Dagblaðið Vísir - DV - 18.09.2001, Blaðsíða 7

ÞRIÐJUDAGUR 18. SEPTEMBER 2001
7
DV
Fréttir
Minnkandi bílasala veldur uppsögnum starfsfólks:
Hrun hjá sumum
- krísa sem ekki varð við ráðið, segir framkvæmdastjóri Brimborgar
„Það fer ekki fram hjá neinum að
það er ekkert góðæri hjá bílasölum,"
segir Finnbogi Eyjólfsson hjá Heklu.
Hekla hefur orðið að fækka starfs-
fólki undanfarið og fleiri hafa gert
svipaðar ráðstafanir, s.s. Brimborg.
Menn vona þó að úr rætist, að sögn
Finnboga. „Þeir sem hlusta á Davíð
eru bjartsýnir en þeir sem hlusta á
verkalýðsforkólfana og iðnaðinn eru
svartsýnni. Það er þó t.d. nóg að gera
hjá okkur á bílaverkstæðum, í vara-
hlutum og í notuðum bílum. Þar hef-
ur orðið hlutfallsleg aukning," segir
Finnbogi.
Hjá P. Samúelsson, sem flytur inn
Toyota, segir Skúli Skúlason sölu-
stjóri að þar hafl fólki hvorki verið
fækkað né standi það til. Samdráttur
á sölu nýrra Toyota-bíla milli ára er
alla jafna minni en hjá keppinautun-
um. Þannig er Toyota með 25,74%
markaðshiutdeild í seldum bílum
fyrstu 8 mánuði ársins og 31. ágúst sl.
nam samdrátturinn milli ára 22,28%
hjá þeim. Þeir sem koma næst
Toyota í markaðshlutdeild eru
Volkswagen og Nissan. Samdráttur-
inn hjá Volkswagen er 49,29% en
markaðshlutdeildin er 9,41%. Hjá
Nissan nemur samdrátturinn 55,33%.
Þar er markaðshlutdeildin 8,83%
Varð ekki við ráðið
Mesta hrun milli ára er hjá Dai-
hatsu-bílunum sem Brimborg flytur
inn. Aðeins 25 Daihatsubílar höfðu
selst í ár fyrstu átta mánuðina, mið-
að við 235 í fyrra, sem jafngildir
89,36% samdrætti. Egill Jóhanns-
son, framkvæmdastjóri Brimborg-
ar, hefur skýringar á þvi. „Jenið
hefur leikið þetta vörumerki nokk-
uð grátt. Japanar hafa ekki getað
lækkað verð bílanna í samræmi við
styrkingu jensins og svo hefur is-
lenska krónan fallið til viðbótar.
Þetta eru meginskýringamar.“
Egill bendir þó á að Brimborg
hafi aukið sölu undanfarið, t.d. á
Volvo og Ford, og eins hafi vöru-
bílainnflutningur gengið vel. „Þetta
er hins vegar fjandi erfitt við að
eiga og sérstaklega í bílum eins og
Daihatsu. Daihatsu framleiðir ein-
göngu smábíla og álagningin í
krónum talið er miklu minni inn-
anlands í smábílunum en stærri
bílum, eins og jeppum, þannig að
svigrúmið er ekkert. Þegar maður
lendir í svona utanaðkomandi
krísu þá verður ekki við neitt ráð-
ið.“ Egill hyggur þó að betri tíð sé í
vændum og segir að annríki sé í
sölu notaðra bíla.
Það lélegasta í fimm ár
Samkvæmt upplýsingum frá Bíl-
greinasambandinu náði bílainnflutn-
ingur hæstu hæðum árin 1999 og 2000
en árið í ár stefnir í að verða það léleg-
asta frá 1996. Þá voru alls fluttir 10.598
bílar til landsins, 13.136 árið 1997,
16.711 árið 1998,18.979 árið 1999,17.119
árið 2000 en innan við sjö þúsund
fyrstu átta mánuði þessa árs.
Björn Þorláksson
blaðamaður
Jónas Þór Steinarsson hjá Bíl-
greinasambandinu sagði miklar sveifl-
ur ekki nýjar af nálinni. Þær væri
hægt að greina allt frá árinu 1970 en
Jónas treystir sér ekki til að álykta
hvenær innflutningur gæti aftur tekið
kipp. Jónas sagði gengisbreytingar að
líkindum skýra að mestu leyti af
hverju sumar bíltegundir seljast
minna en aðrar. Áhrif slíks væru mis-
munandi eftir viðskiptalöndum.
