Dagblaðið Vísir - DV - 28.12.2001, Blaðsíða 24
36
FÖSTUDAGUR 28. DESEMBER 2001
Tilvera
I>V
-*■
3
í f iö
Útópía á
Akureyri
Sveitin Útópía er stödd norðan
heiða yfir hátíðimar og ætlar að
bjóða norðanmönnum upp á
veislu í kvöld á Kaffi Akureyri.
Engu verður stungið í samband
því drengimir leika bestu lög
sin órafmagnað í bland við önn-
ur uppáhöld.
Krár
BUFF A VIDALIN Gleöilistamenn-
irnir í Buff byrja upphitun fyrir
gamlárskvöldspartíið á Vídalín.
Böll
16 ARA BALL A BROAPWAY
Hljómsveitin Ný dönsk stendur fyrir
dansleik á Broadway. 16 ára aldurs-
takmark.
BÚÁLFARNIR í EGILSBÚC
Búálfarnlr með Ola Egíls Fiðlu-
Hansa í aðalhlutverki í Egilsbúö,
Neskaupstað. Gleðitónlist með írsku
ívafi. Frítt inn fyrir miðnætti. Miöa-
verð 800 kr. eftir það.
GEIRMUNDUR Á VH) POLLINN
Hljómsveit Geirmundar Valtýssonar
sveiflar sér í takt á Við pollinn.
Leikhús
BEÐIÐ EFTIR GODOT I kvöid verður
Beöiö eftir Godot sýnt á fjölum nýja
sviðsins í Borgarleikhúsinu . Höf-
undur þess er Samuel Beckett. Með
aðalhlutverk fara þeir Hilmir Snær
Guðnason og Benedikt Erlingsson.
BLESSAÐ BARNALÁN Leikfélag
Akureyrar sýnir um þessar mundir
leikritið Blessaö barnalán eftir Kjart-
an Ragnarsson.
KRISTNIHALD UNDIR JÖKLI í
kvöld sýnir Borgarleikhúsið leikrit
Halldórs Laxness, Kristnihald undir
jökli, en tónlistin er í umsjá hljóm-
sveitarinnar Quarashi. Meðal leik-
enda er Árni Tryggvason. Sýningin
hefst kl. 20 og er á stóra sviðinu.
SYNGJANDI í RIGNINGUNNI Leik
ritiö Syngjandi i rigningunni verður
sýnt í kvóld á stóra sviöi Þjóöleik-
hússins . Meðal leikenda í sýning-
unni eru Selma Björnsdóttir og Stef-
án Karl Stefánsson. Sýningin hefst
kl. 20 stundvíslega.
VIUI EMMU 1 kvöld verður leikritiö
Vilji Emmu sýnt á fjölum Þjóðleik-
hússins en verkið er eftir David
Hare. Sýningin hefst stundvíslega kl.
20 og verður sýnt á Smiöaverk-
stæolnu.
Sýningar
ISLENSK MYNDLIST Á 20. OLD
I Listasafni Islands viö Fríkirkjuveg
stendur yfir yfirlitssýningin Islensk
myndlist á 20. öld. Þar eru verk í
eigu safnsins eftir 39 íslenska
listamenn. Sá elsti er Þórarinn B.
Þorláksson og sá yngsti Sigurður
Árni Sigurösson. Safnið er opið alla
daga nema mánudaga frá 11-17 og
sýningin stendur til 15. janúar.
LEITIN AÐ MIÐJU JARÐAR
I Listasafni Reykjavíkur,
Kjarvalsstööum, er sýningin Leitin
að miðju jarðar, sýning tékkneskra
glerlistamanna sem eru meöal
þeirra fremstu í heiminum.
Kjarvalsstaðir eru opnir alla daga
nema miðvikudaga frá 10-19.
Sýningin stendur til 13. janúar.
BENEDIKT í GALLERÍ REYKJAVÍK
Benedikt S. Lafleur sýnir verk sín í
Gallerí Reykjavík, Skólavörðustíg
16.
Hefur stofnað fyrirtækið Handlaginn:
Frá Rauðahafinu í reksturinn
Bíógagnrýni
Svalir gæjar og sæt stelpa
Upphaflega ætlaði hann að verða
læknir. Hætti við og fór í heim-
speki. Þaðan í viðskiptafræði og
með MBA frá Barcelóna fór hann
beint i að stofna fyrirtækið Hand-
laginn sem býður upp á fagþjón-
ustu iðnaðarmanna í ýmsum
greinum. Ýmir Björgvin Arthúrs-
son heitir maðurinn. Skyldi hann
vera handlaginn? „Ja, ég hef unnið
við allt mögulegt, allt frá því að
stjórna skútu I Rauðahafinu til sér-
fræðistarfa í tölvubransanum - en
ég er ekki fagmaður í neinni iðn,“
segir Ýmir, allt að því afsakandi.
