Dagblaðið Vísir - DV - 27.01.1999, Blaðsíða 2

2
MIÐVIKUDAGUR 27. JANÚAR 1999
Fréttir
Sjúkraflutningsmaöur í Hafnarfirði hlaut örorku eftir að hafa borið sjúkling:
Milljóna bætur vegna
óaðgæslu læknisins
- dæmdar vegna þess aö læknirinn tróö sér fram fyrir börur sjúklingsins
Sjúkraflutningsmaður, sem
hlaut örorku eftir að hafa borið
aldraðan mann í lífshættu út úr
húsi í Hafnarfírði árið 1990, hefur
unnið margra milljóna króna
skaðabótamál gegn lækni og
Heilsugæslustöðinni Sólvangi.
Maðurinn varð fyrir meiðslum
þegar læknirinn rak sig í börur
sem hann var að bera þannig að
slinkur kom á þær og hann rak sig
í handrið, m.a. með þeim afleiðing-
um að alvarleg bakmeiðsl hlutust
strax af. Dómurinn dæmir stefiidu
í málinu bótaskylda. Sjúkraflutn-
ingsmaðurinn telur tjón sitt nema
12 milljónum króna. Semja verður
um bótaupphæðir eða fara í annað
dómsmál vegna þeirra.
Atburðurinn átti sér stað að-
faranótt þriðjudagsins 14. ágúst
1990. Útkall kom til læknis á bæj-
arvakt Heilsugæslustöðvarinnar
Sólvangs sem hafði aðstöðu í
slökkvistöðinni í Hafnarfirði.
Tveir sjúkraflutningsmenn voru á
vakt. Flytja þurfti karlmann á sjö-
tugsaldri, sem bjó á Suðurgötu, á
sjúkrahús vegna bráðrar
kransæðastíflu. Þrír menn fóru á
staðinn - læknirinn og sjúkra-
flutningsmennirnir tveir. Þegar
bera þurfti sjúklinginn út urðu
sjúkraflutningsmennimir að lyfta
börunum upp fyrir tréhandrið til
að koma þeim fyrir tvö 90 gráða
hom, efst og neðst í stiganum.
Stefnandi í málinu gekk fyrstur,
aftur á bak niður stigann. Áður en
kom að seinni vinkilbeygjunni
smeygði læknirinn sér fyrirvara-
laust með fram börunum. Fyrir
honum vakti að opna útidyr við
neðsta stigaþrepið og flýta fýrir að
sjúklingurinn kæmist út. Við
þetta kom slinkur á börurnar
þannig að fremri sjúkraflutnings-
maðurinn, sem bakkaði, féll aftur
yfir sig og rak mjóbakið í lítið
handrið við útidyravegg. Miklar
kvalir hlutust strax af, m.a. niður
í nára og eistu.
í niðurstöðum Jónasar Jó-
hannssonar, héraðsdómara á
Reykjanesi, segir að þótt umrædd-
ur sjúklingur hefði verið í lífs-
hættu hefði lækinum borið að
bíða þess að sjúkraflutningsmenn-
irnir óskuðu aðstoðar - en ella
gera þeim viðvart að hann hygðist
ganga með fram börunum og gefa
þeim kost á að stöðva burðinn á
meðan...Telur dómurinn sam-
kvæmt framanröktu að stefndi
(læknirinn) hafi ekki viðhaft
nægilega aðgát og að slys stefn-
anda verði rakið til þess,“ segir í
dóminum. -Ótt
Svefnlaus
vegna hávaða
- þarf aö spenna sig ofan í rúm
Gísli Ferdinandsson skósmiður,
til heimilis að Lækjargötu 6 a í
Reykjavík, getur ekki sofið heima
hjá sér um helgar. Gísli býr á
annarri hæð í gömlu timburhúsi
og á hæðinni fýrir neðan hann er
Kaffi Frank, skemmtistaður unga
fólksins.
„Þeir spila dynjandi þungarokk
hér allar helgar langt fram eftir
nóttu og ég þarf að spenna mig
með öryggisbeltum ofan í rúmið
til að hrökkva ekki fram á gólf,“
segir Gísli skósmiður. „Ég hef
reynt að tala við borgarstjóra og
Helga Hjörvar en það hefur ekkert
komið út úr því.“
Auk þess að vera skósmiður er
Gísli flautuleikari, spilar á pínu-
litla piccolo-flautu, en getur lítið
æft sig fyrir hávaða að neðan.
