Dagblaðið Vísir - DV - 21.06.1999, Blaðsíða 11

MÁNUDAGUR 21. JIJNÍ 1999
11

Nýr forseti Alþingis boöar hörku við þingstjóm:
Blöndal grimmur
á bjöllunni
- venst hinum viðkvæmu tækjum, segir alþingismaður
Á stuttu og stilltu sumarþingi tók
við embætti nýr forseti Alþingis,
Halldór Blöndal, og stýrði hann þing-
inu röggsamlega þá fáu daga sem
það stóð. Og hvernig finnst svo Hall-
dóri að sitja skör ofar þingheimi?
„Ég hef nú áður setið skör ofar,
meðal annars sem þingskrifari. Ég
sat til hægri handar Sverri Her-
mannssyni þegar hann var forseti
neðri deildar Alþingis fyrir mörgum
árum. Annars þykir mér mikið til
um traustið og kann vel við mig í
mínu nýja embætti."
Heldur fast um taumana
Athygli vakti á liðnu þingi þegar
Halldór snupraði þá Ögmund Jónas-
son og Guðmund Áma Stefánsson,
alþingismenn, fyrir að dveljast og
tala lengur í pontu en leyfilegt þótti.
Var það markmið Halldórs að láta
fmna fyrir sér frá upphafi, láta þing-
heim ekki komast upp með neitt
múður? „1 þetta skipti voru tíma-
mörk umræðunnar mjög ströng. Það
er fyrir öllu að forseti reyni að halda
sig við tímamörkin frá fyrstu mín-
útu svo að þeir sem síðar taka til
máls hafl jafnlangan tíma til að
koma skoðun sinni á framfæri og
hinir fyrri. Allir verða að fá að taka
til máls. Það er nauðsynlegt að al-
þingismenn finni að forseti ætli sér
að halda fast um tímamörkin.“
Aðspurður hvort ekki væri erfitt
að vera núna áhorfandi og hvort
ekki blundaði í honum söknuður
eftir hasar ráðherra- og þingmanns-
tíðar sinnar sagðist Halldór að sjálf-
sögðu finna fyrir nostalgíunni öðru
hvoru: „Einstaka sinnum langar
mig sárlega að leggja orð í belg... en
ég stiili mig.“
Venst hamri og bjöllu
Ögmundur Jónasson sagði að
viss misskilnings hefði gætt hjá
Halldóri varðandi atvinnutæki
hans, bjölluna og hamarinn, sem
hann hefði sveiflað af fullmiklum
krafti fyrst i stað:
„Menn eru að finna sig í nýju
hlutverki og eðlilegt að það taki
tíma. Á það ekki síst við um nýjan
forseta Alþingis, Halldór Blöndal.
Góðar fréttir fyrir hann og okkur öll
hin eru þær að leiðin liggur upp á
við. Halldór er greinilega að venjast
hamrinum og bjöllunni og átta sig á
að þetta eru viðkvæm tæki sem vel
fer á að beita hóflegu handafli við.“
Margrét Frímannsdóttir hafði
sömuleiðis orð á kraftmiklum
bjölluleik Halldórs og efaðist enn
fremur um að forsetinn hefði unnið
heimavinnuna sína áður en hann
tyllti sér í öndvegið:
„Ég get nú ekki sagt annað en
þetta hafi gengið stórslysalaust fyr-
ir sig. Hann þarf skiljanlega tíma til
að komast fyllilega inn í þetta. Ég
dreg hins vegar í efa að hann hafi
undirbúið sig mikið fyrir embættið
áður en hann var kosinn af meiri-
hlutanum. Halldór er ekki sú mann-
gerð að þetta sé draumastarfið hans.
Ég vonast til þess að stómarand-
staðan muni eiga gott samstarf við
hann og sömuleiðis að hann og
bjallan eigi eftir að mætast einhvers
staðar á miðri leið.“
Myndarlegur forseti
Kristinn H. Gunnarsson og
Sverrir Hermannsson voru sáttir
við Halldór: „Þetta hefur gengið
sæmilega, enda maðurinn þing-
reyndur," sagði Kristinn. „Bjöllu-
hljómurinn var svolítið hvellur
stundum en það lærist. Það leynir
sér ekki að hann er að byrja en all-
ir eru einhvem tímann byrjendur,
er það ekki?“
Sverrir hrósaði Halldóri, lærlingi
símun, í hástert: „Halldór hefur
staðið sig ágætlega. Þetta er mikið
og erilsamt starf sem ég er ekki í
nokkmm vafa um að hann muni
leysa vel af hendi þegar hann nær
tökum á því. Hann er maður sem
alltaf er tilbúinn að blanda glað-
værð saman við starfið og á það eft-
ir að nýtast honum vel í þessu emb-
ætti. Hann verður myndarlegur for-
seti.“ -fin
Fréttir
Nýjum forseta Alþingis kennt á tól-
in. Leiðbeinendur hans, Friðrik
Ólafsson, skrifstofustjóri Alþingis,
og Guðjón Guðmundsson, flokks-
bróðir Halldórs, hefðu þó, að mati
sumra þingmanna, að ósekju mátt
beina meiri athygli að apparatinu
vinstra megin á borðinu frá okkur
séð. Helsti Ijóður á ráði Haildórs
hingað til í embætti þykir nefnilega
vera skortur á hinum fiðurmjúku
úlnliðshreyfingum sem nauðsyn-
legar eru eigi samlífið við bjölluna
að ganga stórslysalaust.
Gangvissir, öruggir 1
og endingargóðir
assoaiie
í sumar
Opnir tímar 2x -3x 1 viku.
Byrjendur og framhald
Innritun hafín - leitið upplýsinga í símum 5813730 - 5813760
Opnanlegir
öryggisgler
Valin Pine viður
Stillanleg öndun
Tvöföld vatnsvörn
Askalind3-20 , w
Sími: 564 5810 - Fax: 564 5811