Dagblaðið Vísir - DV - 16.02.2002, Page 24

24
LAUGARDAGUR 16. FEBRÚAR 2002
Helgarblað________________________________________________________________________________________________P'V
Græðgi, ofstopi, morð:
Endasleppt hjú-
skaparafmæli
Frásögn hans var sú að hann hefði
legið á maganum á sjóbretti sem hrað-
báturinn dró og Pegye verið við stýrið
þegar alda skall á bátnum og hefði
hann hringsnúist og stefnt beint á
brettið. Honum hefði tekist að komast
um borð en kona hans var horfm. Eric
leitaði um stund og kafaði til að freista
þess að fmna konu sína en allt kom
fyrir ekki. Hann hélt þá til lands og
tikynnti mannshvarf. Hafln var leit
ofansjávar og neðan og meðal annars
var dvergkafbátur notaður tO að
skyggnast um á hafsbotni. Þyrlur og
herflugvél flugu fram og til baka um
leitarsvæðið en hvergi fannst tangur
eða tetur af horfnu konunni.
Slys á sjó á þessum slóðum eru ekki
óalgeng en lögreglumennimir, sem
rannsökuðu hvarflð, töldu að hér væri
ekki allt með felldu og því meira sem
þeir grófu upp um Eric Bechler þeim
mun meira styrktist grunur þeirra um
að hann hefði átt þátt í hvarfi konu
sinnar. En sönnunargögn voru engin,
ekki einu sinni lik til að staðfesta að
Pegye væri látin.
mmsm
Ósennilegt þótti að Pegye hefði
drukknað. Þótt hún væri orðin 38 ára
gömul og tveggja bama móðir var hún
vel á sig komin til sálar og líkama. í
háskóla var hún meistari í þríþraut og
tók þátt í útsláttarkeppni fyrir Ólymp-
iuleika fyrir Bandaríkin. Meðal greina
í þríþraut er sund. Þótt hún væri
löngu hætt að keppa hélt hún áfram að
stunda æfmgar og var hreystin upp-
máluð. Maður hennar var funm árum
yngri og ágætlega útlítandi en var eft-
irbátur konu sinnar á flestum sviðum.
Mislukkað hjónaband
Þegar eftir að Pegye hvarf vöknuðu
grunsemdir um að maður hennar
hefði orðið henni að bana. Grunurinn
styrktist enn þegar í ljós kom að tveim
mánuðum fyrir hvarf konunnar hafði
Eric líftryggt hana fyrir 2,5 milljónir
dollara og var hann skráður sem
einkaerfmgi líftryggingarinnar. En
þar sem ekkert lik fannst var erfitt að
ákæra hann fyrir morð og var lögregl-
una farið að gruna að hann hefði gefið
upp ranga staðsetningu þegar hann til-
kynnti að frúin hefði fallið útbyrðis.
Auk þess að vera frábær íþrótta-
kona gekk Pegye vel í skóla og útskrif-
aðist úr háskóla í heimaríki sinu,
Nýju-Mexíkó. Þá flutti hún til Kalifom-
iu og setti á stofn líkamsræktarstöð og
brátt átti hún nokkrar slíkar í og um-
hverfis Newport Beach. Þá hitti hún
Eric Bechler. Hann kom á eina
heilsusræktarstöðina til að fá meðferð
við ökklameiðsli. Sameigandi Pegye,
Norma Ballew, sagði siðar að hann
hefði verið staurblankur háskólastúd-
ent en séð tækifæri til að lifa þægilegu
lífl þegar hann kynntist faliegri konu
og vel stæðri sem rak gróðavænlegt
fyrirtæki.
