Dagblaðið Vísir - DV - 14.03.2001, Blaðsíða 13

MIÐVIKUDAGUR 14. MARS 2001
13
I>V
Spilaborg hrynur
Skemmtanasjúkir einstaklingar athugið:
Mesta fjörið í bænum núna er í Stúdentakjall-
aranum! Þar heldur herraklúbburinn Ungir
menn á uppleið reglubundna fundi til að
fagna nýjum sigrum á fjármálamarkaðnum og
skála fyrir góðærinu og þessi kvöldin fá mak-
ar að koma með - nú eða tilfallandi dömur ef
enginn tími hefur gefist til að efna í maka.
Þetta eru óstjórnlega hressir náungar enda
kaupa þeir jeppa á „tólf mills“ og selja húsið
sem þeir eru nýbúnir að kaupa og gera upp
vegna þess að maður er ekki með mönnum
nema byggja sjálfur 300 fermetra hús þar sem
maður getur haft allt eftir sínu eigin höfði!
Eini gallinn að markaðurinn hefur tekið
smádýfu svo að erfitt er um lausafjármuni
svona rétt í svip ... og af hverju kemur Jón
gjaldkeri ekki til veislunnar??
Leikiist
Verðlaunaleikrit Sigríðar Láru Sigurjóns-
dóttur fyrir Stúdentaleikhúsið er drepfyndið
og persónumar verulega vel skapaðar í mark-
vissum texta. Áhorfandi skynjar glöggt að höf-
undur er ekki hrifinn af hinni nýju nýríku yf-
irstétt á landinu, fjármagnsmönnunum. En
starfsfólkið hjá Högna, hin-
um stimamjúka veitinga-
manni (Hlynur Páll Páls-
son), þjónarnir Svanur og
Solla íslenskunemi (Ólafur
Steinn Ingunnarson og
Tinna Guðmundsdóttir)
sem annast klúbbmeðlimi
þetta kvöld, myndar
skemmtilegt mótvægi við
fundargesti og dregur úr
mannfyrirlitningarbragði af
heildinni.
Leikaramir éru nærri
því óhugnanlega góðir -
mann langaði mest til að
berja þá suma fyrir skoðan-
ir og lífssýn. Trausti for-
maður er í öruggum hönd-
um aðaltöffarans, Stefáns
Halls Stefánssonar, sem bjó
til verulega ógeðuga per-
sónu. Hans innri spegil-
mynd, konan hans kúgaða,
varð líka óþægilega sann-
DV-MYND INGÓ
Steinþór varaformaöur meö lambakjötiö
Jónu upp á arminn
Halldór V. Sveinsson og Þóra K. Árnadóttir í
hlutverkum sínum.
Veislugestir undír boröum
Allt þaö flottasta hafa þau pantaö. Þeim er alveg sama hvaö það er,
bara ef þaö er dýrt!
færandi í meðförum
Önnu Svövu Knútsdótt-
ur. Þór Jóhannesson
var afar ábúðarmikill
Haraldur framkvæmda-
stjóri og afskaplega
þekkti maður systur
hans vel (Kristrún
Heiða Hauksdóttir).
Steinþór varaformaður
(Halldór V. Sveinsson)
er að vísu skilinn við
Gunnhildi ritstjóra
(Elín Smáradóttir) en
geðjast ekki að því að
sjá hana með Þórði rit-
ara þetta kvöld (Karl Ó.
Geirsson); þó er Steini
sjálfur með hina skæs-
legu Jónu mannfræði-
nema upp á arminn (Þóru K. Árnadóttir).
Slagsmál þeirra félaga út af ritstjóranum,
„framagleiðu freðýsunni" sem Trausti for-
maður efast um að hafi móðurlíf voru frábær-
lega útfærö. Kunna allir strákar að slást?
Þá er ekki annað eftir en nefna þann sem
ekki kom, en innslög Sveins Ólafs Gunnars-
sonar í hlutverki hins fjarverandi gjaldkera
voru snilldarlega hugsuð.
Öll uppsetningin, umgjörð og þó einkum
leikurinn, ber leikstjóranum unga fagurt
vitni. Takk fyrir skemmtunina Bergur Þór,
Sigríður Lára og Stúdentaleikhús!
Silja Aðalsteinsdóttir
Stúdentaleikhúsiö sýnir í Stúdentakjallaranum: Ungir
menn á uppleiö eftir Sigríöi Láru Sigurjónsdðttur. Leik-
mynd: Leikstjóri og hópur. Búningar: Eva Guöjónsdóttir.
