Dagblaðið Vísir - DV - 11.08.1999, Blaðsíða 6

1
MIÐVIKUDAGUR 11. AGUST 1999
Viðskipti
DV
Þetta helst: Viðskipti á VÞÍ 404 m.kr. ... Mest með hlutabréf, 185 m.kr. ... Húsbréf, 97 m.kr.
... Mest viðskipti með Eimskip, 44 m.kr., og gengið hækkar um 1,8% ... Samherji, 43 m.kr. ...
FBA, 33 m.kr. en óbreytt gengi ... Skeljungur hækkar um 9,7% ... ÍS lækkar um 3,1%
Hugbúnaðarfyrirtækið Teymi hf.
Hagnaður tvöfaldast
Góð afkoma var af
rekstri Teymis hf. fyrstu
sex mánuði þessa árs og
nam hagnaðurinn 20,1
milljón eftir skatta, sem
er um 75% aukning frá
því sama tíma í fyrra og
um 32% meiri hagnaður
en allt árið í fyrra. Velta
jókst um 51% meðan
rekstrargjöld hækkuðu
um 43% miðað við sama
tíma í fyrra. Ávöxtun eig-
infjár fyrstu sex mánuð-
ina var 105% samanborið
við 44% fyrstu sex mán-
uði síðasta árs og innra
virði eigin fjár hækkaði í
15,2 eða um 63% á síð-
ustu tólf mánuðum. Þetta
kom fram á stjómarfundi
félagsins sem haldinn
var fyrir skömmu.
Elvar Þorkelsson fram-
kvæmdastjóri segir að
það hafi orðið talsverðar
breytingar hjá Teymi
síðustu 12 mánuði. „Við
höfum lagt gríðarlega áherslu á
aukna og víðtækari þjónustu við
viðskiptavini okkar og lagt mikla
áherslur á sérlausnir. Talsverðar
breytingar hafa verið gerðar á sölu-
og þjónustu til að koma betur til
Elvar Steinn Þorkelsson, framkvæmdastjóri Teymis.
móts við þarfir viðskiptavina okk-
ar. Við höfum nú boðið víðtæka
þjónustu á gagnagrunnum hjá
mörgum af stærri viðskiptavinum
okkar í talsverðan tíma og bjóðum
alla sérhæfðari gagngmnnsþjón-
ustu, auk rekstrarþjónustu og
rekstrareftirlits. Þetta er mun hag-
kvæmara og ömggara fyrirkomulag
fyrir viðskiptavini okkar þar sem
skortur á sérfræðingum á þessu
sviði er vemlegur og ekki fyrirsjá-
anlegt að það breytist á
næstu ámm,“ sagði El-
var.
Fjárfestum í
mannskap
Varðandi seinni
helming ársins vill Elv-
ar fara varlega í að spá
en segir að áætlun fyr-
irtæksins geri ráð fyrir
um 20,3 milljónum í
hagnað eftir skatta og
mun það markmið
nást. „Ákveðið hefur
verið að fjárfesta enn
frekar i mannskap og
mun starfsmönnum
Öölga verulega á næstu
mánuðum enda erum
við nýflutt í nýtt skrif-
stofuhúsnæði á 5. hæð í
Borgartúni 30 sem er
sniðið að okkar starfs-
semi. Þar höfum við
vaxtarmöguleika okkar
til næstu 3-4 ára. Að-
staðan hefur breyst í
alla staði til hins betra. Um er að
ræða þrefalt stærra húsnæði en
áður sem mun geta tekið við þeim
vexti í fyrirtækinu sem fyrirsjánleg-
ur er,“ segir Elvar að lokum. -bmg
Vextir
hækka en
bréfin lækka
Vextir í skiptasamningum í
Bandaríkjunum eru mælikvarði
á langtímavexti á millibanka-
markaði. Álag þessara vaxta
ofan á ríkisskuldabréf hefur
verið að aukast mikið undanfar-
ið. Þetta kom fram í greiningu
FBA á erlendum mörkuðum í
gær.
Fjármálafyrirtæki fjármagna
að miklu leyti neyslulán til
neytenda í gegnum þennan
millibankamarkað.