Þau giftust 1992 og Eric fékk starf
hjá fyrirtækinu. En strax frá byijun
kunni hann því illa að eiginkonan
skyldi vera yfirmaður hans. Ballew
sagði að eina ástæðan íyrir því að
hann hóf störf hjá fyrirtækinu hefði
verið að hann var ekki fær um að
vinna annars staðar. Hann haföi enga
starfsmenntun eða reynslu af að vinna
fyrir sér. Hann fór samt þegar í byijun
að skipta sér af rekstrinum með kjána-
legum yflrgangi. Hann fór að reyna
fyrir sér með fasteignabraski og opn-
aði netsíður sem Pegye greiddi fyrir.
Misklíð og riffiidi var algengt meðal
hjónanna, oftast vegna fjármála.
1996 seldi Pegye sinn hlut í heilsu-
ræktinni fyrir 1,6 miiljónir dollara og
keypt var hús við höfhina í Newport
Beach. Daginn sem brúðkaupsafmælið
örlagaríka bar upp á leigði Eric 19 feta
hraðbát og átti nú að hressa upp á
stormasamt hjónabandið. Bömin vora
skilin eftir í umsjá Normu Ballew.
Pegye og Eric Bechler
voru glœsilegt par og
héldu upp á fimm ára
hjúskaparafmœli sitt tvö
ein á hraðbáti úti fyrir
strönd sunnanverðrar
Kaliforníu. Timamótin
bar upp á sunnudaginn
6. júlí 1997. Tvo syni
sína skildu þau eftir í
umsjá vinkonu frúarinn-
ar. Bátinn tóku hjónin á
leigu og lögðu í hann frá
Newport Beach. Tveim
klukkustundum síðar
birtist Eric í bátaleig-
unni og sagði farir þeirra
hjóna ekki sléttar.
Iþróttakonan
Pegye var frábær íþróttakona og trúöi
enginn sem hana þekki aö hún heföi
drukknaö þótt hún dytti útbyröis.
Krókódflatár
Lögreglan var viss um að konan
hafði verið myrt. Venjulega finnst lík
þeirra sem drukkna fljótlega á þessum
slóðum, þau fljóta upp, en Pegye var
hvorki á yfirborðinu né á botni eða í
sjónum þar á milli. Allir vissu hve frá-
bær sundkona hún var og við hesta-
heilsu og að eitihvað var meira en lít-
ið graggugt við hvarf hennar. Á með-
an lögreglan leitaði sönnunargagna
átti syrgjandi ekkiilinn viðtöl við blöð
og kom ffarn í sjónvarpi og endurtók
aftur og aftur hve hræðilegt slys hefði
hent í skemmtisiglingunni í brúð-
kaupsafmælinu. En þeir sem rannsök-
uðu máið sáu ekki annað en krókódíla-
tár hrynja af hvörmum hins sorg-
mædda.
Ekki leið á löngu þar til kvenna-
ljóminn var aftur kominn á kreik og
nú með fyrirsætu og kvikmynda-
leikkonu sem tjaldaði óspart hæfileik-
um sínum og leikrænum likamsvexti
fýrir ff aman myndavélar en dramatísk
túlkun var henni að öðra leyti ofúrefli.
Þau hittust í veislu og löðuðust þegar í
I hlutverki
Upphafssena í einni af myndum Tinu.
Æskugleðí
Pegye á þeim árum sem hún var
meistari í þríþraut og keppti í úr-
tökumóti fyrir ólympíuleika.
stað hvort að öðra. Tina New sagði
vini sínum síðar að hún laðaðist eink-
um að karlmönnum sem lifðu glanna-
legu lífi á mörkum borgaralegs siðgæð-
is. Eric aftur á móti sagði sínum vin-
um að Tina væri hin fullkomna ást-
kona sem lifði fyrir kynmök.
Brátt flutti Tina heim til Erics en
tengdaforeldrar hans tóku bömin tvö
að sér. Skötuhjúin lifðu hátt og leið
tíminn í sífelldri veislu. Vinir Tinu úr
glansheimi tísku, lélegra kvikmynda
og kláms vora tíðir gestir á heimilinu.
