Dagblaðið Vísir - DV - 12.11.1998, Blaðsíða 2

2
FIMMTUDAGUR 12. NÓVEMBER 1998
Fréttir
Stuttar fréttir i>v
„Einhver kunnugur“ fór inn á bílaverkstæði og tók peninga úr risasöfnunarbauk:
150 þúsund stolið frá
hjartveikum börnum
- þjófurinn hafði mikið fyrir að komast að bauknum - söfnunarpeningarnir vógu um 50 kíló
Ragnar Einarsson með undirstöðu stóra söfnunarbauksins, það sem eftir var. Á innfelldu
myndinni er hinn hjartalaga baukur sem er í vörslu lögreglunnar. DV-mynd GVA
„Þetta er með því lélegasta sem
hægt er að gera. Ég held að það sé
ekki hægt að leggjast lægra en að
stela frá sjúkum bömum. Við vor-
um búin að safna þessum pening-
um í um tvö áir og ætluðum að fara
að afhenda þá til samtaka hjart-
veikra barna," sagði Ragnar Ein-
arsson, einn eigenda ER-þjónust-
unnar, hjólbarðaverkstæðis við
Kleppsmýrarveg, skammt fyrir
neðan Húsasmiðjuna.
Lögreglan rannsakar nú innbrot
sem framið var í húsakynnum fyr-
irtækisins aðfaranótt þriðjudags.
Bíræfinn þjófur fór inn í húsið
baka til, braut sér leið í „gegnum
vegg“, tók síðan hurð af lömunum
og komst alla leið inn að söfnunar-
bauknum sem var í afgreiðslu.
„Þjófurinn hefur vitað af baukn-
um héma,“ sagði Ragnar. „Við
ákváðum fyrir tveim árum að gefa
ákveðið hlutfaU af hverri umfelgun
til hjartveikra barna. Síðan hafa
viðskiptavinir okkar einnig verið
að setja peninga í baukinn vegna
málefnisins. Við reiknum með að
það hafi verið komnar um 150 þús-
und krónur í baukinn. Hann var
brotinn upp og skilinn eftir. Þjóf-
urinn hefur síðan haft með sér
upphæðina sem var öll í klinki.
Baukurinn var orðinn níðþungur.
Ég reikna með að hann hafi vegið
um 50 kíló. Þjófurinn hefur því lagt
mikið á sig til að ná þessu, sérstak-
lega ef miðað er við hvemig hann
braust inn,“ sagði Ragnar. Þjófur-
inn, eða þjófam-
ir, tóku einnig 5
þúsund krónur
af skiptimynt
fyrirtækisins.
Ragnar sagði
aðspurður að
fyrirtækið
mundi setja ann-
an bauk upp.
„Við tökum
hann þá bara
með okkur heim
á kvöldin ef fólk
getur ekki látið
peninga sjúkra
bama í friði,"
sagði Ragnar
Einarsson.
Þeir sem geta
gefið upplýsing-
ar um manna-
ferðir við húsið
aðfaranótt
þriðjudagsins
eða hafa orðið
varir við grun-
samlega mikið
af smápeningum
í umferð era
beðnir um að hafa samband við
lögregluna í Reykjavík.
-Ótt
Evran kemur:
Semja þarf um geng-
istengingu við evruna
- er mat Qármálaráðherra
í ræðu Geirs H. Haarde fjármála-
ráðherra, sem Magnús Pétursson
ráðuneytisstjóri flutti á ráðstefnu um
áhrif evrunnar, hins nýja Evrópu-
gjaldmiðils, á íslenskt efnahagslíf og
hagsmuni, vitnaði ráðherra til álits
neöidar sem fjallaði um áhrif evr-
ópska myntbandalagsins hér á landi.
Nefndin taldi mikilvægast að festa í
sessi þann efiiahagsstöðugleika sem
náðst hefúr, m.a. með því að lækka er-
lendar skuldir og efla innlendan
spamað. Þá yrði að freista þess að ná
samningum við hinn nýja seðlabanka
Evrópu um tvíhliða tengingu íslensku
krónunnar við evruna þar sem það
myndi styrkja tiltrú á hagstjóm hér á
landi. „Hér era vitaskuld ýmis Ijón í
veginum. Það er ekki sjálfgefið að
með slíkri tengingu séu stjómvöld al-
farið að afsala sér réttinum til þess að
fella gengið. Slík óvissa getur haft nei-
kvasð áhrif á trúverðugleika efnahags-
stefnunnar, en það er lykilatriði að
varðveita stöðugleikann hér á landi,“
sagði í ræðu fjármálaráðherra.