Toyota-bílar hafa mesta hlutdeild á bifreiðamarkaöi
Nýir bílar standa nú í hrönnum á landinu. Árið stefnir í að veröa lélegasta söluárið frá árinu 1996.
Eignin sem aldrei varö
Menn hefur greint á um skýringar
á því að bílar seljast lítt í ár. Sumir
tala um kreppueinkenni en aðrir
telja að markaðurinn hafl einfaldlega
mettast í fyrra. Forstjóri Brimborgar
er ekki sammála því. „Grunnástæðan
er einfaldlega gengisbreytingarnar
og ástæða tvö er skuldsetning. Fólk
hefur skuldsett sig mjög mikið. Þá
hefur verðfallið á hlutabréfunum
augljóslega haft áhrif. Fólk átti hluta-
bréf sem höfðu hækkað og fyrir vik-
ið voru menn í huga sínum miklu
ríkari en svo reyndist. Þá fóru menn
að kaupa bila fyrir væntanlega inn-
eign og fleiri ástæður mætti nefna,“
segir Egill Jóhannsson.
HLE0SLU/
B0RVEL
FESTO
..það sem
fagmaðurinn
notar!
Ármútí 17, 103 Reyhjavík.
sími: 533 1E34 fax: 5EB 0499
system Töskur.
fyrir öll uerkfæri
og þú kemur reglu á hlutina!
Úruggur staður fyrir
FEST0 verkfærin og
alla fylgihluti
Innköllun
vegna rafrænnar skráningar hlutabréfa í Fjárfestingarfélaginu Straumi hf.
Straumur
FJÁRFESTINGARFÉLAG
Kirkjusandi 2,155 Reykjavík, s. 560 8900
Mánudaginn 15. október 2001 verða hlutabréf í Fjárfest-
ingarfélaginu Straumi hf. tekin til rafrænnar skráningar hjá
Verðbréfaskráningu íslands hf. í samræmi við ákvörðun stjórn-
ar Fjárfestingarfélagsins Straums hf. þar að lútandi. Þar af
leiðandi verða engin viðskipti með hlutabréf félagsins þann
dag. Frá þeim tíma ógildast hin áþreifanlegu hlutabréf í fyrir-
tækinu í samræmi við ákvæði laga og reglugerðar um raf-
ræna eignarskráningu verðbréfa.
Nánar tilgreint verða öll hlutabréf í Fjárfestingarfélaginu
Straumi hf. tekin til rafrænnar skráningar. Þau eru gefin út á
nafn hluthafa og útgáfudags er getið á hverju bréfi.
Hér með er skorað á alla eigendur hlutabréfa í félaginu
sem telja nokkurn vafa leika á að eignarhald þeirra sé rétti-
lega fært í hlutaskrá Fjárfestingarfélagsins Straums hf. að
staðreyna skráninguna með fyrirspurn til hlutaskrár Fjár-
festingarfélagsins Straums hf., Kirkjusandi 2,155 Reykjavík
eða í stma 560 8900. Komi í Ijós við slíka könnun að eig-
endaskipti hafi ekki verið skráð ber eigendum að færa sönn-
ur á þau gagnvart félaginu fyrir nefndan dag.
Enn fremur er skorað á alla þá sem eiga takmörkuó rétt-
indi til ofangreindra hlutabréfa, s.s. veðréttindi, að koma
þeim á framfæri við fullgilda reikningsstofnun, þ.e. banka,
verðbréfafyritæki eða sparisjóð sem gert hefur aðildar-
samning við Verðbréfaskráningu íslands hf., fyrir skrán-
ingardag.
Athygli hluthafa er vakin á að hin áþreifanlegu hlutabréf
félagsins verða ógild sjálfkrafa og því er.ekki þörf á að skila
þeim til félagsins. Jafnframt er vakin athygli á að ferli raf-
rænnar skráningar hefur engin áhrif á möguleika hluthafa til
að eiga viðskipti með hluti sína í félaginu að undanskildum
sjálfum skráningardeginum.
Að lokinni rafrænni skráningu þurfa hluthafar að fela reikn-
ingsstofnun umsjón með eignarhlut sínum í félaginu til að
geta framselt hluti sína svo sem vegna sölu eða skipta. Reikn-
ingsstofnun mun í þessu skyni stofna VS-reikning í nafni við-
komandi hluthafa.
Stjórn Fjárfestingarfélagsins Straums hf.