Dagblaðið Vísir - DV - 10.05.1999, Blaðsíða 10
10
MÁNUDAGUR 10. MAÍ 1999
Leiðtogar á kosningahátíð í Naustinu: Bryndís Hlöðversdóttir, Jóhanna Sigurðardóttir og Margrét Frímannsdóttir. DV-myndir Pjetur
Þungt andrúmsloft á kosningahátíö Samfylkingarinnar í Naustinu:
Eitthvað klikkaði
alvarlega í Reykjavík
- segir Össur Skarphéöinsson - Jóhanna mótmælir
Össur Skarphéðinsson spældur með Samfylkinguna í Reykjavík. Hér er
hann ásamt eiginkonu sinni, Árnýju Sveinbjörnsdóttur, og Vilhjálmi Þ. Vil-
hjálmssyni frambjóðanda.
„Ég er spældur með útkomuna í
Reykjavík en ánægður með starflð á
landsbyggðinni. Eitthvað hefur
klikkað alvarlega í höfuðborginni
og líklega það að þeir sem leiddu
listann hafa ekki staðið sig nógu vel
- og þá undanskil ég ekki sjálfan
mig,“ sagði Össur Skarphéðinsson á
kosningahátið Samfylkingarinnar í
Naustinu við Vesturgötu þegar lin-
ur fóru að skýrast við lok kjördags.
„Skortur á leiðtoga þar til á enda-
sprettinum varð okkur fjötur um
fót, svo og víðfeðm stefnuskrá þar
sem við vanræktum að leggja
áherslu á höfuðatriðin."
Vantaði flokk
Stemningin í Naustinu var í takt
við þessa skoðun Össurar. Heyra
mátti saumnál detta þegar fyrstu
tölur bárust úr Reykjavík. Engin
fagnaðarlæti, menn störðu bara á
sjónvarpsskjáinn. Við háborðið
hafði Jóhanna Sigurðardóttir komið
sér fyrir ásamt Bryndísi Hlöðvers-
dóttur og eiginmanni hennar og
kosningastjóra Samfylkingarinnar,
Hákoni Gunnarssyni. Það hýrnaði
þó yfir háborðinu þegar leið á
kvöldið og Margrét Frímannsdóttir
hafði bæst í hópinn. Hún sagðist
vera hamingjusöm og í sjöunda
himni yfir því að hafa náð þeim
áfanga sem stefnt hafði verið að:
sameiginlegu framboði vinstri-
manna á öllu landinu: „Stærstu mis-
tök okkar voru að stofna ekki flokk
strax í upphafi en við bætum úr
því,“ sagði Margrét Frímannnsdótt-
ir. Undir það tók Jóhanna Sigurðar-
dóttir og hún var ekki eins spæld og
Össur Skarphéðinsson yflr gengi
fylkingarinnar í Reykjavík:
„Það lögðu sig allir fram og gerðu
sitt besta. Ég gerði mitt besta og Öss-
ur gerði það líka. Ég sé ekki að það
hafi orðið neitt stórslys á leiðinni,"
sagði Jóhanna Sigurðardóttir.
Óbreyttir liðsmenn á kosninga-
vöku Samfylkingarinnar tíndust
inn og út og sögðust margir ætla að
koma seinna. Mörður Árnason
sagði hins vegar að það sem skipti
máli væri að menn færu ekki aftur
til síns heima.
Steingrímur J. fór of seint
„Samfylkingin er komin til að
vera, burtséð frá úrslitum þessara
kosninga. Ég spái þvi að nýr flokk-
ur verði stofnaður í september og
þá hefst siglingin. Mistök okkar
voru þau að festast í smáatriðum og
vera krafln svara um þau. Fjölda-
hreyfing eins og okkar á að segja
hvert stefna skuli en láta smáflokk-
unum eftir smáatriðin. Ekki er
Sjálfstæðisflokkurinn að velta sér
upp úr smáatriðum í pólitík. Þá má
ekki gleyma því að við vorum með
Steingrím J. Sigfússon og Kristin H.
Gunnarsson innanborðs í allri und-
irbúningsvinnu og það er mín skoð-
un að við hefðum átt aö losa okkur
við þá strax,“ sagði Mörður Árna-
son.