Ljósahönnun: Stefán Haliur Stefánsson og David Nie-
mann. Leikstjóri: Bergur Þór Ingólfsson.
Myndlist
Lýst eftir árbók myndlistar
Norska myndlistarárbókin er glæsilegt rit
Ef hagsmunaaöilar og áhugamenn á Islandi tækju sig saman væri
hægt aö gefa út árbók íslenskrar myndlistar sem ekki stæöi hinni
norsku aö baki.
Það er mál flestra þeirra
sem láta sig sjónlistir þjóðar-
innar varða að vegna skorts á
vönduðu myndlistarriti sé
umræða um þær allt of oft í
skötuliki, stuttara- og yfir-
borðsleg. Þar með er ekki sagt
að dagblöðin standi ekki í
stykkinu; sú itarlega umræða
sem menn eru hér að biðja
um á einfaldlega ekkert erindi
inn á siður dagblaöanna. Þeg-
ar til lengdar lætur kemur
þessi vöntun einnig til með að
hafa alvarleg áhrif á alla
fræðimennsku um myndlist
samtímans; heimildirnar
verða einfaldlega ekki fyrir
hendi þegar fræðimenn fram-
tíðar þurfa á þeim aö halda.
Það er dýrt að halda úti
tímariti um myndlist fyrir til-
tölulega lítinn hóp áhuga-
manna, það hafa hugumstórir
útgefendur fengið að reyna.
Því hef ég stundum velt fyrir
mér hvort ekki mætti fara
þann milliveg sem Norðmenn
hafa farið með góðum ár-
angri, nefnilega að gefa út ár-
hók myndlistarinnar. Upplýsingaskrifstofa
norskra myndlistarmanna (KIK) hefur um sex
ára skeið gefið út slíka árbók með stuðningi
menningarmálaráðuneytis síns og geta menn
annað hvort keypt hana í lausasölu eða gerst
áskrifendur að henni.
Fjölbreytni og víðsýni
Norska árbókin er glæsilegt rit, hátt í 200 bls.,
með fjölda litprentaðra ljósmynda og heilmikl-
um texta á norsku og ensku. Fimm manna rit-
stjórn er ábyrg fyrir bókinni, listfræðingar,
myndlistarmenn og menningarblaöamenn. Nú-
verandi ritstjóri er Jan Brockmann, fyrrver-
andi forstöðumaður Nútimalistasafnsins í
Ósló. Efnið er fjölbreytt: yfirlitsgreinar og
hugleiðingar um myndlistina á árinu eftir
listfræðinga, myndlistarmenn, rithöfunda og
jafnvel heimspekinga, vönduð og vel mynd-
skreytt viðtöl við listamenn sem þykja hafa
skarað fram úr - jafnt nýlistamenn sem eldri
jaxla - og. endurprentun á umsögnum gagn-
rýnenda um helstu sýningar, innlendar sem er-
lendar. Síðan er birtur myndlistarannáll („I
bakspeilet“) þar sem viðburðir í myndlistarlíf-
inu eru tíundaðir frá mánuði til mánaðar og
myndefnið hvergi sparað (litmyndir í ritinu eru
um 300 talsins). Það vakti
og sérstaka athygli þess
sem þetta ritar að ýmislegu
listhandverki er gert jafn-
hátt undir höfði og mynd-
listinni. Birtar eru upplýs-
ingar um mannabreytingar
í menningarlífinu á árinu
og um útgefnar bækur um
myndlist og stærri sýning-
arskrár. í lokin er að finna
auglýsingaefni frá norskum
söfnum og listhúsum þar
sem kynnt er sú myndlist
sem þeir ætla að sýna
næstu mánuðina en að
auki kaupa stærstu söfnin
sér heilsíðuauglýsingar.
Myndlistar-
tíma-
rit og
bóka-
útgef-
endur
fá
einnig
inni með
auglýs-
ingaefni.
Tækju
hin ýmsu
samtök ís-
lenskra
myndlistar-
manna hönd-
um saman við
eitthvert útgáfufyrir-
tæki, fengju menntamálaráðuneytið til að leggja
til „startgjald", tryggðu ritinu ákveðinn fjölda
áskrifenda og seldu auglýsingar er ég sannfærð-
ur um að hægt yrði að gefa út árbók íslenskrar
myndlistar sem ekki stæöi hinni norsku að baki.
Aðalsteinn Ingólfsson
____________________Menning
Umsjón: Silja A&alsteinsdóttir
Fjölskyldur
við aldahvörf
í greinasafninu Fjöl-
skyldur við aldahvörf
eftir Sigrúnu Július-
dóttur prófessor kennir
ýmissa grasa en þau
mynda öll hvirfmgu um
aðstæður íjölskyldna,
náin tengsl og uppeldis-
skilyrði barna. Sam-
nefnarinn er þau um-
skipti sem breyttar samfélagsaðstæður
hafa haft í för með sér fyrir fjölskyldur,
fuOorðna og börn, en einnig fyrir fagfólk.
