Dagblaðið Vísir - DV - 29.04.1999, Blaðsíða 12

12
FIMMTUDAGUR 29. APRIL 1999
Útgáfufélag: FRJÁLS FJÖLMIÐLUN HF.
Stjórnarformaður og útgáfustjðri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Rítstjórar: JÓNAS KRISTJÁNSSON og ÓLI BJÖRN KÁRASON
Aðstoðarritstjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift: ÞVERHOLTI 11,105 RVÍK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aörar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiölunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1900 kr. m. vsk. Lausasöluverð 170 kr. m. vsk., Helgarblað 230 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgjalds.
Landhernaður er eina leiðin
Serbaher er alls ráðandi í Kosovo. Drukknir dátar fara
um nauðgandi, brennandi og myrðandi að vild. Þyrlur
Serba eiga alls kostar við skæruliða Kosovara, af því að
flugmenn Atlantshafsbandalagsins hætta sér ekki niður
úr háloftunum þá sjaldan þeir komast á loft.
Markmið Atlantshafsbandalagsins var að koma í veg
fyrir þjóðahreinsunina í Kosovo. Það hefur mistekizt.
Nató hefur tapað þessu stríði og reynir að hefna sín á
Milosevic Serbaforingja með sprengjuárásum, sem ekki
hefta brjálsemi Serbahers í Kosovo hið minnsta.
Leiðtogar hins sigraða og smáða bandalags hittust um
helgina í Washington til að fá nýjar söguskýringar frá
spunameisturum flagarans í Hvíta húsinu. Lítið kom úr
þeim sorgarfundi annað en veik von um, að samstaðan í
Serbíu bresti áður en samstaðan í Nató brestur.
Ekki er hægt að segja, að tapaða stríðið hafi verið
gagnslaust. Fljótlega neyðir það vesturveldin til að end-
urmeta stöðu fimmtugs hernaðarbandalags, sem koltap-
aði fyrsta stríðinu, sem það háði. Eftir Kosovo er óhjá-
kvæmilegt að stokka upp spilin í rykfÖUnu Nató.
Engar áætlanir voru til um eitt eða neitt og því síður
neinar varaáætlanir, ef eitthvað færi öðruvísi en ætlað
var. Ekkert var vitað um hugsanir og ráðagerðir Milos-
evics og meðreiðarmanna hans. Ekki hafði einu sinni
verið fylgzt með fréttaskýringum í fjölmiðlum.
Vopnabúnaður Atlantshafsbandalagsins reyndist vera
meira eða minna ónothæfur. Flugvélarnar komast vegna
veðurs ekki á loft nema þriðja hvern dag að meðaltali.
Hittni er sáralítil eins og í írak. Sprengjurnar lenda jafn-
vel í Búlgaríu eins og þær lentu í íran í fyrra.
Lykillinn að lausn málsins er að átta sig á, að Milos-
evic og menn hans meta ekki velgengni sína í steypu,
tækjum eða olíu. Þeir meta hana í landi. Þeir hafa náð
landi frá Kosovurum og kæra sig kollótta um, þótt Nató
skemmi ýmis mannvirki í hefndarskyni.
Arftakar Atla Húnakonungs og Timúrs halta eru á
steinaldarstigi. Því er ekkert innlegg í málið að reyna að
sprengja þá inn á steinaldarstigið. Þeir nota loftárásirn-
ar til að þjappa um sig trylltri ofstækisþjóð, útrýma efa-
semdarmönnum og gera nágranna valta í sessi.
Tony Blair, forsætisráðherra Bretlands, hefur áttað sig
á staðreyndum málsins og árangurslaust reynt að fá
starfsbræður sína í tapliðinu til að hefja undirbúning
landhernaðar. Á sorgarfundinum í Washington kom í
ljós, að stefna hans náði ekki fram að ganga.
Samt er landhemaður tiltölulega auðveldur. Hermenn
Serba eru upp til hópa illa þjálfaðir drykkjurútar, sem
kunna fátt annað en að níðast á almenningi. Það ætti að
vera létt og löðurmannlegt fyrir herlið auðríkjanna að
valta yfir þá á einni viku með litlum tilkostnaði.
Landhemaður er eina vopnið gegn andstæðingi, sem
metur velgengni sína í landi einu saman. Landhernaður
er eina leiðin fyrir Nató til að verða trúverðugt að nýju
eftir hrakfarir eins mánaðar lofthernaðar. Landhernaður
er eina leiðin að markmiðum bandalagsins.
