Dagblaðið Vísir - DV - 12.02.2003, Blaðsíða 2

2
MIÐVIKUDAGUR 12. FEBRÚAR 2003
Fréttir DV
Þjónustutekjur íslandsbanka, Landsbanka og Búnaðarbanka:
Hafa aukist um 277%
á síðustu 10 árum
Þjónustutekjur bankanna hafa
stóraukist á síðasta áratug. Bank-
arnir veita viðskiptamönnum sín-
um ýmsa þjónustu og hafa af því
góðar tekjur. Undir þjónustutekjur
falla liðir eins og ráðgjöf til
einkstaklinga og fyrirtækja, eigna-
stýring og fyrirtækjaþjónusta. Bank-
amir hafa einnig undir þessum lið
t.d. tekjur af verðbréfaviðskiptum
og ráðgjöf, greiðslumiðlun, útlánum
og ábyrgðum og erlendum viðskipt-
um. Þjónustutekjur íslandsbanka,
Landsbanka og Búnaðarbanka
námu samtals 11,9 milljörðum
króna á árinu 2002. Þjónustutekjur
íslandsbanka námu 4,3 milljörðum
króna en höfðu lækkað um 182 millj-
ónir króna milli ára. Þjónustutekjur
Landsbanka námu tæpum 4,1 millj-
aröi króna og höfðu aukist um 13%
milli ára og munar þar mestu um
tekjur vegna verðbréfaviðskipta,
greiðslukorta og erlendra viðskipta,
og Búnaðarbanka 3,5 milljörðum
króna og höfðu aukist um 799 millj-
ónir frá árinu 2001, eða um 29%
Á síðasta ári nam hagnaður bank-
anna þriggja alls 9,4 milljörðum
Hagnaöur/tap bankanna eftir skatta
króna fyrir skatta, var 2,7 milljarðar
króna hjá Búnaðarbanka, 2,5 millj-
arðar króna hjá Landsbanka og 4,2
milljarðar króna hjá íslandsbanka.
Hagnaöur bankanna eftir skatta
nam 7,7 milljörðum króna. Hreinar
vaxtatekjur bankanna námu 23,9
milljörðum króna.
Þjónustutekur 4,6 milljarðar
króna árið 1997
Fyrir fimm árum, eða árið 1997,
námu þjónustutekjur bankanna
samtals 4,6 milljörðum króna. Þjón-
ustutekjur íslandsbanka námu þá
1,6 milljörðum króna og höfðu auk-
ist lítillega milli ára, Landsbanka
1,9 milljörðum króna og höfðu
einnig lítillega hækkað milli ára og
Búnaðarbanka liðlega 1,1 milljarði
króna og höfðu einnig aukist lítil-
lega milli ára. Þjónustutekjur bank-
anna hafa aukist 2,5-falt á siðustu 5
árum, eða um 258%.
Árið 1997 nam hagnaður íslands-
banka 1.046 milljónum króna,
Landsbanka 326 milljónum króna og
Búnaðarbanka 137 milljónum króna
eða alls um liðlega 1,5 milljörðum
króna.
Rekstrartap á árinu 1992
Fyrir 10 árum, eða árið 1992,
námu þjónustutekjur íslandsbanka
1,4 miiljörðum króna, Landsbanka
1,9 milljörðum króna og liðlega ein-
um milljarði króna hjá Búnaðar-
banka, eða alls 4,3 milljörðum
króna.
Rekstur bankanna gekk hins veg-
ar illa þetta ár. íslandsbanki var
árið 1992 rekinn meö 176 milljóna
króna tapi eftir skatta en 255,7 millj-
óna króna tapi fyrir skatta, Lands-
banki með 2,7 milljarða króna tapi
en 65,8 milljóna króna hagnaði fyrir
Þjónustutekjur bankanna
skatta og Búnaðarbanki með 31,5
milljóna króna tapi en 2,6 milljóna
króna hagnaði fyrir skatta. Tap
bankanna þetta ár nam því alls um
2,9 milljörðum króna árið 1992.