Samband þeirra stóð fram til ársins
1999 og einkenndist af glaumi og eitur-
efnanotkun. Þau vora farin að rífast
heiftarlega og lokst skildi Tina við Eric
eftir að hann lúbarði hana.
Þegar hún iagði ffam kæra á hend-
ur honum fyrir ofbeldi og líkamsmeið-
ingai' sá lögreglan sér leik á borði og
var hún spurð hvort hún hefði ein-
hverja hugmynd um með hvaða hætti
kona Erics fyrrverandi hefði látist.
Glæsimenniö
Eric Becler var bráðmyndarlegur og
mikill kvennaljómi en staðfestulítill
ónytjungur.
Hún sagði að elskhuginn og sambýlis-
maðurinn hefði ekki sagt beinlínis að
hann hefði myrt hana en eftir að hann
fór að sýna sér ofbeldi og berja hana
hefði hana farið að gruna margt.
Andlegt ofbeldi
Tina féllst á að láta lögregluna
festa á sig hleranarbúnað og reyna að
fá Eric til að segja sér hvernig hvarf
Pegye hefði borið að. Þau hittust í
veitingahúsi og smám saman tókst
Tinu að fá manninn til að skýra frá
hvað gerðist í brúðkaupsafmælinu.
Þegar þau hjónin vora komin alilangt
frá ströndinni hafði Eric hellt eins
miklu kampavini í konu sína og hún
frekast vildi taka við til að sljógva
hana. Að þvi kom að hún dottaði og
lét hann þá til skarar skríða. Hann
tók með sér lítil lyftingalóð og nú
keyrði hann eitt þeirra í höfuð konu
sinni,
Á 90 mínútna segulspólu sem lög-
reglan fékk i hendur vora fullgildar
játningar og sitthvað fleira um samlíf
þeirra og Tina ræddi fijálslega um af-
hjúpandi störf sín fyrir framan
myndavélar. Eric lýsti erfiðu hjóna-
bandi og sagði að enginn maður hefði
getað þoiað yfirlæti og það andlega of-
beldi sem Pegye sýndi honum. Hefði
hann fýrir löngu verið búinn að ráð-
gera að koma henni fýrir kattamef en
ekki látið verða af því fyrr en í brúð-
kaupsafinælinu. En þá stóð skilnaður
þeirra fýrir dyrum hvort sem var.
Morðinginn hrósaði sér af þvi hve
vel hann hefði falið slóð sína og plat-
að lögregluna. Hann gaf upp ranga
staðsetningu og var aldrei leitað á
þeim slóðum þar sem harrn kastaði
líkinu í sjóinn og batt nokkur lyft-
ingalóð við svo að ekki flyti upp. Eric
var ákærður og við yfirheyrslur bar
hann að allt væri það lygi sem hann
hefði sagt Tinu og hún tók upp á
band. Sagðist hann aðeins hafi veriö
aö segja henni það sem hún vildi
heyra og hefði það æst hana upp og
hefðu þau notið ástaleikja i kjölfarið.
Hann bætti við að hann hefði verið
raglaður af e-piiluáti þegar hún tók
játningar hans upp á band og afhenti
lögreglunni.
Eric Blecler var ekki eins klár og
hann hugði þvi að hann fékk aldrei
eyri af líftryggingunni sem átti að
gera hann ríkan. Tryggingafélög
greiða ekki út líftryggingu nema dán-
arvottorð liggi fyrir og það var ekki
hægt að gefa út vegna þess hve morð-
inginn var slyngur að fela slóð sina
og lík hinnar myrtu.
Hann var fundinn sekur um morð
að yfirlögðu ráði og dæmdur í lífstíð-
arfangelsi og hefur ekki heimild til að
sækja um náðun.
Tina Now heldur áfram í leiklist-
inni og geta þeir sem áhuga hafa á
listrænni tjáningu hennar keypt sér
spólumar Baywatch Nights og Siik
Stalkings ef þeir vilja kynnast hæfi-
leikum hennar nánar.
mmm
Milljónamæringur?