Að því loknu er heppilegast fyrir Nató og bandamenn
þess í Austur-Evrópu að taka héruðin Kosovo og Vojvod-
ina af Serbum, sameina Kosovo Albaníu og Vojvodina
Ungverjalandi og læsa landamærum þess sem eftir er af
aldagamalli uppsprettu vandræða Balkanskagans.
Serbar geta þá nauðgað hver öðrum og myrt hver
annan og brennt hver ofan af öðrum á bak við gaddavírs-
girðingu, sem verndar umheiminn fyrir æði þeirra.
Jónas Kristjánsson
a
ikninga
hlutabréfum og
árbréfam í
sjoðum
' s,arfimannasjóöi
1 lllu,abréfum
______
Ég hef ásamt Vilhjálmi Egilssyni lagt fram frumvarp sem gengur út á að staðgreiðsla skatta verði 20%. Þessi
20% gæfu sömu tekjur til velferðarmála að öðru óbreyttu. - Námskeið í framtali til skatts.
Skattar og velferð
Heilbrigt og öflugt
atvinnulíf er for-
senda góðs velferðar-
kerfis. Hvergi í
heiminum er til
dæmi um gott vel-
ferðarkerfi án þess
að að baki því standi
þrðttmikið og heil-
brigt atvinnulíf. Þeir
sem vilja gott vel-
ferðarkerfi ættu því
að huga að heilsu at-
vinnulífsins og forð-
ast að gera til þess
óraunhæfar kröfur.
Það má líta á at-
vinnulífið sem drátt-
arklárinn sem dreg-
ur velferðarvagninn.
Ef of miklu er hlaðið
á klárinn, eins og
sumir lofa um þessar
mundir, til að borga milljarða
kosningaloforð um öll góðu málin,
mun hann fara að skjögra í stað
þess að draga vagninn frísklega.
Þá mun fara sem jafnan fyrr. At-
vinnulífið skjögrar, atvinnuleysi
vex og á endanum
standa þeir veik-
ustu verr en áður.
Þaö er mikil-
vægt að búa vel að
atvinnulífinu.
Skattleggja það
hóflega, drekkja
því ekki í reglum
og búa því góða
umgjörð þannig að
það geti greitt há
laun, veitt næga at-
vinnu og greitt vel
til velferðarkerfisins. Þetta hefur
verið stefna ríkisstjórnarinnar. Að
örva atvinnulífið. Og við höfum
uppskorið eftir því. Verðbólga er
hverfandi miðað við það sem áður
var, böl atvinnuleysis er nærri
horfið, vextir hafa
lækkað, laun og bætur
hafa hækkað sem
sjaldan fyrr. Mikil-
vægt er að staðinn sé
vörður um þennan ár-
angur.
Hver borgar vel-
ferðina?
Velferðarkerfið er
fjármagnað beint með
iðgjöldum tO lífeyris-
sjóða og óbeint með
sköttum á tekjur, eign-
ir og neyslu. Skyndi-
leg aukning á útgjöld-
um til góðra mála
kallar á hærri iðgjöld
og skatta. Hærri skatt-
ar á fyrirtæki minnka
geta þeirra til að
greiða há laun. Hærri
skattar á launþega minnka sömu-
leiðis aurinn í launaumslaginu.
Loforð um stóraukin útgjöld án
þess að bæta atvinnulífíð eru
krafa um minni fjárráö heimil-
anna.
Aukin skattheimta dregur auk
þess úr vilja fólks til að fjárfesta í
atvinnulífl, minnkar hvata fyrir-
tækja til að auka atvinnu og dreg-
ur úr vilja launþega til þess að
leggja sig fram, mennta sig eða
vinna meira.
Skattkerfi og tekjujöfnun
Sumir lita á það sem hlutverk
skattkerfísins að jafna tekjur og
það er núna gert í ríkum mæli.
Ekki virðist slík viðleitni skilar
sér í jöfnun tekna, enda á tekju-
munur sér oft eðlilegar skýringar.
Þessi stefna skaðar þjóðfélagið því
mikil skattlagning dregur úr
dugnaði og frumkvæði einstak-
linga og kerfið hvetur til misnotk-
unar á bótum og til skattsvika.
