Dagblaðið Vísir - DV - 28.12.2001, Blaðsíða 16

28
_________________________________________________________________________________________FÖSTUDAGUR 28. DESEMBER 2001
♦Skoðun DV
ipurning dagsins
Eru margir flugeldar keyptir
á þínu heimili?
Birna Ásbjörnsdóttir nemi:
Nei, frekar lítiö, kannski einn
flugeldur og ein kaka.
Aníta Ásmundsdóttir nemi:
Ábyggilega einhver slatti.
Guðmundur Arnar Björnsson, 14 ára:
Pabbi kaupir mikiö og svo ætla ég
aö kaupa fyrir 3 þúsund krónur.
Arnljótur Jóhannesson, vinnur
á Reykjalundi:
Já, slatti.
Rúdolf Pálsson:
Nei, ekkert. Ég er á móti flugeldum.
Þaö er óþarfa peningaeyösla og
bara ónæöi.
Halldór Bjarnason hljóömaður:
Nei, þaö er svo dýrt.
Tilgangslaust að
upplýsa Fíknó?
Viö skólalóðina
Ekki allt sem sýnist?
Móðlr
sendi þennan pistil:
Ég komst aö því fyrir nokkru aö
ungur strákur sem ég þekkti lítið
væri byrjaður að selja e-pillur í
hverflnu mínu og nálægt skóla þar
sem að börnin mín eru. Og þar sem
bæði börnin mín eru að nálgast
unglingsárin hringdi ég í Fíknó, lét
þá vita og gaf þeim allar upplýsing-
ar sem þurfti til að taka hanri úr
umferð. Þeir þökkuðu fyrir þessar
upplýsingar, og ég spurði hvað yrði
gert. Svarið var svo sem ekki merki-
legt; þeir ætluðu að skoöa málið, en
tóku fram að þeir vildu helst ná
stærri sölunum sem eru yfir hinum
svokölluðu „peðum“.
Ég kvaddi og ákvað að grennslast
aðeins betur fyrir um þetta. Ég kæri
mig ekki um að hafa dópsala í mínu
hverfi þar sem fullt er af börnum
sem skilja ekki hversu hættulegar
þessar skrautlegu pillur eru. Þegar
ég var loks búin að fá upplýsingar
um hverjir útveguðu dópið hringdi
ég aftur og gaf þær upplýsingar sem
ég var með.
Það eina sem ég hafði voru stutt
hálfgerð gælunöfn, en þeir þekkja
víst vel til og vita hvar þeir eiga að
leita. Spurði ég nú enn og aftur
hvað yrði nú gert þar sem ég var
búin að útvega þeim enn meiri upp-
lýsingar. „Það er voðalega lítið,“
sagði maðurinn, „við viljum stóru
salana," bætti maðurinn við. Ég
spurði hann hvort þeir þyrftu nú
ekki að byrja einhvers staðar og
kannski byrja á því að taka þessi
„peð“ úr umferð, því staðan er sú að
þeir ganga alltaf lausir og fá aldrei
„Eru þetta eðlileg vinnu-
brögð hjá Fíknó, ég bara
spyr? Ég get ekki séð að það
geri mikið gagn að láta þá
vita um þennan dópsala
því sennilega verður hann
látinn í friði með sitt dóp. “
dóm. „Nei, þetta virkar víst ekki
svona.“
En þar sem ég er eins og ég er,
svolítið ákveðin og áhyggjufull móð-
ir, þá féllst maðurinn á að gera svo-
kallaða stikkprufu einhvem tíma.
Þá stoppa þeir viðkomandi „peð“ og
leita í bilnum hans eða á honum.
Finnist ekkert þá gera þeir ekkert,
en finnist eitthvað þá fara þeir með
hann niður á „stöð“, en hann fær
sennilega engan dóm. - Ég veit að
þessi stikkprufa hefur ekki enn
komið til framkvæmda, og ég efast
um að það gerist.
í þessu símtali hrósaði ég þeim
fyrir það hvað þeir hafa tekið sig á
hvað varðar að stoppa innflutning á
dópi til landsins en það þarf líka að
taka á því sem gerist í hverfunum
því að það dóp sem kemst til lands-
ins fer að sjálfsögðu á götuna, til
litlu barnanna okkar. Eru þetta eðli-
leg vinnubrögð hjá Fíknó, ég bara
spyr? Ég get ekki séð að það geri
mikið gagn að láta þá vita um þenn-
an dópsala því sennilega verður
hann látinn i friði með sitt dóp. Og
þar með heldur ferlið einfaldlega
áfram og þróast sífellt til hins verra
þar tO - ja, þar til hvað?
íslensku flugöryggi ábótavant
Karl Jónsson
skrifar:
Það er án efa hárrétt hjá trúnað-
arlækni Flugmálastjómar, sem nú
hefur verið látinn víkja, að það er
bein ósk um afslátt á flugöryggi þeg-
ar hagsmunaaðilar eins og félag at-
vinnuflugmanna geta komið því til
leiðar að embættismönnum sem
gegna trúnaðarskyldu gagnvart al-
menningi er sparkað úr starfi eins
og ekkert sé. - Og það með tilstilli
ráðuneytis eins og gerist einmitt
núna þegar ráðherra samgöngu-
mála grípur inn í mál sem hann og
hans ráðuneyti á í raun ekkert aö
skipta sér af.