„Aftur á móti hef ég ráðið meistara
i mjög mörgum iðngreinum til
starfa hjá fyrirtækinu, svo sem
húsasmíði, pípulögnum, málningu,
múrverki, dúklagningum, rafvirkj-
un og ræstitækni."
Sambíóin - Ocean’s Eleven: ★ ★
Gæðadrifið fyrirkomulag
Handlaginn er eina fyrirtækið
sinnar tegundar hér á landi en að
sögn Ýmis sniðið eftir erlendri fyr-
irmynd. „Við vorum í 3-4 mánuði
að púsla þessu saman, ég og með-
eigandi minn sem er ástralskur og
hefur gríðarlega reynslu af fyrir-
tækjarekstri um allan heim. Sam-
an þróuðum við þessa hugmynd,“
segir hann. Aðalmálið segir hann
vera að hafa módelið þannig að
starfsmennimir geri sitt besta,
þótt þeir séu á ábyrgð annarra.
„Ekki bara til að fyrirtækið græði
á því heldur af því að ef þeir
standa sig njóta þeir hluta ágóð-
ans. Þetta er gæðadrifið.“ segir
hann. Ýmir telur þörf fyrir svona
þjónustu hér á landi og bendir á að
séu menn að byggja hús þurfl þeir
bara að hringja í eitt númer í stað
þess að liggja í símanum allan dag-
inn að eltast við iðnaðarmenn í
hinum og þessum greinum. En
skyldi vinnan ekki verða dýrari
fyrst hún fer i gegn um millilið?
Ekki vill hann meina það. „Eitt af
mínum keppikeflum er að koma
vinnunni á sanngjörnu verði til
neytandans," segir hann.
Sólarlagið glæsilegt við
Rauðahafið
En nú langar blaðamann að heyra
meira um siglingarnar í Rauðahaf-
inu sem Ýmir ympraði á í upphafl
DV-MYND BRINK
Framkvæmdastjórinn
Ýmir Björgvin hefur ótal iönmeistara á sínum snærum.
spjalls. Ekki stendur á því. „Eftir
menntaskólann fór ég til ísraels og
vann þar á samyrkjubúi í tvo mán-
uði við að tína banana og appelsínur
af trjám. Fór svo niður að Rauða-
hafmu og var að vinna á seglskútu í
rúmlega hálft ár. Þetta var stór
skúta eins og við sjáum í sjóræn-
ingjamyndum og var stjómað með
seglunum eingöngu. Við fórum í
dagsferðir með ferðafólk og eitt af
mínum hlutverkum var að grilla
kjúkling handa farþegunum þegar
við léttum akkerum hjá kórallaeyju
við Egyptaland," segir Ýmir og
kveðst eiga góðar minningar frá
þessum tíma. „Sólarlagið er glæsi-
legt við Rauðahafið," segir hann,
dreyminn á svip.
í besta MBA skólanum
Nú er Ýmir spurður aðeins út í
námið. „Ég fór í heimspeki í þeirri
von að fmna svarið við því hvað ég
vildi. Með henni tók ég viðskipta-
fræði sem aukafag og metnaður
minn á þvi sviði varð til þess að ég
sótti um MBA-nám við einkaskóla
sem heitir ESADE og er í Barcelóna.
Skólinn er mjög virtur og nýverið
var hann metinn sem besti MBA-
skólinn í Evrópu af Wall Street Jo-
urnal. Það er erfitt að komast inn í
hann og námið var mjög erfítt en
gríðarlega skemmtilegt og lærdóms-
ríkt. Það liggur við að maður sé með
„heimþrá" núna í skammdeginu,
enda er Barcelóna einhver fallegasta
borg veraldar. Eftir að heim kom
starfaði ég í hugbúnaðarfyrirtæki en
hugurinn hefur alltaf stefnt í þá átt
að byggja upp mitt eigið fyrirtæki."
Yfirbygging í lágmarki
Síðan Handlaginn varð að veru-
leika kveðst Ýmir hafa haft nóg að
gera. „Margir hafa furöað sig á því
að ég hafi stofnað svona fyrirtæki en
sú þjónusta sem Handlaginn býður
upp á er vinningsstaða fyrir alla
sem að málinu koma. Við ætlum að
halda yfirbyggingunni í lágmarki og
láta uppskeruna renna til starfs-
manna, því ánægðir starfsmenn
skila sér í gæðaþjónustu. Hug-
myndafræðin er sótt yfir Atlantshaf-
ið og við höfum fulla trú á því að
hún komi til með að falla í góðan
jarðveg hérlendis." -Gun.