Þjónustutekjur íslandsbanka,
Landsbanka og Búnaðarbanka juk-
ust aðeins um 6% milli áranna 1992
og 1997, en á 10 ára bili, frá árinu
1992 til 2002, jukust þjónustutekjum-
ar um 277%! Á sama tíma hefur hag-
ur bankanna farið hægt og sígandi
batnandi. T.d. er afkoma Búnaðar-
banka á árinu 2002 ein sú besta í
sögu bankans og ein mesta arðsemi
viðskiptabanka á íslandi. -GG
Læknar á Suðurnesjum:
Ráðningarvið-
ræður í gangi
Viðræður standa nú yfir milli Heil-
brigðisstofnunar Suðumesja og
lækna um ráðningu þeirra síðar-
nefndu að stofnuninni, að sögn Sig-
ríðar Snæbjömsdóttur framkvæmda-
stjóra. Erfitt ástand varð við heilsu-
gæsluna í kjölfar uppsagnar allra
heilsugæslulækna sem störfuðu þar.
Starfsemin er nú í viðunandi horfi,
að sögn Sigríðar.
Um síðustu mánaðamót var ráðinn
nýr heilsugæslulæknir í Grindavík.
Þá hefur verið ráðinn krabbameins-
læknir við sjúkrahúsið og heilsugæsl-
una á Suðumesjum. Loks hefur verið
ráðinn í hlutastarf sérfræðingur í
innkirtlasjúkdómum. Næringarráð-
gjafi hefur verið ráðinn í hlutastarf,
svo og einn hjúkrunarfræðingur til
ráðgjafar- og verkefnastarfa.
Þrír heilsugæslulæknar starfa við
heilbrigðisstofnunina í dag. Sigríður
sagði að hklega yrðu þeir læknar
sem ráðnir yrðu til viðbótar fremur á
sviðum sérfræðinga. Hins vegar væri
gleðilegt ef fleiri heilsugæslulæknar
sæktu um starf hjá stofnuninni.
„Það hefúr raunar aldrei verið
hægt að segja að það ríkti neyðar-
ástand við stofnunina," sagði Sigríð-
ur. „Við veitum skjóta afgreiðslu
miðað við t.d. Reykjavík þar sem bið-
tími getur orðið margir dagar eða
jafnvel vikur. Við sinnum öllum sam-
dægurs þótt fólk geti þuft að bíða í
einhverjar klukkustundir. Starfið
gengur vel miðað við aðstæður.“ -JSS
DVA1YND MS
Sviptlvindasamt
Talsvert hefur boriö á því að tengivagnar hafi fokiö á hliöina í vindsperringnum sem gengiö hefuryfir landiö á síöustu
dægrum. Fram á þennan bíl ók tíöindamaöur blaðsins í Öxnadalnum í gærdag en þar rauk vindur á tíðum yfír 25
metra á sekúndu i verstu hviöunum. Enginn slasaðist í þessu óhappi.
Keikó tilbúinn á síldveiðar
- 31 árs líffræðingur úr Borgarfirði gætir Keikós í Taknesfirði í Noregi
Keikó unir sér hið besta hjá
Norðmönnum og er þessa dagana
að búa sig undir að fara á síld
undan strönd Mæris. Keikó er þar
undir umsjón þeirra Colins Bairds
og Þorbjargar Valdísar Kristjáns-
dóttur, 31 árs líffræðings úr Borg-
arfirði. Hún starfaði í Húsdýra-
garðinum í Reykjavík en hóf störf
í mars í fyrra með Keikó. „Hér
bíðum við og leggjum af stað strax
og fréttir berast af háhyrningum í
síldartorfunum,“ sagði Baird í
gærdag, en þá var Þorbjörg í fríi
og hafði brugðið sér úr einsemd-
inni í Taknesfirði í Halsa. þar sem
hvalurinn unir sér vel og er í góðu
formi. Baird segir að Þorbjörg
Valdís nái sérlega góðu sambandi
við Keikó og starf hennar sé mik-
ilvægt
Við strönd Mæris hefur fyrsta
síldin þegar fundist og eftir eina
til tvær vikur verður vertíðin
komin á fullan skrið að sögn Af-
tenposten í gær. Síldinni fylgja
heilu hóparnir af háhymingum.
Þorbjörg og Keikó
Þorbjörg Valdís Kristjánsdóttir líf-
fræöingur, annar tveggja gæslu-
manna Keikós og kannski sá
síöasti.
Reynt verður að koma Keikó í
kynni við þessa ættingja sína.
Ætlun Free Willy-verkefnisins var
einmitt að gera þennan tamda
hval aftur að villtum háhyrningi.
Norðmenn telja að ganga vorsíld-
arinnar skapi bestu möguleikana
á að Keikó samlagist villtri nátt-
úru á ný.
