Dagblaðið Vísir - DV - 01.09.2001, Page 6

6
LAUGARDAGUR 1. SEPTEMBER 2001
Fréttir
DV
Alvarlegt að halda heilum
landsfjórðungi í gíslingu
- segir Þuríður Backman alþingismaður í viðtali
DV-MYND KARÓLÍNA ÞORSTEINSDÓTTIR
Fámennt en góðmennt
Aðalfundur Nausts var ekki fjölmennur en sagður þeim mun góðmennari. Hér
sitja þau Ólöf Guðný Valdimarsdóttir, formaöur Landverndar, og Hjörleifur
Guttormsson, fyrrverandi þingmaður, og hlýða á málflutning á aðalfundinum.
„Við erum sögð áratugum á eftir
nágrannalöndum okkar með því að
setja stóriðju fram sem byggðamál,
það séu allt aðrir þættir sem þurfi
að huga að til að efla hinar dreifðu
byggðir. Það að halda heilum lands-
fjórðungi í gíslingu stóriðjunnar er
alvarlegt mál. Því er haldið að fólki
að það eina sem geti bjargað byggð-
unum sé stóriðja og annað sé ekki í
boði. Því sé um það að velja að setja
hér niður risastórt álver eða fólk
muni flytjast í burtu,“ segir Þuríður
Backman alþingismaður í viðtali
við DV að loknum aðalfundi
NAUSTs, Náttúruverndar Austur-
lands, á Seyðisfirði á dögunum.
Á fundinum voru virkjun og stór-
iðja á Austurlandi efst á baugi en
einnig lágu fyrir nokkrar tillögur
frá Hjörleifi Guttormssyni um und-
irbúning að Gerpisfriðlandi, um
Rauðuskriður í Hamarsfirði, um
varðveislu fornleifa og menning-
arminja, um úttekt á útbreiðslu
lúpínu, um veiði og verndun sela.
Allt fékk þetta skjóta afgreiðslu. Að
loknum aðalfundi voru erindi um
þjóðgarða og gildi lands norðan
Vatnajökuls, flutt af Sigrúnu Helga-
dóttur og Stefáni Benediktssyni.
Björn Kristleifsson sagði frá fyrir-
huguðum framkvæmdum við bygg-
ingu nýrrar hafnar.
- Það er staðreynd að mikil fólks-
fækkun hefur verið á Austurlandi
og augljóst að þar þarf að spyrna við
fótum. Þú ert þingmaður Austur-
lands, hvað sérð þú fyrir þér að
hægt sé að taka til bragðs ef hætt
verður við virkjun og stóriðju?
„Því miður hefur verið mikil
byggðaröskun víða um land og hef-
ur sú öfugþróun komið hart niður á
Austurlandi. Fólk er miklu hreyfan-
legra nú en áður og flytur m.a.
vegna atvinnu og menntunar. Hluti
þessa fólksflutnings er því eðlilegur
en því miður eru þeir allt of margir
sem ekki finna sér neitt við sitt
hæfi. Því er mikilvægt að fylgjast
vel með því hvaða þættir það eru
helst sem valda því að fólk flytur í
burtu og styrkja byggðirnar á þeim
forsendum. Fólk vill hafa möguleika
á menntun og fjölbreyttu atvinnu-
lífi, opinbera þjónustu í lagi og góð-
ar samgöngur, svo eitthvað sé nefnt.
Þessa þætti á því að styrkja, óháð
því hvort stóriðja veröur sett niður
hér á Austurlandi."
- Eru dýravernd og náttúruvernd
ekki farin að ýta hagsmunum fólks-
ins til hliðar?
„Nei, ekki hér á landi. Það finnast
dæmi um það úti í hinum stóra
heimi en því miður hefur maðurinn
gengiö á dýrastofna og náttúruna
eins og allt ætti að þjóna honum eða
þröngum hagsmunum hans. Öll
þekkjum við aftur á móti dæmi um
ofnýtingu og arðrán, bæði til sjós og
lands, sem hefur haft mjög alvarleg-
ar afleiðingar, einnig fyrir manninn
sjálfan. Til þess að börn okkar og af-
komendur geti lifað áfram hér á
jarðríki verður maðurinn að temja
sér lifnaðarhætti sem lúta að sjálf-
bærri þróun náttúrunnar."
- Er ekki þörf skjótra aðgerða til
þess að taka á málunum og þarf
ekki að finna ráð til þess að hlúa að
fólkinu og æskunni?
