Dagblaðið Vísir - DV - 12.02.2003, Blaðsíða 4
4
MIÐVIKUDAGUR 12. FEBRÚAR 2003
DV
Fréttir
Fjórir Pólverjar hafa setið í haldi á þriðja mánuð - einn talinn hættulegur:
Eftirlýstur vegna nauðg-
unar og vopnaburðar
- er einnig með sakaferil í Bandaríkjunum - óvissa um brottvísun og framsal
Fjórir Pólverjar hafa setið í
gæsluvarðhaldi allar götur síðan í
byrjun desember en þeir hafa nú
verið ákærðir fyrir tvö innbrot.
Ekki sitja þeir inni vegna þess að
almannahagsmunir krefjist þess
eða að lögregla þurfl á slíku að
halda meðan hún rannsakar af-
brot þeirra heldur þar sem talið er
að þeir muni stinga af úr landi og
komast hjá refsingu. Á hinn bóg-
inn er ljóst að þeir eru að öllum
líkindum löngu búnir að taka út
refsingu sína þar sem sakamenn á
íslandi sem fremja tvö innbrot
fást tæplega dæmdir í meira en
tveggja mánaða fangelsi - a.m.k.
ekki óskilorðsbundið. En sökum
þess að héraðsdómari getur ekki
tekið mál þeirra fyrir fyrr en í
næstu viku verða fjórmenningam-
ir í það minnsta að sitja inni þang-
að til. Þá verður ákæra á hendur
þeim þingfest. Ef mennimir neita
sök - það er að hafa brotist inn í
sölustaðinn Vegamót á Snæfells-
nesi og gististaöinn Böðvarsholt í
sömu sveit, auk þess aö hafa tekið
tvo bíla traustataki - þá er ljóst að
lögreglan fer fram á að þeir sitji
inni enn um sinn, það er þangað
til aðalmeðferð með vitnaleiðslum
og málflutningi lýkur. Þeir eru
ákærðir fyrir að hafa stolið verð-
mætum upp á meira en eina millj-
ón króna í Böðvarsholti en minna
á Vegamótum.
Meira samstarf nauðsynlegt
Einn af Pólverjunum, tæplega
fimmtugur maður, er eftirlýstur af
Interpol. Það er í tengslum við
brot þar sem um vopnaburð,
nauðgun og líkamsrárás er að
ræða; mjög alvarlega háttsemi
sem átti sér stað í heimalandinu,
Póllandi. Þessi maöur er einnig
með sakaferil í Bandaríkjunum.
Hinir þrír Pólverjarnir eru 22ja,
25 og 38 ára karlmenn en einn
þeirra hefur brotið af sér í Dan-
mörku.
Óttar Sveinsson
blaöamaður
Georg Lárusson, forstjóri Út-
lendingaeftirlitsins, sagði við DV
að búast mætti við að ef mennirn-
ir fjórir yrðu dæmdir fyrir alvar-
legar sakir yrði þeim vísað úr
landi. Hins vegar hefði embætti
hans ekki verið gert kunnugt um
málið, a.m.k. ekki enn þá.
Lögreglustjóraembættið í
Reykjavík, sem annast ákæruvald
í máli Pólverjanna, hefur enga af-
stöðu tekið til þess enn þá hvem-
ig málum verður háttað eða hvaða
kröfur verða settar fram vegna
hinna ákærðu. Georg sagði að í
raun þyrfti að vera meira sam-
starf milli Útlendingaeftirlitsins
og ákæruvaldsins þegar um mál
sem þessi væri að ræða. Sam-
kvæmt upplýsingum lögreglu hafa
Pólverjar, svo dæmi sé tekið, ekki
farið fram á það enn þá að framan-
greindur maður, sem er eftirlýst-
ur, verði framseldur. Því er ljóst
að réttaróvissa ríkir um það hvað
um hann verður. -Ótt
Fyrsta. almenna vetnisáfyllingarstöð heimsins
veröur opnuö hjá Shell-bensínstööinni viö Vesturlandsveg á sumardaginn fyrsta. Framkvæmdir viö stööina eru nú í
fullum gangi.
ísland í forystuhlutverki í notkun nýs orkugjafa:
Fyrsta almenna vetnis-
áfyllingarstöð heimsins
- verður opnuö í Reykjavík á sumardaginn fyrsta
Kárahn j úkavirk j un:
Fékk 3,5 millj-
arða aukaverk
sem bónus
Stjórn Landsvirkjunar hefur
samþykkt að heimila forstjóra
fyrirtækisins að undirrita og af-
henda ítalska verktakafyrirtæk-
inu Impregilo veitingabréf fyrir
gerð Kárahnjúkastíflu og aðveitu-
ganga Kárahnjúkavirkjunar.