Það er alvarlegt þegar pólitíkin er
orðin ógn við flugöryggið hjá einni
þjóð. Erlendis er litið á brottrekstur
„í bandarísku tímariti birt-
ist t.d. pistill þar sem greint
var frá því að þarlend flugfé-
lög hafi látið einkamál, svo
sem erfiðleika í hjónabandi,
skilnaði eða ástvinamissi
skipta máli þegar þau koma
upp í fjölskyldu flugstjóra
flugfélaganna. “
trúnaðarlæknis Flugmálastjórnar
vegna þrýstings eða afskipta ráð-
herra samgöngumála mjög alvar-
legum augum.
Það er kunn staðreynd að strangt
eftirlit er með heilsufari flugmanna
í farþegaflugi og allt skiptir þar
máli.
1 bandarísku tímariti birtist t.d.
pistill þar sem greint var frá því að
þarlend flugfélög hafi látið einka-
mál, svo sem erfiðleika í hjóna-
bandi, skilnaði eða ástvinamissi
skipta máli þegar þau koma upp í
fjölskyldu flugstjóra flugfélaganna.
Hygg ég að svo sé enn, og a.m.k. er
grannt fylgst með sálarástandi og
hvers konar veilu í fari þeirra sem
stjórna loftförum þar sem við-
bragðsflýtir og skörp hugsun og
óheft eru þeir þættir sem flugstjórar
verða að ráða yfir. - Þessi síðustu
viðbrögð ráðherra gagnvart sam-
göngum í þágu Islendinga vekja upp
spurningar um hæfni hans til for-
stöðu svo mikilvægs embættis.

Milosevic fórnað?
Guðjón Einarsson skrifar:
Það er ekkert að
því að ákæra stríðs-
glæpamenn, líkt og
verið er að gera hjá
stríðsglæpadóm-
stólnum í Haag
þessi misserin.
Stríðið í Bosníu og
framkoma Serba
við minnihluta-
hópa af albönskum
upþruna og aðra
sem eru múslímar
hefur rýrt orðspor allra þjóðanna á
Balkanskaga, þótt þær allar séu ekki
viðriðnar hryUileg morð, nauðganir
og ofsóknir. Nú sætir MUisevic sem
þjóðarleiðtogi Serbíu ákæru fyrir áð-
urnefndum dómstól. Aðrir telja höf-
uðpaura alira pyntinganna og ofsókn-
anna þá Radovan Karadzic og Mvlad-
ic hershöfðingja. Því eru réttarhöld
yfir ráðamönnum í Serbíu án þeirra
skrípaleikur að mínu mati.
Flugvirki fótbrotnar
Hjálmar hringdi:
Mér finnst furðulegt hvernig fjöl-
miðlar, einkum RÚV og Stöð 2, taka á
málum sem varða ólöglegan innflutn-
ing flkniefna. Ég tek dæmi af flug-
virkjanum sem var að koma heim
með áætlunarflugi og var gripinn
með fikniefni. Umsvifalaust tUgreint
hvaða starf maðurinn hafði með
höndum! Hefði þetta verið smiður eða
kennari, myndu fjölmiðlarnir þá líka
hafa tilgreint störf þeirra? Auðvitað
ekki. Það hefur ekki verið vani að tU-
greina sérstaklega hvaða störfum
menn sinna þótt þeir séu gripnir með
fikniefni á KeflavíkurflugveUi, aðeins
þjóðemi. Myndu þessir sömu fjöl-
miðlar geta þess með áberandi hætti
hefði Uugvirki fótbrotnað? - Hvers
konar rugl er þetta eiginlega?
Reykjavík, fjölmenn og víðfeöm
En ekki til skiptanna.
Reykjavík í tvennt
Þórður Magnússon skrifar:
Að skipta höfuöborginni upp í tvö
kjördæmi er líklega það allra ömur-
legasta sem Reykjavík hefur verið
gert í seinni tíð. Verði það raunin að
borgin verði tvö kjördæmi krefst ég
þess, fyrir mitt leyti, að fá sérstakan
borgarstjóra eða ígildi borgarstjóra
(kannski sveitarstjóra eða eins konar
„Gauleiter" eins og þeir nefndu það í
Þriðja ríkinu á sínum tíma) sem er
pólitískt ábyrgur fyrir þeim hluta
borgarinnar sem ég bý í. Ég held að
með skiptingu Reykjavíkur í tvö kjör-
dæmi hafi verið vaðið út í fen sem
ekki verði komist upp úr með auð-
veldum hætti. Borgin á að vera eitt
kjördæmi þótt fjölmenn sé og víðfeðm.
Milosevic, fyrrv.
forseti Serbíu
Fórnaö fyrir
mestu skúrkana?