Því má segja að þetta sé mæli-
kvarði á lánsfjárkostnað neyt-
enda í Bandaríkjunum og ljóst
að hann er aö verða dýrari. Al-
mennt er talið að einkaneysla
hafi verið drifkraftur hagvaxtar
í Bandaríkjunum undanfarin
ár. Ef lánsfjárkostnaður eykst
er líklegt að neysla dragist eitt-
hvað saman og slævi þannig
hagvöxt. Margir hagfræðingar
telja enn fremur að aukning á
álagi vaxta á millibankamark-
aði ofan á ríkisskuldabréf sé
undanfari verðlækkunar á
hlutabréfamarkaði.
Lífeyrissjóöurinn Framsýn:
Mjög góð ávöxtun
Raunávöxtun eigna Lífeyrissjóðs-
ins Framsýnar var 11,28% fyrstu sex
mánuði þessa árs. Þegar rekstrar-
kostnaður hefur verið dreginn frá er
hrein raunávöxtun 11,18%. Þetta er
besta ávöxtun sem sjóðurinn hefur
náð frá upphafi.
Samkvæmt uppgjörinu voru ið-
gjaldagreiðslur til sjóðsins 975 millj-
ónir króna sem er 17% aukning frá
síðasta árshlutauppgjöri. Lífeyrir
hækkaði um 8% og var fyrstu sex
mánuðina 629 milljónir. Lífeyrisbyrði
sjóðsins er því 64,48%. Alls eiga um
120.000 sjóðfélagar aðild að sjóðnum.
Fjöldi lífeyrisþega var 8.108 á fyrri
hluta ársins. Hrein eign til greiðslu
lífeyris 30. júní var 40,3 milljarðar en
36,9 milljarðar um áramótin og hækk-
aði því um 3,4 milljarða.
Þessa góðu afkomu rekja forsvars-
menn sjóðsins til góðrar ávöxtunar á
hlutabréfum í eigu sjóðsins en sjóð-
urinn á 10,5 milljarða í hlutabréfum
og hlutabréfasjóðum.
Það samsvarar 25,9% af hreinni
eign. Þar af var eign í erlendum
hlutabréfum og hlutabréfasjóðum 5,8
milljarðar eða 14,5% af hreinni eign.
Meginhluti skuldabréfa í verðbréfa-
safninu er bundinn í verðtryggðum
ríkisbréfum, eða um 40% af hreinni
eign. -bmg
Hagnaður Skeljungs 211 milljónir
Hagnaður af reglulegri starfsemi
Skeljungs hf. var 200 milljónir
króna en var 15 milljónir á sama
tíma í fyrra. Aðrar tekjur og gjöld
námu 11 milljónum króna. Rekstr-
artekjur félagsins á fyrri helmingi
ársins námu samtals 4.395 milljón-
um króna en voru á sama tíma á
síðasta ári 4.126 milljónir króna,
sem er 6,5% aukning. Heildargjöld
félagsins án skatta á fyrri helmingi
ársins voru 4.105 milljónir króna en
það er svipað og á sama
tíma i fyrra. Hagnaður fyr-
ir skatta nam 289 milljón-
um króna fyrstu sex mán-
uði ársins en var á sama
tíma í fyrra 25 milljónir
króna.
Hrein fjármagnsgjöld fé-
lagsins námu 2 milljónum
króna á þessum tíma og
höfðu lækkað úr 40 milljón-
um króna á sama tíma á
Kristinn Björnsson,
forstjóri Skeljungs.
síðasta ári. Eigið fé
Skeljungs hf. nam 3.264
milljónum króna 30. júni
og hefur hækkað um 170
milljónir króna frá ára-
mótum.