Ráðherra telur stofnun myntbanda-
lags Evrópu einn af merkari efiiahags-
legmn viðburðum á síðari tímum en
þó ekki einsdæmi: Hann minnti í því
sambandi á hið gamla norræna mynt-
bandalag sem lagðist af í lok fýrra
stríðs 1918. „Áhrif evrunnar á efna-
hagslifið koma mest fram í þeim
greinum sem era í útflutningi eða
keppa við erlend fyrirtæki á innlend-
um markaði. Erfitt er að meta þessi
áhrif nákvæmlega á þessari stundu
þar sem ljóst er að ýmis helstu við-
skiptalönd íslendinga myndu standa
utan bandalagsins að minnsta kosti á
næstu árum. Þó má greina ákveðna
þætti sem vafalítið hafa áhrif á ís-
lenskt efiiahagslíf þegar fram í sæk-
ir,“ sagði enn fremur í ræðu fjármála-
ráðherra.
Gengi evrunnar verður nú um ára-
mótin fest milli gjaldmiðla ríkjanna
11 sem nú era innan myntbandalags
Evrópu. í sumar var hinn nýi seðla-
banki Evrópu stofnaður og vinnur
hann að markmiðum myntbandalags-
ins. Um næstu áramót verður einnig
skilgreind sameiginleg gengis- og pen-
ingastefna, gjaldeyrisviðskipti með
evra hefjast og árin fram undan not-
uð til að undirbúa gjaldmiðlaskiptin
sjálf sem verða um áramótin 2002. Að-
eins ESB-ríki geta átt aðild að mynt-
bandalaginu. Af þeim löndum sem
uppfyllt hafa skilyrði til aðgangs að
myntbandalaginu hefúr Danmörk
fengið sérstaka undanþágu frá aðild og
Svíar og Bretar munu ekki gerast aðil-
ar fyrst um sinn. Löndin 11 era Aust-
urrfld, Belgía, Finnland, Frakkland,
Holland, írland, Ítalía, Lúxemborg,
Portúgal, Spánn og Þýskaland. -SÁ
Tilkoma evrunnar skapar sóknarfæri á íslandi:
Mesta góðæri íslandssögunnar fram undan
- að mati Sigurðar B. Stefánssonar hagfræðings
„Tekjuaukning hér á íslandi á fysta
áratugi 21. aldarinnar getur orðið
með því besta sem sem við þekkjum
til þessa, jafnvel þó að íslendingar séu
aftur komnir í hóp tekjuhæstu þjóða
veraldar," sagði Sigurður B. Stefáns-
son, ffamkvæmdastjóri VÍB, á ráð-
stefhu Fjárfestingarbanka atvinnulífs-
ins.VSÍ, Sambands ísl. viðskipta-
banka og Sparisjóðanna um hver
verða áhrif evrunnar á íslenska hags-
muni.
Sigurður sagði að í raun og vera
mætti halda fram að evran muni
óvíða hafa meiri áhrif en einmitt á ís-
landi og með tilkomu hennar verði
fyrsti áratugur 21. aldarinnar áratug-
ur tækifæranna. Hann sagði að hún
fullnægði öllum þeim skilyrðum sem
gjaldmiðill þarf til að vera sterkur í
samanburði við aðra gjaldmiðla, svo
sem að hagvöxtur sé góður á gjaldeyr-
issvæðinu, að útflutningur sé meiri
en innflutningur og að raunvextir séu
lágir í samanburði við önnur gjald-
eyrissvæði og verðbólga lítil. Evran
sagði hann að myndi verða í lykilhlut-
verki í þróun sem án efa muni stuðla
að vaxandi framleiðni fjármagns í álf-
unni, en þar standa aðildarlönd henn-
ar langt aö baki Bandaríkjamönnum.
Sigurður sagði að hagvöxtur á ís-
landi hefði verið meiri á síðustu fimm
árum heldur en næstu 20 ár á undan.
Hann þakkaði það því að meiri stöð-
ugleiki hefur ríkt í efhahagslífinu en
áður, gengi krónunnar verið fast.
