Dagblaðið Vísir - DV - 18.09.2001, Blaðsíða 26

30
ÞRIÐJUDAGUR 18. SEPTEMBER 2001
Tilvera
x>v
Þröng á þingi
Fjölmargir lögöu leiö sína í búningsherbergiö aö sýningu lokinni til aö sam-
fagna leikurum. Þorgeröur Katrín Gunnarsdóttir albingismaöur og Hallgrímur
Helgason rithöfundur þurftu aö gera sér aö góöu aö hírast undir fatahengi.
Brosað breitt
Hávar Sigurjónsson leikskáld, Nína Dögg Filippusdóttir leikari og Hilmar Jóns-
son leikstjóri brostu sínu breiöasta þegar allt var yfirstaöiö.
Nýtt íslenskt leikrit:
Englabörn í Hafnarfirði
Nýtt íslenskt leikrit, Engla-
böm, var frumsýnt í Hafnar-
fjarðarleikhúsinu á fóstudag-
inn. Verkið fjallar um stjúp-
systkinin Jóa og Karen sem
eiga í mikilli togstreitu, jafnt
við fjölskyldu sína og fjand-
samlegt umhverfi. Höfundur
leikritsins er Hávar Sigurjóns-
son en hann hefur hingað til
verið þekktari sem leiklistar-
gagnrýnandi en leikritasmið-
ur. Var leikurum og öðrum að-
standendum sýningarinnar
vel fagnaö í lokin og var ekki
annað að heyra en að menn
væru ánægðir með hvemig til
tókst.
DV-MYNDIR EINAR 1.
Fólkið að baki Englabörnum
Leikurum, listrænum stjórnendum og öörum aöstandendum leikritsins var vel fagnaö aö sýningu lokinni.
Tvær góðar
Þaö fór vel á meö þeim Guörúnu Kristjánsdóttur, framkvæmdastjóra Hafnar-
fjaröarleikhússins, og Maríu Reyndal aöstoöarleikstjóra.
Bíógagnrýni
Finnur og Olafur
Finnur Arnar Arnarson, leikmyndahönnuður Englabarna, og
Ólafur Haukur Símonarson, leikritasmiður með meiru.

Laugarásbíó/Stjörnubíó - A Knight’s Tale -Jf
Poppaður miðaldariddari
Hilmar
Karlsson
skrifar gagnrýni
um kvikmyndir.
Flestir sem eitthvað fylgjast með
kvikmyndum og fara á bíó eru
sjálfsagt sammála um að sumarið
2001 er með lélegri kvikmynda-
summm. Á fjörur okkar hér á
Fróni hefur hverja verksmiðju-
framleiðsluna af annarri rekið frá
Hollywood, kvikmyndir sem fylgja
fyrirfram staðlaðri formúlu um
hvað það er sem áhorfendur vilja
sjá og standa alls ekki undir því að
vera sjálfstæð verk. Sumar þeirra
hafa fengið þá aðsókn sem búist
var við en geysiöflug markaðssetn-
ing á sjálfsagt mikinn þátt í að-
sókninni.
A Knight’s Tale fellur undir
þessa innantómu kvikmyndgerð
sem stunduð er í Hollywood. Hún
er samt um leið að hluta frumleg
tilraun til að nálgast þá kynslóð
sem mest fer i bíó. Sú kynslóð er
lítt hrifin af miðaldarómantík með
hugdjörfum riddurum og hreinum
aðalsmeyjum. Þetta veit leikstjór-
inn og handritshöfundurinn Brian
Helgeland. Til að ná til fjöldans læt-
ur hann allt raunsæi lönd og leið
og poppar upp miðaldarómantíkina
Heath Ledger leikur riddarann hug-
rakka, William Thatcher, ööru nafni
Sir Ulrich von Lichtenstein of Gelder-
land.
með húmor upp á nútímann, farsa-
kenndum uppákomum og þekktum
rokklögum. Tekst honum bærilega
að sjóða úr þessum kokkteil. Þetta
gerir það að verkum að myndin
minnir einstaka sinnum á Monthy
Python eða Mel Brooks, er á næsta
andartaki sykursæt rómantík eða
minnir um margt á tónlistarmynd-
band. Þetta er ekki gæfuleg blanda
við fyrstu sýn en einhvern veginn
gengur þetta upp hjá Helgeland og
má þar meðal annars þakka leik-
gleði hjá flestum leikurum.