Hann er að hugsa um að ganga í
Húseigendafélagið og láta reka
málið fýrir sig þar.
„Þetta hús mitt hér í Lækjargöt-
unni er í raun og veru fjölbýlishús
og það hljóta að gilda einhverjar
reglur um þessa hávaðamengun.
Stundum flyt ég út ttm helgar til
að fá svefhfrið. Ég á sjö böm
þannig að ég á sem betur fer í
mörg hús að venda,“ segir Gísli.
í næsta uppgangi við hann er
rekið gistiheimilið Ljóti andarung-
inn. Þar hefur gengið illa að leigja
út herbergi vegna hávaða. Dæmi
eru um erlenda gesti sem hafa orð-
ið skelfingu lostnir um nætur.
Fyrir nokkrum dögtun urðu eig-
endaskipti á Kaffi Frank og bindur
Gísli Ferdinandsson miklar vonir
við nýjan eiganda.
„Þetta er útlendingur sem hefur
tekið við staðnum. Ég vona að
hann sé menningarlegri en sá sem
fyrir var þannig að ég geti farið að
æfa mig aftur á flautuna - og sof-
ið,“ segir Gísli og geispar. -EIR
■ ^
Gfsli Ferdinandsson skósmiður að ærast úr hávaða. Piccolo-flautan er kom
in í eyrað. DV-mynd ÞÖK
Sá ólympíuhneykslið fyrir:
Aðeins einu sinni verið
boðið til kvöldverðar
- segir Július Hafstein um Alþjóða ólympíunefndina
„Ég vissi að þetta myndi gerast,
ekki endilega 1 Salt Lake City, en
eitthvað þessu líkt. Til þess er ég
búinn að sjá nógu rnikið," segir
Júlíus Hafstein, eini íslendingur-
inn sem starfar í nefndum Alþjóða
ólympiunefndarinnar en þar hefur
hvert hneykslið rekið annað, eins
og kunnugt er úr heimsfréttunum.
Júlíus á sæti í nefnd um íþrótta- og
umhverfismál hjá Alþjóða ólymp-
íunefndinni og sækir tvo fundi á
vegum nefndarinnar á þessu ári.
„Við fundum í sama herbergi og
Alþjóða ólympíunefndin í Laus-
anne í Sviss þannig að við erum
nálægt toppnum," segir Júlíus.
„Þetta eru strangir fundir, byrja
snemma morguns og lýkur ekki
fyrr en undir kvöld.“
Júlíus segist harma mjög þá
hneykslisöldu sem gengið hefur
yfir ólympíunefndina en bendir á
að flestir þeir sem
þar séu viðriðnir
komi frá Afríku:
„Menn verða
að skilja að í
mörgum Afríku-
löndum þykja
mútur sjálfsagðar
og það þekkja ís-
lendingar sem
JÚIÍus Hafstein: sjálfir viður-
Vissi að þetta kenndu að hafa
myndi gerast. greitt miklar mút-
ur til að liðka fyr-
ir skreiðarsölu í Nígeríu, svo
dæmi sé tekið. Hér snýst málið
einnig um mismunandi venjur og
siöi í stórum heimi."
Júlíus segir að sér hafi aldrei
verið boðnar mútur og á þeim
þremur árum sem hann hafi setið í
fyrmefndri nefnd á vegum ólymp-
íunefndarinnar hafi honum aðeins
einu sinni verið
boðið í kvöldverð.
„Ég fæ dagpen-
inga og greiði þá
allan kostnað
sjálfur eða hálfa
dagpeninga og
hótelkostnað
greiddan sam-
kvæmt venju. Á
þessum fundum
borða ég hádegis-
verð á kaffiteríu
samtakanna og
svo kvöldverð á
hótelinu mínu á kvöldin. Flóknara
er það ekki,“ segir Júlíus.
íþrótta- og umhverfisnefnd Al-
þjóða ólympíunefndarinnar, sem
Júlíus á sæti í, undirbýr nú heims-
ráðstefnu sem haldin verður
næsta haust í Rio de Janeiro í
Brasilíu. Þar er ráðgert að fjalla
um íþróttir og umhverfi í víðasta
skilningi:
„Ég horfi mjög til þess að fá ís-
lenskan fýrirlesara til að koma
þar fram. Við höfum margt til mál-
anna að leggja á þessu sviði og í
röðum þeirra sem voru að stofna
náttúruverndarsamtök í Reykja-
vík á dögunum er margt góðra
manna,“ segir Júlíus en tekur
fram að hann eigi ekki endilega
við Steingrrím Hermannsson sem
kjörinn var formaður umræddra
samtaka.