Krafa um fullkomnun
Skýringarnar á kosningaúrslitun-
um voru margslungnar í Naustinu
og gamalreyndur alþýðubandalags-
maður kaus að líkja þeim við vænt-
ingar kvenna eftir hinum fullkomna
eiginmanni. Konur vilji fullkominn
mann en vakni svo upp við hliðina
á venjulegum karlmanni með kost-
um og löstum. Væntingarnar til
sameiginlegs framboðs vinstriflokk-
anna hafi verið krafa um fullkomn-
un en svo hafl framboðin og kosn-
ingabaráttan leitt annað í ljós.
Jakob Frímann Magnússon, einn
fjölmargra væntanlegra varaþing-
manna Samfylkingarinnar, kenndi
knöppum tíma um hvemig farið
hefði. Lengri tími og betra skipulag
hefði geflð aðra útkomu.
Ekki var laust við að samfylking-
armenn litu öfundaraugum árangur
Steingríms J. Sigfússonar og hans
manna eftir því sem tölur birtust á
skjánum. Gamall félagi var að
skjóta þeim ref fyrir rass. Össur
Skarphéðinsson var ekki feiminn
við að viðurkenna það:
„U-listinn er sigurvegari þessara
kosninga og sá maður sem hefur
vaxið mest í þessum kosningaslag
er Steingrímur J. Sigfússon. Ég
vildi gjarnan vera í flokki sem rúm-
aði okkur báða,“ sagði Össur og
bætti því við að spá hans væri að
nýr flokkur samfylkingarmanna
yrði stofnaður árið 2000. -EIR
INNKA UPA STOFNUN
REYKJA VIKURBORGAR
F ríkirkjuvegi 3-101 Reykjavík-Sími 570 5800
Fax 562 2616 - Netfang: isr@rhus.rvk.is
ÚTBOÐ
F.h. Byggingadeildar borgarverkfræðings er óskað eftir
tilboðum í lóðarlögun við leikskóla í Húsahverfi.
Helstu magntölur eru:
Malbik: 750 m2
Hellulögn: 320 m2
Trjábeð: 430 m2
Grassvæði: 1.150 m2
Verklok eru 25. júlí 1999.
Útboðsgögn fást á skrifstofu okkar gegn 10.000 kr. skilatr.
Opnun tilboða: 20. maí 1999, kl. 11.00 á
sama stað.
BGD 62/9
F.h. Sambands ísienskra sveitafélaga og Eignarhaldsfélagsins
Brunabótafélags íslands er óskað eftir tilboðum í 7 slökkvibíla
ásamt slökkvikerrum.
Útboðsgögn fást afhent á skrifstofu okkar.
Opnun tilboða: 29. júní 1999, kl. 11.00 á
sama stað.
Útboðið er auglýst á Evrópska efnahagssvæðinu.
EBÍ 63/9
F.h. Gatnamálastjórans í Reykjavík er óskað eftir tilboðum í verkið:
Kringlan-Listabraut, breytingar.
Gatnagerð og lagnir.
Helstu magntölur eru:
Upprif malbiks og gangstétta: 3.500 m2
Holræsi 250mm: 90 m
Púkk: 2.000 m2
Hellur: 240 m2
Steyptar gangstéttar: 500 m2
Þökur: 800 m2
Verkinu skal að fullu lokið 1 .október 1999.
Útboðsgögn fást á skrifstofu okkar frá og með 11. maí 1999, gegn
10.000 kr. skilatr.
Opnun tilboða: 20. maí 1999, kl. 14.00
á sama stað.
GAT 64/9
F.h. Orkuveitu Reykjavíkur er óskað eftir tilboðum í verkið
Safnæðakista fyrir 3. áfanga Nesjavallavirkjunaf.
Um er að ræða efnisútvegun, forsmíði og flutning til Nesjavella á einni
tengikistu úr svörtu stáli í þrýstiflokki PN 25, sem samanstendur af einni
DN1000 og einni DN700 pípu með millitengingum.
Heildarstálþungi er 15 tonn.Útboðsgögn fást á skrifstofu okkar
frá og með 12. maí 1999 gegn 10.000 kr. skilatr.
Opnun tilboða: 26. maí 1999, kl. 11.00 á
sama stað.
OVR 65/9
Mörður Árnason fylgist með nýjustu tölum og spáir flokksstofnun í septem-
ber.