„Vissulega þarf nú skjótra að-
gerða við til þess að vinna aftur trú
fólks á því að það geti verið góður
kostur að búa utan höfuðborgar-
svæðisins. En aðgerðirnar verða að
vera á mörgum sviðum og beinast
markvisst að því að jafna aðstöðu
og kjör fólks,“ sagði Þuríður Back-
man að lokum. -KÞ
DV-MYND JÚLlA IMSUND
Vistvænar
Það eru mikil vinna eftir viö kartöfl-
urnar þegar þær eru komnar í hús,
þá er að hreinsa þær, vigta og pakka
í neytendaumbúðir. Pálína Benedikts-
dóttir, húsfreyja á Miðskeri, og Unn-
steinn sonur hennar eru hér aö
flokka og pakka kartöflum.
Mjög góð
kartöfluspretta
DV, HQRNAFIRDI:______________
Kartöflubændur eru lítillega byrj-
aðir að taka upp kartöflur og lítur út
fyrir mjög góöa sprettu. Sævar Kr.
Jónsson á Miðskeri í Nesjum ræktar
einungis vistvænar kartöflur en það
merkir að notkun áburðar og úðun-
arefna eru í algjöru lámarki. Sævar
segir að enn sé góður vöxtur á kart-
öflunum og byrjað verði fyrir alvöru
að taka upp fyrrihluta september.
Mest er sala á gullauga, þá eru marg-
ir sem halda upp á rauðu íslensku
kartöflurnar og líka hefur sala á
premier-bökunarkartöflum aukist
mikið enda hið mesta hnossgæti til
matargerðar. -JI
íbúðalánasjóður:
Svarar í símann
á Króknum
DV, SAUDÁRKRÓKI: _______
Símsvörun hjá íbúðalánasjóði hef-
ur verið flutt til Sauðárkróks. Prófan-
ir á nýju símkerfi hófust um síðustu
mánaðamót og að sögn Ásgríms Sig-
urbjörnssonar hjá íbúðalánasjóði eru
smávægilegir hnökrar sem komu
fram i byrjun úr sögunni og síðasta
vika gekk mjög vel. Að sögn Ásgríms,
sem gegnir starfi forstöðumanns
Ibúðalánasjóðs í barnsburðarleyfi
Svanhiidar Guðmundsdóttur, hefur
starfsemi sjóðsins á Sauðárkróki
stöðugt verið að aukast en ekki er þó
enn þá ljóst hve starfsmönnum verð-
ur fjölgað mikið vegna flutnings sím-
svörunarinnar. Starfsmenn eru 12 en
voru fimm þegar Sauðárkróksdeildin
var sett á laggirnar í ársbyrjun 1999.
Starfsmenn Ibúðalánasjóðs í Reykja-
vík eru rúmlega 40 talsins. -ÞÁ
Skírn
Busar voru ausnir vatni úr heita pottinum.
Busavígsla á Selfossi í gær:
Reknir um götur og ausnir vatni
DV, SELFOSSI:
Nýnemar í Fjölbrautaskóla Suður-
lands voru vígðir formlega inn í
nemendasamfélag skólans í gær. Ný-
nemamir voru fyrst reknir um götur
bæjarins. Þá var farið í Sundhöllina
þar sem þeir voru vatni ausnir. Síð-
an var slegið upp knalli.
Leiktæki og annað var til skemmt-
unar á svæðinu og kennarar skólans
grilluðu fyrir hópinn. í ár er slegið
enn eitt aðsóknarmetið að Fjöl-
brautaskólanum á Selfossi. 782 nem-
endur eru skráðir til náms í upphafi
annar, þar af 210 nýnemar. -NH
Aðalfundur Sambands íslenskra loðdýrabænda:
Vilja erlenda fjárfesta í greinina
A aðalfundi Sambands loðdýra-
bænda, sem haldinn var á Hólum í
Hjaltadal 25. ágúst sl., var samþykkt
að fela stjóm sambandsins að vinna
að því að laða fjárfesta, innlenda
eða erlenda, til liðs við greinina.
Þrengt hefur að loðdýrarækt víða í
þéttbýlum löndum, einkum vegna
búfjáráburðar. Hér sé hins vegar
þörf fyrir hann auk þess sem loö-
dýrarækt leysir hér fleiri umhverf-
isvandamál, svo sem nýtingu slátur-
úrgangs. Framfarir í greininni inn-
anlands og miklir möguleikar til að
færa út kvíarnar eru hér á sama
tíma og þrengir að annars staðar og
það ætti aö auka áhuga fjárfesta á
loðdýrarækt hérlendis.
Þá var rædd sú krafa ríkisvalds-
ins aö greiða einungis jöfnunargjald
á loðdýrafóður sem væri undir eftir-
liti Fóðureftirlitisins á Hvanneyri.
Ákveðið var að við endurskoðun
búnaðargjalds bæri að stefna að þvi
að hætta þátttöku í Bjargráðasjóði.