Um forseta Alþjóða ólympíu-
nefndarinnar, Juan Antonio Sam-
aranch, segir Júlíus:
„Juan er stórefnaður, af ríku
foreldri og varð enn ríkari við gift-
ingu þannig að það þýðir ekkert
að bera fé á hann. En allt er þetta
hörmulegt og fer vonandi að
linna." -EIR
Juan Antonio
Samaranch: Of
ríkur til að
þiggja mútur.
Stuttar fréttir i>v
Engin ofurkjör
Ögmundur Jónasson alþingis-
maður telur hugmyndir um að
þingmenn hafi
hættulega lág
laun ómerkileg-
ar. „Eftir allt
það sem á gekk
til að knýja
lægstu laun upp
í 70 þúsund
krónur og með
hliðsjón af því hvað Alþingi er að
samþykkja gagnvart öryrkjum þá
er þetta hlægileg umræða,“ segir
Ögmundur.
Snjór og ófærö
Snjókoma og hvassviðri var í
nótt og morgun á Suður- og Suð-
Vesturlandi. Hellisheiði og
Þrengsli voru ófær og færð víða
þung, ekki síst í Reykjavík.
Vilja skólaþjónustu
Fyrir öllum sveitarstjómum í
Þingeyjarsýslu frá Hálshreppi
austur á Þórshöfn liggur tillaga
frá stjóm Héraðsnefndar Þingey-
inga um að ráðnir verði sérhæfð-
ir starfsmenn að Félagsþjónustu
Þingeyinga á Húsavík til að sinna
skólaþjónustu frá 1. júní nk. Dag-
ur segir frá.
134 búnir að kjósa
Utankjörstaðakosning í próf-
kjöri Samfylkingarinnar í Reykja-
vík stendur yfir. í gær höfðu 134
kosið.
Ostalíki
Tilraunaframleiðsla á ostalíki
úr jurtaolíum (fiskiolíum) fyrir S-
Afríkumenn stendur nú yfir hjá
Mjólkursamlagi Kaupfélags Ey-
firðinga. Dagur segir S-Affíku-
menn ánægða með framleiðsluna.
90 þúsund tonn
Hafrannsóknastofnun hefur
lagt til að leyfilegur heildarafli í
síld verði óbreyttur frá því sem
ákveðið var síðasta vor. Sjávarút-
vegsráðuneytið hefur ákveðiö að
fara að þeirri tillögu og því stend-
ur ákvörðun um 90 þúsund tonna
hámarksafla á síld óbreytt.
Varla á listanum
Alfreð Þorsteinsson segir mikiö
verk bíða odd-
vita lista ffam-
sóknarmanna í
Reykjavik að
ná sáttum í
flokknum og
telur „afar
ósennilegt" að
hann verði á
ffamboðslistanum.
Fáir vilja fram
Aðeins einn alþýðubandalags-
maður gefúi- kost á sér í prófkjöri
Samfylkingar á Norðurlandi
eystra, Örlygur Hnefill Jónsson.
Hann verður þvi sjálfkjörinn í
annað sætið hreppi hann ekki það
fyrsta í prófkjörinu.
Bílasali dæmdur
Héraðsdómur Reykjavíkur
dæmdi í gær Ragnar Kornelíus
Lövdal, fertugan Reykvíking, í
þriggja ára fangelsi fyrir stórfellt
skjalafals, ítrekuð fiársvik, brot á
lögum um sölu notaðra ökutækja,
fiárdrátt og önnur brot. Fréttavef-
ur Morgunblaðsins sagði ffá.
Stýrir enn fundum
Ingibjörg Sólrún Gísladóttir
stýrði fúndi
borgarráös í gær lí
þvert ofan í ný- |
legan úrskurð fé- i
lagsmálaráðu-
neytisins. Minni- ?
hlutafulltrúar
Sjálfstæðisflokks L*®L1lLÍS!L-J
bókuðu mótmæli en meirihlutafull-
trúar létu bóka að úrskurðurinn
væri í samræmi við eldri sveitar-
sfiórnarlög og því væri málið í lagi.
Þriöjungur flutti
2.700 fleiri hafa flust frá Vest-
fiörðum en til Vestfiarða á síðustu
árum. Það er um þriðjungur núver-
andi fiölda búsettra á Vestfiöröum.
Þetta kemur fram í mannfiöldatöl-
um Hagstofunnar. -SÁ