Aðalpersónan er fátækur sonur
þakgerðarmanns, William
Thatcher (Heath Ledger) sem er að-
stoðarmaður riddara. Hann sér leik
á borði þegar riddarinn deyr og
tekur stað hans í burtreiðakeppni
og vinnur keppnina undir hinum
þekkta Queen-slagara, We Will
Rock You. Þarna má segja að tónn-
inn sé gefinn um framhaldið:
Gleymið því sem lært var í sögu-
tímum og minnist aðeins þess
hvernig stemningin er á landsleik í
fótbolta. Til að geta haldið áfram
burtreiðum þarf William að verða
sér úti um aðalsmannstitil og ætt-
artölu og þá er gott að eiga hæfi-
leikaríka vini sem sjá um slík mál.
William er fljótur að slá í gegn í
burtreiðum og er orðinn stjarna að
nokkrum mánuðum liðnum, að
visu undir fölsku flaggi.
Handrit Brians Helgelands er lip-
urlega skrifað eins og vænta má af
þeim er skrifaði L.A. Confídental,
oft með hárfínum húmor og mikl-
um og skáldlegum orðaflaumi þeg-
ar það á við. Gallinn við A Knight’s
Tale er hins vegar sá að leikstjór-
inn Helgeland er að rembast við að
koma í hjónaband miðöldum og nú-
tímanum og á erfitt með að gera
upp við sig hvort myndin eigi að
vera farsakennd gamanmynd eða
spennandi ævintýramynd. Eins og
hún kemur fyrir sjónir er hún sitt
lítið af hvoru í misheppnuðu hjóna-
bandi, en er samt sem áður hin
sæmilegasta skemmtun.
Leikstjóri og handritshöfundur: Brian
Helgeland. Kvikmyndataka: Richard
Greatrex. Tónlist: Carter Burwell. Aðal-
leikarar: Heath Ledger, Mark Addy, Rufus
Sewell, Paul Bettany og Shannyn
Sossamon.
Jacko vill koma
til aðstodar
Michael Jackson og Britney Spe-
ars stóðu saman á sviðinu í New
York fjórum dögum fyrir hryðju-
verkaárásirnar á New York og
Washington. Nú vill Jacko endur-
taka leikinn og fá Britney í lið með
sér til að safna peningum til styrkt-
ar þeim sem eiga um sárt að binda.
Markmið Jackos er að hala inn sem
svarar hátt í fjórum milljörðum ís-
lenskra króna með útgáfu plötu.
Popparar hafa margoft áður sungið
til styrktar bágstöddum og safnað
stórfé. „Ég trúi því af öllu hjarta að
tónlistarfólk komi saman og leggi
sitt af mörkum til þúsunda bág-
staddra,” segir Jacko litli.
Skattmann enn
á eftir Pavarotti
Aumingja stórtenórinn Luciano
Pavarotti á ekki sjö dagana sæla
vegna endalausra ofsókna skattayf-
irvalda í heimalandi hans, Ítalíu.
Söngvarinn og fjármálaráðgjafar
hans héldu að málið hefði verið
leyst í fyrra þegar hann greiddi um
sjö hundruð milljónir króna til
ítalska ríkisins, bæði gamlar skatta-
skuldir og sektir fyrir að hafa ekki
staðið í skilum. Nú vilja yfirvöld
hins vegar draga söngvarann fyrir
dóm og að sögn á hann yfir höfði sér
allt að sjö ára fangelsi verði hann
fundinn sekur.
Strandgella í
eiturvandræðum
Strandvarðagellan fyrrverandi
Yasmine Bleeth lenti í umtalsverðum
vandræðum um daginn þegar lögregl-
an fann kókaín í veskinu hennar. Lög-
reglan hafði verið til kvödd eftir að
stjarnan lögulega ók bil sínum út af
skammt frá Detroit. Hvorki Yasmine
né steggurinn sem var með henni í
bilnum meiddust í óhappinu en stúlk-
an varð að dúsa í steininum um nótt-
ina vegna eiturfundarins. Að sögn lög-
reglunnar virtist leikkonan í annar-
legu ástandi. Yasmine hefur áður átt í
vandræðum með fiknir sínar því í
fyrra dvaldi hún um tíma á afvötnun-
arstöð.