Ocean’s eleven er endurgerð á
samnefndri kvikmynd frá árinu
1960 sem vann sér það helst til
frægðar að vera fyrsta mynd „rottu-
gengisins" - en í því voru töffararn-
ir Frank Sinatra, Sammy Davis jr„
Dean Martin og fleiri góðir. Ekkert
merkilegt hef ég fundið um frum-
myndina í uppflettiritum - hún hef-
ur aðallega gengið út á stóru nöfnin
sem fylltu svo vel út í tjaldið en ekki
söguna sjálfa.
í endurgerð Steven Soderberghs
er heldur ekkert verið að spara stór-
stjörnurnar; Clooney, Pitt, Roberts,
Damon og Garcia saman í einni
mynd, ekki hefur það verið ódýrt.
En sennilega hefur Soderbergh
nokkuð frjálsar hendur eftir síðustu
sigra sína; Erin Brockovich og
Traffic. Oceans eleven er ekki stór-
virki í líkingu þær, en Soderbergh
hefur ef til vill þurft að hvíla sig frá
snilldinni og gert eina ágæta hand-
verksmynd á meðan.
Ocean’s eleven er svöl og
skemmtileg mynd um hinn full-
kommna glæp. Danny Ocean (Cloo-
ney) er nýsloppinn úr fangelsi og er
ekki fyrr kominn út fyrir hlið en
hann er farinn að safna saman (ell-
efu) krimmum fyrir rán aldarinnar;
að ræna samtímis þrjú spilavíti í
Las Vegas sem hinn slimugi Terry
Benedict (Garcia) á. Sá er að auki
óvinsæll hjá Ocean af því hann er
að gera hosur sínar grænar fyrir
fyrrverandi eiginkonu Ocean.
Rán í Las Vegas
George Clooney fyrir miöri mynd í hlutverki Danny Ocean.
Hægri hönd Ocean er töffarinn
Rusty Ryan (Pitt) og með þeim er
samansafn af nytsamlegum mönn-
um eins og tölvusnillingnum,
sprengjusérfræðingnum, liðuga kín-
verjanum, vasaþjófnum, gamla
svindlaranum og fleirum sem eru
ómissandi þegar fremja á hinn full-
komna glæp.
Það er fátt nýtt í Ocean’s eleven.
Ránið höfum við oft séð áður: það er
gífurlega flókið og tímasett, allir
þurfa að vera með hljóðnema í eyr-
anu og hafa alltaf bara nokkrar sek-
úndur til að gera mjög vandasama
hluti. Enda er öryggiskerfið eins og
utan um kjarnorkusprengju, allt út
í geislum, myndavélum, vörðum og
fleiru sem stöðvað gæti hinn harð-
gerðasta bófa en ekki þessa svölu
stráka. Allir eru í réttum fotum og
með allskyns tæki og tól og allir
krimmamir eru ótrúlega klárir og
sætir og það er ekki lögga á plánet-
unni sem á nokkuð í þá.
Clooney er grár í vöngum og sjar-
merandi á sama hátt og Cary Grant
var sjarmerandi og ekki er Julia Ro-
berts minna glæsileg en mót-
leikkonur Grants voru á sínum
tíma. Brad Pitt sýnir enn einu sinni
að hann er megastjama og þarf lítið
annað en að rölta um götur bæjar-
ins til að konur kikni í hnjám. Af-
gangurinn af genginu stendur sig
vel en íjöldi aðalpersóna er helsti
ókostur myndarinnar. Ræningjarn-
ir eru svo margir að áhorfandinn
tengist engum þeirra og þótt maður
vilji vissulega að ránið takist er
spennan aldrei þannig að hárin rísi.
Þrátt fyrir það er Oceans eleven hin
besta skemmtun, enda glæsilega
unnin og áferðarfalleg. Samtölin
eru vel heppnuð og írónísk, hvert
skot er úthugsað og smart, þannig
að glæsilegir aðalleikararnir njóti
sín sem best, tónlistin létt djössuð
og fonkuð sem fer vel við öll svöl-
heitin og Las Vegas sem sviðsmynd
er glitrandi og glæsileg. En næst
viljum við fá meira kjöt á beinunum
frá Soderbergh.
Leikstjórn og kvikmyndataka: Steven
Soderbergh. Handrit: Ted Griffin. Tónlist:
David Holmes. Aðalhlutverk: George
Clooney, Brad Pitt, Julia Roberts, Casey
Affleck, Scott Caan, Don Cheadle, Matt
Damon, Andy Garcia, Elliott Gould, Carl
Reiner og Don Cheadle.