Dagblaðið Vísir - DV - 11.08.1999, Blaðsíða 5

MIÐVIKUDAGUR 11. ÁGÚST 1999
Maður, náttúra Og tækni eryfirskrift heimssýningarinnar EXPO 2000
sem haldin verður á næsta ári. Sýningin verður í Hannover, Þýskalandi og
stendur frá 1. júní til 31. október. Þegar hafa 173 þjóðlönd skráð þátttöku
sína auk 16 alþjóðlegra stórfyrirtækja.
Hér gefst íslendingum gullið tækifæri til að kynna Þjóðverjum og öðrum
erlendum sýningargestum, framtíðarsýn íslands við upphaf nýrrar aldar.
íslenski skálinn á EXPO 2000 tekur mið af yfirskrift sýningarinnar. Þetta
verður stálgrindarhús, klætt bláum plastdúk. Niður hliðar þess rennur vatn
af þaki byggingarinnar. íslenskar fjölskyldumyndir, nöfn allra íslendinga frá
upphafi, margmiðlunarkynning á landi og þjóð og kynning á fyrirtækjum er
á meðal þess sem gestir munu njóta í heimsókn sinni í íslenska skálann.
Við hringlaga tjörn í miðjum skálanum verður sýnd kvikmynd sem fjallar um
íslenska náttúru og náttúruperlur íslands.
Ráðuneyti utanríkismála, menntamála og fjármála ásamtfulltrúum Útflutnings-
ráðs íslands, Ferðamálaráðs íslands, Þýsk-íslenska verslunarráðsins og
atvinnulífsins vinna markvisst að því að gera þátttöku íslands í heimssýningunni
sem veglegasta.
Skrifstofa EXPO 2000: /
Hólmaslóð 4 • 101 Reykjavík • Sími 561 0404 • Fax 561 0405
Menntamálaráðuneytið
á heimssýningunni
í Hannover, EXPO 2000
Ákveðið hefur verið að efna til menningarkynningar á sérstökum þjóðardegi
íslands hinn 30. ágúst árið 2000 á heimssýningunni í Hannover, EXPO
2000. Til að kanna áhuga listamanna á því að koma fram á þessum degi er
hér með óskað eftir umsóknum frá einstaklingum og hópum. Umsóknarfrestur
er til 15. september nk. og skal umsóknum skilað til menntamálaráðuneytisins,
Sölvhólsgötu 4, 150 Reykjavík, merktum EXPO 2000. í umsókn þurfa að
koma fram ítarlegar upplýsingar um verkefnið og þátttakendur, kostnaðaráætlun
og þörf fyrir nauðsynlega aðstöðu. Ákvörðun um val á verkefnum og styrki
til þeirra verður tekin fyrir 15. október nk.
Nánari upplýsingar veitir lista- og safnadeild menntamálaráðuneytisins.
Menntamálaráðuneytið, 8. ágúst 1999.
www.mrn.stjr.is