Sakamaður sem dæmdur var í
langa fangelsisvist í Brunswick í
Georgíufylki vann 31 milljón doll-
ara í lottói. Undanfarin ár hefur
hann verið í reynslulausn og því
frjáis ferða sinnan innan tilskilinna
takmarka.
En þrátt fyrir að vera orðinn
margfaldur milljónamæringur verð-
ur hann að strita á lágum launum
allt þangað til hann hefur afplánað
dóminn. Skilorðinu fylgir nefnilega
sú kvöð að hann verði að hafa fasta
vinnu og ef hann svíkst um að
mæta verður honum stungið inn
aftur.
Forfærði piltana
í Oklahoma
situr kona á
fertugsaldri í
fangelsi fyrir
að forfæra
unglinga. Hún
bauð krökk-
um á aldrin-
um 12 til 16
ára til bjór-
drykkju á
heimili sínu
og kenndi þeim skemmtilegan leik
sem hún nefndi sannleikinn og að
þora. Leikreglur voru að drekka
bjór og fara úr fótunum.
Stúlka ein sagði fyrir rétti að sú
fullorðna hefði leikið sér að því að
berhátta og taka stráka inn í svefn-
herbergi með sér. Hún var líka seig
að fá stelpurnar til að fara úr í bjór-
veislunum og var kærð fyrir það
líka. Engum sögum fer af því hvaða
leiki konan kennir samföngum sín-
Myrti karlinn og var sýknuð
Kona i Birmingham í Englandi
var sýknuð af morði eiginmanns
síns þótt hún viðurkenndi að hafa
stungið hann hnífi í brjóstið með
skaðvænlegum afleiðingum. Hún
drap karlinn árið 1999 en þau höfðu
verið gift síðan 1979. Allan tímann
sýndi maðurinn konu sinni andúð
og ofbeldi og kvaldi hana á ýmsan
hátt með yfirgangi og barsmíðum.
Hann hafði samt tíma til að gera
henni börn og áttu þau tvö. Konan
varð þunglynd og miður sín og gafst
lokst upp á hjónabandinu og flutti
að heiman. Eftir nokkurra mánaða
fjarveru bankaði hún upp á hjá
karlinum, sem bjó á gamla heimil-
inu, til að ræða við hann um skiln-
að að lögum. Hnn brást hinn versti
við og þegar hún ætlaði að yfirgefa
húsið ærðist hann og réðst á kon-
una. Hún greip þá hnif sem var við
höndina og stakk honum 1 öxlina á
kvalara sinum.
Dómurinn taldi að ekki hefði ver-
ið um viljaverk að ræða og hefði
konan ekki ætlað að myrða mann-
inn. Einnig var tekið tillit til and-
legs ástands hennar. Var hún því
sýknuð.
Umsvifamikill morðingi
Einn dug-
legasti
fjöldamorð-
ingi sögunn-
ar var Úkra-
ínumaðurinn
Anatoly
Onoprienko
sem myrti 52
manneskjur.
Það tók dóm-
arann tvo sól-
arhringa að
lesa ákæru-
skjaldið áður
en hann
dæmdi mann-
inn til dauða. Vörn hans var sú að
dimm öfl hefðu skipað honum að
fremja morðin og hefði hann ekki
verið sjálfráður gerða sinna.
Félagi hans, Rogozin, aðstoðaði
við 13 morðanna. Eftir morðin
rændu þeir þá sem eitthvað áttu.
Morðæðið rann fyrst á Anatoly
árið 1989 en þá myrtu þeir félagar 9
manns. En á sex mánaða tímabili,
1995-1996, myrti Anatoly 43 mann-
eskjur. Þá var hann 39 ára. Rogozin
hlaut 13 ára fangelsisdóm fyrir sinn
þátt í óhæfuverkunum.