Til að jafna tekjur þarf skatt-
kerfið að vera flókið. En flókið
kerfi er óréttlátt. Hvers vegna
leggjum við ofuráherslu á að skatt-
kerflð jafni tekjur fyrst ókostir
þess eru svo miklir en látum okk-
ur ekki nægja að það afli tekna til
að reka velferðarkerfið?
Fegurð einfaldleikans
Ég hef ásamt Vilhjálmi Egils-
syni lagt fram á Alþingi frumvarp
sem gengur út á að staðgreiðsla
skatta verði 20%. Felldar verði
niður alls konar bætur sem og per-
sónufrádráttur. Þessi 20% gæfu
sömu tekjur til velferðarmála að
öðru óbreyttu. Meiri vinnugleði,
minni skatt- og bótasvik munu
auka svo tekjur ríkissjóðs að
þessa prósentu má trúlega lækka
fljótlega. Breytingin á að ná fram
á 7 árum. Á þeim tíma mætti
hækka lægstu laun meira hlut-
fallslega því hin hærri þyrftu ekki
að hækka eins vegna sílækkandi
skatta.
Slikt kerfl yrði afskaplega ein-
falt og auðvelt í framkvæmd og
skatteftirlit yrði leikur einn. Það
er nefnilega svo að flæking og torf
kostar sitt en einfaldleikinn er
ódýr í framkvæmd. Við borgum jú
öll kostnaðinn á einn eða annan
hátt. Dr. Pétur Blöndal
Kjallarinn
Dr. Pétur Blöndal
þingmaður Sjálfstæðis-
flokksins í Reykjavík og
stærðfræðingur
„Velferðarkerfið er fjármagnað
beint með iðgjöldum til lífeyris•
sjóða og óbeint með skóttum á
tekjur, eignir og neyslu. Skyndi■
leg aukning á útgjöldum til
góðra mála kallar á hærri iðgjöld
og skatta.“
Skoðanir annarra
Lækkun skattprósentunnar
„Brýnt er að vinda ofan af þeim skemmdarverk-
um sem unnin hafa verið á staðgreiðslukerfínu frá
því að því var komið á, t.d. með upptöku hátekju-
skatts. Hann hefur þegar staðið um þrisvar sinnum
lengur en honum var ætlað og bætt við sig tveimur
prósentustigum. Er nú7%. Best væri að sjálfsögðu að
menn hefðu dug til að fylgja tillögum Péturs Blöndal
og Vilhjálms Egilssonar um róttæka einföldun tekju-
skattskerfisins og lækkun skattprósentunnar."
Úr forystugreinum Viðskiptablaðsins 28. apríl.
Fólkið og verkalýðsfélögin
Þessa dagana eiga verkalýðsforingjar innan ASÍ í
harðvítugum deilum vegna félagsaðildar allstórs
hóps launamanna ... Er þetta ekki í fyrsta sinn sem
verkalýðsfélög heyja innbyrðisstríð af þessu tagi,
enda skiptir niðurstaðan talsverðu máli því að
verkalýðsfélögin og foringjar þeirra verða því öfl-
ugri og valdameiri sem félagsmönnunum fjölgar.
Fjölmiðlar hafa fylgst vel með framvindu þessarar
deilu, en fréttamönnum hefrn þó láðst að spyrja
verkalýðsforingjana einnar grundvallarspurningar:
„Hvers vegna fær fólkið ekki sjálft að velja sér
verkalýðsfélag?"
Úr Vef-Þjóðviljanum 28. apríl.
Afhelgun í kirkjunum
„Það er rétt að afhelgunin sækir inn í kirkjuna
með aukinni ágéngni. Alls konar skrípaleikur og
apaspil sem viðgengst í hjónavígslum er angi af því.
Mælikvarði alls verður skemmtanagildið eitt, allt á
að vera svo frumlegt og fyndið. Prestar láta sig
stundum hafa það að taka þátt í þessu. Mér finnst
það ekki viðeigandi, vildi sem prestur aldrei ljá máls
á slíku sjálfur og ræð prestum eindregið frá því ...
Afhelgunin, sekúlariseringin er mein sem ógnar líf-
inu, virðingarleysið og yfirgangurinn og ærustan
sem henni fylgir er ógnun við lifið.“
Karl Sigurbjörnsson biskup í Mbl. 28. apríl.