Myndband mánaðarins
Þá er komið út nýtt myndband mánaðarins frá
Osama bin Laden. Éins og áður eru uppi ein-
Vhverjar efasemdir um að myndbandið sé ekta, en
Garra sýnist engin ástæða til að efast um það.
Þetta er í það minnsta þriðja vídeóið sem fram
kemur þar sem bin Laden er í aðalhlutverki og
fer með einræðu nánast allan tímann sem hann
er í mynd. Að þessu sinni er tilefni myndbands-
upptökunnar sagt að þrír mánuir hafi verið liðn-
ir frá árásunum á Bandaríkin, sem aftur gefur
mönnum tilefni til að ætla að þessi bin Laden
hafi verið á lífi um miðjan desember. Handritið
að þessari myndbandsuppöku virðist ekki vera
eins áhugavert og handritið að síðustu mynd,
sem kom út með bin Laden i aðalhlutverki. Enda
mun hans síðasta myndband hafa verið meira
frjáls tjáning sem ekki átti að gefa út á meðan
»það myndband sem nú kemur fyrir manna sjónir
virðist vera njörvað niður með fyrir fram skrif-
aðan texta. Eins hverfur bin Laden nú aftur til
fyrri leikmyndar, þeirrar sem var í fyrsta vídeó-
inu hans, þ.e.a.s. aö hann er einn í mynd klædd-
ur gæsaveiöigalla og með Kalashnikov-vélbyss-
una sína. í síðasta vídeói var hann hins vegar
með fleiri með sér sem kunnugt er, sem gerði
myndina ólikt fjölbreyttari.
Misnotkun á Palestínumönnum
Efnislega er i sjálfu sér fátt nýtt sem kemur
fram í þessu nýja myndbandi bin Ladens og
þama fer hann með sömu gömlu þuluna um að
Bandaríkjamenn fyrirlíti íslam og fylgjendur
þess og taki ekkert tillit til bænahalds þeirra í
ramadan og fleira i þeim dúr. Jafnframt reynir
hann að réttlæta hryðjuverk sín með vísan til
ástandsins í Palestinu og yfirgangs ísraelsmanna
þar og stuðnings Bandaríkjamanna við þann yf-
irgang. Sú tilraun ber vitaskuld vott um að bin
Laden sé kominn i vöm og'telji sig þurfa að
verja gerðir sínar. Hann grípur því til þess
gamla bragðs að notfæra sér samúö umheimsins
með Palestínumönnum én varðar að sjálfsögðu
ekkert um það - ekki frekar en fyrri daginn - að ,
með því að nota Palestínumenn sem björgunar-
hring fyrir eigið ofstæki dregur hann málstað
Palestínumanna með sér niður í djúpið.
Meö vídeódellu
En öfugt við það sem bin Laden var að vona,
hefur umheimurinn ekki keypt þessar réttlæting-
ar á hryöjuverkum hans og einfaldlega stimplað
hann sem stórhættulegan glæpamann og óvin
mannkynsins. Gildir þar einu hverjir eiga í hlut,
múslímar, kristnir, hindúar eða trúleysingjar.
Hins vegar er ímynd bin Ladens að breytast úr
mynd af trúarofstækismanni í mynd af hégóma-
fullum miljónara með vídeódellu. Hann virðist
vera með vídeótökuvélina í gangi i tíma og
ótíma til að taka myndir af sjálfum sér: Hann að
tala um trúmál í gæsaveiðigallanum; hann að
segja strákunum frægðarsögur af skipulagningu
hryðjuverka; og hann aftur með vélbyssuna að
hóta öllu illu. Og allt tekiö upp á vídeó! Síðan
þegar umræðan um hann í heimsfréttunum fer
aðeins aö dofria og byrjað er að tala um ein-
hverja aðra sem „menn ársins" hjá Time, þá
sendir hann eina spólu til al-Jazzera sjónvarps-
stöðvarinnar. Það er í því ljósi sem Garri treyst-
ir sér ekki til að gefa þessu nýjasta myndbandi
mánaðarins frá bin Landen
nema eina stjörnu! CjJuCfe
Frekir flugmenn
Ásdís hringdi:
Það er ekki að spyrja að flug-
mannastéttinni og öðrum sem tengj-
ast fluginu, líkt og flugumferðarstjór-
unum sem sífellt eru á höttunum eft-
ir verkfalli til að knýja fram launa-
hækkun. En frekja flugmanna gengur
fram af manni þegar þeir krefjast
þess að sómakærum og virtum lækni
verði sparkað úr starfi trúnaðarlækn-
is Flugmálastjórnar. Flugmenn verða
að sætta sig við læknisúrskurð sem
metur einn og einn starfsbróður
þeirra vanhæfan til starfs vegna lík-
amslegs eða andlegs ástands. Starfs-
stéttin á ekki að geta ráðið hver telst
hæfur til að vera ábyrgur til að
stjóma flugfari.
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@dv.is
Eöa sent bréf til: Lesendasíöa DV,
Þverhottl 11,105 Reykjavík.
Lesendur eru hvattir til að senda mynd
af sér til birtingar meö bréfunum á
sama póstfang.