pétur Ólafsson hringdi:
Ég las í Alþýðublaðinu að til
þess að ráðherrar gætu komist í
veislu Alla rika á Eskifirði hefði
ríkisstjórnarfundi, sem átti að
vera á svipuðum tíma, verið af-
lýst. Getur verið að skemmt-
anafíknin sé komin svo hátt og
siðleysið svo algjört að rikis-
stjómarfundir lúti í lægra haldi
vegna afmælisboða einstaklinga
hér og þar um landið? Ljótt er ef
satt er. Verst er þó dómgreindar-
leysið, það er eins og það breið-
ist út innan stjómsýslunnar.
Dánarsíða
Morgunblaösins
Maria Sigurðardóttir skrifar:
Það er eitt sem heldri menn,
mest í opinbera geiranum, hafa
fram yfir aðra við dánardægur;
þeir fá um sig sérstaka dánartil-
kynningu á bls. 2 í Morgunblað-
inu. Þetta er því meira virði þar
sem orðinn er setinn bekkurinn
I venjulegum dánarauglýsingum
Mbl. og ekkert nema einstök
skai-pskyggni manns sem verður
til þess að sjá andlát vinar eða
kunningja í þeim dálkum. -
Heiðursmennimir í stétt presta
eða góðbænda á landsbyggðinni
hafa þó þennan forgang á bls. 2.
Ég met það mikils, þótt góður sé
hver genginn eins og séra Sigfús
sagði gjaman í byrjun hverrar
útfararræðu.
Konur ýta líka
bílum
M.Á. hringdi:
í lesendabréfi í DV 7. þ.m. und-
ir fýrirsögninni „Konan ýtti bíln-
um ...“ furðaði Svanur sig á því
að kona hefði ýtt bíl i ófærðmni
til að koma honum í stæði en
maðurinn hefði setið viö stýrið.
Málið er að margar konur, jafnt
og karlar ýta bílum ef þannig
stendur á. Þar getur komið til
hjartveikur maður eða maður
með kransæðasjúkdóm, og er því
ekkert undarlegt við þess konai-
uppákomu, nema síður sé. Konur
ýta því bílum alveg til jafns við
karla ef því er að skipta.