Helsti hvatinn að auknum hagvexti á
síðari hluta þessa áratugar sagði
hann vera meiri samkeppni í landinu
á fjölmörgum sviðmn að sjávarútvegi
meðtöldum og meira frelsi til að
keppa innanlands og á Evrópumark-
aði. „Evran skapar betra tækifæri til
að áframhald geti orðið á þessari þró-
un en unnt er að fa með nokkrum öðr-
um hætti. Á næstu árum verður evr-
an eitt beittasta tækið sem völ er á til
að auka samkeppni en hún er um leið
akkeri í gjaldeyrismálum sem leiðir
af sér minni sveiflur," sagði Sigurður
B. Stefánsson. -SÁ
Verður hafnað
Ríkisútvarpið greindi frá þvi að
heilbrigðisnefhd Alþingis hefði fengið
bréf frá prófessorum við erlenda há-
skóla. í þeim er gefið í skyn að sam-
starfi við íslenska vísindamenn verði
slitið og íslenskir námsmenn óvel-
komnir í háskólana verði gagna-
grunnsfrumvarpið samþykkt óbreytt.
Samstarf stóraukið
Ríkisútvarpið greindi frá því að
vestnorrænt samstarf yrði stóraukið
á næstum árum, einkum á sviði
menningarmála. í fréttinni kom
fram að Grænlendingar fógnuðu
þessu en vildu hafa meiri áhrif.
Minnisvarði um Fiske
Halldór Blön-
dal samgöngu-
ráðherra af-
hjúpaði í gær
minnisvarða um
Wflliard Fiske í
Grimsey. Fiske
kom til íslands
árið 1879. Hann
var mikill skákáhugamaður og gaf
skákborð á hvert heimili í eynni.
RÚV greindi frá.
Strandaði í Buenos Aires
Tillaga íslands um undanþágu
fyrir losun gróðurhúsalofttegimda
frá stóriðjufyrirtækjum „í litlum
hagkerfúm" strandaði á fúndi vís-
inda- og tækninefndar loftslags-
þingsins í fyrradag. Nefhdin sam-
þykkti að fresta ákvörðun tfl næsta
ársþings og afla frekari upplýsinga.
Meirafé
Aðalfundur Hollvinasamtaka Sjó-
mannaskóla íslands telur brýnt að
veita meira fé tfl menntunarmála
skipstjómar- og vélstjómarmanna.
íslendingar gætu ekki gert lakari
kröfúr í menntunarmálum en aðrar
Norðurlandaþjóðir.
Þarf að efla frekar
Ambjörg
Sveinsdóttir al-
þingismaður tók
í gær þátt í um-
ræðum um verk-
áætlun Norrænu
ráðherranefndar-
innar í fikniefiia-
forvömum á
þingi Norðurlandaráðs. Hún sagði
að baráttuna gegn fikniefnanotkun
yrði að efla enn frekar.
Umhverfisverðlaun
Dr. Ólafi Amalds vora í gærkvöld
veitt umhverfisverðlaun Norður-
landaráðs á þingi ráðsins í Ósló fýr-
ir verkefhi sitt, Jarðvegsvemd. RÚV
sagði frá.
Garðar á niðurleið
Tæplega tvö hundruð fermetra
sár er komið í einn nýja snjóflóöa-
vamargarðinn ofan Flateyrar eftir
að aurskriða rann úr garðinum nið-
ur á jafhsléttu. RÚV sagði frá.
Stórmenni ffá Kína
Varautanríkisráðherra Kina er í
opinberri heimsókn á íslandi. Hann
hittir hér m.a. Helga Ágústsson,
ráðuneytisstjóra utanríkisráðuneyt-
isins, Ólaf Ragnar Grimsson, forseta
íslands, og Halldór Ásgrímsson ut-
anrikisráðherra.
Verkalýðsrisi
í kvöld verður endanlega gengið
frá sameiningu verkalýðsfélaganna
Dagsbrúnar/Framsóknar, Sóknar og
Félags starfsfólks í veitingahúsum.
Nýja félagiö verður annað af stærstu
verkalýðsfelögum landsins með á
þrettánda þúsund félagsmanna.
Útíhött
Alþingismað-
urinn Pétur
Blöndal segir að
ekki standi
steinn yfir steini
í málflutningi
Jóhönnu Sigurð-
ardóttur um tap
ríkissjóðs af íjár-
magnstekjuskatti. Bylgjan sagði frá.
Ríkið rukkað
Héraðsdómur Reykjavíkur hefur
dæmt ríkið til að endurgreiða Skipa-
smíðastöð Njarðvíkur hálfa milljón
króna ásamt dráttarvöxtum vegna
oftekinna stimpilgjalda. RÚV sagði
frá.
-SJ/SÁ