Einnig að meirihluti búnaðargjalds,
sem nú rennur til búnaðarsamband-
anna, fari til sameiginlegrar leið-
beiningaþjónustu svo halda megi
úti einu stöðugildi í leiðbeiningum
á landsvísu í loðdýrarækt. Stjórn
SÍL var falið að skilgreina trygg-
ingaþörf loðdýrabænda og leita
samstarfs við Bændasamtök íslands
um gerð samninga við tryggingarfé-
lög þar að lútandi. -GG
Urnsjón: Höröur KHstjásisson
netfang: hkrist@ff.is
Afsökunarbeiðni
Kristján Ragnarsson, formaður
Landssambands íslenskra útvegs-
manna, snupraði sem kunnugt er Ás-
geir Guðbjarts-
son, einn af göml-
um máttarstólpum
LÍU, í Fiskifréttum
fyrir skömmu.
Kristján hefur legið
undir ámælum fyrir
orð sín og Guð-
mundur Halldórs-
son, gamall togarajaxl frá Isafirði, rit-
aði harðorða skammargrein í Mogga
og krafðist afsökunarbeiðni frá Krist-
jáni. í heita pottinum hafa menn
reynt að leita upplýsinga um hvort
dæmi séu um að Kristján hafi opin-
berlega beðist afsökunar á nokkrum
sköpuðum hlut. Sú leit hefur engan
árangur borið. Það þykja því ekki lítil
tíðindi að sjálfur Kristján Ragnarsson
hefur nú séð sig knúinn til að rita af-
sökunarbeiðni í Fiskifréttir! Spyrja
menn hvort þar komi í ljós áratuga-
langur dyggur stuðningur Geira á
Guggunni við Kristján, bæði í stjórn
LÍÚ og eins síðar í íslandsbanka...
Syngja dúett?
Seðlabankastjórinn Birgir ísleifur
Gunnarsson stóð enn fast á bremsunni
gagnvart vaxtahækkunum þegar pott-
verjar dröttuðust
heim á leið i gær-
kvöld. Hver ráð-
herrann af öðrum
: hefur látið hafa eftir
sér væntingar um
vaxtalækkanir Seðla-
banka og nú síðast
kom skýr beiðni um
slíkt frá Geir H. Haarde og ráðuneyti
fjármála. Sá eini sem ekki hefur tekið
undir meö vaxtalækkunarkórnum er
sjálfur forsætisráðherrann, Davíð
Oddsson. Samt er talið að Davíð hafi
dágóða rödd til að geta fengið inngöngu
í kórinn. Ekki er þó vitað hvort vin-
skapur Davíös og Birgis reynist ásókn
kórfélaga sterkari og hvort þeir félagar
syngja saman dúett til langrar framtið-
ar vöxtunum til dýrðar...
Ný eldsneytisframleiðsla
Nýjustu fréttir úr Árnessýslu herma
að þar hyggist menn nú nýta dýrafitu
til að knýja bíla. Á tímum ört vaxandi
eldsneytishækkana |
þyka þetta mikil tíð-
indi. Jafnvel eru þetta I
talin svo mikil tíðindi I
að bæði olíufélög og I
likamsræktarstöðvar I
megi fara að vara sig. í [
kjölfar umræðu um I
offituvanda íslendinga'
hafa menn gripið til ýmissa ráða gegn
vandanum. Megrunarkúrar, líkams-
rækt og margt fleira hefur þar verið
reynt, meira að segja fitusog. Áhuga-
samir menn um tilraunir Sunnlend-
inga hafa því látið sér til hugar koma
að virkja offitu Islendinga. Með fitu-
sogstækni verði fitubelgir landsins
einfaldlega beintengdir við vélar bíla
sinna. Þannig verði tvær flugur slegn-
ar í einu höggi, eldsneytissparnaöur
og dúndrandi megrun í leiðinni...!
Hestagaldur í Skautahöll
Leikarinn Benedikt Erlingsson
hyggst bregða sér í gervi sirkuslista-
manns á sýningu í Skautahöllinni
innan skamms.
Bendikt ætlar að
hoppa yfir hesta,
stökkva yfir eld og
hanga á kviðnum
á hesti, svo eitt-
hvað sé nefnt, auk
þess að bregða sér
í gervi Ómars
Ragnarssonar.
Benedikt vildi þó hafa vaðið fyrir
neðan sig og hugðist kaupa sér góða
tryggingu ef illa færi. Nú vilja trygg-
ingamenn hins vegar meina að
áhætta leikarans sé ótæpileg og
krefjast himinhárra iðgjalda. Herma
heimildir að Diddi Bárðar ætli líka
að dansa tangó á hestbaki á sýning-
unni. Því er kannski ekki skrýtið að
tryggingamenn eigi erfitt með að
setja það í samhengi t.d. við sviðs-
leik Árna Tryggvasonar eða Flosa
Ólafssonar...