Samningar um verkin verða und-
irritaðir í kjölfarið af undirritun
orkusölusamnings Landsvirkjun-
ar og Alcoa í mars. Þetta kom
fram í Viðskiptablaðinu er kom
út í morgun.
Samningurinn við Impregilo er
í samræmi við tilboð verktakans
í framkvæmdirnar. í heild er
samningsupphæðin, svipuð til-
boði Impregilo, að teknu tilliti til
breytinga, aukaverka og aðlögun-
ar ýmissa atriða, bæði til hækk-
unar og lækkunar. Heildarupp-
hæð samningsins er 38 milljarðar
án virðisaukaskatts. Landsvirkj-
un tekur frávikstilboðum sem
fela í sér að notaðar verða þrjár
gangaborvélar í stað tveggja og
að gerð verða víðari göng fyrir
framhjárennsli Jöklu á stíflustæð-
inu á framkvæmdatíma.
Samið hefur verið um að
Impregilo vinni sem aukaverk
heilboraðan hluta veituganga fyr-
ir Jökulsá í Fljótsdal yfir í að-
veitugöngin, samtals tæplega 10
km af um 14 km veitugöngum.
Samningsupphæðin er rúmir 3,5
milljaröar króna. Að sögn Þor-
steins Hilmarssonar, upplýsinga-
fulltrúa Landsvirkjunar, var það
mat þeirra að þetta verk þyrfti
ekki að fara í útboð þótt það
hefði ekki verið í upphaflega út-
boðspakkanum. Samiö hefði verið
á grundvelli fyrra tilboðs ítal-
anna en þá kom fram að ekki
treystu margir sér til að bjóða í
þessi borunarverk. -VB
Á sumardaginn fyrsta, 24. apríl,
verður opnuð í Reykjavík fyrsta
vetnisáfyÚingarstöð heims fyrir al-
menn ökutæki. Vinna við gerð
stöðvarinnar er í fullum gangi á lóð
Skeljungs við Vesturlandsveg. Stöð-
in er hluti af samstarfsverkefni ís-
lenskrar NýOrku ehf.,
DaimlerChrysler og fleiri erlendra
aðila um vetnissamfélag á íslandi.
Verður hún með búnaði frá Norsk
Hydro til að kljúfa vetni úr vatni
með rafgreiningu.
íslensk stjómvöld ákváðu 1998 að
taka þátt í þessu verkefni og að
sögn Jóns Björn Skúlasonar, fram-
kvæmdastjóra íslenskrar NýOrku
(New Energy Ltd), hefur mjög verið
horft til framsýni íslendinga í þess-
um málum víða um heim.
í tengslum við opnun vetnis-
stöðvarinnar verður haldin ráð-
stefna um notkun og dreifikerfi
vetnis. Verður hún undir fyrirsögn-
inni: „Að gera vetni aðgengilegt
fyrir almenning." Þá mun við opn-
un stöðvarinnar verða tekin í notk-
un fyrsta vetnisknúna bifreiðin hér
á landi. Verður þar um að ræða
Mercedes-Benz sendibifreiö af
Sprinter-gerð. Jón Bjöm segist von-
ast til að þrír vetnisknúnir strætis-
vagnar komi síðan til landsins síð-
sumars og verði þá líklega teknir í
notkun 1. september.
Mikill kraftur hefur verið í þró-
un efnahverfla sem nota vetni sem
eldsneyti í stað hefðbundinna bens-
ín- og dísilvéla. Evrópubúar og Jap-
anar hafa verið þar í forystu og nú
hafa Bandaríkjamenn blandað sér í
þann hóp í kjölfar nýlegra yfirlýs-
inga bandarískra stjórnvalda.
Bandaríkjamenn koma þó inn á
talsvert öðrum forsendum en aðrar
þjóðir þar sem þeir horfa fyrst og
fremst til þess að koma í veg fyrir
að verða stöðugt háðari aðkeyptu
olíueldsneyti. Aðrar þjóðir hafa
hins vegar fram undir þetta litið á
vetnið sem ákjósanlegan kost til að
minnka mengun frá ökutækjum í
borgum.
Jón Björn segir að verkefnið nú
byggist á að sanna að vetni geti
gengið í almennri notkun. „Sam-
tímis erum við að vinna að samfé-
lags- og efnahagsrannsóknum. Við
erum að skoða hvemig þjóðfélagið
muni taka vetni sem orkugjafa,
hvaða áhrif þetta muni hafa efna-
hagslega á land og þjóð. Einnig
erum við að skoða möguleika á út-
flutning og fleira."
Eldsneytisframleiðsluríkið
- Er líklegt að ísland verði elds-
neytisútflytjandi?
„Við teljum raunhæfa möguleika
í framtíðinni á að flytja út vetni.