Eiginfjárhlutfall er nú
43,7%. Vonast er til að af-
koma ársins í heild verði
viðunandi ef ekki verða
verulegar breytingar á
ytra umhverfí. -bmg
Lægð á skuldabréfamarkaði
Ávöxtunarkrafa á langtíma-
skuldabréfum með ábyrgð ríkis-
sjóðs hefur farið hækkandi síðustu
daga. Að mati FBA hefur ástandið
á skuldabréfamarkaði verið fremur
viðkvæmt að undanfömu og hefur
kaupáhugi verið í algjöru lág-
marki. Eftirspum stofnanaijárfesta
hefur verið mjög lítil og spákaup-
menn fara sér hægt. í morgunkorni
FBA í gær em tvær ástæður taldar
liggja til grundvallar: Annars vegar
kunna markaðsaðilar að hafa selt
bréf í einhveijum mæli til að losa
um fé og hins vegar eru flestir
markaðsaðilar að spá verðhjöðnun
milli mánaða sem kann að hafa
valdið tímabundnum söluþunga á
verðtryggðum skuldabréfum.
Auðlind selur í Fóðurblöndunni
Hlutabréfasjóðurinn Auðlind
hefur selt 5% hlut í Fóðurblönd-
unni. Eignarhlutur Auðlindar í
Fóðurblöndunni er kominn niður í
0,61% úr 5,61%. Auðlind átti 24,7
milljónir að nafnvirði í Fóður-
blöndunni en á nú 2,7 milljónir.
Auðlind er í vörslu Kaupþings hf.
Bakkavör kaupir í Frakklandi
Bakkavör hf. hefur keypt 80%
hlutabréfa í franska fyrirtækinu
Comptoir Du Caviar fyrir 133 m.kr.
en átti átti fyrir 20% hlutafjár í fé-
laginu. Comptoir Du Caviar er
stærsti aðilinn á franska markaðn-
um í framleiðslu og sölu á laxa- og
styrjukaviar og selur auk þess ýms-
ar aðrar tegundir kældra sjávaraf-
urða. Rekstur Comptoir Du Caviar
hefur gengið vel undanfarin ár og
eiginijárstaða þess er traust. Fyrir-
hugað er að sameina Comptoir Du
Caviar rekstri Bakkavör France
um næstu mánaðrmót.
Alfyrirtæki sameinast?
Svissneska fyrirtækið Alusuisse-
Lonza, móðurfélag íslenska álfé-
lagsins, tilkynnti í gær að það ætti
í alvarlegum viðræðum við tvö
önnur álfyrirtæki með sameiningu
í huga. Þetta eru fyrirtækin
Pechiney í Frakklandi og Alcan
Aluminium í Kanada. Ef af samein-
ingu félaganna verður mun sam-
einað félag verða stærsta álfram-
leiðslufyrirtæki í heiminum.
Hagnaður Skýrr 44 milljónir
Hagnaður Skýrr hf. fyrir skatta
nam 44,4 milljónum, samanborið við
31,lmilljón árið áður og jókst um
43%. Reiknaður tekjuskattur nemur
um 13,0 milljónum kr„ þannig að
hagnaður tímabilsins er 31,4 milljón-
ir kr„ samanborið við 31,1 milljón
kr. árið áður. Eiginfjárhlutfall fé-
lagsins er 33% og var arðsemi eigin
ijár 25,9% á tímabilinu. -bmg
TILBOÐSDAGAR
15% afsláttur af öllum AEG, Indesit, TEFAL og Husqvarna heimilistækjum
ÆUtsCopco HANDVERKFÆRI
BRÆÐURNIR
CfÍORMSSON
Lógmúla 8 • Sími 530 2800
ÞVOTTAVÉLAR, ÞURRKARAR, ELDAVÉLAR, OFNAR, KÆLISKÁPAR, FRYSTIKISTUR, KAFFIVÉLAR, BRAUDRISTAR, STRAUJÁRN, HRADSUDUKÖNNUR, HLJÓMTÆKI,
-------------^ SJÓNVÖRP, LEIKJATÖLVUR, LEIKIR, RAFMAGNSVERKFÆRI OG MARGT FLEIRA
B_R_Æ Ð_ U R N j R MYNDBANDSTÆKI
AEG MasCopco GAMEBOf OYAMAHA Jamo (i)inDesiT
: ÖHusqyafna ONKVO
Nikon nokia LOEWE.,
SHARRj
. ____j