Dagblaðið Vísir - DV - 28.12.2001, Blaðsíða 10
10
Útlönd
FÖSTUDAGUR 28. DESEMBER 2001
X>V
Richard Reid
Segist hafa veriö einn aö verki en
þaö er dregiö í efa.
Hugsanleg tengsl
við al-Qaeda
Samkvæmt heimildum netfrétta-
stofu BBC þá er talið hugsanlegt að
Richard Reid, sem handtekinn var
eftir að hafa reynt að sprengja sig
upp í flugvél American Airlines á
leið frá París til Miami siðastliðinn
laugardag, tengist al-Qaeda-hryðju-
verkasamtökunum. Þar segir m.a.
að meðlimir al-Qaeda sem náðst
hafa í Afganistan hafi viðurkennt
að Reid hafi verið við þjálfun í búð-
um samtakanna i Afganistan.
Reid, sem kemur fyrir rétt í
Boston i dag, sagði við yfirheyrslur
að hann hafi einn búið til sprengj-
umar sem hann hafði komið fyrir i
skóm sínum. Sérfræðingar segja
hins vegar að þær séu of fullkomn-
ar til að hann hafl gert þær einn.
Einnig hefur verið haft eftir um-
sjónarmanni moskunnar sem Reid
sótti í Brixton í Englandi að hann
hafi umgengist öfgasinnaða aðila
sem moskuna sækja.
Aukin spenna í deilu Indverja og Pakistana:
Mikill liðsafnaður á
landamærum ríkjanna
Vopnaviöbúnaöur á landmærum Indiands og Pakistans
Pakistanskir hermenn gera loftvarnabyssu kiára fyrir heræfmgu sem fram
fer um heigina viö landamæri indlands.
Spennan milli Ind-
verja og Pakistana, eftir
sprengiárásina á ind-
verska þingið fyrr í
mánuðinum, eykst nú
með hverjum deginum
og hefur liðsafnaður ná-
grannaríkjanna tveggja
við landmæri þeirra í
Kasmírhéraði ekki verið
meiri síðustu fimmtán
árin. Spennan jókst til
muna í gær þegar Ind-
verjar fóru fram á það
að Pakistanar kölluðu
helming starfsliðs síns
við sendiráðið í Nýju-
Delhí heim, en í kjölfar-
ið svöruðu Pakistanar í
sömu mynt og kröfðust
þess sama af Indverjum,
en hvöttu þá í leiðinni til
viðræðna. Þá gripu Ind-
verjar til þess að banna
allt flug pakistanskra flugvéla í ind-
verskri lofthelgi frá og með áramót-
um.
Að sögn Jaswant Singh, utanríkis-
ráðherra Indlands, sem tilkynnti um
ákvörðun indversku stjómarinnar,
verður starfsemi pakistanska sendi-
ráðsins einskorðuð við Nýju-Delhí.
Hann sagöi einnig að inverska
stjómin gerði þá kröfu til pakistönsku
herstjómarinnar að hún grípi þegar
til aðgerða gegn skæruliðahópum í
Kasmír, sem taldir eru bera ábyrgð á
árásinni á þinghúsið, þar sem tólf
manns létu lífið. Þessu hafa Pakistan-
ar hingað til hafnað, en indversk
stjórnvöld telja þá samseka þar sem
herstjórnin styður baráttu skæruliða-
hópanna í baráttu þeirra fyrir sjálf-
stæði Kasmírs og telja þeir árásina
hafa verið gerða með fullri vitund
pakistönsku leyniþjónustunnar.
„Við grípum til þessara aðgerða þar
sem Pakistanar hafa ekki sýnt kröfum
okkar um aðgerðir gegn skæruliðun-
um nein viðbrögð, heldur aðeins
reynt að blekkja aðþjóðasamfélagið
með sýndarmennsku," sagði Singh og
bætti við að viðræður kæmu ekki til
greina á meðan ekkert væri aðhafst
gegn þeim sem bera
ábyrgðina.
Að sögn pakistönsku
herstjórnarinnar urðu
þeir fyrir miklum von-
brigðum með ákvörðun
indversku stjómarinnar,
en lýstu þó yfir vilja sín-
um til að ná sáttum.
„Þetta gerir ekkert annað
en flækja málið,“ sagði
Aziz Ahmed Khan, tals-
maður pakistanska utan-
rikisráðuneytisins, og
bætti við að Pakistanar
gætu ekki annað en svar-
að í sömu mynt. „Við
munum einnig einskorða
starfsemi sendiráðs þeirra
við Islamabad og einnig
banna alla flugumferð
indverskra flugvéla yfir
Pakistan," sagði Khan.
Bandarísk stjórnvöld
hafa þrýst mjög á báðar þjóðimar um
að hefja þegar sáttaviðræður, en
Bandaríkjamenn hræðast mjög þau
áhrif sem stríð milli þjóðanna gæti
haft á baráttuna gegn hryðjuverkum í
heiminum. Báðar þjóðirnar, sem ráða
yfir kjarnaorkuvopnum, virðast til-
búnar i stríð, en að sögn Rashid
Quereshi, hershöfðingja í her Pakist-
ana, yrði kjarnorkuvopnum aldrei
beitt. „Við munum þó gera allt til aö
verjast Indverjum, en kjarnorku-
vopnin aðeins hugsuð til að verjast
kjarnorkuárás en ekki sem árásar-
vopn,“ sagði Quereshi.
Hamid Karzai
Talinn vilja aö Bandaríkin stöövi
árásir á ausuturhluta Afganistans.
Bandaríkin hætti
sprengjuárásum
Talsmaður afganska varnarmála-
ráðuneytisins, Mohammad Habeel,
lýsti því yflr að afgönsk stjómvöld
myndu fljótlega fara fram á það að
Bandaríkin stöðvuðu sprengjuárás-
ir sína, jafnvel innan fárra daga.
Habeel segir örfáa talibana og al-Qa-
eda-meðlimi vera eftir í landinu og
þeir verði brátt yflrbugaðir. Yfirlýs-
ingin þykir benda til hugsanlegra
örðugleika í samskiptum Af-
ganistans og Bandaríkjanna.
Yfirlýsingin kemur degi á eftir að
öldungur eins ættbálks í austur-
hluta landsins sagði aö Hamid
Karzai myndi óska þess að
sprengjuárásum yrði hætt í austur-
hluta landsins eftir að bandarískar
sprengjuflugvélar drápu um 65
manns sem voru á leið á athöfn þar
sem Karzai og stjórn hans tók við
völdum. Bandaríkin segja enn að
um meðlimi talibana og al-Qaeda
hafi verið að ræða.
íbúar Garðabæjar og Kópavogs athugið!
SKJÁRE/A/A/ tekur í notkun nýjan, öflugri sendi
fyrir notendur UHF loftneta og sendir nú út á rás 55.
Þeir sem hafa náð SKJÁEINUM illa eða verið í skuggasvæði
eiga nú að ná útsendingum SKJÁSE/A/S.
Þetta snertir ekki þá sem ná SKJÁEINUM
á Breiðbandinu eða örbylgjuloftneti.
SkjárE™ - alltaf á uppleið.
i