Við gætum t.d. skaffað vetni á
stærstan hluta bílaflota Danmerkur
og keyrt nokkurra milljóna manna
samfélag héðan frá íslandi.
Við höfum reiknað út hvað við
þurfum mikla raforku til að knýja
alla bíla og öll skip á íslandi með
vetni. Það er svona svipað og ein
Kárahnjúkavirkjun og orka fyrir
eitt álver. Það er aðeins brot af okk-
ar möguleikum tfi raforkufram-
leiðslu. Öll orkufyrirtækin hérlend-
is eru þátttakendur í þessu verk-
efni og eru á fullu að kortleggja
hvaða áhrif þetta gæti haft á raf-
orkukerfiö og uppbyggingu þess.
Þetta vetnisverkefni snýst því
um miklu meiri hagsmuni en fólk
gerir sér almennt grein fyrir. Hér
er bæði um efnahagslegt mál að
ræða og einnig hvað varðar það að
íslendingar verði sjálfum sér nægir
í orkumálum. Þama gæti því orðið
um gríðarlegan gjaldeyrisspamað
að ræða,“ segir Jón Bjöm Skúla-
son. -HKr.
Ingibjörg Sólrún Gísladóttir.
SUS:
Fordæmir mál-
flutning Ingi-
bjargar Sólrúnar
Stjóm Sambands ungra sjálf-
stæðismanna fordæmir málflutn-
ing Ingibjargar Sólrúnar Gísladótt-
ur á flokksstjómarfundi Samfylk-
ingarinnar sl. sunnudag. í ályktun
sem SUS hefur sent frá sér segir
að borgarfulltrúinn hafi látið að
því liggja að forsætisráðherra
hefði staðið fyrir rannsóknum lög-
reglu og skattyfirvalda hjá tiltekn-
um fyrirtækjum og einstaklingum.
„Þessar aðdróttanir em með
öllu órökstuddar og beinast ekki
aðeins að forsætisráðherra heldur
einnig starfsheiðri lögreglumanna
og starfsfólks embættis Skattrann-
sóknarstjóra. Árlega sæta tugir ís-
lenskra fyrirtækja rannsókn af
hálfu yfirvalda, svo sem skattyfir-
valda, lögreglu eða Samkeppnis-
stofnunar og gefur ekki tilefni til
ásakana um valdníðslu. Er með
miklum ólíkindum að stjómmála-
maður sem vill láta taka sig alvar-
lega skuli byggja málflutning sinn
á tilhæfulausum dylgjum og rætn-
um kjaftasögum sem eru fyrst og
siðast sprottnar úr hennar eigin
herbúðum."
Krefjast ungir sjálfstæðismenn
þess að Ingibjörg rökstyðji mál sitt
eða biðjist ella afsökunar. -HKr.
Jóhanna B. Magnúsdóttlr.
VG í Suðvesturkjördæmi:
Jóhanna B.
Magnúsdóttir í
fyrsta sæti
Á fundi kjördæmisráðs Vinstri-
hreyfingarinnar - græns fram-
boðs í Suðvesturkjördæmi, sem
haldinn var í Kópavogi í gær, var
kynnt tillaga uppstillingarnefndar
að framboðslista flokksins.
Þar er í 1. sæti Jóhanna B.
Magnúsdóttir umhverfisfræðing-
ur, í 2. sæti Þórey Edda Elísdóttir
verkfræðinemi, í 3. sæti Ólafur
Þór Gunnarsson læknir, í 4. sæti
Sigmar Þormar félagsfræðingur, í
5. sæti Jón Páll Hallgrímsson ráð-
gjafi, í 6. sæti Oddný Friðriks-
dóttir hagfræðinemi, í 7. sæti
Anna Ólafsdóttir Björnsson sagn-
fræðingur og í 10. sæti Jens
Andrésson vélfræðingur. í síð-
ustu tveim sætum listans eru
Arnþór Helgason, framkvæmda-
stjóri Öryrkjabandalagsins, og
Kristín Halldórsdóttir, fram-
kvæmdastjóri VG. -HKr.
Hannestapaði
Hannes Hlífar Stefánsson tap-
aði annarri skákinni gegn Sergei
Movsesian sem tefld var í gær.
Hannes er því 2-0 undir. Hannes
hafði hvítt og eins og í fyrstu
skákinni var tefld sikileysk vöm.
Skákin var flókin en Hannes lék
ónákvæmt í 17. leik og fékk verra
pg mátti gefast upp eftir 34 leiki.
í dag mun Helgi Áss Grétarsson
jafnframt reyna við íslandsmótið
í blindskák og hefst það kl. 16.30
eða hálftíma fyrr en sjálf skák
Olís-einvígisins. í gær tefldu
einnig Bragi Þorfinnsson og Am-
ar E. Gunnarsson gegn tölvufor-
ritinu Tiger 15 og töpuðu. -HK