„Keikó kom okkur á óvart í
fyrra þegar hann dvaldi með öðr-
um háhyrningum í margar vikur
áður en hann kom hingað til Nor-
egs,“ sagði Baird. „Ég veit ekki
hvort ég á að vera bjartsýnn á
framhaldið, þetta er spurningin
um hvort hann kýs að koma aftur
með okkur eða verður áfram með
öðrum háhyrningum," sagði
Baird í gær. Ef Keikó kýs seinni
kostinn verður reynt að fylgjast
með honum úr fjarlægð einhvern
tíma. En svo kann að fara að þessi
frægasti hvalur síðari tíma hverfi
sjónum manna og hætti að vera
fréttamatur.
„Strax og við fáum fregnir frá
bátum við norðurströndina um að
háhyrningar séu í síldarvöðunum
þá fórum við út með Keikósegir
Frank Hávik frá Free Willy-sam-
tökunum í samtali við Aftenpost-
en í gær. Frá Taknesfirði út á haf-
svæðið norður af eynni Smöla þar
sem síldarmiðin eru gjarnan er
aðeins stutt sigling. Eyja þessi er
um 80 kílómetra vestur af Þránd-
heimi og stutt frá fiskibænum
Kristianssundi. -JBP
Ný plata væntanleg
Björk Guðmunds-
dóttir mun langt
komin með vinnslu
nýrrar breiðskífú
sem kvað bera nafn-
ið Lake Experience.
Útgáfudagur hefur
þó ekki verið ákveð-
inn en fyrirhugað
mun að platan komi út á sumardög-
um en þá heldur söngkonan í tón-
leikaferðalag um Evrópu. mbl.is
greindi frá.
Skipuð forstöðumaður
Laufey Guðjónsdóttir hefur verið
skipuð í embætti forstöðumanns
Kvikmyndamiðstöðvar íslands. Hún
tekur við starfmu í næstu viku en
skipunin er til fimm ára. Alls sóttu
17 um starfið en einn dró umsókn
sína til baka. Laufey hefur síðustu
þrjú árin gegnt starfi dagskrárstjóra
hjá RÚV. Laufey hefur BA-gráðu í
kvikmyndafræðum og spænsku.
Gefur kost á sér
Björgólfur Guðmundsson mun
ætla að gefa kost á sér í bankaráð
Landsbankans fyrir hönd Samsonar
eignarhaldsfélags ehf. Aðalfundur
bankans fer fram á fóstudag. mbl.is
greindi frá.
Aöstoð til atvinnulausra
Um 46% af útgjöldum Reykjavík-
urborgar til íjárhagsaðstoðar á liðnu
ári ruimu til fólks sem er atvinnu-
laust. Útgjöld vegna þessa mála-
flokks jukust um 41% á milli áranna
2001 og 2002.
Minna greiðslumark
Greiðslumark mjólkur á næsta ári
verður að líkindum um 103 til 104
milljónir lítra - en það er um
2,1-2,8% minna en á yfirstandandi
ári. Mjólkurkvótinn eða greiðslu-
markið nú er um 106 milljónir lítra.
Fær þakkir
Náttúruunnendur
færðu Jóni Krist-
jánssyni heilbrigðis-
ráðherra mynd af
Þjórsárverum sem
þakklætisvott fyrir
nýlegan úrskurð
vegna Norðlinga-
ölduveitu. Myndin
er eftir Þóru Ellen Þórhallsdóttur en
auk þess fékk ráðherra 56 náttúru-
lífsþætti eftir Magnús Magnússon
kvikmyndagerðarmann. Magnús bað
ráðherra að færa Bamaspítala
Hringsins þættina.
Fáar konur forstöðumenn
Engin kona gegnir embætti for-
stöðumanns í sjö af fjórtán ráðu-
neytum. í hinum sjö eru konur í
embættum forstöðumanna í miklum
minnihluta. Þetta kemur fram í
skýrslu sem nefnd á vegum ríkis-
stjómar íslands hefur unnið um
jafnrétti kynjanna við opinbera
stefhumótun.
Vill endurskoða samning
Alcan í Straumsvík hefur óskað
eftir að skattasamningur fyrirtækis-
ins við stjómvöld verði endurskoð-
aður. Fyrirtækið fer fram á sömu
kjör og Alcoa býðst vegna fyrirhug-
aðs álvers í Reyðarfirði. Samkvæmt
samningi frá 1995 greiðir Alcan 33%
tekjuskatt en í samningum við
Alcoa mun kveðið á um 18% tekju-
skatt. -aþ