Greinarnar leggja áherslu á gildi mann-
legra tengsla og að innan fjölskyldna
skapist sú undirstaða samkenndar, um-
burðarlyndis og siðræns þroska sem
mestu skiptir, bæði fyrir einstaklinga og
samfélag manna.
Fjölskyldur við aldahvörf á erindi til
allra sem hafa áhuga á að afla sér fróð-
leiks um fjölskyldumál, þörf kennslubók
fyrir nemendur i framhaldsskólum og í
grunnnámi háskóla. Bókin á einkum er-
indi td nemenda í félagsráðgjöf og öðrum
félagsvísinda- og samfélagsgreinum, svo
sem í kennslu- og uppeldisfræði. Einnig
hentar hún vel sem kennsluefni í námi
verðandi hjúkrunarfræðinga, presta og
lögfræðinga.
Sigrún Júlíusdóttir er
prófessor í félagsráðgjöf
við Háskóla íslands.
Hún hefur einnig starf-
að aö hluta við ráðgjöf
fyrir einstaklinga, hjón
og fjölskyldur hjá
Tengslum sf. síðan 1982.
Doktorsritgerð hennar
frá Gautaborgarháskóla
(1993) fjallar um innri aðstæður íslenskra
fjölskyldna og áhrif menningar og ytri að-
stæðna á aðlögun og vellíðan í hjónabandi
og fjölskyldulífl. Hún hefur stýrt umfangs-
miklum rannsóknum á uppeldisaðstæð-
um barna á íslandi og nýlega gaf hún út
ásamt Nönnu K. Sigurðardóttur bókina
Áfram foreldrar: Rannsókn um sameigin-
lega forsjá og velferð barna við skilnað
foreldra. Háskólaútgáfan gefur bókina út.
til íslensku
Á laugardaginn kem-
ur, 17. mars, gengst
Stofnun Sigurðar Nor-
dals fyrir málþingi um
viðhorf til íslenskrar
tungu í Þjóðarbókhlöð-
unni. Málþingið hefst
kl. 13.30 og frummæl-
endur verða Birna Arn-
björnsdóttir, Guðni Kol-
beinsson, Hallfríður Þórarinsdóttir, Tos-
hiki Toma, Þórunn Blöndal, Þórarinn Eld-
járn og Þröstur Helgason. Aö loknum
framsöguerindum verða almennar um-
ræður. Allir eru velkomnir.
Norrænt samstarf
Þann 23. mars næstkomandi efnir End-
urmenntunarstofnun Háskóla íslands til
námskeiðs um Norrænt samstarf en
Helsinki-samningurinn, sem norrænt
samstarf byggist á, var einmitt undirritað-
ur sama dag árið 1962. Námskeiðið er ætl-
að öllum sem vilja vinna á norrænum
vettvangi, fulltrúum stofnana, fyrirtækja
og frjálsra félagasamtaka, kennurum,
námsráðgjöfum og listafólki. Fjallað verð-
ur m.a. um uppbyggingu í norrænu sam-
starfi og helstu samstarfsstofnanir, stefnu-
mótun og markmið, þátt íslendinga og
hugmyndir um framtiðarskipulag í nor-
rænu samstarfi.
Þátttakendum verður
skipt í hópa eftir störf-
um og áhuga og skoðað
hvaða möguleikar felast
í norrænu samstarfi og
uppbyggingu tengsla.
Umsjón með námskeiö-
inu hefur Sigrún Stef-
ánsdóttir, yfirmaður
upplýsingadeildar Norrænu ráðherra-
nefndarinnar og Norðurlandaráðs. Henni
til aðstoöar eru ýmsir sérfræðingar á sviði
norrænnar samvinnu, m.a. Snjólaug Ólafs-
dóttir, skrifstofustjóri Norðurlandaskrif-
stofunnar á Islandi, Soren Christensen,
framkvæmdastjóri Norrænu ráðherra-
nefndarinnar, Matz Jönsson, yfirmaður
Norræna menningarsjóðsins, Riitta
Lampola skrifstofustjóri og Ragnheiður
Þórarinsdóttir deildarsérfræðingur.
Frekari upplýsingar um námskeiðið
eru á vefsetrinu http://www.endur-
menntun.is“ og þar er líka hægt að skrá
sig.
Viðhorf